Slene 24
24
Ka Zhəwif kave nda fete ke Pol
1Mcɛfe hɛ kadzeghə ne, pɛkwe Ananiyas wəndə kwelea ka dzeghe Shala mbe Sɛzarɛ le kweci mbelia jama ba'a nde sla fete te ghwə nya nza sləa ŋkɛ kaTɛrtələs. Hwa'a hɛ sha ŋgwamna Fɛlikse kezha ve nda fete ke Pol. 2Pa mbeli hekakɛ Pol. Ma ke Tɛrtələs ndeke nda fete:
«Wəndə kwele, te zlaɓa ta ŋa nda nza kwelɛŋe te hɛɗi nya. Te wəshi ganji nyi zhɛrete na mbe hɛɗia n'yɛ nda nza mbeli ndeɗekə tsetsenya. 3Hana ke ghen'yɛ sha gha kwele kwele yitea pɛtɛa wəshi ganji nyi kemave ghen'yɛ keveci keveci ba'a te yayata ŋkwa. 4Ama kaɗe 'ya kadera ŋa kwele kwele we, vatse mpi ŋa dzeve 'ya kezha fave ghena ta n'yɛ kavə ɓɛhwɛ. 5Newe ke ghen'yɛ sha wəndə nya ne, wəndə kebeze ŋkwa ŋkɛ, mehele ta ka Zhəwif yabeze ŋkɛ te hɛɗi lema, gheŋkɛ ya te ghəa wəvəsəa ka Nazarɛyɛn. 6Nahe ŋkɛ kedzeghakɛ kabeze ghɛa Shala ta n'yɛ le wəshi nyi wale wale, vatse keseve ŋkɛ ghen'yɛ. Nahe n'yɛ keɗehwe kameha ghwə te kala wəsə mahalegəa n'yɛ. 7Pa Lisiyas, wəndə kwelea ka sewajɛ se kelehwe ŋkɛ va ghen'yɛ le berete. 8Pa Lisiyas gezete nda ke mbeli nyi kendeke nda fete kase kadzawa kema ta ŋa. Ma ke'yɛwe na va wəndə nya ne, wərə na kaɗepe kaganda nya ndeke nda fete ghen'yɛ te le ghəa ŋa.» 9Pa ka Zhəwif yɛhwe ghena ta Tɛrtələs ba'a gezete kaganda ya ve.
Pol kampa yitea ghəa ŋkɛ kwa kema ta Fɛlikse
10Tagha gɛ, pa ŋgwamna menete nda dzeve ke Pol kezha geze ghena ŋkɛ. Ma ke Pol: «Nahe 'ya keɗepe gha nde meha ghwə te hwelefe ta n'yɛ ghalanza. Vatse zlama 'ya yitea geze ghena kempa yitea ghəa ɗa kwa kema ta ŋa. 11Wərə na kaɗepe, kemenete hɛ 'ya za ma ke meŋe bakeghəmbe ghala dzeme Zhɛrəzalɛm 'ya kezha hawe va Shala we. 12Kenakɛ ɗa mbeli kaghəpə le kwete wəndə mbe ghɛa Shala we, kenakɛ ɗa mbeli kabeze mehele ta mbeli mbe cɛ kesəkwə ghə keɗema mbe meleme we. 13Kapesle mbeli nyi yitea geze ŋa wəsə nya ve ɗa fete hɛ te tsetsenya we. 14Ama wa nya wəsə nya geze 'ya kwa kema ta ŋa nya: nahe 'ya kenza kande hawe va Shala ta ka shihɛ ɗa laka kwete mɛnɛfɛa hweŋkwa nya veyi hɛ katseŋwə. Ama nahe 'ya keyɛte wəshi nyi kerafete geva pɛtɛ mbe palepa ta wəshi mahalegə ba'a ŋa ka mɛ ŋkwa. 15Zəzə nya neghe mbeli mbe Shala ya va 'ya kala hɛ perə. Katesame mbeli nyi ganji ganjia mehele ba'a nyi ndiremi ndiremia mehele kwa kwele le mpi. 16Vatse nda ya mehele ta ɗa 'ya keveci keveci kezha nza 'ya megela kwa kema ta Shala ba'a kwa kema ta mbeli.
17Ma kwa ɗema 'ya mbe Zhɛrəzalɛm ghalanza ne, nahe 'ya kese tsetsenya kezha kele nda cɛdɛ nya tsehete mbelia ɗa ba'a kweci wəshi nyi fəke nda mbeli ke Shala. 18Wəshi nyi kala nyi yamene 'ya mbe ghɛa Shala nda nakɛ ɗa hɛ: tagha gɛ, nahe 'ya kemenete wəsə keshi kezha yaɓe ghəa ɗa, gaŋkəɗə geva keɗema fama ghena shɛ kemenete geva we. 19Ama kweci ka Zhəwif nyi kese te hɛɗia Azi ya shɛ tagha, ghenci ka hi kase kave ɗa fete te kema ta ŋa, kenza ŋkɛ nahe hɛ kenakɛ ghena te 'ya. 20Keɗema ne, megela ma ncɛte ghena nya bezemte 'ya mbeli nyi teke nyi, vəa ŋkwa nya se 'ya te ghwə kwa kema ta mbeli nyi te ghəa hɛɗi. 21Ma kwa kema ta ka meha ghwə ne, ma 'ya zlapete meslete: Nahe 'ya keveyi ghə katesame mbeli kwa kwele. Deke kezha ghena nya keleke ɗa kadzete ghwə te kema ta ŋa na?
