OKHURULA 37
37
Okhukaasia lisanduku liamalako
1Bezaleli yakaasia lisanduku liamalako okhurula khumusaala kwomupeli. Oburambi bwalio bwali tsisendimita eshikhumi shilala nende ekhumi, ne obuchiikha bwali tsisendimita amakhumi kasasaba nende tsisasaba, nabwo oburambi bwosi bwali tsisendimita amakhumi kasasaba nende tsisasaba 2Yalifuunikha nende itsahabu inzeleleshe liosi ikulu nende mukari, mana khululika lwalio khandi narakhwo itsahabu. 3Mana nakaasia tsingara tsine etsieitsahabu etsiokhuchinjilanga lisanduku elo ne nara buli ndala khubuli likulu. Nara tsingara etsio khumakulu kelisanduku elo koosi kane. Mana tsibili nitsiba elubeka undi natsio tsibili nitsiba elubeka undi. 4Mana nakaasia tsinyanzo tsine etsiokhulichinga, yatsikaasia okhurula khumusaala okwomupeli, ne natsifuunikha nende itsahabu, 5mana niyenjisia buli lulala mutsingara etsiali mumbafu welisanduku khulwa okhulichinga. 6Nakaasia eshifuunikho shieitsahabu inzeleleshe, eshioburambi obuhela tsisendimita eshikhumi shilala nende ekhumi nende obuchikha tsisendimita amakhumi kasasaba nende tsisasaba. 7Nakaasia ebilonje bietsimbaha okhurula khutsahabu eyiraanyilwe, 8eshilonje shilala nishireebwa khundulo nashio eshindi khundulo undi. 9Ebilonje bietsimbaha ebio biabambula tsimbaha khwisanduku liosi nibihengaane.
Imesa yomukaate omutakatifu
(Okhur. 25:23-30)
10Bezaleli yakhoma imeesa okhurula khumbao tsiomusaala kwomupeli, eyihela oburambi tsisendimita amakhumi munane namunane. Obuchika amakhumi kane nende tsine. Nabwo oburambi bwali amakhumi kasasaba nende tsisasaba. 11Yachifuunikha nende itsahabu ne nafuunikha olulika lwayo nende itsahabu. 12Yachikaasilia olulika lwobubambalifu obuhela tsisendimita amakhumi musaafu nende tsirano okhuchibotokhana. 13Nachikaasilie tsingara tsine buli ndala khukona webilenje biali. 14Tsingara tsiokhusakakwo tsinyanzo tsiokhuchinga tsiarebwa ahambi nende olulika lweimesa. 15Yakaasia tsinyanzo okhurula khumusaala kwomupeli khulwokhuchinga imeesa ne nabakhakhwo itsahabu. 16Yakaasia ebikaye ebitiiti ebieitsahabu inzeleleshe biokhumeesa khandi nakaasia ebikaye ebikhongo, ebikombe, tsinjaki nende ebikaye ebiokhwikhoonyelwa khulwa okhunywa idivai.
Okhukaasibwa khweshichibi shieitaha
17Bezaleli yakaasia eshichibi shieitaha okhurula khutsahabu inzeleleshe eyiraanyilwe. Nashitakho washio nende omukhono kwashio biakaasibwa okhurula khutshabu eyiraanyilwe. Ebimuli biashio biokhushing'ona halala nende ebikombe biashio nende emikhono chiashio biali eshindu shilala biosi.
18Eshichibi eshio shiali nende amasaka kasasaba, kataru katsomokhwa khulubeka lulala, ne kataru khulubeka lundi. 19Buli lisaka khumasaka kasasaba ako liali nende ebimuli bitaru ebifwana shinga olusi lumuliishe. 20Omukhono kweshichibi shieitaha kwalikhwo ebikombe bine ebifwana shinga ebimuli ebimuliishe shinga eshimuli shia alumondi. 21Khwali nende eshimuli shilala khubuli hasi wamasaka kasasaba ako. 22Ebimuli bieitaha ebio biali nibiakaasibwa okhurula khutsahabu inzeleleshe eyeraanywa. 23Yakaasia tsitaha musaafu, khandi nakaasia amahana katsio nende ebikaye biatsio musaafu okhurula khutsaabu inzeleleshe. 24Yekhoonyela tsikilo amakhumi kataru natsirano tsieitsahabu inzeleleshe okhukaasia ebichibi musaafu nende ebindu bietsitaha biosi halala.
Okhukaasia eshimalilo shiemisango shiokhusambilakhwo obubane
25Bezaleli khandi yabaatsa eshimalilo shiemisango shiokhusambilangakhwo obubane. Obuchikha bwashio bwali tsisendimita amakhumi kane natsirano khandi obubambalifu bwosi burio. Oburambi nabwo bwali tsisendimita amakhumi shienda. Shialikhwo tsinzika tsine buli khukona. 26Yashibakhakhwo itsahabu inzeleleshe mana narakhwo olulika lweitsahabu. 27Yakaasia tsingara tsine tsiokhuchinga ne natsira mumbafu tsibili tsieshimalilo shiemisango eshio, khulwa okhutiila tsinyanzo tsieshimalilo shiemisango eshio. 28Yakaasia tsinyanzo tsiemusaala kwomupeli mana nabakhakhwo itsahabu.
Okhukaasia amafura kokhutsushilila
29 #
Okhur. 30:22-38
Khandi Bezaleli yakaasia amafura amatakatifu kokhutsushilila khandi nakaasia obubane bweshiuya eshilayi nishitsokaasibwemwo eshing'ari.
