MALAQUÍAS 4
QUII

MALAQUÍAS 4

4
Mandaj Dios shamuna punllatami villajun
1Tucuita Mandaj Diosca, cashnami nijurca: “Ricuichi, jornopi nina rupajunshna punllami ña chayamujun. Chai punllapimi jariyashpa jatun tucujcunapash, nalita tucui rurajcunapash, jupashna rupanajunga. Chai punlla chayamushpami rupachinga. Chaipica sapillapash, shuj malquillapash, na quedangachu. 2Ashtahuangarin ñuca shutita manllashpa causaj cangunapaca, imatapash cashcatapacha ruraj Indimi llujshinga. Paipaj alascunapimi, quishpirinataca apamunga. Shinamandami huahua shicu fahuashpa, corralmanda llujshinshna llujshinguichi. 3Ñuca shamui punllapica, nalita ruraj runacunataca cangunami sarunguichi. Paicunaca, cangunapaj chaqui tabla ucupica, uchufashnami canga” nijurcami tucuita Mandaj Diosca.
4“Ñucata servij Moisés mandashcacunataca, aliguta yaringuichi. Chai mandashca shimicunataca, tucui israelcunapajmi Horeb shuti urcupi curcani.
5Ricuichi, Mandaj Dios ñuca shamuna jatun manllanayai punlla nara shamujpillatami, ñuca ima nishcata villaj Eliastaca, cangunapajman cachamuni. 6Paimi, taitacunapaj shungutaca huahuacunahuan, huahuacunapaj shungutapash, taitacunahuan ama fiñanajushpa causachun alichinga. Pactarallapash ñuca shamushpaca, tucui cai llactapi causajcunata, ninanda nalicachishpa llaquichiman” nijurcami.

Quichua Imbabura Bible © United Bible Societies, 1994.

Learn More About Diospaj Shimi