Deuteronomio 10

Israel runakunawan Tayta Dios pactuta yapay rurashqan

Éxodo 34.1-10

1<<Tsawraqa Tayta Dios kayno nimarqan: <Punta kaqtanöla ishkay läja rumikunata ruray. Tsaynöpis juk babulta qerupita ruray. Nirkur tsay läjakunata apakurkur noqa kaykashqä puntaman witsämuy. 2Noqanami pakishqayki rumicho qelqashqätano tsay läja rumikunaman yapay qelqarkur entregashayki babulman churanaykipaq>.

3<<Tsayno nimaptinmi acacia qerupita babulta rurarkur#Éxo. 25.10; 1Rey. 8.9. ishkay läja rumikunata puntata rurashqätano rurarqä. Tsay läjakunata apakurkurmi puntaman witsarqä. 4Tsaychömi nawpata qelqashqannöla Tayta Dios yapay tsay läja rumikunaman chunka mandamientunkunata qelqarqan. Tsay mandamientukunaqa karqan jirka chakincho juntakaptiki nina rupaykaqpita nawpata parlamushqan mandamientukunami. Tsaykunatami läjakunaman qelqarkur Tayta Dios entregamarqan. 5Puntapita kutimurnami Tayta Dios nimashqanno tsay läjakunata rurashqä babulman winarqä. Tsaypita patsami kananyaqpis babulcho winaraykan>>.

6Beerot-bene-jaacánpita aywakurnami Israel runakuna chayarqan Moseraman. Tsaychömi Aarón wanuptin pampapäkurqan.#Núm. 20.28; 33.38. Tsaypitaqa tsurin Eleazarnami mandaq cüra karqan.

7Tsaypita aywakurmi chayapäkurqan Gudgoda partiman. Gudgodapita aywakurnami chayapäkurqan atska yaku kashqan Jotbata partiman. 8Tsaychömi levitakunata#Núm. 3.5-8. Tayta Dios akrarqan Pactu Babulta apapäkunanpaq, paypa nawpancho sirvipäkunanpaq y paypa jutincho runakunata bendicionta qopäkunanpaq. Tsaypita patsami kananyaqpis paykunaqa tsaykunata rurapäkun. 9Tsayno rurananpaq churashqanpitami levitakuna chakrata mana chaskishqatsu wakin kaq trïbukunanöqa. Chakrata chaskinanpa trukanqa kikin Tayta Diosmi paykunapa herencian kaykan. Tsayno kananpaqmi Tayta Dios nirqan.

10Mastapis Moisés kaynömi nirqan: <<Puntacho nawpata kashqänölami yapaypis chusku chunka (40) junaq chusku chunka paqas puntacho qoyarqä.#Éxo. 34.28. Tsaycho manakuptï Tayta Dios kuyapäshushpaykimi qamkunata mana ushakätsishurqaykitsu. 11Tsaypa trukanqa kaynömi nimarqan: <Sharkurkur Israel runakunata pushay Abrahamta, Isaacta y Jacobta promitishqä nacionman yaykapäkunanpaq> >>.

Tayta Dios munashqanno kawapäkunanpaq nishqan

12Tsaypita mastapis Moisés kayno nirqan: <<Israel runakuna, kanan wilashayki Tayta Dios imata munashqantapis. Payqa munan payta mantsakur munashqanno kawapäkunaykita. Tsaynölami munan lapan shonquykiwan y voluntänikiwan payta kuyar sirvipäkunaykita 13y kanan junaq yachatsishqä mandamientunkunata y estatütunkunata imaypis cäsukärinaykita. Tsaynöpami ali kawapäkunkipaq.

14<<Jana patsapapis, kay patsapapis y lapan imaykapapis Tayta Diosmi duëñun kaykan. 15Mayqan nación runakunata akrananpaq munayniyuq karmi unay ayluntsikunata kuyar akrarqan. Tsaynölami qamkunatapis akrashurqayki kuyashqan runakuna kanaykipaq. Kananpis kuyashqan runakunami karkaykanki. 16Tsayno kuyaykäshuptikiqa shonquykita señalakur#10.16 Cuerpunta señalar chiwlakunanpa punta qaranta kutsurir jorqushqannömi shonqunta señalar jutsa rurayta kacharin. shumaq tantiyakäriy Tayta Dios nishqankunata cäsukärinaykipaq. Mana wiyakuqqa amana kapäkuytsu.#Deut. 30.6; Jer. 4.4; Rom. 2.25-29.

17<<Tayta Diosnintsiqa ima dioskunapitapis y mandaqkunapitapis mas munayniyuqmi kaykan.#1Tim. 6.15; Apoc. 17.14; 19.16. Munayniyuq y mantsakuypaqmi kaykan. Manami pitapis jananpantsu ni pipapis favornin sharkunanpaq chaskipakuntsu.#2Crón. 19.7; Rom. 2.11; Gál. 2.6; Efe. 6.9. 18Payqa waktsatapis y viüdatapis kuyapanmi. Tsaynölami qamkunacho taq jäpa runakunata kuyapar mikuytapis röpatapis kamaripan. 19Tsayno kaykaptinqa qamkunapis jäpa runakunata kuyapanki. Ama qonqapäkunkitsu Egiptucho tashpayki jäpa runa kapäkushqaykita.

20<<Tayta Diosta mantsakur pay japalanta sirvipäkunki. Pay munashqannöla imaypis kawapäkunki. Paypa jutilancho jurapäkunki. 21Paylata alabapäkunki. Tayta Diosnintsi karmi lapan rikashqantsi milagrukunatapis rurashqa. 22Unay ayluntsikuna qanchis chunkala (70) Egiptuman chayaptinpis#Gén. 46.27. Tayta Diosmi kamakätsirqan qoylarnöraq yupaytapis mana atipaypaq mirapäkunanpaq>>.#Gén. 15.5; 22.17.

Currently Selected:

Deuteronomio 10: qvmB

Highlight

Copy

Compare