Isa. 15
15
Wele alibunia Moabu
1 #
Isa. 25.10-12; Yer. 48.1-47; Esek. 25.8-11; Amo. 2.1-3; Sef. 2.8-11 Buno buli burume khu Moabu.
Chingoba cha Ari ne Kiri chabunisibwa busa mu silo silala,
sikila sibala sia Moabu siayunile busa.
2Babaandu ba Diboni baniina lukulu khucha balilile bifwaani ne besaaya.
Babaandu ba Moabu besasaara mu bubeeleli,
khulwe chingoba chimboofu cha Nebo ne Meteba,
babekile lichuune ne bunwanwa bwabwe mu sibeela.
3Babaandu bali khu ngila che mu lukoba bafwarire kamakunia,
mu lukoba akari ne khunju khungaaki babaandu balasooma ne khulila.
4Babaandu be mu Heshiboni ne Eliale balalila,
ne lilila liabwe linyala liauliilikha khukhwola Yahasi.
Akhaba banamae balaterema, bunyindaafu bwabwe bwabawelemo.
5Kumwoyo kwase kulilila Moabu!
Babaandu belukhile mu lukoba lwa Soari ne Ekilati Shelishiya.
Balala baniinila khu ngila emboofu khucha e Luhiti ne balila,
balala bakhelukhile Horonaimu ne babeleele abuwaanga ne khulila lukali.
6Luluuchi lwa Nimurimu lwateenyile,
bunyaasi bwe keewa yalwo bwomile,
ne bunyaasi butoro se bumela tawe.
7Babaandu bambukha Litooma lia Mierebi,
bakhaka khukhwilukha ne bibiindu biabwe bioosi.
8Buli abuundu mu maloba ka Moabu bililo biuliilikhayo.
Biuliilikha bioola mu ngoba cha Ekilaimu ne Beerelimu.
9Mu lukoba lwa Diboni luluuchi lwabeseeme ne kamafuki,
ne Wele alatasa sifuki sikali khukhila.
Khukhabe ne khukhwirwa khukali khu buli mundu owarama mu Moabu.
Currently Selected:
Isa. 15: LUBUKUSU
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
