Hechos 8

1Estebanta wanutsiptin Saulupis kushikurqanmi.

Jesúsman yärakuqkunata Saulo qatikachashqan

Tsay junaqpitanami Jesúsman yärakuqkunata Jerusaléncho qatikachayta qalaykärirqan. Judeapa y Samariapa qeshpir aywakäriptinmi apostolkunalana Jerusaléncho quëdapäkurqan. 2Estebanpa ayantami Tayta Dios munashqanno kawaqkuna fiyupa lakikärishpan waqaraykar pampapäkurqan. 3Saulunami Jesúsman yärakuqkunata wayin wayin ashir tarishqan kaqtaqa warmitapis olqutapis carcilman wichqatsirqan.#Hech. 22.4-5; 26.9-11.

Samariacho Felipe wilakushqan

4Jerusalénpita qeshpiqkunami maytsaychöpis ali wilakuyta wilakur puripäkurqan. 5Tsaynölami Felipipis Samaria markaman chayaykushpan Jesús salvamaqnintsi Cristo kashqanta wilakurqan. 6Tsaychömi milagrukunata rurashqanta rikar y parlashqanta wiyar lapan runakuna kushikärirqan. 7Runakunapita qarquptinmi supaykunapis qaparaykar yarqurqan. Tsaynölami atska weqrukunatapis y paralïticu runakunatapis aliyätsirqan. 8Tsayno ruraptinmi tsay markacho taqkuna pasaypa kushikärirqan.

9Tsaychömi karqan Simón jutiyuq juk brüju. Paymi Samaria runakunata nawpapita patsa criyitsirqan <<noqaqa yachaqmi kä>> nishpan. 10Simón nishqankunata mayarmi waktsakunapis y rïcukunapis kayno nipäkuq: <<¡Kay runataqa Tayta Diosmi yanapaykan!>>

11Simónqa brüju karmi nawpapita patsa mägicawan runakunata engañaq.

12Tsayno kaptinpis Tayta Dios mandaykashqanpa ali wilakuyninta y Jesucristupita Felipe wilakuptinnami olqupis warmipis chaskikur bautizakärirqan. 13Tsaymi Simónpis criyishpan bautizakurir Felipe maypa aywaptinpis paywan purirqan. Señalkunata#8.13 Señalqa runakuna tantiyananpaq milagrumi kaykan. Señalkunawanmi Tayta Dios tantiyatsin wilakuynin rasunpa kaq kashqanta. y milagrukunata rurashqanta rikarmi Simón pasaypa espantashqa rikakurqan.

14Samariacho Diospa wilakuyninta runakuna chaskishqanta mayaykurmi Jerusaléncho kaykaq apostolkuna Pedruta y Juanta tsayman kacharqan. 15Chayaykurmi Tayta Diosta manakärirqan Samaria runakunapis Espíritu Santuta chaskikärinanpaq. 16Jesúspa jutincho bautizakushqa kaykarpis Espíritu Santuta manami mayqanpis chaskishqaraqtsu karqan. 17Tsawraqa paykunapa umanman makinta churaykur manakuptinmi Espíritu Santuta chaskipäkurqan.

18Tsayta rikarmi Simónqa apostolkunata pägayta munar 19kayno nirqan: <<Tsay munaynikita rantikaykalämay noqapis runakunapa umanman makïta churaykur manakuptï Espíritu Santuta chaskikärinanpaq>>.

20Tsayno niptinmi Pedro kayno nirqan: <<¿Imanirtaq Tayta Dios qarashqan#8.20 Wakin runakunaqa regalashqan nipäkun. Espíritu Santu rantina kashqanta yarpaykanki? ¡Tsayno yarpashqaykipitami qellaynintinta supayniki apashunki! 21Qam yarpashqaykiqa manami Tayta Dios munashqannötsu kaykan. Tsayno kaykarqa manami noqakuna rurashqäman jatikämunkimantsu. 22Lutan yarpashqaykikunata kacharir Tayta Diosta manakuy perdonashunaykipaq. Manakuptikiqa capazchari perdonashunkimanpis. 23Jutsa ruraypa munaynincho kashqayki y envidiösu kashqayki reqipalami kaykan>>.

