LEVÍTICO 27
27
Taita Diospajlla cachunmi, imacunatapash shicanyachishca
1Mandaj Diosca, Moisestaca cashnami nijurca:
2“Israelcunaman, cashna nishpa villai: ‘Maijan cashpapash, Mandaj Diosman imatapash rurashapachami nishcamanda culquita cushpa cacharirichunga, shuj runa mashna valishcata ricushpa, cashna valichingui: 3Jaritaca, ishcai chunga huatamanda, sucta chunga huatata charijcaman, picha patsaj canchis chunga gramota pezaj culquita valichingui. Chai culquitaca, Diospajlla huasipi pezashcashnallatami cunga. 4Huarmi cajpica, quimsa patsaj chuscu chunga gramota pezaj culquita valichingui. 5Chaira viñaicunatapash, picha huatamanda ishcai chunga huatata charijmandaca, ishcai patsaj ishcai chunga pusaj gramota pezaj culquita valichingui. Huarmi cajpica, patsaj ishcai gramo yalita pezaj culquita valichingui. 6Shinallata shuj quillata charij llullu huahuamanda callarishpa, picha huatata charij jari huahuacunamandaca, picha chunga canchista pezaj culquita valichingui. Huarmi huahua cajpica, ishcai chunga ishcai gramo yalita pezaj culquita valichingui. 7Ashtahuangarin sucta chunga yali huatata charij rucugu cajpica, patsaj sucta chunga picha gramota pezaj culquita valichingui. Huarmi cajpica, shuj patsaj ishcai gramo yalita pezaj culquita valichingui. 8Ashtahuangarin yapa imagutapash na charij cashpa, can valichishcata na cui ushajpica, curapajmanmi apanga. Chai curami, mashna valina cajpipash villanga. Diosman imatapash rurashapachami nijushca runa cui ushashcatallami valichinga. 9Mandaj Diosman cuna animal puramanda maijandapash, Mandaj Diosman cujpica chai animalca, Diospajlla shicanyachishcami tucunga. 10Shuj animalta cusha nishcata saquishpa, shuj animaltara cuitaca na ushangachu. Nali animalta cusha nishcata saquishpa, ali animalta cuitapash na ushangachu. Ali animalta cusha nishcata saquishpa, nali animalta cuitapash na ushangachu. Chai cushca animalpaj randi shujta cungapaj munajpica, chai cushca animalpash, chaipaj randi cushca animalpashmi, Diospajlla canga.
11Mandaj Diosman na cui ushanalla, mapa animal cajpica, chai animaltaca curapaj ñaupajmanmi apanga. 12Chai animaltaca curami, ali cajpi, nali cajpipash, mashna valishcata villanga. Mashnata cura valichishcashnallatami, chai animalca valinga. 13Culquita cushpa, chai animalta cacharichingapaj munashpaca, chai animal mashna valishca cajpipash, pichacaman mirachishca culquita cuchun.
14Maijan cashpapash, Mandaj Diospajlla cachun paipaj huasita shicanyachijpica, chai huasitaca ali huasi cajpi, mauca huasi cajpipash, curami mashna valijta villanga. Cura mashnata valichijpipash, chashnami valinga. 15Ashtahuangarin chai huasita Diosman shicanyachij runaca, culquita cushpa cutin japingapaj munashpaca, chai huasi mashna valishca cajpipash, pichacaman mirachishpami cunga. Shina rurajpica, paipajllata quedangallami.
16Maijan cashpapash, Mandaj Diospajlla cachun paipaj alpata shicanyachijpica, canmi chai alpapi mashna vali fucujta ricungui. Chai alpaca, chuscu quintal chaupi cebadata fucuj cajpica, picha patsaj canchis chunga gramota pezaj culquimi valinga. 17Alpataca, cutin tigrachina huatamanda callarishpa, Diospajlla cachun shicanyachijpica, can mashnata valichijpipash chashnami valinga. 18Ashtahuangarin paipaj alpataca, cutin tigrachina huata yalishca jipa Diospajlla cachun shicanyachijpica curami, cutin tigrachina huata chayangacaman, mashna huata tiajta ricushpa culquipi cuentata ruranga. Chai huatacunamandallami, mashna valinatapash ricushpa valichinga.
