Matiye 15
15
Wəshi nyi tekave ɓəmə ka shihɛ
(MRK 7.1-13)
1Pa ka Fariziyɛn ba'a ka rafe wəsə mahalegə sawa pelɛ Zhɛrəzalɛm yitea 'yɛwe ghena va Yɛsə. 2Wa raberə nda ɗema mbeli nyi ketəkwə təkwə ŋa kamene kala nya gezete ka shihɛ ɓəmə wa? Kwa nza ŋkɛ ne, kapɛ dzeve hɛ nda tezeme ɗafa hɛ we. 3Ma ke Yɛsə sha hɛ: «Va wa hawema va ghena nya gezeke Shala kezha mene wəsə nya ɗe wəsə keshia ŋayɛ wa? 4Ma ke Shala: Hawe va yiteyɛ ŋa ba'a meyɛ ŋa. Ma wəndə nya keŋele yitenyɛ ba'a meghekɛ ne, nahe ŋkɛ kehi kapesle ŋkɛ mbeli. 5Ama gheyɛ ne, ma pe yɛ sha teke nda ke mbeli: ma kegeze wəndə sha yitenyɛ keɗema meghekɛ: Ma wəshi nyi tekemane ŋayɛ 'ya le hɛ ne, nahe 'ya keveyi hɛ kaŋa Shala, ke ne, 6wərə wəndəa shɛ kanzanyɛ kekemane yitenyɛ. Tsagha gɛ, nahe yɛ kebezemte ghena nya gezeke Shala kezha mene wəsə keshia ka shihɛ ŋayɛ. 7Ka mbəɗəkwəa kɛfi yɛ! Kaganda ya va Ɛzayi vəa ŋkwa nya gezete ghena kelɛŋə ŋkɛ te gheyɛ. 8Ma ke Shala gezete laka gheŋkɛ:
Ma mbeli nyi, le mɛ tsahe ɗa hɛ,
ama cakeɗake wənəa nci yitea 'ya.
9Gəmə hawe mbeli nyi va 'ya,
kwa nza ŋkɛ ghena nyi gezete mbeli yateke nda hɛ
ke mbeli kala ghena ta Shala.»
Wəshi nyi kezhɛre wəndə wale wale
(MRK 7.14-23)
10Pa Yɛsə hekakɛ mbeli, ma ke sha hɛ: «Fa mə ba'a ve mə sleme yitea ghena nya: 11wəsə nya zehwe wəndə dzawa kwa mɛa ŋkɛ nde zhɛre wəndə kande wale wale we. Wəsə nya kesame kwa mɛa ŋkɛ nde nza kazhɛrete ŋkɛ kande wale wale.»
12Pa mbeli nyi ketəkwə təkwə Yɛsə hendeke nda geva, ma ke hɛ shɛ: «Keɗepe na nahe wənəa ka Fariziyɛn kehwepe va ghena nyi geze nyi na tse yi?» 13Ma ke Yɛsə sha hɛ: «Ma yayata wəsə nya kepese kaɗema Yiteyɛ ɗa nya pelɛ ghweme ketsawete ne, pɛtɛ tenteɗe mbeli kadzete hɛɗi. 14Sərəakɛ mə hɛ ke ta ŋayɛ: ka ghwələa kɛfi nyi kencɛ nda hweŋkwa ke ka ghwələa kɛfi hɛ. Ma keɗe ghwələ kancɛ nda hweŋkwa ke kwete ghwələ ne, pɛtɛ tebete hɛ kadzawa ki.» 15Ma ke Piyɛre shɛ: «Ncɛte n'yɛ ghena nya mbe ghena keyipə pa nya gi.» 16Ma ke Yɛsə: «Pa le gheyɛ kefavema ghena shɛ perə na? 17Ashɛ yɛ keɗepe, ma pɛtɛa wəshi nyi zehwe wəndə dzawa kwa mɛ kadzawa hwəa ŋkɛ ne, kazhɛne hɛ kashave mbe geva ta ŋkɛ wəka? 18Ama wəsə nya kesame kwa mɛa ŋkɛ ne, kwa wənəa ŋkɛ same ŋkɛ, gheŋkɛ nde zhɛre wəndə wale wale. 19Kwa nza ŋkɛ ne, same kwa wənəa ŋkɛ same zəzə kwa ndiremi nya keŋka wəndə kapesle ŋkwa, kavale tahe, kamene mefətekwə, kaghərə, kasla tseŋwə ba'a kaŋwashɛ ŋwashɛ. 20Nyi ya kawəshi nyi kezhɛre wəndə wale wale. Ya wəndə nza kazeme wəsə keɗema dzeve ta ŋkɛ kepɛ ne, kazhɛre wəndə ŋkɛ wale wale we.»
