Psalms 142
142
Llaquipi cajpi ayudachun, Diosta mañashcami
Yachachingapaj David rurashca Salmomi. Jatun utujupi cashpa, Diosta mañashca shimicunami.
1Mandaj Diostaca, caparishpami mañajusha.
Ñucata llaquichunmi, Mandaj Diostaca caparishpa mañasha.
2Ñuca llaquitaca, paipaj ñaupajpimi ricuchisha.
Ñuca ninan llaquitaca, paipaj ñaupajpimi villasha.
3Ñuca espíritu ñucapillata ninanda llaquirijujpica,
canmi ñuca causaitaca ricuhuarcangui.
Ñuca maita purijuj ñambimi,
lazuta pacalla churanajurca.
4Ricuhuayari, ñuca ali ladopica ñucata
rijsingapaj munajca, pipash na tianga.
Ñucata pacajtapash, na charinichu.
Ñuca causaita cuidajllapash, pipash na tianllu.
5Mandaj Dioslla, candaca cashna nishpami caparircani:
“Canmari ñuca shuyana Dios cangui.
Causaita charijcunapaj cai pachapi,
ñucaman imatalla carajpashmari capangui” nircanimi.
6Ñuca caparijujtaca uyahuayari.
Ninan llaquihuanmari cani.
Ñucata llaquichijcunamanda cacharichihuayari.
Paicunaca, ñucata yali shinllicunamari.
7Cambaj shutita alicachingapaj,
cai prezumanda ñuca almataca llujchihuayari.
Can ñucaman alita rurajpimi, imatapash cashcatapacha
rurajcunaca, ñuca muyundipi tiarinajunga.
Currently Selected:
Psalms 142: QUII
Highlight
Copy
Compare
Share
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.