19Alpata Diospajlla cachun shicanyachij runa, cutin chai alpata japingapaj munashpaca, can valichishcamandaca pichacaman mirachishca culquitami cunga. Shina rurajpica, paipajllata quedangallami. 20Ashtahuangarin chai alpataca, mashnata cuna cashcata paillata na cujpi, chai alpata shujman jatujpica, chaita cutin randitaca na ushangachu. 21Cutin tigrachina huatapi chai alpa cacharichi tucujpica, Diospajlla cachun shicanyachishca alpashna, Mandaj Diospajlla alpami canga. Chai alpataca, curami japinga.
22Maijan cashpapash, na paipaj taita carashca alpa cajpita, ashtahuangarin pai randishca alpatami, Mandaj Diospajlla cachun shicanyachinga. 23Shina rurajpica, curami chai alpataca, caraj runahuan ishcai tucushpa, cutin tigrachina huata chayangacaman mashna valijta ricunga. Mashna valijpipash chai punllallatami, culquita cunga. Chai alpaca, Mandaj Diospajlla shicanyachishcami canga.
24Cutin tigrachina huata chayajpica, chai alpaca, jatuj runapaj maquimanllatami tigranga. Chai alpaca, paiman carashca alpami.
25Tucui imata can valichishcapash, Diospajlla huasipi tiaj culquita pezashcashnallatami canga. (Shuj siclo culquica, ishcai chunga gera nishcami).
26Ashtahuangarin punda huacharishca animalcunaca, punda huacharishca cashcamandami, Mandaj Diospaj canga. Chaicunataca, pipash na Diospajlla cachun shicanyachi ushangachu. Huagra cashpa, llama cashpapash, Mandaj Diospajmi. 27Ashtahuangarin mapa animalta carashca cashpaca, can mashnata valichishcata cushpami, cutin cacharichishpa apanga. Chai valichishcatapash, pichacaman mirachishpami cunga. Mashna valishca culquita cushpa na cacharichi ushashpaca, can imashna valichishca culquipajmi jatunga.
28Ashtahuangarin imaguta cashpapash, Mandaj Diospajlla cachun maijan cashpapash shicanyachishcataca jatuitapash, culquita cushpa cutin cacharichitapash na ushangachu. Tucui ima cajpipash, genteta cashpa, animalta cashpa, paicunapaj alpacunata cashpapash, Diospajlla cachun shicanyachishcacunaca, Mandaj Diospajlla shicanyachishcacunami. 29Shinallata maijan cashpapash Dios tucuchingapaj shicanyachi tucushca cashpaca, culquita cushpapash na quishpichi tucui ushangachu. Paica huañuchi tucungapachami.
30Chagrapi fucushca cashpapash, yuracunapi fucushca cashpapash, alpapi fucushcacunaca chungamanda shujguca, Mandaj Diospajmi. Mandaj Diospajlla shicanyachishcami. 31Maijan cashpapash, chungamanda shujguta Diosman cushcata culquita cushpa cacharichingapaj munashpaca, chaicunamandaca pichacaman mirachishca culquita cushpami japinga.
32Varahuan cuentajujpi chai vara ucuta yalijcunaca, huarmi huagracuna cashpapash, llamacuna cashpapash, chungamanda shujguca, Mandaj Diospajlla shicanyachi tucushcami canga. 33Chaitaca, ali cajta nali cajtapash na ricunachu. Chaipaj randi shujta cungapaj munashpapash, na ushangachu. Chaipaj randi shujta cujujpica, chai animalpash, chaipaj randi cushca animalpashmi, Diospajlla shicanyachi tucushca canga. Chaimandami, culquita cushpa cutin japitapash na ushanga’ nishpa villai” nijurcami.
34Israelcunaman yachachijuchun, Mandaj Dios Moisesman Sinaí urcupi cushpa mandashcacunaca chaicunami.
Currently Selected:
LEVÍTICO 27: QUII
Highlight
Share
Copy
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.