Psalms 137
137
Babilonia llactaman prezu apai tucushcacuna huacashcami
1Babilonia llacta jatun yacu manñacunapi
tiarishpami, Sion shuti pueblota yarishpa huacanajurcanchi.
2Ñucanchi arpacunataca, sauce yura
chaupicunapimi huarcurcanchi.
3Ñucanchita prezu apajcunaca, ñucanchi
candachunmi mañan carca.
Ñucanchita llaquinayaita tucuchijcunapash,
paicunata cushichinajuchunmi, cashna nishpa
mañan carca: “Sion shuti pueblopi candana huaquin
candanacunata, ñucanchiman candaichi” ninajunmi carca.
4Mandaj Diospaj candanataca, ¿imashnata
na rijsishca llactapica candashunyari?
5Jerusalenlla, ñuca canda cungajpica,
ñuca ali lado maqui shinlli canapash,
chingashca cachunlla.
6Canda na yarijpica, ñuca jalluca shimi
jahuaman llutarichunlla.
Ñuca cushijunatapash yalishpa, Jerusalenda
na jatunyachijpica, chai llaquica japihuachunlla.
7Mandaj Dioslla, Jerusalenda llaquichijui
punllapimi, edomitacunaca cashna ninajurca:
“Callaripi churashca rumicunacaman
tucuchinguichilla, tucuchinguichilla” ninajurcami.
Shina ninajushcamanda, paicunata
llaquichingapaj yaripairi.
8Llaquinayaita tucuchi tucuna Babiloniapi causajcunalla.
Ñucanchita llaquichishcamanda candapash
llaquichij runaca, ninanda cushijuchun.
9Cambaj huahuacunata japishpa, jatun rumipi
huactashpa huañuchij runaca, ninanda cushijuchun.
Currently Selected:
Psalms 137: QUII
Highlight
Copy
Compare
Share
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.
