Filipenses 2
2
Wakin kaqkunata ali rikanantsipaq yätsishqan
1Jesucristupa makincho karqa alimi kawapäkuntsi. Pay kuyamaptintsimi kushishqa kawaykantsi. Espíritu Santupis noqantsiwanmi imaypis kaykan. Tayta Diosmi tantiyaykätsimantsi wamayänakur y kuyapänakur kawanantsipaq. 2Tsayno kaykaptinqa juk shonqunöla imaypis kuyanakur kawapäkuy. Tsayno kuyanakushqaykita musyarmi pasaypa kushikushaq.
3Runa mayikiwan ama chikinakäriytsu ni yachaq tukäriytsu, sinöqa pïmaytapis aliman churar respitapäkuy. 4Kikilaykikuna ali kawanaykipaq yarpachakärinaykipa trukanqa wakinkunapis ali kawananpaq yarpachakäriy. 5Jesucristo kawashqanno qamkunapis kawapäkuy.
6Payqa Dios kaykarpis#Juan 1.1-3; Col. 1.15. manami jana patsalachötsu täkurqan.
7Munayniyuq kashqanta kachaykurmi ashmaynöla kananpaq noqantsino yurirqan.
8Runa karnami Tayta Dios munashqanta rurashpan cruzcho wanurqan.#Mat. 26.39; Juan 10.18; Heb. 5.8.
9Tsaymi Tayta Dios payta churashqa lapanpitapis mas munayniyuq kananpaq.
Paytami jutita churaparqan lapanpitapis mas munayniyuq kaqta.#Heb. 2.9; 12.2.
10Tsaymi jana patsacho kaqkuna, kay patsacho kaqkuna y infiernucho kaqkunapis Jesucristupa nawpanman qonqurpakärinqa.
11Tsaychömi pïmaypis nipäkunqa Jesucristo Señornintsi kashqanta.
Tsayno nirmi Tayta Diosta lapanpis alabapäkunqa.#Isa. 45.23.
Tayta Dios munashqanno kawanantsipaq nishqan
12Kuyay wawqi panikuna, tsayno kaykaptinqa qamkuna kaqcho kaykaptï cäsukamashqaykinöla karucho kaptïpis cäsukärimay. Salvashqana kashqayki musyakänanpaqqa Tayta Diosta mantsakur lapan shonquykiwan pay munashqanno kawapäkuy. 13Pay munashqanno kawapäkunaykipaq kikinmi shakyätsishunki y poderta qoshunki.
14Mana jamurpänakuylapa y mana rimanakuylapa imaypis kawapäkuy. 15Tsayno kawapäkuptikiqa Diospa wamran kashqaykita tantiyakur manami pipis wasaykita rimanqatsu. Tsaymi mana cäsukuqkunapa markancho tarpis#Deut. 32.5. tsakaypa atski atsikyashqanno kankipaq.
16Salvakunantsipaq kaq wilakuyta imaypis cäsukäriy. Tsaynöpami Jesucristo kutimuptin wilakuyninta alipaq wilapashqäpita pasaypa kushikushaq.
17Tsayno kaptinmi wanutsimänan kaptinpis kushikü. Wanutsimaptinqa sacrificiu jananman vïnuta jichashqannömi kashaq. Tayta Diosta mana ajayaypa sirvipäkushqaykipis sacrificiuno kaptin qamkunapis kushikäriy. 18Noqa kushikushqänöla qamkunapis kushikäriy.
Timoteuta Filipusman Pablo kachananpaq nishqan
19Señor Jesucristo kamakätsiptinqa Timoteutami#Hech. 16.1-3. kachamushaq. Kutiykamur imano kaykashqaykitapis wilapämaptinmi kushikushaq. 20Timoteunöqa manami pipis kantsu. Paylami noqano qamkunapaq yarpachakun. 21Wakinkunaqa Jesucristo munashqanta rurananpa trukan kikinkuna yarpashqalantami rurapäkun.
22Qamkuna musyapäkunkimi Tayta Dios munashqanno Timoteo kawashqanta. Payqa tsurïnömi yanapaykäman Jesucristupa ali wilakuyninta wilakunäpaq. 23Tsaymi prësu kashqäpita yarqamunäpaq o mana yarqamunäpaq kashqantapis musyaykur payta kachamushaqpaq. 24Yarqamunäpaq Tayta Dios kamakätsiptinqa noqapis watukuq shamushaqmi.
Filipusman Epafrodituta kachananpaq kashqanta wilashqan
25Wawqintsi Epafroditutapis qamkuna kaqman kachamushaqmi. Alipaqmi payta kachaykalämushqanki. Tayta Diospa soldädunno kashpanmi imano nakarpis yanapamashqa. 26Qeshyaptin lakikärishqaykita musyarmi qamkuna kaqman kutimuyta munaykan. 27Rasunpapis pasaypami qeshyashqa. Wanunanpaqna kaykaptinmi Tayta Dios kuyapashpan aliyätsishqa. Tsaynöpami aläpa mana lakikunäpaq noqatapis Tayta Dios kuyapämashqa.
28Tsaymi paywan tinkur kushikärinaykipaq jukla kachamushaq. Payta rikar kushikäriptiki noqapis mananami lakikushaqnatsu. 29Pay chayamuptinqa Señor Jesucristupa jutincho kushishqa chaskiykulay. Payno yanapakuqkunataqa lapantapis ali chaskiykulay. 30Jesucristuta sirvir qamkunapa trukayki yanapaykämashqanchömi ichiklapa wanushqatsu.
Currently Selected:
Filipenses 2: qvmB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.