Números 17
17
Aarónpa tukrun tsintsimushqan
1 1 (16) Tsaypitanami Moisésta Tayta Dios kayno nirqan: 2 2 (17) <<Cada trïbu Israel runakunapa mandaqninkunata niy tukrunta apamunanpaq. Lapan apamuptinmi kanqa chunka ishkay tukrukuna. Cada tukruman jutinkunata qelqanki. 3 3 (18) Leví trïbupa kaq tukrunmanqa Aarónpa jutinta qelqanki. Cada trïbupa mandaqninpami juk tukru kanqa. 4 4 (19) Tsay tukrukunata churanki Tinkuna Toldu rurincho kaykaq Pactu Babul nawpanman. Tsaychömi qamwan cadala tinkuntsi. 5 5 (20) Akrashqä runapa tukrun tsintsimuqta rikashpanmi tantiyapäkunqa qamta y Aarónta akrashqäta. Tsaymi wasaykita pipis mana rimanqanatsu>>.
6 6 (21) Tayta Dios nishqannöla Israel runakunata Moisés wilaptinmi cada trïbupa mandaqnin tukrunta Moisésta entregarqan. Aarónpa tukrunpis paykunapa tukrunkunawan kaptinmi chunka ishkay tukrukuna karqan. 7 7 (22) Tsay tukrukunatami Moisés churarqan Pactu Toldu rurinman Tayta Diospa nawpancho kananpaq. 8 8 (23) Tsaypita jukaqnin junaq Tayta Dioswan Pactu Tolduman aywarmi Moisés tarirqan Leví trïbu Aarónpa tukrun tsintsiraykaqta#Heb. 9.4., murkuraykaqta, waytaraykaqta y almendras poquraykaqta. 9 9 (24) Tsawraqa Tayta Diospa nawpanpita lapan tukrukunata Moisés jorqamurqan mayqanpa tukrun tuktushqantapis Israel runakuna rikananpaq. Nirkurnami tukrunkunata cada mandaqkuna shuntakärirqan.
10 10 (25) Tsaypitanami Moisésta Tayta Dios kayno nirqan: <<Aarónpa tukrunta kutitsiy Pactu Babul nawpanman. Tsayman churanki mana wiyakuq Israel runakuna tantiyakur conträ mana rimananpaq. Tsaynöpami mana wanupäkunqanatsu>>.
11 11 (26) Tayta Dios nishqannölami lapantapis Moisés rurarqan. 12 12 (27) Tsaypitanami Israel runakuna Moisésta kayno nirqan: <<¡Kananchi kananlaqa! ¡Kananqa lapanïchari ushakäshaq! 13 13 (28) Mayqanpis Tayta Diospa Sagrädu Toldunman witipaq kaq wanunanpaq kaykaptinqa lapanïchari wanur ushakäshaq>>.
Currently Selected:
Números 17: qvmB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
