Matiye 14
14
Mte ta Zhaŋe Batiste
(MRK 6.14-29; LWK 9.7-9)
1Ma vəa ŋkwa shɛ ne, nahe Hɛrode, ŋgwamna nya kesleke hɛɗia Galilɛ kefave zləvəa Yɛsə. 2Ma ke sha mbeli nyi kemene nda slene: «Gheŋkɛ Zhaŋe Batiste. Gheŋkɛ nde samenyɛ kwa kwele le mpi. Vatse mene meŋele ŋkɛ kala nya.»
3Kwa nza nde Hɛrode nde gezete nda ke mbeli kakese Zhaŋe, kahwepe ŋkɛ kwa zewe lɛ ba'a kave ŋkɛ kwa daŋgayɛ, tewəmbəreke Hɛrodiyade, male ta Filipe, menənyɛ. 4Kwa nza ŋkɛ ma ke Zhaŋe shɛ: «Kehi na kakele Hɛrodiyade kamale ta ŋa we.» 5Kaɗe Hɛrode kapesle Zhaŋe, ama kaghazlənə ŋkɛ va ka Zhəwif, va nya veyi Zhaŋe hɛ pɛtɛ kande mɛ ŋkwa ta Shala.
6Ma kwa menete gəsəkəa ya ta ŋkɛ Hɛrode ne, ntake wəzha ta Hɛrodiyade kawetse kwa kema ta mbeli nyi hekakɛ mbeli yitea gəsəkəa shɛ. Ndeɗehwe nda nde ke Hɛrode. 7Ma ke zemete nda fela: «Yayata wəsə nya 'yɛwe na va 'ya ne, kave ŋa ŋkɛ 'ya.» 8Ma ke kala nya gezete meghekɛ: «Slake ɗa ghəa Zhaŋe Batiste mbeli te parantɛ.» 9Kwele kwele zhɛ nda wənəa meghe, ama va fela nya zemete ŋkɛ kwa kema ta mbeli nyi hekakɛ ŋkɛ ne, pa gezete kezha sla nda ŋkɛ mbeli kase ke wəzha shɛ. 10Pa ŋkɛ ghweneghe kwete wəndə kalə kasla ghəa Zhaŋe Batiste kwa daŋgayɛ. 11Pa mbeli keleke ghəa shɛ te parantɛ ba'a ndeke nda ŋkɛ ke wəzha shɛ. Pa wəzha shɛ ndeke nda ke meghekɛ. 12Pa mbeli nyi ketəkwə təkwə Zhaŋe se kakelete geva ta ŋkɛ ba'a lamte ŋkɛ. Pa hɛ lə kagezete nda wəshi nyi kemenete geva ke Yɛsə.
Yɛsə kabehe mbeli slibə mcɛfe
(MRK 6.30-44; LWK 9.10-17; ZHŊ 6.1-14)
13Ma kwa fate ghena shɛ Yɛsə ne, ntəŋə ŋkɛ slənyɛ te ŋkwa shɛ, pa dzawa kwa kwambelə kalə kadzete ŋkwa nya ɗema mbeli te. Ama nahe mbeli kefate ŋkwa nya nza hɛ te, pɛtɛ mbeli shavenji mbe meleme ta nci kezha zele Yɛsə dzeyi mɛa hələ. 14Ma kwa same Yɛsə kwa kwambelə ne, dəkwə ŋkɛ te mbeli kwele kwele. Pa heli zhɛte nda yitea hɛ, pa mbete mbeli nyi shewə hwa hɛ.