22Ma kwa nza ŋkɛ nahe Fɛlikse keɗepe nza ta hweŋkwa ta ka Kriste ne, pa ŋkɛ sləyi nda kwete hɛ ke hɛ, ma ke sha hɛ: Ma kese Lisiyas, wəndə kwelea ka sewajɛ ne, katemeha ghwə ta ŋayɛ 'ya.» 23Pa ŋkɛ gezete nda ke sewajɛ kave Pol kwa daŋgayɛ kaɗema kahwepe ŋkɛ ba'a kafɛa ka mcɛhɛnyɛ kenewe ghweme te.
Pol kwa kema ta yɛ Fɛlikse le Drəsile
24Ma kwa jive hɛ ne, pɛkwe yɛ Fɛlikse le male ta ŋkɛ Drəsile. Wəzha ta ka Zhəwif malea shɛ. Pa ŋkɛ ghwenakɛ ŋkwa kaheka Pol kezha fa ghena ta yɛ nya mbe Yɛsə Kriste nya yɛ mbeli. 25Ma mbe Pol kageze ghena ta nza tiɗiɗi, zereghe ghena ba'a ghwə nya temeha Shala te kwa keɗaŋe ta və ne, benake Fɛlikse va ghazlənə, ma ke shɛ: «Kwiɗi ŋa tsetsenya. Ma kekemave kwete və 'ya ne, kateheka ŋa 'ya zhɛkwa.» 26Ma zəzə ŋkɛ ne, kateve nda cɛdɛ Pol, vatse heka ŋkɛ ŋkɛ keveci keveci kase kageze ghena le.
27Kwetere wəmbəa va bake, pa mbeli kelemte Fɛlikse mbe ŋgwamna ba'a ndeke nda ke Porsiyəs Fɛstəs. Ma kwa ɗe Fɛlikse kanza zeɗehwe nda ke ka Zhəwif ne, pa ŋkɛ sərəakɛ Pol kwa daŋgayɛ.
Currently Selected:
Slene 24: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
Slene 24
24
Ka Zhəwif kave nda fete ke Pol
1Mcɛfe hɛ kadzeghə ne, pɛkwe Ananiyas wəndə kwelea ka dzeghe Shala mbe Sɛzarɛ le kweci mbelia jama ba'a nde sla fete te ghwə nya nza sləa ŋkɛ kaTɛrtələs. Hwa'a hɛ sha ŋgwamna Fɛlikse kezha ve nda fete ke Pol. 2Pa mbeli hekakɛ Pol. Ma ke Tɛrtələs ndeke nda fete:
«Wəndə kwele, te zlaɓa ta ŋa nda nza kwelɛŋe te hɛɗi nya. Te wəshi ganji nyi zhɛrete na mbe hɛɗia n'yɛ nda nza mbeli ndeɗekə tsetsenya. 3Hana ke ghen'yɛ sha gha kwele kwele yitea pɛtɛa wəshi ganji nyi kemave ghen'yɛ keveci keveci ba'a te yayata ŋkwa. 4Ama kaɗe 'ya kadera ŋa kwele kwele we, vatse mpi ŋa dzeve 'ya kezha fave ghena ta n'yɛ kavə ɓɛhwɛ. 5Newe ke ghen'yɛ sha wəndə nya ne, wəndə kebeze ŋkwa ŋkɛ, mehele ta ka Zhəwif yabeze ŋkɛ te hɛɗi lema, gheŋkɛ ya te ghəa wəvəsəa ka Nazarɛyɛn. 6Nahe ŋkɛ kedzeghakɛ kabeze ghɛa Shala ta n'yɛ le wəshi nyi wale wale, vatse keseve ŋkɛ ghen'yɛ. Nahe n'yɛ keɗehwe kameha ghwə te kala wəsə mahalegəa n'yɛ. 7Pa Lisiyas, wəndə kwelea ka sewajɛ se kelehwe ŋkɛ va ghen'yɛ le berete. 8Pa Lisiyas gezete nda ke mbeli nyi kendeke nda fete kase kadzawa kema ta ŋa. Ma ke'yɛwe na va wəndə nya ne, wərə na kaɗepe kaganda nya ndeke nda fete ghen'yɛ te le ghəa ŋa.» 9Pa ka Zhəwif yɛhwe ghena ta Tɛrtələs ba'a gezete kaganda ya ve.
