Jueces 5
5
Débora y Barac cantashqan
1Tsay vincipäkushqan junaqmi Débora y Abinoampa tsurin Barac kayno nir cantapäkurqan:
2<<Contrantsikunawan pelyananpaqmi Israel nacioncho mandaq runakuna aywapäkurqan.
Wakin runakunapis lapan voluntäninwanmi guërraman aywapäkurqan.
Tsayno kashqanpita Tayta Diosta alabashun.
3Mandaq reykuna, mayapäkamay.
Marka mandaqkunapis, wiyapäkamay.
Israel runakunata kuyaq Tayta Diospaqmi cantapäkushaq.
Salmukunata cantashpämi alabapäkushaq.
4<<Tayta Dios, Seirpita yarqamur Edom nación chakrakunapa puriptiki intëru patsami siksikyarqan.
Jana patsacho kaqkunapis pasaypami kuyurqan.
Pukutaypitapis tamyamurqanmi.
5Israel runakuna respitashqan Tayta Diospa nawpanchöqa jalqakunapis siksikyarqanmi.
Sinaí puntapis kuyurqanmi.#Éxo. 19.18; Sal. 68.7-8.
6<<Anatpa tsurin Samgar#Jue. 3.31. kashqan witsanpis y Jael kashqan witsanpis mantsakushpan manami pipis jatun nänipa purirqannatsu.
Jatun nänipa purinanpa trukanqa chaki nänilapanami puripäkurqan.
7Mantsakurmi jalqakunacho pipis mana tarqannatsu.
Tsayno kaptinmi noqa Débora Israel runakunapa mamanno favornin sharkushqä.
8<<Israel runakuna juk dioskunata adoraptinqa guërrami jananchöna rikakuq.
Chusku chunka waranqa (40,000) karpis manami valurapäkurqantsu escüduta y espädata aptayta.
9<<Tsayno kaptinpis kananqa Israel runakuna y mandaqninkuna lapan voluntäninwanmi guërraman aywapäkushqa.
Tsayno kashqanpita Tayta Diosta alabaykuläshun.
10Fïnu bürrulata muntaraq rïcukuna y silla janalancho aywaqkuna, lapayki cantapäkuy.
Chakilapa puriqkunapis, Diosta alabapäkuy.
11Pukyukunaman chayaykur tsaycho runakuna Diosta alabaykaqta mayapäkuy.#5.11 Negociantikuna markan markan purirmi pukyukunacho uywankunata yakuta uputsir jamapäkurqan. Tsaymanmi cantaqkuna y wilakuqkuna aywapäkuq noticia ima pasaykashqantapis wilakärinanpaq.
Paykunami cantarkaykan contrantsikunata Tayta Dios vincishqanpita.
Payta alabarkaykan pelyapäkuptintsi yanapamashqantsipitami.
Tsaymi Tayta Dios kuyashqan runakuna mana mantsakuypana markankunaman kutikärirqan.
12<<¡Kushikuy, Débora!
¡Pasaypa kushikur cantay!
Abinoampa tsurin Barac, ¡kushikuy!
¡Prësu tsarishqaykikunata apay!
13<<Tabor jirkapitami mandaqnin runakunawan Israel runakuna uräpäkurqan.
Pelyayta yachaq runakunawanmi Tayta Diosman yärakuq runakuna pelyapäkurqan.
14Amalecita runakuna nawpata tashqan kaqpitami Efraín trïbu runakuna guërraman aywapäkurqan.
Paykunapa qepantami Benjamín trïbu runakuna aywapäkurqan.
Tsaymanmi Maquirpita mandaqkunapis aywapäkurqan.
Zabulón trïbu autoridäkunapis tsaymanmi aywapäkurqan.
15Isacar trïbupa mandaqninkunapis Déborawanmi aywapäkurqan.
Paykunami Baracpa qepanta raqra kuchun pampaman aywapäkurqan.
<<Rubén trïbu runakunapaqa shimilanmi karqan.
16Paykunaqa guërraman aywananpa trukan uyshankunata mitsikurmi qoyäkärirqan.
Rubén trïbu runakunaqa rikaylanmi karqan.
17<<Galaad particho taq runakunaqa Jordán mayuta manami tsimparqantsu.
Dan trïbu runakunaqa büquikuna ichiräkunanchömi quëdakurqan.
Aser trïbu runakunapis lamar kuchuncho büquinkunata täpar manami yanapamarqantsitsu.
18Zabulón trïbu runakuna y Neftalí trïbu runakunami itsanqa wanuyta mana mantsakuypa jalqakunachöpis, pampakunachöpis pelyapäkurqan.
19<<Cananeo runakunapa mandaqnin reykunami Israel runakunata atacananpaq Taanacman shapäkamurqan.
Meguiducho kaykaq pukyukuna nawpanchömi paykuna atacarqan.
Tsayno atacarpis mana vincishpan manami qellayta ni ima riquëzatapis apakärirqantsu.
20Qoylarkunapis Sísarapa contranmi jana patsapita pelyamurqan.
21Cisón raqrapa yaku bunyaypa bunyar aywarmi contrantsikunata apakurqan.
