Mateo 16
16
Milagrutaraq rikayta munapäkushqan
Marcos 8.11-13; Lucas 12.54-56
1Jesústa manakaqman churayta munarmi fariseukuna y saduceukuna aywaykur kayno nipäkurqan: <<Tayta Dios rasunpa kachamushushqaykita musyapäkunäpaq ima milagrutapis ruray, tayta>>.#Mat. 12.38; Luc. 11.16.
2Tsaymi Jesús kayno nirqan: <<Inti jeqashqan höra pukutay qarwashtaptin kaynömi nipäkunki: <Wara usyanqami>. 3Pukutaraykar warämuptinnami kayno nipäkunki: <Kanan junaqqa tamyanqami>. [¡Ishkay cära runakuna!] Tsaykunata tantiyaykarqa ¿imanirtaq rurashqäkunata rikaykar Tayta Dios kachamashqanta mana tantiyapäkunkitsu? 4¡Mana cäsukuq jutsasapa runakuna! Milagruta ruranäta munaptikipis#Mat. 12.39; Mar. 8.12; Luc. 11.29. manami ima milagrutapis rurashaqtsu. Tsaypa trukanqa profëta Jonásta salvar milagruta rurashqannömi Tayta Dios juk milagruta ruranqa>>.
Tsayno nirkurmi Jesús aywakurqan.
Fariseukunapa yachatsikuyninta levadüraman Jesús tinkutsishqan
Marcos 8.14-21
5Qochata tsimparkurmi Jesúspa discïpulunkuna yarparkurqan tantata qonqapäkamushqanta. 6Tsaymi Jesús kayno nirqan: <<Fariseukunapa y saduceukunapa levadüranta cuidädu chaskipäkunkiman>>.#Luc. 12.1.
7Tsayno niptinmi discïpulunkuna kikinpura kayno ninakurqan: <<Tantata mana mirkapakamushqantsipitami tsayno niykämantsi>>.
8Tsayno parlaykashqanta tantiyarmi Jesús kayno nirqan: <<¡Janan shonqula yärakuq runakuna! ¿Imanirtaq parlarkaykanki tantata mana apamushqaykipita? 9¿Imanirtaq mana tantiyapäkunkitsu imapita parlaykashqätapis? ¿Manaku yarpapäkunki pitsqa tantalapita pitsqa waranqa (5,000) runakuna mikunanpaq milagruta rurashqäta? ¿Manaku yarpapäkunki putsuq tantata ayka canastata shuntashqaykitapis?#Mat. 14.17-21. 10Tsaynöpis ¿manaku yarpapäkunki qanchis tantalapita chusku waranqa (4,000) runakuna mikunanpaq milagruta rurashqäta y putsuq tantata ayka canastata shuntashqaykitapis?#Mat. 15.34-38. 11¿Imanirtaq mana tantiyapäkunkitsu tantapaq mana parlashqäta? Qamkunata tsayno niykä fariseukunapa y saduceukunapa levadüranta mana chaskipänaykipaqmi>>.
12Tsayno niptinmi tantiyapäkurqan levadürapita mana parlaykashqanta, sinöqa fariseukunapa y saduceukunapa yachatsikuyninta mana chaskipänanpaq niykashqanta.
Jesúsqa Cristo kashqanta Pedro nishqan
Marcos 8.27-30; Lucas 9.18-21
13Cesarea de Filipos kinrayman chayaykurmi discïpulunkunata Jesús tapurqan kayno nir: <<Runapa Tsurin ¿pï kashqantataq runakuna nirkaykan?>>
14Tsawraqa discïpulunkuna nipäkurqan: <<Wakin nipäkun Bautizaq Juan kashqaykita. Wakinnami nipäkun profëta Elías kashqaykita. Wakinnami nipäkun profëta Jeremías o mayqan profëtapis kashqaykita>>.#Mat. 14.1-2; Mar. 6.14-15; Luc. 9.7-8.
15Nipäkuptinmi yapay tapurqan: <<Qamkunaqa ¿pï kashqätataq yarpapäkunki?>>
16Tsawraqa Simón Pedro kayno nirqan: <<Qamqa imayyaqpis kawaq Tayta Diospa Tsurinmi kaykanki. Pay kachamushqan Cristumi kaykanki>>.#Juan 6.68-69.