Pol kampa yitea ghəa ŋkɛ kwa kema ta Fɛlikse
10Tagha gɛ, pa ŋgwamna menete nda dzeve ke Pol kezha geze ghena ŋkɛ. Ma ke Pol: «Nahe 'ya keɗepe gha nde meha ghwə te hwelefe ta n'yɛ ghalanza. Vatse zlama 'ya yitea geze ghena kempa yitea ghəa ɗa kwa kema ta ŋa. 11Wərə na kaɗepe, kemenete hɛ 'ya za ma ke meŋe bakeghəmbe ghala dzeme Zhɛrəzalɛm 'ya kezha hawe va Shala we. 12Kenakɛ ɗa mbeli kaghəpə le kwete wəndə mbe ghɛa Shala we, kenakɛ ɗa mbeli kabeze mehele ta mbeli mbe cɛ kesəkwə ghə keɗema mbe meleme we. 13Kapesle mbeli nyi yitea geze ŋa wəsə nya ve ɗa fete hɛ te tsetsenya we. 14Ama wa nya wəsə nya geze 'ya kwa kema ta ŋa nya: nahe 'ya kenza kande hawe va Shala ta ka shihɛ ɗa laka kwete mɛnɛfɛa hweŋkwa nya veyi hɛ katseŋwə. Ama nahe 'ya keyɛte wəshi nyi kerafete geva pɛtɛ mbe palepa ta wəshi mahalegə ba'a ŋa ka mɛ ŋkwa. 15Zəzə nya neghe mbeli mbe Shala ya va 'ya kala hɛ perə. Katesame mbeli nyi ganji ganjia mehele ba'a nyi ndiremi ndiremia mehele kwa kwele le mpi. 16Vatse nda ya mehele ta ɗa 'ya keveci keveci kezha nza 'ya megela kwa kema ta Shala ba'a kwa kema ta mbeli.
17Ma kwa ɗema 'ya mbe Zhɛrəzalɛm ghalanza ne, nahe 'ya kese tsetsenya kezha kele nda cɛdɛ nya tsehete mbelia ɗa ba'a kweci wəshi nyi fəke nda mbeli ke Shala. 18Wəshi nyi kala nyi yamene 'ya mbe ghɛa Shala nda nakɛ ɗa hɛ: tagha gɛ, nahe 'ya kemenete wəsə keshi kezha yaɓe ghəa ɗa, gaŋkəɗə geva keɗema fama ghena shɛ kemenete geva we. 19Ama kweci ka Zhəwif nyi kese te hɛɗia Azi ya shɛ tagha, ghenci ka hi kase kave ɗa fete te kema ta ŋa, kenza ŋkɛ nahe hɛ kenakɛ ghena te 'ya. 20Keɗema ne, megela ma ncɛte ghena nya bezemte 'ya mbeli nyi teke nyi, vəa ŋkwa nya se 'ya te ghwə kwa kema ta mbeli nyi te ghəa hɛɗi. 21Ma kwa kema ta ka meha ghwə ne, ma 'ya zlapete meslete: Nahe 'ya keveyi ghə katesame mbeli kwa kwele. Deke kezha ghena nya keleke ɗa kadzete ghwə te kema ta ŋa na?
22Ma kwa nza ŋkɛ nahe Fɛlikse keɗepe nza ta hweŋkwa ta ka Kriste ne, pa ŋkɛ sləyi nda kwete hɛ ke hɛ, ma ke sha hɛ: Ma kese Lisiyas, wəndə kwelea ka sewajɛ ne, katemeha ghwə ta ŋayɛ 'ya.» 23Pa ŋkɛ gezete nda ke sewajɛ kave Pol kwa daŋgayɛ kaɗema kahwepe ŋkɛ ba'a kafɛa ka mcɛhɛnyɛ kenewe ghweme te.
Pol kwa kema ta yɛ Fɛlikse le Drəsile
24Ma kwa jive hɛ ne, pɛkwe yɛ Fɛlikse le male ta ŋkɛ Drəsile. Wəzha ta ka Zhəwif malea shɛ. Pa ŋkɛ ghwenakɛ ŋkwa kaheka Pol kezha fa ghena ta yɛ nya mbe Yɛsə Kriste nya yɛ mbeli. 25Ma mbe Pol kageze ghena ta nza tiɗiɗi, zereghe ghena ba'a ghwə nya temeha Shala te kwa keɗaŋe ta və ne, benake Fɛlikse va ghazlənə, ma ke shɛ: «Kwiɗi ŋa tsetsenya. Ma kekemave kwete və 'ya ne, kateheka ŋa 'ya zhɛkwa.» 26Ma zəzə ŋkɛ ne, kateve nda cɛdɛ Pol, vatse heka ŋkɛ ŋkɛ keveci keveci kase kageze ghena le.
27Kwetere wəmbəa va bake, pa mbeli kelemte Fɛlikse mbe ŋgwamna ba'a ndeke nda ke Porsiyəs Fɛstəs. Ma kwa ɗe Fɛlikse kanza zeɗehwe nda ke ka Zhəwif ne, pa ŋkɛ sərəakɛ Pol kwa daŋgayɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.