Male Kanan kayɛ Yɛsə
(MRK 7.24-30)
21Cape Yɛsə slənyɛ te nyagha ŋkwa shɛ kalə kadzete hɛɗia Tir ba'a Sidon. 22Pɛkwe kwete male Kanan shɛ, ma ke tsate lewela: «Nde sleke ŋkwa, Wəzege ta David, zhɛ heli yitea 'ya. Nahe wəzha ta ɗa kenza shewə va 'yi'yɛghwə, kwele kwele sa titikwə nde.» 23Ama kese Yɛsə kazhɛne nda ghena we. Pa mbeli nyi ketəkwə təkwə hendave nda geva. Ma ke hɛ shɛ: «Ŋkamte malea shɛ, kewəba tsa lewela nde kwetere wəmbəa ɓəmə.» 24Ma ke Yɛsə: «Deke yitea timɛti nyi kezanji hwa ka Israyɛl ghweneke ɗa mbeli.» 25Hende malea shɛ sha geva, gwəɗəŋə nde mbe kema ta ŋkɛ, ma ke shɛ: «Kemane ɗa Nde sleke ŋkwa.» 26Ma ke Yɛsə shɛ: «Megela ŋkɛ kakele ɗafa ta ŋwale kezha negha nda ke wəviɗia kelɛa keti we.» 27Ma ke malea shɛ: «Kaganda ŋa Nde sleke ŋkwa, kwetiɓəa ɗafa nyi kebete yitea wəndə ke ghenci yatseha wəviɗia kelɛa keti.» 28Ma ke Yɛsə shɛ: «Wa male, nahe yɛ ta ŋa kenza wəbake. Menete ŋa geva ŋkɛ kala nya ɗe na.» Pələsə wəzha ta nta mbe nda te vəa shɛ.
Yɛsə kambe ka zereghwe kwele kwele
29Ntəŋə Yɛsə slənyɛ tagha kalə kadzemɛa ndərəa Galilɛ. Tarame ŋkɛ pelɛ ghəa ghweme ba'a ntishɛnyɛ. 30Kwele kwele mbeli kase shɛ, pa hɛ fəke ka gwadarea kɛfi, ka ghwələa kɛfi, ka gweleba kɛfi, ka mədəŋəa kɛfi ba'a kweci ka zereghwe kwele kwele. Pa hɛ beteyi hɛ yitea Yɛsə, pa mbete hɛ. 31Hehake mbeli kwa nakɛ ka mədəŋəa kɛfi hɛ kageze ghena, ka gweleba nyi kembe mbe, ka gwadare nyi kedzeghwa, ka ghwələa kɛfi nyi kenewe ŋkwa hɛ. Ntake hɛ katsahe Shala ta ka Israyɛl.
Yɛsə kabehe mbeli slibə wəfaɗe
(MRK 8.1-10)
32Pa Yɛsə hekakɛ mbeli nyi ketəkwə təkwə. Ma ke sha hɛ: «Kazhɛ ɗa heli yitea mbeli nyi, kwa nza ŋkɛ mahekene hɛa nci teke yitea 'ya kaɗema kezehwe wəsə kezeme. Kashɛ 'ya ŋka hɛ kalə sha ghɛ kaɗema hɛ kezehwe wəsə kezeme we, wərə kweci mbelia nci kaŋzla kwa hweŋkwa va dewə berete.» 33Ma ke mbeli nyi ketəkwə təkwə shɛ: «Tema se gheɓəmə le wəshi kezeme kezha kete mbeli nyi kwele kwele nyi te ŋkwa nya kaɓerama nya wa?» 34Ma ke Yɛsə: «Ŋkwini 'yɛmbe dəghwəa ɗafa va gheyɛ wa.» Ma ke hɛ zhɛnete: «'Yɛmbe dəghwə mberefaŋe ba'a kelepe ɓɛhwɛ.» 35Pa geze nda ke mbeli kantishɛ te hɛɗi. 36Pa ŋkɛ kelete 'yɛmbe dəghwəa ɗafa nyi mberefaŋe ba'a kelepe. Pa ŋkɛ tsate nda ŋ'wese ke Shala, pa neheve hɛ mbe, pa ŋkɛ ndeke nda hɛ ke mbeli nyi ketəkwə təkwə kezha nehe nda ke mbelia shɛhɛ. 37Yayata wəndə kezehwe behe ŋkɛ ve. Pa mbeli nyi ketəkwə təkwə tsenete nyi ketene mberefaŋe kwa kwaciga. 38Slibə wəfaɗe zhili nyi kezehwe ɗafa shɛ kaɗema mbeli keɓelate mi ba'a ŋwale. 39Ma kwa ŋkaghe ŋkwa Yɛsə kalə sha ghɛ ne, pa dzawa kwambelə kalə kadzete hɛɗia Magadan.