Tsayta rikashqa kaykarqa mana qelanaypa mana mantsakuypami yapaychöpis pelyashunpaq.
22<<Sísarapa cawallunkunaqa patataylami guërraman aywapäkurqan.
Patatayla cörrishqanpis mayakarqanmi.
23Tayta Diospa angilninmi wilakun kayno nir:
<¡Merozcho taqkunaqa castigashqa katsun!
Paykunaqa manami aywapäkushqatsu Tayta Diospa soldädunkunata yanapananpaq>.
24<<Ceneo runa Heberpa warmin Jaelqa lapan warmikunapita mas respitashqa katsun.
Tolducho taq lapan warmikunapitapis payta Tayta Dios mas yanapaykutsun.
25Yakuta Sísara manakuptinmi Jaelqa lëchita qararqan.
Kuyaylapaq tazonwanmi nätasniyuq lëchita qararqan.
26Itsuq kaq makinwanmi estäcata aptararqan.
Alawqa kaq makinwanmi mäsuta tsarararqan.
Lapan kalpanwan takashpan sentïdunpa Sísarata pasaratsirqan.
Uma tulunta pakirirmi toqshunpa pasarirqan.
27Sísaraqa Jaelpa nawpancho wanurqan.
Qochpaykarmi pampacho jitararqan.
Patpatyaykashqalanchömi pasarpurqan.
28<<Sísarapa mamanmi lakikushpan ventänapa rikachakuykashqancho kayno nirqan:
<¿Imanirtaq carrëtan mana chayamuntsu?
¿Imanirtaq guërra carrëtan mana tumarkamuntsu?>
29Tsaypitanami yachaq warmikunawan kayno nirqan:
30<Pelyacho vincirkur imatapis shuntamushqantachari capaz rakipänakurkaykan.
Cada soldäduchari juk ishkay jipashkunata ashmayninpaq aypunakurkaykan.
Sísara shuntashqankunachöqa atska color tëlakunami kanqa.
Bordashqa juk ishkay kuyaylapaq pañuëlukunatatsuraq soldädukunapa mandaqninkunata walqaparkaykan>.
31<<Tayta Dios, contrayki kaqkunaqa lapanpis tsayno ushakätsishqa katsun.
Kuyashuqniki kaqkuna itsanqa patsa waraptin inti shumaq atsikyämushqanno katsun>>.
Tsaypitaqa chusku chunka (40) watayaq Israel runakuna jawka kawapäkurqan.
Currently Selected:
Jueces 5: qvmB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Jueces 5
5
Débora y Barac cantashqan
1Tsay vincipäkushqan junaqmi Débora y Abinoampa tsurin Barac kayno nir cantapäkurqan:
2<<Contrantsikunawan pelyananpaqmi Israel nacioncho mandaq runakuna aywapäkurqan.
Wakin runakunapis lapan voluntäninwanmi guërraman aywapäkurqan.
Tsayno kashqanpita Tayta Diosta alabashun.
3Mandaq reykuna, mayapäkamay.
Marka mandaqkunapis, wiyapäkamay.
Israel runakunata kuyaq Tayta Diospaqmi cantapäkushaq.
Salmukunata cantashpämi alabapäkushaq.
4<<Tayta Dios, Seirpita yarqamur Edom nación chakrakunapa puriptiki intëru patsami siksikyarqan.
Jana patsacho kaqkunapis pasaypami kuyurqan.
Pukutaypitapis tamyamurqanmi.
5Israel runakuna respitashqan Tayta Diospa nawpanchöqa jalqakunapis siksikyarqanmi.
Sinaí puntapis kuyurqanmi.#Éxo. 19.18; Sal. 68.7-8.
6<<Anatpa tsurin Samgar#Jue. 3.31. kashqan witsanpis y Jael kashqan witsanpis mantsakushpan manami pipis jatun nänipa purirqannatsu.
Jatun nänipa purinanpa trukanqa chaki nänilapanami puripäkurqan.
7Mantsakurmi jalqakunacho pipis mana tarqannatsu.
Tsayno kaptinmi noqa Débora Israel runakunapa mamanno favornin sharkushqä.
8<<Israel runakuna juk dioskunata adoraptinqa guërrami jananchöna rikakuq.
Chusku chunka waranqa (40,000) karpis manami valurapäkurqantsu escüduta y espädata aptayta.
9<<Tsayno kaptinpis kananqa Israel runakuna y mandaqninkuna lapan voluntäninwanmi guërraman aywapäkushqa.
Tsayno kashqanpita Tayta Diosta alabaykuläshun.
10Fïnu bürrulata muntaraq rïcukuna y silla janalancho aywaqkuna, lapayki cantapäkuy.
Chakilapa puriqkunapis, Diosta alabapäkuy.
11Pukyukunaman chayaykur tsaycho runakuna Diosta alabaykaqta mayapäkuy.#5.11 Negociantikuna markan markan purirmi pukyukunacho uywankunata yakuta uputsir jamapäkurqan. Tsaymanmi cantaqkuna y wilakuqkuna aywapäkuq noticia ima pasaykashqantapis wilakärinanpaq.
