Lir. 2
2
1Nio likulu ne liloba ne bibiindu bilimo bioosi biawa khubaang'anwa. 2#Baeb. 4.4,10 #Khur. 20.11 Ne khu ndaalo eya saba Wele amala kimilimo nikio aaba ne akholile mala aola khu ndaalo ng'ene eyo, khukhwama khu milimo kiewe kioosi nikio aaba ne akholile. 3Nio Wele abiita endaalo eya saba chikhabi mala akira alubeka nga endaalo emboofu sikila khu niyo Wele aola khukhwama khu milimo kiewe kioosi nikio aaba ne akholile#2.3 nikio aaba ne akholile: namwe nikio amala khukhola endaalo ng'eneyo. mu khubaang'ana ne khubuumba. 4Lino lili liliakukha lie likulu ne liloba ne bimaliilwe khubaang'anwa ne khubuumbwa.
Kumukuunda kwa Edeni
Mu ndaalo niyo Wele Omunyali Owa Bioosi #2.4 Wele Omunyali Owa Bioosi: abuundu nio Lueburania luli ne lisina lia Wele “Yhwh, liliakaluukhasibwa alala nga “Yehova” mu Lubukusu lili, “Wele Omunyali Owa Bioosi” ne chi nyukuta che khunyoa chimboofu. akholelamo liloba ne likulu, 5simelwa se siabao khu liloba tawe. Ne kimirongooro kie mundaa se kiaba kiamela tawe, sikila abeele Wele Omunyali Owa Bioosi akhakhola efula yakwa khu liloba tawe. Lundi omundu olima liloba se abao tawe, 6Ne kakhali kameechi kamaanga asi we liloba ne kasanya liloba.
7 #
1 Bakor. 15.45
Wele Omunyali Owa Bioosi abuumba omundu#2.7 omundu: lie liloba mu Lueburania kamasina “Omundu” ne “Liloba” kafwaanana mukhulomekha. owe siseecha khukhwama khu lipukhuulu lie liloba, amufua mu moolu kumuuya kwe bulamu mala omundu aba owe bulamu.
8Wele Omunyali Owa Bioosi ara kumukuunda mu Edeni e Bukwe, mala aramo omundu niye aba ne abuumbile. 9#Lif. 2.7; 22.2,14 Ne khukhwama mwiloba Wele Omunyali Owa Bioosi akhola buli murongooro kusiimisia chimoni, lundi kumulayi khu siakhulia, khuchoa. Ne akari we kumukuunda, kwabao kumurongooro kwe bulamu, ne lundi kumurongooro kwe bukesi bwe khumanya kamalayi ne kamamayaanu.#2.9 kamalayi ne kamamayaanu: khumanya kamalayi ne kamamayaanu namwe khumanya buli siindu.
10Luluuchi lwama mu Edeni lulwachukhilisianga kumukuunda, mala ebweeni wa Edeni, lwakabukhanamo lwabamo chinjichi chine. 11Lwe khunyoa lwaba Pisioni, nilwo lubirira mu sibala sia Habila sioosi niio esahabu eli. 12(Ne esahabu eye sibala esio eli endayi. Kamabaale kalaangwa kali budeliumu ne kamafura kaunya kumuuya kumulayi kakalaangwa bali Onikisi kosi kaliyo.) 13Ne lisina lie luluuchi lwa khabili lili Kihoni. Nilwo lulwabotookha sibala sia Kushi#2.13 Kushi: (sia Mesopotamia) namwe sia Esopia namwe sia Sudani. sioosi. 14Ne lisina lie luluuchi lwa khataru bali Tikiri. Nilwo lubirira e bukwe wa Ashuru. Ne luluuchi lwa khane luli Efurati.
15Wele Omunyali Owa Bioosi abukula omundu owe siseecha mala amura mu mukuunda kwa Edeni, alime ne khukuliinda. 16Nio Wele Omunyali Owa Bioosi alaka omundu ali, “Oli omulekhuule khulia bibiaamo bia buli murongooro kuuli mu mukuunda. 17Ne kakhali, bibiaamo bie kumurongooro kwe bukesi bwe khumanya kamalayi ne kamamayaanu#2.17 kamalayi ne kamamayaanu: lola kumuliango kwa 2.9. okhalia tawe, sikila mu ndaalo niyo oliliakho, olifwa.”
18Wele Omunyali Owa Bioosi aloma ali, “Se buli bulayi omundu owe siseecha khumenya yeng'ene tawe, ndamukholela omuyeeti omukhoyela niye.” 19Nio khukhwama khu liloba Wele Omunyali Owa Bioosi abuumba eyafuma esaang'i, ne esolo ne eyafuma enyuni mala abireera bioosi khu mundu abone nga ne abitiuukha kamasina. Ne buli lisina nilio omundu atiuukha sibuumbe, liakwa nilio lisina liasio. 20Omundu atiuukha chisaang'i choosi, ne chinyuni ne chisolo choosi che mundaa. Ne kakhali se anyoolekha omuyeeti okhoyela niye tawe.
21Nio Wele Omunyali Owa Bioosi akhola liilo lisiro liaamba omundu owe siseecha oyo. Ne nga aba ne alikho akona Wele asasula lubafu lulala mala afunikhao enyama. 22Ne lubafu nilwo Wele Omunyali Owa Bioosi aaba ne asasuule khukhwama khu mundu owe siseecha alukholamo omukhasi mala amureerera.
23Mala omundu chana aloma ali,
“Luno oyuno nono ali sikuumba sie mu bikuumba bie kumubili kwase,
lundi enyama eye munyama che kumubili kwase,
lisina liewe lilaba bali, ‘Omukhasi,’
sikila ama khu mundu owe siseecha.”#2.23 ‘Omukhasi,’ sikila ama khu mundu owe siseecha: mu Lueburania kamasina kano kafwaanana mu khulomekha.
24 #
Mat. 19.5; Mk. 10.7-8; 1 Bakor. 6.16; Baef. 5.31 Khwako omundu owe siseecha akhalekhe raraawe ne maawe mala aambaane no mukhasi wewe, mala boombi babe mulala.
25Omuseecha no mukhasi wewe baba sichula ne se baambwa chisoni tawe.
Currently Selected:
Lir. 2: LUBUKUSU
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019