24Tsayno niptinmi Simón ruwakurqan kayno nir: <<Nishqaykikuna mana pasamänanpaq Tayta Diosta manakuykulay>>.

25Tayta Diospa wilakuyninta tsaycho wilakurkurnami Pedruwan Juan Jerusalénman kutiqno Samariacho kaykaq wakin markakunachöpis wilakärirqan.

Eunucu runa Jesúsman criyishqan

26Tsaypitami Tayta Diospa angilnin Felipita kayno nirqan: <<Sur kaq lädupa yarqur Jerusalénpita Gaza markaman aywaq nänipa ayway. Tsay näniqa chunyaq jirkapami pasaykan>>.

27Tsaymi Felipe tsay nänipa aywar Etiopía nacionpita juk eunucu runata rikarqan. Payqa Etiopía nacioncho reina Candacipa tesorërunmi karqan. Tayta Diosta adoraq Jerusalénman aywashqanpita 28kutirmi carrëtanman jamaykur profëta Isaías qelqashqan libruta liyiraykar aywaykarqan. 29Tsawraqa Felipita Espíritu Santu kayno nirqan: <<Tsay carrëtawan aywaykaq runapa nawpanman ayway>>.

30Nishqanno aywarmi mayarqan profëta Isaías qelqashqan libruta liyiykaqta. Tsawraqa tapurqan kayno nir: <<Tsay liyiykashqaykita ¿tantiyankiku?>>

31Tsawraqa Etiopía runa kayno nirqan: <<Pipis mana tantiyatsimaptinqa ¿imanöparaq tantiyashaq?>>

Tsayno nirmi Felipita ruwakurqan carrëtaman witsarkur nawpanman jamakunanpaq.

32Tayta Diospa palabranta liyiykashqanqa kaynömi nirqan:

<<Uyshata pishtananpaq apaqnömi payta apapäkurqan.

Milwanta rutuptin uysha kashqannömi upälala karqan.

Tsayno upälakushpan manami imatapis rimakurqantsu.

33Manakaqman churaptinpis manami pipis favornin sharkurqantsu.

Payta wanutsiptin tsurinpis manami karqantsu>>.#Isa. 53.7-8.

34Tsaymi eunucuqa Felipita kayno nirqan: <<Tantiyaykatsilämay, tayta. Profëta Isaías ¿pipaqtaq kayta qelqarqan? ¿Kikinpaqku o jukpaqku?>>

35Tsayno tapuptinmi tsay liyishqanta tantiyatsir Felipe wilaparqan Jesúspa ali wilakuyninta. 36Tsaypita aywarkaykashqanchömi chayapäkurqan yaku kashqanman. Tsaychömi eunucu kayno nirqan: <<Kaycho yaku kaykaptinqa ¿manatsuraq bautizaykamankiman?>>

37[Niptinmi Felipe kayno nirqan: <<Lapan shonquykiwan criyiptikiqa bautizashayki>>.

Tsawraqa kayno nirqan: <<Jesucristo Tayta Diospa Tsurin kashqanta rasunpami criyï>>.]

38Tsaymi carrëtanta ichiykatsir yakuman ishkan urarqan. Tsaychömi eunucuta Felipe bautizarqan. 39Yakupita yarqupäkamuptinnami Felipita Señor Jesucristupa Espïritun elaqpita juk läducho rikakatsirqan. Payta manana rikarpis eunucuqa kushishqami aywakurqan. 40Azoto markachöna rikakurmi Felipiqa Jesúspa ali wilakuyninta wilakur markan markan aywarqan Cesarea markaman chayananyaq.

Currently Selected:

Hechos 8: qvmB

Highlight

Copy

Compare