17Tsaymi Jesús kayno nirqan: <<Jonáspa tsurin Simón, alitami nishqanki. Tsayno ninaykipaq manami runatsu tantiyatsishushqanki, sinöqa jana patsacho kaykaq Taytämi. 18Qamta nï Pedro#16.18 Pedro nishqanqa rumi ninanmi. kashqaykitami. Kay rumi jananchömi iglesiäta sharkatsishaq. Tsay iglesiataqa Satanáspis manami vincinqatsu. 19Qamtami qoykushayki Tayta Dios mandaykashqanman yaykuna llävinpa wawankunata. Tsaymi kay patsacho watashqaykiqa jana patsachöpis watashqa kanqa. Kay patsacho paskashqaykiqa jana patsachöpis paskashqami kanqa>>.#16.19 Tsaynöpami Jesucristo nirqan paypa jutincho yachatsinanpaq apóstol Pedro munayniyuq kashqanta.#Mat. 18.18; Juan 20.23.
20Tsayno nirkushpanmi discïpulunkunata kayno nirqan: <<Tayta Dios kachamushqan Cristo kashqäta pitapis ama wilapäkunkitsu>>.#16.20 Tsay witsan Israel runakuna yarparqan Cristuta Tayta Dios kachamuptin Roma runakunata guërracho vincinanpaq kashqantami. Tsayno yarpaptinpis Jesucristo manami guërrata rurananpaqtsu shamushqa, sinöqa noqantsi rayku cruzcho wanunanpaqmi. Tsaymi discïpulunkunata nirqan Cristo kashqanta pitapis mana wilapänanpaq. Wanushqanpita kawarirkamurmi itsanqa pïmaytapis wilapänanpaq nirqan (Mat. 17.9; 28.19).
Wanunanpaq kashqanta Jesús wilakushqan
Marcos 8.31—9.1; Lucas 9.22-27
21Tsaypitanami discïpulunkunata Jesús wilaparqan kayno nir: <<Imano kaptinpis Jerusalénman aywashaqraqmi. Tsaychömi Israel mayor runakuna, mandaq cürakuna y ley yachatsiqkuna fiyupa nakatsimar wanutsimanqa. Wanutsimashqanpita kimsa junaqtami kawarimushaqpaq>>.
22Tsayno niptinmi juk läduman qayaykur Pedro olqüparqan kayno nir: <<Tayta, tsaytaqa Tayta Dios ama munaykulätsuntsu. ¡Tsaynöqa ama kaykulätsuntsu!>>
23Tsayno niptin Pedro kaqpa tikraykur Jesús kayno nirqan: <<¡Nawpäpita witikuy, Satanás! ¡Ama tsapata churapämaytsu! Qam manami munankitsu Tayta Dios munashqanta ruranäta, sinöqa runa munashqanta ruranätami munaykanki>>.
24Nirkurmi discïpulunkunata Jesús kayno nirqan: <<Pipis discïpulü kayta munarqa kikin munashqanno ama kawatsuntsu, sinöqa cruzninta apaqno noqata qatirämätsun.#16.24 Jesucristo kawashqan witsanqa pipis cruzninta aparqan wanutsishqa kananpaqmi. Tsaymi cruzninta apaqno noqata qatirämätsun nirqa jutsa ruraypaq wanushqano kar Jesucristuta qatiränanpaq kashqanta niykan.#Mat. 10.38; Mar. 8.34; Luc. 9.23; 14.27; Juan 12.25. 25Kawayninta salvayta munaqkunaqa kawayninta oqranqami. Kawayninta noqa rayku oqraqkunami itsanqa kawayninta salvanqa.#16.25 Tsayno nirqa Jesucristo kaynömi nirqan: <<Kikin munashqanno luta kawakuqkunaqa manami salvakunqatsu. Noqa munashqäno kawaqkunami itsanqa salvakunqa>>.#Mat. 10.39; Luc. 17.33; Juan 12.25. 26Infiernuman qaykushqa kananpaq kaptinqa ¿imapaqtaq välin intëru munduta munaynincho tsararashqanpis? Mayjina rïcu karpis manami rïcu kashqanwanqa salvacionta rantinqatsu.
27<<Runapa Tsurin angilninkunawan y Taytanpa munayninwan shamurmi#Mat. 25.31. imanöpis kawashqanman tupu pitapis juzganqa.#Sal. 62.11-12; Prov. 24.12; Jer. 17.10; Eze. 18.30; 33.20; Rom. 2.6. 28Rasunpami kayno nï: Manaraqpis wanurmi wakinniki rikapäkunki Runapa Tsurin lapantapis mandananpaq aywaykämuqta>>.