15Nahe tɛhwɛɗi kesenyɛ. Pa mbeli nyi ketəkwə təkwə hendave nda geva, ma ke hɛ shɛ: «Hetɛhwɛɗi ŋkwa, nahe ŋkwa nya kenza hwa gamba. Geze nda ke mbeli nyi yitea lə hɛ kapa wəshi kezeme mbe meleme.» 16Ma ke Yɛsə sha hɛ: «Kahi hɛ kalə cakeɗake we. Ɗave nda mə wəshi kezeme ke hɛ le ghəa ŋayɛ.» 17Ma ke hɛ: «Deke 'yɛmbe dəghwəa ɗafa mcɛfe ba'a kelepe bake ya va ghen'yɛ.» 18Ma ke Yɛsə sha hɛ: «Fəave ɗa mə hɛ.» 19Ma kwa sebe ta ŋkɛ ne, pa gezete nda ke mbeli kantishɛ te gwəzə. Pa ŋkɛ kelete 'yɛmbe dəghwəa ɗafa nyi mcɛfe ba'a kelepe nyi bake, pa kafete kema yitea ghweme ba'a tsate nda ŋ'wese ke Shala, pa neheve ɗafa shɛhɛ mbe ba'a ndeke nda hɛ ke mbeli nyi ketəkwə təkwə kezha nehe nda hɛ hɛ ke mbeli. 20Pa yayata wəndə zehwe behe. Pa mbeli pɛrekɛ kwaciga meŋe bakeghəmbe le kwetiɓəa ɗafa nyi ketene. 21Gare slibə mcɛfe zhili nyi kezehwe ɗafa shɛ, kaɗema mbeli keɓelate mi ba'a ŋwale.
Yɛsə kadzeghwa te ndərə
(MRK 6.45-52; ZHŊ 6.15-21)
22Te ŋkwa shɛnyɛ kwa sebe ta ŋkɛ ne, pa Yɛsə veyi mbeli nyi ketəkwə təkwə kwa kwambelə kezha jive kema ta ndərə hɛ mpelɛa ma, vəa ŋkwa nya geze nda ŋkɛ ke mbeli kalə sha ghɛ. 23Ma kwa lənji mbeli sha ghɛ ne, pa dzemenyɛ hwa ghweme kezha səkwə Shala. Mba ŋkɛ kwetɛŋenyɛ te ŋkwa shɛ nda se viɗi. 24Cakeɗake kwambelə yitea hələbə. Kwele kwele gaŋkəɗə geva ŋkɛ va sefə nya kevɛ kwa kema ta nci. 25Ma takwa ŋkwa kakiɗi ne, pa Yɛsə se sha mbeli nyi ketəkwə təkwə le dzeghwa te yɛmə le seɗa. 26Ma kwa nakɛ ŋkɛ hɛ kadzeghwa te yɛmə ne, benake hɛ va ghazlənə, ma ke hɛ: «A mte.» Ntake hɛ katsa lewela le ghazlənə. 27Ma ke Yɛsə gezete nda ghena ke hɛ kahe kahe: «Hwepete mə ghə, 'ya ŋkɛ, ghazlənəma yɛ ma.» 28Ma ke Piyɛre shɛ: «Nde sleke ŋkwa, ma kenza nde gha ŋkɛ kaganda ne, ndeke ɗa hweŋkwa kadzeghwa te yɛmə kalə sha gha gi.» -- 29«Nde», a ke Yɛsə shɛ.
Cape ŋkɛ same kwa kwambelə kadzeghwa te yɛmə le seɗa kezha lə sha Yɛsə. 30Ama kwa nakɛ sefə ŋkɛ ne, ntake ghazlənə kazhɛ nda. Ma kwa nza yɛmə kanda ŋkɛ ne, ma ke tsate lewela: «Nde sleke ŋkwa, mbele ɗa gi!» 31Taghanyɛ ne, pa Yɛsə haghe dzeve, keseve ŋkɛ, ma ke shɛ: «Nda ɓɛhwɛ yɛ ta ŋa ka. Yitea wa nza ghəa ŋa bake bake wa?»
32Pa hɛ dzawanji kwa kwambelə, gweɗakwe sefə. 33Kagwəɗəŋə ka təkwə təkwə nyi kwa kwambelə mbe kema ta ŋkɛ kahawe ve, ma ke hɛ shɛ: «Kaganda nza na Wəzege ta Shala.»
Yɛsə kambe ka zereghwe te hɛɗia Zhɛnɛzarɛt
(MRK 6.53-56)
34Pa hɛ zlakemte ndərə ba'a ntsehe te hɛɗia Zhɛnɛzarɛt. 35Pa mbeli nyi te ŋkwa shɛ ɗepete ba'a ghwenakɛ mɛ kadzembe kweci meleme nyi dzeyi yitea hɛ, pɛtɛ mbeli fəke nda ka zereghwe ke Yɛsə. 36Kasəkwə ŋkɛ hɛ kezha kwaɗe mɛa lekwesa ta ŋkɛ hɛ nahe. Ma yayata wəndə nya kekwaɗakɛ ŋkɛ ne, pələsə ŋkɛ.
