OKHURULA 36
36
1“Bezaleli, Oholiabu nende abakholi bandi, aba Nyasaye ahelesiye obusitsa nende obuchesi bwokhukaasia buli shindu eshienyekha khulwokhukaasia liheema, bakhoyile okhukaasia buli shindu shinga olwa OMWAMI Nyasaye yabalaka.”
Abandu bareera ebihaanwa ebinji
2Kho Musa nalanga Bezaleli, Oholiabu nende ababaatsi bandi aba OMWAMI Nyasaye yali nahelesiye obuchesi nende abandi abali nibehuliile okhukhoonya ne nababoolela okhuchaaka okhukhola emilimo. 3Musa yabahelesia ebihaanwa biabandu ba Isiraeli bali nibamuhelesiye biosi khulwa okhumbakha liheema litakatifu. 4Buli nyanga mumabwibwi abandu ba Isiraeli batsiililila okhureera ebihaanwa kho abombashi abali nibatsia okhumbakha 5nibatsia nibaboolela Musa bari, “Abandu bareerire ebindu biobubaatsi ebishila kata ebia OMWAMI Nyasaye yalaka mbu khureere.”
6Mana Musa naruma lilako khubandu boosi abali mukambi naboola ari, “Omundu yesi yesi, abe omusaatsa noho omukhasi shialareerakhwo ebihaanwa ebiokhumbakha liheema litakatifu lia Nyasaye ta, ebireerirwe bihelile.” Mana abandu nibakaywa okhureera ebihaanwa. 7Ebindu biali nibireerirwe biali ebinji okhushila kata ebiali nibienyesha khulwa emilimo echio.
Okhumbakha liheema Litakatifu
8Abombashi bali nibamanya okhumbakha obulayi okhushila abombashi bandi bombashila tsingubo ekhumi tsieikitani inyushe, etsiabulu, etsieisambarao, tsinzakhanyu khandi nibakaasia abilonje bietsimbaha. 9Oburambi bwa buli ndala khungubo etsio bwali tsimita ekhumi natsibili, nabwo obuchikha bwa buli ndala bwali tsimita tsibili. 10Bongasia halala tsingubo tsirano khandi nibongasia ebuleka undi tsingubo tsirano. 11Mana nibakaasia ebifulwa biabuluu khungubo yeikitani yamalilikha okhunabwa khutsindi. Khandi nakhola ario khungubo tsiakhabili tsiali nitsinabilwe nitsungasibwa. 12Bakaasia ebifulwa amakhumi karano khungubo yambeli, khandi nibakaasia ebifulwa bindi amakhumi karano khungubo yindi eya bali nibanabile niboongasia. 13Bamala nibakaasia tsisako tsieitsahabu amakhumi karano tsiokhuliimaasia ebitonye bietsingubo bibili ebio halala nibiikhola ingubo ndala. 14Banaba halala tsingubo ekhumi nandala etsiobwoya bwetsimbusi khulwokhufuunikha liheema. 15Oburambi bwa buli ndala bwali tsimita ekhumi natsitaru nende tsimita tsibili obuchikha. 16Banaba tsingubo tsishinga tsirano ebileka ndala ne tsisasaba ebuleka undi. 17Bara khubuli ebuleka ebifulwa amakhumi karano. 18Khandi nibarakhwo tsisako amakhumi karano etsiomukasa etsiokhungasia tsimbeka tisosi tsibili kho mbu tsibe eshifuunikho shilala. 19Bakaasia khandi eshifuunikho shiomukari okhurula khwiseelo lielikondi, eliabakhwa iranji inzakhanyu khandi nibakaasia eshifuunikho shindi shielwanyi okhurula khwiseelo linyushe lielikondi.
20Bakaasia emikuulo chieliheema, okhurula khumbao tsiomupeli 21Buli omukuulo kwali noburambi obuhela tsimita tsibili nabwo obuchikha bwashio bwali obuhela tsisendimita amakhumi kasasaba. 22Buli omukuulo mulala kwali namasaka kabili akokhuliimaasia emikuulo echio halala. 23Eluleka wemulambo, bakaasia ebitiisi amakhumi kabili. 24Bakaasilinjia buli eshitiisi ebichibi bibili. Biosi halala biali ebichibi amakhumi kane. 25Bakaasia khulubeka lwemasaba ebitiisi amakhumi kabili 26ne nibakaasia ebichibi amakhumi kane okhurula khufetsa, buli omukuulo mulala kwekhanga khubichibi bibili. 27Nalwo olubeka lwa Mumbo, olwali olwanamukuru bakaasiayo emikuulo chisasaba. 28Bakaasia emikuulo chibibili echiomukona enamukuru weliheema. 29Emikuulo chiomukona chibili echio chiarula hasi ne nichiliimaasibwa okhuula mushisuli shieliheema. 30Khweshio emikuulo echiliho chiali munane nende ebichibi biakaasibwa okhula khuifetsa ekhumi nabisasaba. Buli ebichibi bibili khumukuulo mulala.
