Filipenses 3
3
Jesucristuman yärakur salvakunantsipaq nishqan
1Wawqi panikuna, Tayta Diospa makincho kawaykarqa kushikäriy. Noqa manami ajayätsu tsaylata yaparir yaparir qelqamurpis. Tsayno qelqamushqä qamkunapaq alimi kaykan.
2Lutan yachatsikuqkunapita cuidakäriy. Tsay alqukunaqa kaynömi nirkaykan: <<Tayta Dios salvashunaykipaqqa leyninkunata cumplir cuerpuykikunataraq señalakäriy>>.
3Cuerpuntsita mana señalakurpis Espíritu Santu yanapamaptintsimi Tayta Diosta sirviqkunaqa shonquntsicho señalashqana kaykantsi.#3.3 Cuerpunta señalar chiwlakunanpa punta qaranta kutsurir jorqushqannömi shonqunta señalar jutsa rurayta kacharin.#Jer. 4.4; Rom. 2.28-29; Gál. 6.15; Col. 2.11-13. Manami leykunata cumplirraqtsu salvakuntsi, sinöqa Jesucristuman yärakurmi.
4Leykunata cumplir salvakunantsi kaptinqa noqapis leykunata cumplirmi salvaküman karqan. Noqanöqa manami pipis leykunata cumplishqatsu. 5Leykuna nishqannölami yurishqäpita pusaq junaqniyuq kaykaptï señalamarqan.#Lev. 12.3. Tsaynöpis Benjamín trïbupita kaq Israel runami kä.#Rom. 11.1. Manami mayqan hebreo mayïpis noqanöqa leykunata cumplishqatsu. Fariseo karmi Tayta Diospa leyninkunata imaypis cumplirqä.#Hech. 23.6; 26.5. 6Tayta Dios munashqanno ruraykashqäta yarparmi Jesucristuman yärakuqkunatapis qatikachaq kä.#Hech. 8.3; 9.1-2; 22.4; 26.9-11. Tsay leykuna nishqanta lapantami cumplishqä.
7Tsayno cumplirmi yarparqä alita ruraykashqäta. Kananmi itsanqa noqantsi rayku Jesucristo wanushqanta musyar tantiyakü tsay cumplishqäkuna manakaqlapaq kashqanta. 8Señornï Jesucristuta reqishqämanqa manami imapis tinkuntsu. Tsaymi nawpata rurashqäkunaman yärakunäpa trukanqa Jesucristulaman yärakü. Nawpata rurashqäkunaqa manami imapaqpis välimantsu. 9Manami leyninkunata cumplishqäpitatsu munashqanta ruraqtano Tayta Dios chaskimashqa, sinöqa Jesucristuman yärakushqäpitami.
10Jesucristuta masmi reqiyta munä. Payta Tayta Dios munayninwan kawaritsimushqanno noqatapis tsay munayninwan yanapamänantami munä. Tsaymi Jesucristo nakashqanno nakarpis y payta wanutsishqanno wanutsimaptinpis pay cäsukushqanno noqapis cäsukushaq. 11Tsaymi shuyaraykä Jesucristuta Tayta Dios kawaritsimushqanno noqatapis wanuptï kawaritsimänanta.
Tayta Dios munashqanno kawanantsipaq nishqan
12Manami jutsaynaq ni santuna kashqätatsu niykä, sinöqa Jesucristo munashqanno kawanäpaqmi waran waran yarpachakuykä. Tsayno kawanäpaqmi Jesucristo salvamashqa.
13Wawqi panikuna, manaraqmi Tayta Dios munashqannötsu lapanta ruraykä. Tsayno karpis unay kawashqäta yarparänäpa trukanqa waran waranmi yarpachakuykä Tayta Dios munashqanno kawanäpaq. 14Premiuta chaskinanpaq yalinakur cörriqnömi noqapis Tayta Diospa nawpanman chayanäpaq pay munashqanno kawaykä. Tsayman chayanäpaqmi Jesucristuwan Tayta Dios qayamashqa.
15Jesucristuman shumaq yärakuqkuna, nishqäkunata tantiyakäriy. Tantiyayta mana kamäpakuptiki Tayta Diosmi qamkunata tantiyatsishunki. 16Imano kaptinpis Jesucristo munashqanno kawashun [y juk yarpayla kashun.]
17Wawqi panikuna, imano kawashqätapis rikakäramay.#1Cor. 4.16; 11.1. Noqakuna kawashqäno kawaqkunapitapis yachakäriy. 18Wakin runakunaqa mana ali kawarmi Jesucristo cruzcho wanushqanta manakaqman churapäkun. Tsayno kashqanta atska kutinami qamkunata nishqä. Kananpis waqarmi wilapaykä. 19Tsay runakunaqa Jesucristo munashqanno kawananpa trukan kikinkuna munashqannömi kawarkaykan. Lutankunata rurashqanpita penqakunanpa trukanqa sumätsinraqmi. Kay patsacho kawanalanpaqmi yarpachakärin. Paykunaqa infiernuman qaykushqami kanqapaq.
20Noqantsipa markantsimi itsanqa gloriacho kaykan. Tsaymi salvamaqnintsi Señor Jesucristo gloriapita kutimunanta shuyäkuykantsi. 21Payqa lapanpaq munayniyuq karmi kay ushakaq cuerpuntsita mushuq cuerpuman tikratsinqa. Tsay mushuq cuerpuntsimi kikinpa cuerpunno mana ushakaq kanqa.#1Juan 3.2.