Currently Selected:
Matiye 14: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
Matiye 14
14
Mte ta Zhaŋe Batiste
(MRK 6.14-29; LWK 9.7-9)
1Ma vəa ŋkwa shɛ ne, nahe Hɛrode, ŋgwamna nya kesleke hɛɗia Galilɛ kefave zləvəa Yɛsə. 2Ma ke sha mbeli nyi kemene nda slene: «Gheŋkɛ Zhaŋe Batiste. Gheŋkɛ nde samenyɛ kwa kwele le mpi. Vatse mene meŋele ŋkɛ kala nya.»
3Kwa nza nde Hɛrode nde gezete nda ke mbeli kakese Zhaŋe, kahwepe ŋkɛ kwa zewe lɛ ba'a kave ŋkɛ kwa daŋgayɛ, tewəmbəreke Hɛrodiyade, male ta Filipe, menənyɛ. 4Kwa nza ŋkɛ ma ke Zhaŋe shɛ: «Kehi na kakele Hɛrodiyade kamale ta ŋa we.» 5Kaɗe Hɛrode kapesle Zhaŋe, ama kaghazlənə ŋkɛ va ka Zhəwif, va nya veyi Zhaŋe hɛ pɛtɛ kande mɛ ŋkwa ta Shala.
6Ma kwa menete gəsəkəa ya ta ŋkɛ Hɛrode ne, ntake wəzha ta Hɛrodiyade kawetse kwa kema ta mbeli nyi hekakɛ mbeli yitea gəsəkəa shɛ. Ndeɗehwe nda nde ke Hɛrode. 7Ma ke zemete nda fela: «Yayata wəsə nya 'yɛwe na va 'ya ne, kave ŋa ŋkɛ 'ya.» 8Ma ke kala nya gezete meghekɛ: «Slake ɗa ghəa Zhaŋe Batiste mbeli te parantɛ.» 9Kwele kwele zhɛ nda wənəa meghe, ama va fela nya zemete ŋkɛ kwa kema ta mbeli nyi hekakɛ ŋkɛ ne, pa gezete kezha sla nda ŋkɛ mbeli kase ke wəzha shɛ. 10Pa ŋkɛ ghweneghe kwete wəndə kalə kasla ghəa Zhaŋe Batiste kwa daŋgayɛ. 11Pa mbeli keleke ghəa shɛ te parantɛ ba'a ndeke nda ŋkɛ ke wəzha shɛ. Pa wəzha shɛ ndeke nda ke meghekɛ. 12Pa mbeli nyi ketəkwə təkwə Zhaŋe se kakelete geva ta ŋkɛ ba'a lamte ŋkɛ. Pa hɛ lə kagezete nda wəshi nyi kemenete geva ke Yɛsə.
Yɛsə kabehe mbeli slibə mcɛfe
(MRK 6.30-44; LWK 9.10-17; ZHŊ 6.1-14)
13Ma kwa fate ghena shɛ Yɛsə ne, ntəŋə ŋkɛ slənyɛ te ŋkwa shɛ, pa dzawa kwa kwambelə kalə kadzete ŋkwa nya ɗema mbeli te. Ama nahe mbeli kefate ŋkwa nya nza hɛ te, pɛtɛ mbeli shavenji mbe meleme ta nci kezha zele Yɛsə dzeyi mɛa hələ. 14Ma kwa same Yɛsə kwa kwambelə ne, dəkwə ŋkɛ te mbeli kwele kwele. Pa heli zhɛte nda yitea hɛ, pa mbete mbeli nyi shewə hwa hɛ.