Paykunami cantarkaykan contrantsikunata Tayta Dios vincishqanpita.
Payta alabarkaykan pelyapäkuptintsi yanapamashqantsipitami.
Tsaymi Tayta Dios kuyashqan runakuna mana mantsakuypana markankunaman kutikärirqan.
12<<¡Kushikuy, Débora!
¡Pasaypa kushikur cantay!
Abinoampa tsurin Barac, ¡kushikuy!
¡Prësu tsarishqaykikunata apay!
13<<Tabor jirkapitami mandaqnin runakunawan Israel runakuna uräpäkurqan.
Pelyayta yachaq runakunawanmi Tayta Diosman yärakuq runakuna pelyapäkurqan.
14Amalecita runakuna nawpata tashqan kaqpitami Efraín trïbu runakuna guërraman aywapäkurqan.
Paykunapa qepantami Benjamín trïbu runakuna aywapäkurqan.
Tsaymanmi Maquirpita mandaqkunapis aywapäkurqan.
Zabulón trïbu autoridäkunapis tsaymanmi aywapäkurqan.
15Isacar trïbupa mandaqninkunapis Déborawanmi aywapäkurqan.
Paykunami Baracpa qepanta raqra kuchun pampaman aywapäkurqan.
<<Rubén trïbu runakunapaqa shimilanmi karqan.
16Paykunaqa guërraman aywananpa trukan uyshankunata mitsikurmi qoyäkärirqan.
Rubén trïbu runakunaqa rikaylanmi karqan.
17<<Galaad particho taq runakunaqa Jordán mayuta manami tsimparqantsu.
Dan trïbu runakunaqa büquikuna ichiräkunanchömi quëdakurqan.
Aser trïbu runakunapis lamar kuchuncho büquinkunata täpar manami yanapamarqantsitsu.
18Zabulón trïbu runakuna y Neftalí trïbu runakunami itsanqa wanuyta mana mantsakuypa jalqakunachöpis, pampakunachöpis pelyapäkurqan.
19<<Cananeo runakunapa mandaqnin reykunami Israel runakunata atacananpaq Taanacman shapäkamurqan.
Meguiducho kaykaq pukyukuna nawpanchömi paykuna atacarqan.
Tsayno atacarpis mana vincishpan manami qellayta ni ima riquëzatapis apakärirqantsu.
20Qoylarkunapis Sísarapa contranmi jana patsapita pelyamurqan.
21Cisón raqrapa yaku bunyaypa bunyar aywarmi contrantsikunata apakurqan.
Tsayta rikashqa kaykarqa mana qelanaypa mana mantsakuypami yapaychöpis pelyashunpaq.
22<<Sísarapa cawallunkunaqa patataylami guërraman aywapäkurqan.
Patatayla cörrishqanpis mayakarqanmi.
23Tayta Diospa angilninmi wilakun kayno nir:
<¡Merozcho taqkunaqa castigashqa katsun!
Paykunaqa manami aywapäkushqatsu Tayta Diospa soldädunkunata yanapananpaq>.
24<<Ceneo runa Heberpa warmin Jaelqa lapan warmikunapita mas respitashqa katsun.
Tolducho taq lapan warmikunapitapis payta Tayta Dios mas yanapaykutsun.
25Yakuta Sísara manakuptinmi Jaelqa lëchita qararqan.
Kuyaylapaq tazonwanmi nätasniyuq lëchita qararqan.
26Itsuq kaq makinwanmi estäcata aptararqan.
Alawqa kaq makinwanmi mäsuta tsarararqan.
Lapan kalpanwan takashpan sentïdunpa Sísarata pasaratsirqan.
Uma tulunta pakirirmi toqshunpa pasarirqan.
27Sísaraqa Jaelpa nawpancho wanurqan.
Qochpaykarmi pampacho jitararqan.
Patpatyaykashqalanchömi pasarpurqan.
28<<Sísarapa mamanmi lakikushpan ventänapa rikachakuykashqancho kayno nirqan:
<¿Imanirtaq carrëtan mana chayamuntsu?
¿Imanirtaq guërra carrëtan mana tumarkamuntsu?>
29Tsaypitanami yachaq warmikunawan kayno nirqan:
30<Pelyacho vincirkur imatapis shuntamushqantachari capaz rakipänakurkaykan.
Cada soldäduchari juk ishkay jipashkunata ashmayninpaq aypunakurkaykan.
Sísara shuntashqankunachöqa atska color tëlakunami kanqa.
Bordashqa juk ishkay kuyaylapaq pañuëlukunatatsuraq soldädukunapa mandaqninkunata walqaparkaykan>.
31<<Tayta Dios, contrayki kaqkunaqa lapanpis tsayno ushakätsishqa katsun.
Kuyashuqniki kaqkuna itsanqa patsa waraptin inti shumaq atsikyämushqanno katsun>>.
Tsaypitaqa chusku chunka (40) watayaq Israel runakuna jawka kawapäkurqan.
© 2003, Wycliffe Bible Translators, Inc. All rights reserved.