Currently Selected:
OKHURULA 37: OLUPR
Highlight
Copy
Compare
Share
Want to have your highlights saved across all your devices? Sign up or sign in
OKHURULA 37
37
Okhukaasia lisanduku liamalako
1Bezaleli yakaasia lisanduku liamalako okhurula khumusaala kwomupeli. Oburambi bwalio bwali tsisendimita eshikhumi shilala nende ekhumi, ne obuchiikha bwali tsisendimita amakhumi kasasaba nende tsisasaba, nabwo oburambi bwosi bwali tsisendimita amakhumi kasasaba nende tsisasaba 2Yalifuunikha nende itsahabu inzeleleshe liosi ikulu nende mukari, mana khululika lwalio khandi narakhwo itsahabu. 3Mana nakaasia tsingara tsine etsieitsahabu etsiokhuchinjilanga lisanduku elo ne nara buli ndala khubuli likulu. Nara tsingara etsio khumakulu kelisanduku elo koosi kane. Mana tsibili nitsiba elubeka undi natsio tsibili nitsiba elubeka undi. 4Mana nakaasia tsinyanzo tsine etsiokhulichinga, yatsikaasia okhurula khumusaala okwomupeli, ne natsifuunikha nende itsahabu, 5mana niyenjisia buli lulala mutsingara etsiali mumbafu welisanduku khulwa okhulichinga. 6Nakaasia eshifuunikho shieitsahabu inzeleleshe, eshioburambi obuhela tsisendimita eshikhumi shilala nende ekhumi nende obuchikha tsisendimita amakhumi kasasaba nende tsisasaba. 7Nakaasia ebilonje bietsimbaha okhurula khutsahabu eyiraanyilwe, 8eshilonje shilala nishireebwa khundulo nashio eshindi khundulo undi. 9Ebilonje bietsimbaha ebio biabambula tsimbaha khwisanduku liosi nibihengaane.
Imesa yomukaate omutakatifu
(Okhur. 25:23-30)
10Bezaleli yakhoma imeesa okhurula khumbao tsiomusaala kwomupeli, eyihela oburambi tsisendimita amakhumi munane namunane. Obuchika amakhumi kane nende tsine. Nabwo oburambi bwali amakhumi kasasaba nende tsisasaba. 11Yachifuunikha nende itsahabu ne nafuunikha olulika lwayo nende itsahabu. 12Yachikaasilia olulika lwobubambalifu obuhela tsisendimita amakhumi musaafu nende tsirano okhuchibotokhana. 13Nachikaasilie tsingara tsine buli ndala khukona webilenje biali. 14Tsingara tsiokhusakakwo tsinyanzo tsiokhuchinga tsiarebwa ahambi nende olulika lweimesa. 15Yakaasia tsinyanzo okhurula khumusaala kwomupeli khulwokhuchinga imeesa ne nabakhakhwo itsahabu. 16Yakaasia ebikaye ebitiiti ebieitsahabu inzeleleshe biokhumeesa khandi nakaasia ebikaye ebikhongo, ebikombe, tsinjaki nende ebikaye ebiokhwikhoonyelwa khulwa okhunywa idivai.
Okhukaasibwa khweshichibi shieitaha
17Bezaleli yakaasia eshichibi shieitaha okhurula khutsahabu inzeleleshe eyiraanyilwe. Nashitakho washio nende omukhono kwashio biakaasibwa okhurula khutshabu eyiraanyilwe. Ebimuli biashio biokhushing'ona halala nende ebikombe biashio nende emikhono chiashio biali eshindu shilala biosi.
18Eshichibi eshio shiali nende amasaka kasasaba, kataru katsomokhwa khulubeka lulala, ne kataru khulubeka lundi. 19Buli lisaka khumasaka kasasaba ako liali nende ebimuli bitaru ebifwana shinga olusi lumuliishe. 20Omukhono kweshichibi shieitaha kwalikhwo ebikombe bine ebifwana shinga ebimuli ebimuliishe shinga eshimuli shia alumondi. 21Khwali nende eshimuli shilala khubuli hasi wamasaka kasasaba ako. 22Ebimuli bieitaha ebio biali nibiakaasibwa okhurula khutsahabu inzeleleshe eyeraanywa. 23Yakaasia tsitaha musaafu, khandi nakaasia amahana katsio nende ebikaye biatsio musaafu okhurula khutsaabu inzeleleshe. 24Yekhoonyela tsikilo amakhumi kataru natsirano tsieitsahabu inzeleleshe okhukaasia ebichibi musaafu nende ebindu bietsitaha biosi halala.
Okhukaasia eshimalilo shiemisango shiokhusambilakhwo obubane
25Bezaleli khandi yabaatsa eshimalilo shiemisango shiokhusambilangakhwo obubane. Obuchikha bwashio bwali tsisendimita amakhumi kane natsirano khandi obubambalifu bwosi burio. Oburambi nabwo bwali tsisendimita amakhumi shienda. Shialikhwo tsinzika tsine buli khukona. 26Yashibakhakhwo itsahabu inzeleleshe mana narakhwo olulika lweitsahabu. 27Yakaasia tsingara tsine tsiokhuchinga ne natsira mumbafu tsibili tsieshimalilo shiemisango eshio, khulwa okhutiila tsinyanzo tsieshimalilo shiemisango eshio. 28Yakaasia tsinyanzo tsiemusaala kwomupeli mana nabakhakhwo itsahabu.
Okhukaasia amafura kokhutsushilila
29 #
Okhur. 30:22-38
Khandi Bezaleli yakaasia amafura amatakatifu kokhutsushilila khandi nakaasia obubane bweshiuya eshilayi nishitsokaasibwemwo eshing'ari.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in