31Khandi bakaasia tsisheti ekhumi natsirano okhurula khumusaala kwomupeli ebuleka ndala, nibakaasia 32tsisheti tsirano ebuleka undi, nende tsisheti tsirano namukuru halala nende tsisheti tsirano emulambo weliheema elo. 33Mana nibakhola olusheti lulala okhubira hakari okhurula khundulo eyi okhuula khundulo eyi. 34Ne nibafuunikha emikuulo echio nende itsahabu khandi nibarakhwo tsingaka etsiakaasiabwa okhurula khu tsahabu, okhuliimaasia tsisheti tsia bali nibafuuniishekhwo nende itsahabu etsio tsiosi.
35Mana nibakaasia ingubo ishinga okhurula khukitani inzeleleshe niyinabilwe halala nobuusi bwa buluu obweisambarao nende obwakhanyu ne nibachirakhwo ebilonje bietsimbaha bibili. 36Bakaasia tsisiilo tsine okhurula khumusaala kwomupeli ne nibatsifuunikha nende itsahabu, ebichibi biatsio biosi biali ebieitsahabu, 37Kho nibakaasia omuliango kweliheema kweingubo ishinga nende ingubo niyinabilwe nobuusi bweikitani, obwa buluu obweisambarao nende obwakhanyu. 38Bakaasilia ebitiisi birano ebio ingubo ishinga nibarakhwo tsingaka tsirano. Bareresia ebisuli biabio neitsahabu, nabio ebichibi biabio birano ebio biali ebiomukasa.
Currently Selected:
OKHURULA 36: OLUPR
Highlight
Copy
Compare
Share
Want to have your highlights saved across all your devices? Sign up or sign in
OKHURULA 36
36
1“Bezaleli, Oholiabu nende abakholi bandi, aba Nyasaye ahelesiye obusitsa nende obuchesi bwokhukaasia buli shindu eshienyekha khulwokhukaasia liheema, bakhoyile okhukaasia buli shindu shinga olwa OMWAMI Nyasaye yabalaka.”
Abandu bareera ebihaanwa ebinji
2Kho Musa nalanga Bezaleli, Oholiabu nende ababaatsi bandi aba OMWAMI Nyasaye yali nahelesiye obuchesi nende abandi abali nibehuliile okhukhoonya ne nababoolela okhuchaaka okhukhola emilimo. 3Musa yabahelesia ebihaanwa biabandu ba Isiraeli bali nibamuhelesiye biosi khulwa okhumbakha liheema litakatifu. 4Buli nyanga mumabwibwi abandu ba Isiraeli batsiililila okhureera ebihaanwa kho abombashi abali nibatsia okhumbakha 5nibatsia nibaboolela Musa bari, “Abandu bareerire ebindu biobubaatsi ebishila kata ebia OMWAMI Nyasaye yalaka mbu khureere.”
6Mana Musa naruma lilako khubandu boosi abali mukambi naboola ari, “Omundu yesi yesi, abe omusaatsa noho omukhasi shialareerakhwo ebihaanwa ebiokhumbakha liheema litakatifu lia Nyasaye ta, ebireerirwe bihelile.” Mana abandu nibakaywa okhureera ebihaanwa. 7Ebindu biali nibireerirwe biali ebinji okhushila kata ebiali nibienyesha khulwa emilimo echio.
