LEVÍTICO 12
12
Huahuata ungushca jipa mapa illaj tucuchun, huarmicunata mandashcami
1Mandaj Diosca, Moisestaca cashnami nijurca:
2“Israelcunataca, cashna nishpa villai: ‘Maijan huarmipash vijsayu tucushpa, jari huahuata ungushpaca, canchis punllacamanmi mapa canga. Mashna punllacunata, quilla nanaihuan canashnallatami mapa canga. 3Chai jari huahuataca, pusaj punllapimi, circuncisión nishcata ruranga. 4Ashtahuangarin chai huarmica, quilla nanai shamujushcamanda mapa illaj tucungapaca, quimsa chunga quimsa punllacamanmi shuyanga. Pai mapa illaj tucuna punlla pactangacamanmi, Diospajlla shicanyachishcataca, imatapash na tacaringa. Diospajlla huasimambash na shamungachu. 5Huarmi huahuata ungushpaca, mashna punllacunata shicanyashcashnallatami, ishcai semanacaman mapa canga. Quilla nanai shamujushcamanda mapa illaj tucungapaca, sucta chunga sucta punllacamanmi shuyanga.
6Mapa illaj tucuna punllacuna pactajpica, jari huahuamanda, na cashpaca huarmi huahuamanda cashpapash, Diosman cushpa tucuillata rupachingapaca, shuj huatata charij maltun llamatami apamunga. Juchamanda cungapajpash shuj palomata, na cashpaca shuj urpita, Dioshuan tuparina jatun carpaman apamushpami, curaman cunga. 7Chai curami, chai huarmi mapa cashcamanda, Mandaj Diospaj ñaupajpi cunga. Shina cujpimi chai huarmica, yahuar shamujushcamanda mapa illaj tucunga. Jari huahuata, na cashpaca huarmi huahuata cashpapash ungujpica, chai mandashcatami rurana. 8Maltun llamata cungapaj na yapalla charishpaca, ishcai urpita, na cashpaca ishcai palomatami apamunga. Chaicunataca shujtaca, Diosman cushpa tucuillata rupachingapaj caishujtaca, mapa cashcamanda cungapajmi apamunga. Chai huarmipaj juchamandaca curami, Diosman cunga. Shina cujpimi, mapa illaj tucunga’ nishpa villai” nijurcami.
Currently Selected:
LEVÍTICO 12: QUII
Highlight
Copy
Compare
Share
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.