Currently Selected:
Mateo 16: qvmB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Mateo 16
16
Milagrutaraq rikayta munapäkushqan
Marcos 8.11-13; Lucas 12.54-56
1Jesústa manakaqman churayta munarmi fariseukuna y saduceukuna aywaykur kayno nipäkurqan: <<Tayta Dios rasunpa kachamushushqaykita musyapäkunäpaq ima milagrutapis ruray, tayta>>.#Mat. 12.38; Luc. 11.16.
2Tsaymi Jesús kayno nirqan: <<Inti jeqashqan höra pukutay qarwashtaptin kaynömi nipäkunki: <Wara usyanqami>. 3Pukutaraykar warämuptinnami kayno nipäkunki: <Kanan junaqqa tamyanqami>. [¡Ishkay cära runakuna!] Tsaykunata tantiyaykarqa ¿imanirtaq rurashqäkunata rikaykar Tayta Dios kachamashqanta mana tantiyapäkunkitsu? 4¡Mana cäsukuq jutsasapa runakuna! Milagruta ruranäta munaptikipis#Mat. 12.39; Mar. 8.12; Luc. 11.29. manami ima milagrutapis rurashaqtsu. Tsaypa trukanqa profëta Jonásta salvar milagruta rurashqannömi Tayta Dios juk milagruta ruranqa>>.
Tsayno nirkurmi Jesús aywakurqan.
Fariseukunapa yachatsikuyninta levadüraman Jesús tinkutsishqan
Marcos 8.14-21
5Qochata tsimparkurmi Jesúspa discïpulunkuna yarparkurqan tantata qonqapäkamushqanta. 6Tsaymi Jesús kayno nirqan: <<Fariseukunapa y saduceukunapa levadüranta cuidädu chaskipäkunkiman>>.#Luc. 12.1.
7Tsayno niptinmi discïpulunkuna kikinpura kayno ninakurqan: <<Tantata mana mirkapakamushqantsipitami tsayno niykämantsi>>.
8Tsayno parlaykashqanta tantiyarmi Jesús kayno nirqan: <<¡Janan shonqula yärakuq runakuna! ¿Imanirtaq parlarkaykanki tantata mana apamushqaykipita? 9¿Imanirtaq mana tantiyapäkunkitsu imapita parlaykashqätapis? ¿Manaku yarpapäkunki pitsqa tantalapita pitsqa waranqa (5,000) runakuna mikunanpaq milagruta rurashqäta? ¿Manaku yarpapäkunki putsuq tantata ayka canastata shuntashqaykitapis?#Mat. 14.17-21. 10Tsaynöpis ¿manaku yarpapäkunki qanchis tantalapita chusku waranqa (4,000) runakuna mikunanpaq milagruta rurashqäta y putsuq tantata ayka canastata shuntashqaykitapis?#Mat. 15.34-38. 11¿Imanirtaq mana tantiyapäkunkitsu tantapaq mana parlashqäta? Qamkunata tsayno niykä fariseukunapa y saduceukunapa levadüranta mana chaskipänaykipaqmi>>.
12Tsayno niptinmi tantiyapäkurqan levadürapita mana parlaykashqanta, sinöqa fariseukunapa y saduceukunapa yachatsikuyninta mana chaskipänanpaq niykashqanta.
Jesúsqa Cristo kashqanta Pedro nishqan
Marcos 8.27-30; Lucas 9.18-21
13Cesarea de Filipos kinrayman chayaykurmi discïpulunkunata Jesús tapurqan kayno nir: <<Runapa Tsurin ¿pï kashqantataq runakuna nirkaykan?>>
14Tsawraqa discïpulunkuna nipäkurqan: <<Wakin nipäkun Bautizaq Juan kashqaykita. Wakinnami nipäkun profëta Elías kashqaykita. Wakinnami nipäkun profëta Jeremías o mayqan profëtapis kashqaykita>>.#Mat. 14.1-2; Mar. 6.14-15; Luc. 9.7-8.
15Nipäkuptinmi yapay tapurqan: <<Qamkunaqa ¿pï kashqätataq yarpapäkunki?>>
16Tsawraqa Simón Pedro kayno nirqan: <<Qamqa imayyaqpis kawaq Tayta Diospa Tsurinmi kaykanki. Pay kachamushqan Cristumi kaykanki>>.#Juan 6.68-69.