15Nahe tɛhwɛɗi kesenyɛ. Pa mbeli nyi ketəkwə təkwə hendave nda geva, ma ke hɛ shɛ: «Hetɛhwɛɗi ŋkwa, nahe ŋkwa nya kenza hwa gamba. Geze nda ke mbeli nyi yitea lə hɛ kapa wəshi kezeme mbe meleme.» 16Ma ke Yɛsə sha hɛ: «Kahi hɛ kalə cakeɗake we. Ɗave nda mə wəshi kezeme ke hɛ le ghəa ŋayɛ.» 17Ma ke hɛ: «Deke 'yɛmbe dəghwəa ɗafa mcɛfe ba'a kelepe bake ya va ghen'yɛ.» 18Ma ke Yɛsə sha hɛ: «Fəave ɗa mə hɛ.» 19Ma kwa sebe ta ŋkɛ ne, pa gezete nda ke mbeli kantishɛ te gwəzə. Pa ŋkɛ kelete 'yɛmbe dəghwəa ɗafa nyi mcɛfe ba'a kelepe nyi bake, pa kafete kema yitea ghweme ba'a tsate nda ŋ'wese ke Shala, pa neheve ɗafa shɛhɛ mbe ba'a ndeke nda hɛ ke mbeli nyi ketəkwə təkwə kezha nehe nda hɛ hɛ ke mbeli. 20Pa yayata wəndə zehwe behe. Pa mbeli pɛrekɛ kwaciga meŋe bakeghəmbe le kwetiɓəa ɗafa nyi ketene. 21Gare slibə mcɛfe zhili nyi kezehwe ɗafa shɛ, kaɗema mbeli keɓelate mi ba'a ŋwale.
Yɛsə kadzeghwa te ndərə
(MRK 6.45-52; ZHŊ 6.15-21)
22Te ŋkwa shɛnyɛ kwa sebe ta ŋkɛ ne, pa Yɛsə veyi mbeli nyi ketəkwə təkwə kwa kwambelə kezha jive kema ta ndərə hɛ mpelɛa ma, vəa ŋkwa nya geze nda ŋkɛ ke mbeli kalə sha ghɛ. 23Ma kwa lənji mbeli sha ghɛ ne, pa dzemenyɛ hwa ghweme kezha səkwə Shala. Mba ŋkɛ kwetɛŋenyɛ te ŋkwa shɛ nda se viɗi. 24Cakeɗake kwambelə yitea hələbə. Kwele kwele gaŋkəɗə geva ŋkɛ va sefə nya kevɛ kwa kema ta nci. 25Ma takwa ŋkwa kakiɗi ne, pa Yɛsə se sha mbeli nyi ketəkwə təkwə le dzeghwa te yɛmə le seɗa. 26Ma kwa nakɛ ŋkɛ hɛ kadzeghwa te yɛmə ne, benake hɛ va ghazlənə, ma ke hɛ: «A mte.» Ntake hɛ katsa lewela le ghazlənə. 27Ma ke Yɛsə gezete nda ghena ke hɛ kahe kahe: «Hwepete mə ghə, 'ya ŋkɛ, ghazlənəma yɛ ma.» 28Ma ke Piyɛre shɛ: «Nde sleke ŋkwa, ma kenza nde gha ŋkɛ kaganda ne, ndeke ɗa hweŋkwa kadzeghwa te yɛmə kalə sha gha gi.» -- 29«Nde», a ke Yɛsə shɛ.
Cape ŋkɛ same kwa kwambelə kadzeghwa te yɛmə le seɗa kezha lə sha Yɛsə. 30Ama kwa nakɛ sefə ŋkɛ ne, ntake ghazlənə kazhɛ nda. Ma kwa nza yɛmə kanda ŋkɛ ne, ma ke tsate lewela: «Nde sleke ŋkwa, mbele ɗa gi!» 31Taghanyɛ ne, pa Yɛsə haghe dzeve, keseve ŋkɛ, ma ke shɛ: «Nda ɓɛhwɛ yɛ ta ŋa ka. Yitea wa nza ghəa ŋa bake bake wa?»
32Pa hɛ dzawanji kwa kwambelə, gweɗakwe sefə. 33Kagwəɗəŋə ka təkwə təkwə nyi kwa kwambelə mbe kema ta ŋkɛ kahawe ve, ma ke hɛ shɛ: «Kaganda nza na Wəzege ta Shala.»
Yɛsə kambe ka zereghwe te hɛɗia Zhɛnɛzarɛt
(MRK 6.53-56)
34Pa hɛ zlakemte ndərə ba'a ntsehe te hɛɗia Zhɛnɛzarɛt. 35Pa mbeli nyi te ŋkwa shɛ ɗepete ba'a ghwenakɛ mɛ kadzembe kweci meleme nyi dzeyi yitea hɛ, pɛtɛ mbeli fəke nda ka zereghwe ke Yɛsə. 36Kasəkwə ŋkɛ hɛ kezha kwaɗe mɛa lekwesa ta ŋkɛ hɛ nahe. Ma yayata wəndə nya kekwaɗakɛ ŋkɛ ne, pələsə ŋkɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.