ISAÍAS 12
12
Diosta pashi nishpami candanga
1Chai punllapica, cashnami ninajunguichi: “Mandaj Dioslla, candami candashun. Canga, ñucanchihuan fiñarishca cashpapash, chai fiñarishcamandaca ña ali tucushpami cushichishcangui. 2Ricuichi, Taita Diosmi ñucata quishpichij. Paita yariashpa causashpami, imatapash na manllasha. Mandaj Diosca, ñucata shinllichij, ñuca candana Mandaj Diosmi. Paimi ñucataca quishpichirca” ninguichimi. 3Cangunaca cushijushpami, quishpichij pugyucunamandaca yacuta llujchinguichi. 4Chai punllapica, cashnami ninajunguichi: “Mandaj Diostaca, paipaj shutita caparishpa, pashi nishpa candaichiyari. Pai imatalla rurashcataca, tucui gentecuna uyachun, jatunyachishpa villaichiyari. Paipaj shutitaca, jatunyachi tucushca cajta yarichiyari. 5Mandaj Diostaca, Salmocunahuan candaichiyari. Paica, jatun juyaillacunatami rurashca. Chaicunataca, tucui cai pachapimi yachana. 6Sionbi causajcunalla, cangunaca ninanda cushijushpa candaichiyari. Cangunapaj chaupipi causajuj, israelcunapaj jucha illaj Diosca jatunmari” ninajunguichimi.
Currently Selected:
ISAÍAS 12: QUII
Highlight
Copy
Compare
Share
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.