Currently Selected:
Matiye 15: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
Matiye 15
15
Wəshi nyi tekave ɓəmə ka shihɛ
(MRK 7.1-13)
1Pa ka Fariziyɛn ba'a ka rafe wəsə mahalegə sawa pelɛ Zhɛrəzalɛm yitea 'yɛwe ghena va Yɛsə. 2Wa raberə nda ɗema mbeli nyi ketəkwə təkwə ŋa kamene kala nya gezete ka shihɛ ɓəmə wa? Kwa nza ŋkɛ ne, kapɛ dzeve hɛ nda tezeme ɗafa hɛ we. 3Ma ke Yɛsə sha hɛ: «Va wa hawema va ghena nya gezeke Shala kezha mene wəsə nya ɗe wəsə keshia ŋayɛ wa? 4Ma ke Shala: Hawe va yiteyɛ ŋa ba'a meyɛ ŋa. Ma wəndə nya keŋele yitenyɛ ba'a meghekɛ ne, nahe ŋkɛ kehi kapesle ŋkɛ mbeli. 5Ama gheyɛ ne, ma pe yɛ sha teke nda ke mbeli: ma kegeze wəndə sha yitenyɛ keɗema meghekɛ: Ma wəshi nyi tekemane ŋayɛ 'ya le hɛ ne, nahe 'ya keveyi hɛ kaŋa Shala, ke ne, 6wərə wəndəa shɛ kanzanyɛ kekemane yitenyɛ. Tsagha gɛ, nahe yɛ kebezemte ghena nya gezeke Shala kezha mene wəsə keshia ka shihɛ ŋayɛ. 7Ka mbəɗəkwəa kɛfi yɛ! Kaganda ya va Ɛzayi vəa ŋkwa nya gezete ghena kelɛŋə ŋkɛ te gheyɛ. 8Ma ke Shala gezete laka gheŋkɛ:
Ma mbeli nyi, le mɛ tsahe ɗa hɛ,
ama cakeɗake wənəa nci yitea 'ya.
9Gəmə hawe mbeli nyi va 'ya,
kwa nza ŋkɛ ghena nyi gezete mbeli yateke nda hɛ
ke mbeli kala ghena ta Shala.»
Wəshi nyi kezhɛre wəndə wale wale
(MRK 7.14-23)
10Pa Yɛsə hekakɛ mbeli, ma ke sha hɛ: «Fa mə ba'a ve mə sleme yitea ghena nya: 11wəsə nya zehwe wəndə dzawa kwa mɛa ŋkɛ nde zhɛre wəndə kande wale wale we. Wəsə nya kesame kwa mɛa ŋkɛ nde nza kazhɛrete ŋkɛ kande wale wale.»
12Pa mbeli nyi ketəkwə təkwə Yɛsə hendeke nda geva, ma ke hɛ shɛ: «Keɗepe na nahe wənəa ka Fariziyɛn kehwepe va ghena nyi geze nyi na tse yi?» 13Ma ke Yɛsə sha hɛ: «Ma yayata wəsə nya kepese kaɗema Yiteyɛ ɗa nya pelɛ ghweme ketsawete ne, pɛtɛ tenteɗe mbeli kadzete hɛɗi. 14Sərəakɛ mə hɛ ke ta ŋayɛ: ka ghwələa kɛfi nyi kencɛ nda hweŋkwa ke ka ghwələa kɛfi hɛ. Ma keɗe ghwələ kancɛ nda hweŋkwa ke kwete ghwələ ne, pɛtɛ tebete hɛ kadzawa ki.» 15Ma ke Piyɛre shɛ: «Ncɛte n'yɛ ghena nya mbe ghena keyipə pa nya gi.» 16Ma ke Yɛsə: «Pa le gheyɛ kefavema ghena shɛ perə na? 17Ashɛ yɛ keɗepe, ma pɛtɛa wəshi nyi zehwe wəndə dzawa kwa mɛ kadzawa hwəa ŋkɛ ne, kazhɛne hɛ kashave mbe geva ta ŋkɛ wəka? 18Ama wəsə nya kesame kwa mɛa ŋkɛ ne, kwa wənəa ŋkɛ same ŋkɛ, gheŋkɛ nde zhɛre wəndə wale wale. 19Kwa nza ŋkɛ ne, same kwa wənəa ŋkɛ same zəzə kwa ndiremi nya keŋka wəndə kapesle ŋkwa, kavale tahe, kamene mefətekwə, kaghərə, kasla tseŋwə ba'a kaŋwashɛ ŋwashɛ. 20Nyi ya kawəshi nyi kezhɛre wəndə wale wale. Ya wəndə nza kazeme wəsə keɗema dzeve ta ŋkɛ kepɛ ne, kazhɛre wəndə ŋkɛ wale wale we.»
