Popular Bible Verses from Deuteronomio 10

Share

Tsaypita mastapis Moisés kayno nirqan: <<Israel runakuna, kanan wilashayki TAYTA DIOS imata munashqantapis. Payqa munan payta mantsakur munashqanno kawapäkunaykita. Tsaynölami munan lapan shonquykiwan y voluntänikiwan payta kuyar sirvipäkunaykita y kanan junaq yachatsishqä mandamientunkunata y estatütunkunata imaypis cäsukärinaykita. Tsaynöpami ali kawapäkunkipaq.

<<TAYTA DIOSNINTSIQA ima dioskunapitapis y mandaqkunapitapis mas munayniyuqmi kaykan. Munayniyuq y mantsakuypaqmi kaykan. Manami pitapis jananpantsu ni pipapis favornin sharkunanpaq chaskipakuntsu.

Tsayno kuyaykäshuptikiqa shonquykita señalakur shumaq tantiyakäriy TAYTA DIOS nishqankunata cäsukärinaykipaq. Mana wiyakuqqa amana kapäkuytsu.

Payqa waktsatapis y viüdatapis kuyapanmi. Tsaynölami qamkunacho taq jäpa runakunata kuyapar mikuytapis röpatapis kamaripan.

Paylata alabapäkunki. Tayta Diosnintsi karmi lapan rikashqantsi milagrukunatapis rurashqa.

<<TAYTA DIOSTA mantsakur pay japalanta sirvipäkunki. Pay munashqannöla imaypis kawapäkunki. Paypa jutilancho jurapäkunki.

<<Jana patsapapis, kay patsapapis y lapan imaykapapis TAYTA DIOSMI duëñun kaykan.

Tsayno kaykaptinqa qamkunapis jäpa runakunata kuyapanki. Ama qonqapäkunkitsu Egiptucho tashpayki jäpa runa kapäkushqaykita.