Okhumbakha liheema Litakatifu
8Abombashi bali nibamanya okhumbakha obulayi okhushila abombashi bandi bombashila tsingubo ekhumi tsieikitani inyushe, etsiabulu, etsieisambarao, tsinzakhanyu khandi nibakaasia abilonje bietsimbaha. 9Oburambi bwa buli ndala khungubo etsio bwali tsimita ekhumi natsibili, nabwo obuchikha bwa buli ndala bwali tsimita tsibili. 10Bongasia halala tsingubo tsirano khandi nibongasia ebuleka undi tsingubo tsirano. 11Mana nibakaasia ebifulwa biabuluu khungubo yeikitani yamalilikha okhunabwa khutsindi. Khandi nakhola ario khungubo tsiakhabili tsiali nitsinabilwe nitsungasibwa. 12Bakaasia ebifulwa amakhumi karano khungubo yambeli, khandi nibakaasia ebifulwa bindi amakhumi karano khungubo yindi eya bali nibanabile niboongasia. 13Bamala nibakaasia tsisako tsieitsahabu amakhumi karano tsiokhuliimaasia ebitonye bietsingubo bibili ebio halala nibiikhola ingubo ndala. 14Banaba halala tsingubo ekhumi nandala etsiobwoya bwetsimbusi khulwokhufuunikha liheema. 15Oburambi bwa buli ndala bwali tsimita ekhumi natsitaru nende tsimita tsibili obuchikha. 16Banaba tsingubo tsishinga tsirano ebileka ndala ne tsisasaba ebuleka undi. 17Bara khubuli ebuleka ebifulwa amakhumi karano. 18Khandi nibarakhwo tsisako amakhumi karano etsiomukasa etsiokhungasia tsimbeka tisosi tsibili kho mbu tsibe eshifuunikho shilala. 19Bakaasia khandi eshifuunikho shiomukari okhurula khwiseelo lielikondi, eliabakhwa iranji inzakhanyu khandi nibakaasia eshifuunikho shindi shielwanyi okhurula khwiseelo linyushe lielikondi.
20Bakaasia emikuulo chieliheema, okhurula khumbao tsiomupeli 21Buli omukuulo kwali noburambi obuhela tsimita tsibili nabwo obuchikha bwashio bwali obuhela tsisendimita amakhumi kasasaba. 22Buli omukuulo mulala kwali namasaka kabili akokhuliimaasia emikuulo echio halala. 23Eluleka wemulambo, bakaasia ebitiisi amakhumi kabili. 24Bakaasilinjia buli eshitiisi ebichibi bibili. Biosi halala biali ebichibi amakhumi kane. 25Bakaasia khulubeka lwemasaba ebitiisi amakhumi kabili 26ne nibakaasia ebichibi amakhumi kane okhurula khufetsa, buli omukuulo mulala kwekhanga khubichibi bibili. 27Nalwo olubeka lwa Mumbo, olwali olwanamukuru bakaasiayo emikuulo chisasaba. 28Bakaasia emikuulo chibibili echiomukona enamukuru weliheema. 29Emikuulo chiomukona chibili echio chiarula hasi ne nichiliimaasibwa okhuula mushisuli shieliheema. 30Khweshio emikuulo echiliho chiali munane nende ebichibi biakaasibwa okhula khuifetsa ekhumi nabisasaba. Buli ebichibi bibili khumukuulo mulala.
31Khandi bakaasia tsisheti ekhumi natsirano okhurula khumusaala kwomupeli ebuleka ndala, nibakaasia 32tsisheti tsirano ebuleka undi, nende tsisheti tsirano namukuru halala nende tsisheti tsirano emulambo weliheema elo. 33Mana nibakhola olusheti lulala okhubira hakari okhurula khundulo eyi okhuula khundulo eyi. 34Ne nibafuunikha emikuulo echio nende itsahabu khandi nibarakhwo tsingaka etsiakaasiabwa okhurula khu tsahabu, okhuliimaasia tsisheti tsia bali nibafuuniishekhwo nende itsahabu etsio tsiosi.
35Mana nibakaasia ingubo ishinga okhurula khukitani inzeleleshe niyinabilwe halala nobuusi bwa buluu obweisambarao nende obwakhanyu ne nibachirakhwo ebilonje bietsimbaha bibili. 36Bakaasia tsisiilo tsine okhurula khumusaala kwomupeli ne nibatsifuunikha nende itsahabu, ebichibi biatsio biosi biali ebieitsahabu, 37Kho nibakaasia omuliango kweliheema kweingubo ishinga nende ingubo niyinabilwe nobuusi bweikitani, obwa buluu obweisambarao nende obwakhanyu. 38Bakaasilia ebitiisi birano ebio ingubo ishinga nibarakhwo tsingaka tsirano. Bareresia ebisuli biabio neitsahabu, nabio ebichibi biabio birano ebio biali ebiomukasa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in