Ka Rome Ghəa ghena
Ghəa ghena
Nahe Palepa nya rafete nda Pol ke ka Rome kerafete geva kezha hi hweŋkwa ta zəzə nya kelete Pol kalə kanjiŋwe Jikə ta ka Kriste nya mbe Rome. Nahe zəzə ta ŋkɛ kenza kezha mene slene hwa ka Kriste mbe ba'a kezha kemane ŋkɛ hɛ kadzawa Ɛspanye. Nahe ŋkɛ kerafete palepa shɛ kezha ncɛ ɗepe wəsə ta ŋkɛ te ghəa yɛ ta ka Kriste ba'a wəshi nyi mene yɛa shɛ mbe nza ta nci. Nahe palepa shɛ kenza kapalepa nya gezete ghena Pol tserame mbe.
Ma kwa sebe ta nya njiŋwakɛ ka Kriste nyi mbe Rome ba'a nya gezete nda səkwə ghə ta ŋkɛ kezha hɛ Pol ne, ma ke gezete ghəa ghena nya mbe palepa nya: «Kave mbeli Shala tiɗiɗi kwa kema ta ŋkɛ vəa ŋkwa nya yɛ ŋkɛ hɛ, nahe yɛa shɛ kenza wərə», 1.17.
Nahe Pol keyate ghena shɛ. Nahe mbeli pɛtɛ, ka Zhəwif ba'a kweci hwelefefi kehi kanza tiɗiɗi kwa kema ta Shala, va nya nza mbeli pɛtɛ mbe berete ta jaɗafa. Nahe mbeli kenza tiɗiɗi kwa kema ta Shala laka yɛ Yɛsə Kriste. Zhɛne ne, nahe Pol keɓelate nza mɛnɛfɛ nya mbe nza jikə le Kriste, nza nya kese mbe jikə geva mɛnɛfɛa shɛ le Shala. Nahe nde Kriste kenza kwelɛŋe le Shala ba'a kembelemte geva shave mbe berete ta jaɗafa ba'a mte laka Sefəa Shala. Nahe ŋkɛ keɗaŋete le geze tsema tsema nza ɗema Yɛsə ta ka Zhəwif kenza kazəzə ta Shala kezha heka pɛtɛa hwelefefi kase kadzembe zlaɓa ta Shala laka Kriste, nahe ŋkɛ keyɛte kaɗema ka Zhəwif keneghamte Yɛsə kaghala ghala. Ɓiyitsa ne, nahe Pol kerafete tsema tsema hi nza ta ka Kriste kanza, halama te hweŋkwa ta ɗe ghə.
Nehe ta wəshi nyi mbe
Gha ta ghena ba'a ghəa ghena 1.1-17
Pɛtɛa mbeli kaɗe mbele 1.18–3.20
Hweŋkwa ta Shala kezha mbele ŋkwa 3.21–4.25
Nza mɛnɛfɛ mbe Kriste 5.1–8.39
Israyɛl mbe zəzə ta Shala 9.1–11.36
Nza ta nde Kriste 12.1–15.13
Keɗaŋe ta ghena ba'a njiŋwe ŋkwa 15.14–16.27
Currently Selected:
Ka Rome Ghəa ghena: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.