Ezequiel 34

Israel nacioncho autoridäkunata qayapashqan

1 Tayta Diosmi kayno nimarqan: 2<<Runapa tsurin, Israel runakunapa autoridäninkunapa contran wilakur#Jer. 10.21; 23.1-6. kayno ninki: <Tayta Diosmi kayno nin: Qamkunaqa kikikikunalapaq yarpachakurmi uyshäkunata#34.2 Diospa uyshankunaqa Israel runakunami kaykan. shumaq mana mitsiykankitsu. Uysha mitsiq runakunaqa ¿manaku uyshankunata shumaq mitsipäkunman? 3Uyshakunapa lëchinta upuykarpis, milwanpita röpaykikunata ruraykarpis y weranninta pishtaykarpis manami shumaqtsu mitsirkaykanki. 4Uyutaptinpis manami kachita qaraykankitsu ni qeshyaptinpis jampiykankitsu. Chakin pakishkunatapis manami shakluwan watapaykankitsu. Jukpa uyshanman takukaptinpis manami shuntaykämunkitsu ni oqrakaptinpis ashiykankitsu. Tsaypa trukanqa astaraykarmi munashqaykita ruraykätsinki.

5<< <Mitsiqniynaq kar uyshäkuna wakpa kaypa mashtakaptinmi#Núm. 27.17; 2Crón. 18.16; Jer. 50.6-7; Zac. 10.2; Mat. 9.36; Mar. 6.34. jirka uywakuna mikur usharkaykan. 6Maytsay jirkakunapa y raqrakunapami oqrakashqa purirkaykan. Oqrakaptinpis manami pipis ashintsu ni watukuntsu>.

7<<Autoridäkuna, Tayta Dios nishqanta shumaq mayapäkuy. 8Tayta Diosmi jurashpan kayno nin: <Uysha mitsiq uyshankunata shumaq mitsishqanno mana mitsiptikimi suwakunapis uyshäkunata apakärin y tukuy niraq jirka uywakuna mikukurkun. Uysha mitsiqnïkuna kaykarpis oqrakashqa uyshäkunata manami ashirkaykankitsu. Tsaypa trukanqa kikilaykikunapaq yarpachakurmi uyshäkunata shumaq mana mitsiykankitsu>.

9<<Uysha mitsiqkuna, Tayta Dios nishqanta shumaq mayapäkuy. 10Tayta Diosmi kayno nin: <Qamkunapa contraykimi kaykä. Uyshäkunata mana ali mitsishqaykipitami juzgashaykipaq. Uyshäkunata mana ushanaykipaqmi makikipita shuntakushaq>.

Ali mitsiq imano kashqanpis

11<<Tayta Diosmi kayno nin: <Kikïmi uyshäkuna ashiq aywar shuntamushaq. 12Oqrakashqa uyshankunata mitsiq runa ashishqannömi noqapis uyshäkunata ashishaq.#Isa. 40.11. Pukutay yanawyaraptin pantakashqa maypa aywaptinpis shuntamushaqmi. 13Maytsay markakunapitapis y nacionkunapitapis shuntamushaqmi. Kikinpa nacionninman kutiykatsimurmi Israel nación jirkankunacho shumaq mitsishaq. Mayukuna nawpan chakrakunacho y maychöpis runakuna tashqanchömi paykunata tsararäshaq. 14Israel nación jirkankuna ali qewa kashqanchömi mitsishaq. Tsaycho saksashqanyaq mitsirkurmi ali kunchaman wichqashaq. 15Mana mantsakunanpaqmi kikï täpashaq>.#Sal. 23. Tayta Diosmi tsayno nin.

16<< <Oqrakaqkunatapis ashi ashiykurmi#Luc. 15.4-7. kunchanman shuntamushaq. Chakin pakikushkunatapis watapäshaqmi. Uyutaqkunatapis kachinman jampita talurkurmi qarashaq. Wera kaqkunata y kalpayuq kaqkunatami itsanqa ushakätsishaq. Rurashqanman tupumi juzgashaq>.

17<<Tayta Diosmi kayno nin: <Kuyashqä runakuna, lapaykita juzgarmi uyshapita cabrata rakiqno lutan ruraqkunata rakishayki.#Mat. 25.31-34. 18Wakinnikiqa ali qewata mikurpis putsuq kaqtaqa panatarmi usharkaykanki. Chuya yakuta upurpis jarukurmi putkatarkaykanki. 19¿Tsayno panatashqayki qewatatsuraq wakin kaq uyshäkuna mikunqa? ¿Tsaynöpis jarukur putkatashqayki yakutatsuraq upunqa?>

20<<Tsaymi Tayta Dios kayno nin: <Kikïmi wera kaqkunatapis y uyu kaqkunatapis shumaq mitsishaq. 21Qamkunaqa wera karmi uyu kaq uyshäkunata tanqar y kumar maytsaypapis qarqurkaykanki. 22Tsayno qarquptikipis uyu uyshäkunata pipis manana nakatsinanpaqmi tsapäshaq. Lutanta rurapäkushqaykipitami juzgashayki.

23<< <Uyshäkunata shumaq rikananpaqmi ali mitsiqta churashaq. Tsay mitsikuq kanqa sirvimaqnï Davidmi. Paymi mitsiqnin kanqa.#Juan 10.11-16; Apoc. 7.17. 24Noqami paykunapa Diosnin kashaq. Sirvimaqnï Davidmi paykunapa mandaqnin rey kanqa.#Eze. 37.24. Noqa Tayta Diosmi tsayno nï.

25<< <Kuyashqä runakunawanmi pactuta rurashaq imaypis yanapaptï jawka kawapäkunanpaq. Israel nacionpita mikukuq uywakunata elqätsishaqmi. Tsaymi jäkuq jirkakunachöpis muntikunachöpis mana mantsakuypa punukärinqa. 26Paykunatami sagrädu jirkannïpa nawpankunaman pushaykur bendicionnïta qoshaq. Tamyatapis tiempulanchömi tamyatsimushaq. 27Kikinkunapa chakranchömi jawka kawapäkunqa. Frütakunapis y mikuykunapis alimi wayunqa. Jäpa runakunapa makinpita jorqamuptïmi Tayta Diosnin kashqäta musyapäkunqapaq.

28<< <Mayqan nación runakunapis manami yapayqa munaynincho tsararanqanatsu ni fiyu uywakunapis mikunqanatsu. Tsaypa trukanqa imapis mana mantsatsiptinmi jawkana kawapäkunqa. 29Mikuyninkunapis shuntayta mana atipashqanyaq wayuptinmi muchuypis mana kanqatsu. Juk lädu nación runakunapis manami asipanqanatsu. 30Tsaynöpami uyshäkuna tantiyakärinqa noqa Tayta Diosnin paykunawan kaykashqäta y paykunata kuyashqäta>. Tayta Diosmi tsayno nin.

31<< <Qamkunaqa ali qewächo mitsishqä uyshäkunami karkaykanki. Kuyashqä runakunami karkaykanki. Noqanami Diosniki kaykä>. Tayta Diosmi tsayno nin>>.

Currently Selected:

Ezequiel 34: qvmB

Highlight

Copy

Compare