17Tsaymi Jesús kayno nirqan: <<Jonáspa tsurin Simón, alitami nishqanki. Tsayno ninaykipaq manami runatsu tantiyatsishushqanki, sinöqa jana patsacho kaykaq Taytämi. 18Qamta nï Pedro#16.18 Pedro nishqanqa rumi ninanmi. kashqaykitami. Kay rumi jananchömi iglesiäta sharkatsishaq. Tsay iglesiataqa Satanáspis manami vincinqatsu. 19Qamtami qoykushayki Tayta Dios mandaykashqanman yaykuna llävinpa wawankunata. Tsaymi kay patsacho watashqaykiqa jana patsachöpis watashqa kanqa. Kay patsacho paskashqaykiqa jana patsachöpis paskashqami kanqa>>.#16.19 Tsaynöpami Jesucristo nirqan paypa jutincho yachatsinanpaq apóstol Pedro munayniyuq kashqanta.#Mat. 18.18; Juan 20.23.
20Tsayno nirkushpanmi discïpulunkunata kayno nirqan: <<Tayta Dios kachamushqan Cristo kashqäta pitapis ama wilapäkunkitsu>>.#16.20 Tsay witsan Israel runakuna yarparqan Cristuta Tayta Dios kachamuptin Roma runakunata guërracho vincinanpaq kashqantami. Tsayno yarpaptinpis Jesucristo manami guërrata rurananpaqtsu shamushqa, sinöqa noqantsi rayku cruzcho wanunanpaqmi. Tsaymi discïpulunkunata nirqan Cristo kashqanta pitapis mana wilapänanpaq. Wanushqanpita kawarirkamurmi itsanqa pïmaytapis wilapänanpaq nirqan (Mat. 17.9; 28.19).
Wanunanpaq kashqanta Jesús wilakushqan
Marcos 8.31—9.1; Lucas 9.22-27
21Tsaypitanami discïpulunkunata Jesús wilaparqan kayno nir: <<Imano kaptinpis Jerusalénman aywashaqraqmi. Tsaychömi Israel mayor runakuna, mandaq cürakuna y ley yachatsiqkuna fiyupa nakatsimar wanutsimanqa. Wanutsimashqanpita kimsa junaqtami kawarimushaqpaq>>.
22Tsayno niptinmi juk läduman qayaykur Pedro olqüparqan kayno nir: <<Tayta, tsaytaqa Tayta Dios ama munaykulätsuntsu. ¡Tsaynöqa ama kaykulätsuntsu!>>
23Tsayno niptin Pedro kaqpa tikraykur Jesús kayno nirqan: <<¡Nawpäpita witikuy, Satanás! ¡Ama tsapata churapämaytsu! Qam manami munankitsu Tayta Dios munashqanta ruranäta, sinöqa runa munashqanta ruranätami munaykanki>>.
24Nirkurmi discïpulunkunata Jesús kayno nirqan: <<Pipis discïpulü kayta munarqa kikin munashqanno ama kawatsuntsu, sinöqa cruzninta apaqno noqata qatirämätsun.#16.24 Jesucristo kawashqan witsanqa pipis cruzninta aparqan wanutsishqa kananpaqmi. Tsaymi cruzninta apaqno noqata qatirämätsun nirqa jutsa ruraypaq wanushqano kar Jesucristuta qatiränanpaq kashqanta niykan.#Mat. 10.38; Mar. 8.34; Luc. 9.23; 14.27; Juan 12.25. 25Kawayninta salvayta munaqkunaqa kawayninta oqranqami. Kawayninta noqa rayku oqraqkunami itsanqa kawayninta salvanqa.#16.25 Tsayno nirqa Jesucristo kaynömi nirqan: <<Kikin munashqanno luta kawakuqkunaqa manami salvakunqatsu. Noqa munashqäno kawaqkunami itsanqa salvakunqa>>.#Mat. 10.39; Luc. 17.33; Juan 12.25. 26Infiernuman qaykushqa kananpaq kaptinqa ¿imapaqtaq välin intëru munduta munaynincho tsararashqanpis? Mayjina rïcu karpis manami rïcu kashqanwanqa salvacionta rantinqatsu.
27<<Runapa Tsurin angilninkunawan y Taytanpa munayninwan shamurmi#Mat. 25.31. imanöpis kawashqanman tupu pitapis juzganqa.#Sal. 62.11-12; Prov. 24.12; Jer. 17.10; Eze. 18.30; 33.20; Rom. 2.6. 28Rasunpami kayno nï: Manaraqpis wanurmi wakinniki rikapäkunki Runapa Tsurin lapantapis mandananpaq aywaykämuqta>>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.