Currently Selected:
Filipenses 3: qvmB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Filipenses 3
3
Jesucristuman yärakur salvakunantsipaq nishqan
1Wawqi panikuna, Tayta Diospa makincho kawaykarqa kushikäriy. Noqa manami ajayätsu tsaylata yaparir yaparir qelqamurpis. Tsayno qelqamushqä qamkunapaq alimi kaykan.
2Lutan yachatsikuqkunapita cuidakäriy. Tsay alqukunaqa kaynömi nirkaykan: <<Tayta Dios salvashunaykipaqqa leyninkunata cumplir cuerpuykikunataraq señalakäriy>>.
3Cuerpuntsita mana señalakurpis Espíritu Santu yanapamaptintsimi Tayta Diosta sirviqkunaqa shonquntsicho señalashqana kaykantsi.#3.3 Cuerpunta señalar chiwlakunanpa punta qaranta kutsurir jorqushqannömi shonqunta señalar jutsa rurayta kacharin.#Jer. 4.4; Rom. 2.28-29; Gál. 6.15; Col. 2.11-13. Manami leykunata cumplirraqtsu salvakuntsi, sinöqa Jesucristuman yärakurmi.
4Leykunata cumplir salvakunantsi kaptinqa noqapis leykunata cumplirmi salvaküman karqan. Noqanöqa manami pipis leykunata cumplishqatsu. 5Leykuna nishqannölami yurishqäpita pusaq junaqniyuq kaykaptï señalamarqan.#Lev. 12.3. Tsaynöpis Benjamín trïbupita kaq Israel runami kä.#Rom. 11.1. Manami mayqan hebreo mayïpis noqanöqa leykunata cumplishqatsu. Fariseo karmi Tayta Diospa leyninkunata imaypis cumplirqä.#Hech. 23.6; 26.5. 6Tayta Dios munashqanno ruraykashqäta yarparmi Jesucristuman yärakuqkunatapis qatikachaq kä.#Hech. 8.3; 9.1-2; 22.4; 26.9-11. Tsay leykuna nishqanta lapantami cumplishqä.
7Tsayno cumplirmi yarparqä alita ruraykashqäta. Kananmi itsanqa noqantsi rayku Jesucristo wanushqanta musyar tantiyakü tsay cumplishqäkuna manakaqlapaq kashqanta. 8Señornï Jesucristuta reqishqämanqa manami imapis tinkuntsu. Tsaymi nawpata rurashqäkunaman yärakunäpa trukanqa Jesucristulaman yärakü. Nawpata rurashqäkunaqa manami imapaqpis välimantsu. 9Manami leyninkunata cumplishqäpitatsu munashqanta ruraqtano Tayta Dios chaskimashqa, sinöqa Jesucristuman yärakushqäpitami.
10Jesucristuta masmi reqiyta munä. Payta Tayta Dios munayninwan kawaritsimushqanno noqatapis tsay munayninwan yanapamänantami munä. Tsaymi Jesucristo nakashqanno nakarpis y payta wanutsishqanno wanutsimaptinpis pay cäsukushqanno noqapis cäsukushaq. 11Tsaymi shuyaraykä Jesucristuta Tayta Dios kawaritsimushqanno noqatapis wanuptï kawaritsimänanta.
Tayta Dios munashqanno kawanantsipaq nishqan
12Manami jutsaynaq ni santuna kashqätatsu niykä, sinöqa Jesucristo munashqanno kawanäpaqmi waran waran yarpachakuykä. Tsayno kawanäpaqmi Jesucristo salvamashqa.
13Wawqi panikuna, manaraqmi Tayta Dios munashqannötsu lapanta ruraykä. Tsayno karpis unay kawashqäta yarparänäpa trukanqa waran waranmi yarpachakuykä Tayta Dios munashqanno kawanäpaq. 14Premiuta chaskinanpaq yalinakur cörriqnömi noqapis Tayta Diospa nawpanman chayanäpaq pay munashqanno kawaykä. Tsayman chayanäpaqmi Jesucristuwan Tayta Dios qayamashqa.
15Jesucristuman shumaq yärakuqkuna, nishqäkunata tantiyakäriy. Tantiyayta mana kamäpakuptiki Tayta Diosmi qamkunata tantiyatsishunki. 16Imano kaptinpis Jesucristo munashqanno kawashun [y juk yarpayla kashun.]
17Wawqi panikuna, imano kawashqätapis rikakäramay.#1Cor. 4.16; 11.1. Noqakuna kawashqäno kawaqkunapitapis yachakäriy. 18Wakin runakunaqa mana ali kawarmi Jesucristo cruzcho wanushqanta manakaqman churapäkun. Tsayno kashqanta atska kutinami qamkunata nishqä. Kananpis waqarmi wilapaykä. 19Tsay runakunaqa Jesucristo munashqanno kawananpa trukan kikinkuna munashqannömi kawarkaykan. Lutankunata rurashqanpita penqakunanpa trukanqa sumätsinraqmi. Kay patsacho kawanalanpaqmi yarpachakärin. Paykunaqa infiernuman qaykushqami kanqapaq.
20Noqantsipa markantsimi itsanqa gloriacho kaykan. Tsaymi salvamaqnintsi Señor Jesucristo gloriapita kutimunanta shuyäkuykantsi. 21Payqa lapanpaq munayniyuq karmi kay ushakaq cuerpuntsita mushuq cuerpuman tikratsinqa. Tsay mushuq cuerpuntsimi kikinpa cuerpunno mana ushakaq kanqa.#1Juan 3.2.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.