1 Samuel 21

Saúlpita David qeshpikushqan

1 1 (2) Tsaypitana Nob markapa aywar David chayarqan Ahimelec cüra kaqman.#Mat. 12.3-4; Mar. 2.25-26; Luc. 6.3. Chayaykuptinmi Davidta rikaykur Ahimelec mantsakashpan kayno nirqan: <<¿Imataq kashqa? ¿Imanirtaq japalayki shamushqanki?>>

2 2 (3) Tsaymi David kayno nirqan: <<Rey Saúlmi kachamashqa pitapis mana wilapaylapa yarpashqankunata ruranäpaq. Yanapamaq runakunawan juk läducho tinkunäpaqmi jitapänakushqä. 3 3 (4) ¿Imalaqa kaykanku mikurkunäpaq? Pitsqa tantalatapis o imalatapis qaraykalämay, tayta>>.

4 4 (5) Tsayno niptinmi cüra Ahimelecqa kayno nirqan: <<Común tantaqa manami kantsu. Tayta Diospaq churashqä tantalami kaykan.#21.4a Tayta Diospaq churashqan tantaqa manami runakuna lutala mikunanpaqtsu karqan, sinöqa cürakunala mikunanpaqmi. Tsay tantaqa Lugar Santuchömi churararqan. Tsay tantapita masta musyanaykipaq liyinki Lev. 24.5-9. Shuyäshunaykipaq jitapashqayki runakuna warminwan mana punushqa kaptinqa tsay tantata qarashayki>>.#21.4b Warminwan punushqa kaptinqa impüru kashpan tsay tantata manami mikunmantsu karqan. Tsaypita masta musyanaykipaq liyinki Lev. 15.18.

5 5 (6) Niptin David kayno nirqan: <<Imaypis guërraman aywapäkunäpaq kaptinqa manami warmiwan punupäkütsu. Kananpis manami warmiwan punupäkushqätsu. Tsaymi yanaqämaq runakunapis püru karkaykan>>.

6 6 (7) Tsayno niptinmi común tanta mana kaptin Tayta Diospaq churashqan tantakunata cüraqa aptaparqan.#Lev. 24.5-9. Tsay aptapashqan tantakunaqa tsay junaqraqmi trukatsishqa karqan tsayraq masarashqa tantakunawan.

7 7 (8) Tsaychömi Edom nacionpita kaq Doeg jutiyuq runa Diosta manakur kaykarqan. Payqa Saúlpa uysha mitsiqninkunapa capatazninmi karqan.

8 8 (9) Nirkurmi Ahimelecta David kayno nirqan: <<¿Kaykanku lanzayki o espädayki manamänaykipaq? Rey Saúl elaqpita kachamaptinmi tiempü mana kashqatsu espädata ni armäta apamunäpaqpis>>.

9 9 (10) Tsayno niptin cüra kayno nirqan: <<Ela pampacho filisteo runata wanutsishqayki Goliatpa espädalanmi kaycho kaykan.#1Sam. 17.51. Tsaytaqa efod qepancho capötïwan pitushqatami churaraykätsï. Munashpaykiqa tsayta apay. Tsaypita mastaqa ima armatapis manami tsararätsu>>.

Tsayno niptin David kayno nirqan: <<Tsayta qoykalämay, tayta. Tsaymanqa manami ima espädapis tinkuntsu>>.

10 10 (11) Tsay junaqmi Saúlpita qeshpir David aywakurqan Gat markapa mandaqnin rey Aquisman.#21.10 Gat markaqa filisteo runakuna tashqan markami karqan. 11 11 (12) Tsayman David chayaykuptinmi Aquispa capitanninkuna kayno nirqan: <<¡Payqa kaykan Israel runakunapa mandaqnin rey Davidmi! ¿Manaku paypaq kushikushpan kayno nir cantapäkurqan: <Waranqa (1,000) runakunatami Saúl wanutsishqa. Davidmi itsanqa chunka waranqa (10,000) runakunata wanutsishqa>?>>#1Sam. 18.7; 29.5.

12 12 (13) Tsayno rimashqankunata musyaykurmi David mantsakurqan Gat markapa mandaqnin rey Aquista.#Sal. 56. 13 13 (14) Tsaymi pasaypa löcu tukushpan#Sal. 34. wayi punkukunacho imaykatapis lutala aspikachar qelqarqan. Tsaynöpis shapran jananpami lawsan aywarqan.

14 14 (15) Tsawraqa capitanninkunata rey Aquis kayno nirqan: <<¿Imapaqtaq löcu runata kayman pushamushqanki? 15 15 (16) Löcukunaqa kay markantsichöpis kaykanchaq. ¿Imapaqtaq kay löcu runata wayïman pushamushqanki?>>

Currently Selected:

1 Samuel 21: qvmB

Highlight

Copy

Compare