Male Kanan kayɛ Yɛsə
(MRK 7.24-30)
21Cape Yɛsə slənyɛ te nyagha ŋkwa shɛ kalə kadzete hɛɗia Tir ba'a Sidon. 22Pɛkwe kwete male Kanan shɛ, ma ke tsate lewela: «Nde sleke ŋkwa, Wəzege ta David, zhɛ heli yitea 'ya. Nahe wəzha ta ɗa kenza shewə va 'yi'yɛghwə, kwele kwele sa titikwə nde.» 23Ama kese Yɛsə kazhɛne nda ghena we. Pa mbeli nyi ketəkwə təkwə hendave nda geva. Ma ke hɛ shɛ: «Ŋkamte malea shɛ, kewəba tsa lewela nde kwetere wəmbəa ɓəmə.» 24Ma ke Yɛsə: «Deke yitea timɛti nyi kezanji hwa ka Israyɛl ghweneke ɗa mbeli.» 25Hende malea shɛ sha geva, gwəɗəŋə nde mbe kema ta ŋkɛ, ma ke shɛ: «Kemane ɗa Nde sleke ŋkwa.» 26Ma ke Yɛsə shɛ: «Megela ŋkɛ kakele ɗafa ta ŋwale kezha negha nda ke wəviɗia kelɛa keti we.» 27Ma ke malea shɛ: «Kaganda ŋa Nde sleke ŋkwa, kwetiɓəa ɗafa nyi kebete yitea wəndə ke ghenci yatseha wəviɗia kelɛa keti.» 28Ma ke Yɛsə shɛ: «Wa male, nahe yɛ ta ŋa kenza wəbake. Menete ŋa geva ŋkɛ kala nya ɗe na.» Pələsə wəzha ta nta mbe nda te vəa shɛ.
Yɛsə kambe ka zereghwe kwele kwele
29Ntəŋə Yɛsə slənyɛ tagha kalə kadzemɛa ndərəa Galilɛ. Tarame ŋkɛ pelɛ ghəa ghweme ba'a ntishɛnyɛ. 30Kwele kwele mbeli kase shɛ, pa hɛ fəke ka gwadarea kɛfi, ka ghwələa kɛfi, ka gweleba kɛfi, ka mədəŋəa kɛfi ba'a kweci ka zereghwe kwele kwele. Pa hɛ beteyi hɛ yitea Yɛsə, pa mbete hɛ. 31Hehake mbeli kwa nakɛ ka mədəŋəa kɛfi hɛ kageze ghena, ka gweleba nyi kembe mbe, ka gwadare nyi kedzeghwa, ka ghwələa kɛfi nyi kenewe ŋkwa hɛ. Ntake hɛ katsahe Shala ta ka Israyɛl.
Yɛsə kabehe mbeli slibə wəfaɗe
(MRK 8.1-10)
32Pa Yɛsə hekakɛ mbeli nyi ketəkwə təkwə. Ma ke sha hɛ: «Kazhɛ ɗa heli yitea mbeli nyi, kwa nza ŋkɛ mahekene hɛa nci teke yitea 'ya kaɗema kezehwe wəsə kezeme. Kashɛ 'ya ŋka hɛ kalə sha ghɛ kaɗema hɛ kezehwe wəsə kezeme we, wərə kweci mbelia nci kaŋzla kwa hweŋkwa va dewə berete.» 33Ma ke mbeli nyi ketəkwə təkwə shɛ: «Tema se gheɓəmə le wəshi kezeme kezha kete mbeli nyi kwele kwele nyi te ŋkwa nya kaɓerama nya wa?» 34Ma ke Yɛsə: «Ŋkwini 'yɛmbe dəghwəa ɗafa va gheyɛ wa.» Ma ke hɛ zhɛnete: «'Yɛmbe dəghwə mberefaŋe ba'a kelepe ɓɛhwɛ.» 35Pa geze nda ke mbeli kantishɛ te hɛɗi. 36Pa ŋkɛ kelete 'yɛmbe dəghwəa ɗafa nyi mberefaŋe ba'a kelepe. Pa ŋkɛ tsate nda ŋ'wese ke Shala, pa neheve hɛ mbe, pa ŋkɛ ndeke nda hɛ ke mbeli nyi ketəkwə təkwə kezha nehe nda ke mbelia shɛhɛ. 37Yayata wəndə kezehwe behe ŋkɛ ve. Pa mbeli nyi ketəkwə təkwə tsenete nyi ketene mberefaŋe kwa kwaciga. 38Slibə wəfaɗe zhili nyi kezehwe ɗafa shɛ kaɗema mbeli keɓelate mi ba'a ŋwale. 39Ma kwa ŋkaghe ŋkwa Yɛsə kalə sha ghɛ ne, pa dzawa kwambelə kalə kadzete hɛɗia Magadan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.