Jueces 17
17
Micaíapa ïdulunkuna y cüran kashqan
1Efraín jalqakunachömi tarqan juk runa Micaía jutiyuq. 2Paymi juk kuticho mamanta kayno nirqan: <<¿Yarpankiku juk waranqa pachak (1,100) siclo qellayniki suwaq runata maldicionashqaykita? Noqami tsay suwapäshuqniki kaykä>>.
Tsayno niptinmi maman kayno nirqan: <<¡Tayta Dios bendicionninta qoykuläshunki, hïju!>>
3Qellayta kutiykatsiptinmi maman kayno nirqan: <<Kananqa kay qellay Tayta Diospaqmi kanqa. Tsaymi kay qellaywan juk ïduluta rurarkatsir qamta qoykushaykipaq>>.
4Tsayno nishpanmi wawan kutitsishqan ishkay pachak (200) qellayta ïdulu ruraq runata qoykurqan. Ïdulu rurayta usharkuptinnami Micaíapa wayinman churarqan. 5Micaíanami tsaycho takshala capillata rurarqan ïdulunta tsayman churaykur adorananpaq. Efodta y wakin ïdulukunatapis ruraykurmi juk tsurinta cüra kananpaq churarqan.
6Tsay witsan Israel runakunapa mandaqnin rey mana kaptinmi cada ünun munashqanno imatapis rurapäkuq.#Deut. 12.8; Jue. 21.25.
7Tsay witsanmi Leví trïbupita juk purikuq mözu Judácho kaykaq Beléncho tarqan. 8Paymi juk junaq Belénpita aywakurqan maychöpis tänanpaq sitiuta ashir. Efraín jalqakunapa puriykashqanchömi chayarqan Micaíapa wayinman. 9Chayaykuptinmi Micaía kayno tapurqan: <<¿Maypitataq shamushqanki?>>
Tsawraqa kayno nirqan: <<Judácho kaykaq Belénpitami shamushqä. Tsaynöpis Leví trïbu runami kä. Maycho tänäpaq kaqta ashirmi puriykä>>.
10Niptinmi Micaía kayno nirqan: <<Kaycho täkushun noqapa cürä y papänïno kanaykipaq. Watacho pägashayki chunka siclo qellaytami. Tsay jananmanpis röpata y mikuytami kamaripäshayki>>.
11Tsayno niptinmi tsay mözuqa tsaycho tashpan Micaíapa tsurinno karqan. 12Tsaynöpis cüra kananpaq Micaía churaptin paypa wayilancho tarqan. 13Leví trïbupita cüran kaptinmi Micaíaqa kushikur yarparqan Tayta Diospa bendicionninwan ali kawananpaq kashqanta.
Currently Selected:
Jueces 17: qvmB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
