Popular Bible Verses from Filipenses 2

Share

Runa mayikiwan ama chikinakäriytsu ni yachaq tukäriytsu, sinöqa pïmaytapis aliman churar respitapäkuy. Kikilaykikuna ali kawanaykipaq yarpachakärinaykipa trukanqa wakinkunapis ali kawananpaq yarpachakäriy.

Jesucristo kawashqanno qamkunapis kawapäkuy.

Payqa Dios kaykarpis manami jana patsalachötsu täkurqan. Munayniyuq kashqanta kachaykurmi ashmaynöla kananpaq noqantsino yurirqan. Runa karnami Tayta Dios munashqanta rurashpan cruzcho wanurqan.

Pay munashqanno kawapäkunaykipaq kikinmi shakyätsishunki y poderta qoshunki.

Tsaymi Tayta Dios payta churashqa lapanpitapis mas munayniyuq kananpaq. Paytami jutita churaparqan lapanpitapis mas munayniyuq kaqta. Tsaymi jana patsacho kaqkuna, kay patsacho kaqkuna y infiernucho kaqkunapis Jesucristupa nawpanman qonqurpakärinqa. Tsaychömi pïmaypis nipäkunqa Jesucristo Señornintsi kashqanta. Tsayno nirmi Tayta Diosta lapanpis alabapäkunqa.

Mana jamurpänakuylapa y mana rimanakuylapa imaypis kawapäkuy. Tsayno kawapäkuptikiqa Diospa wamran kashqaykita tantiyakur manami pipis wasaykita rimanqatsu. Tsaymi mana cäsukuqkunapa markancho tarpis tsakaypa atski atsikyashqanno kankipaq.

Kuyay wawqi panikuna, tsayno kaykaptinqa qamkuna kaqcho kaykaptï cäsukamashqaykinöla karucho kaptïpis cäsukärimay. Salvashqana kashqayki musyakänanpaqqa Tayta Diosta mantsakur lapan shonquykiwan pay munashqanno kawapäkuy.