Slene 23
23
1Mteghere Pol sha ntsə te mbeli nyi te ghəa hɛɗi, ma ke: «Ka kesaka ma, le wənə nya ganyɛ nzahwe nza 'ya kwa kema ta Shala ghalanza pa ɓeshi nya.» 2Pa Ananiyas, wəndə kwelea ka dzeghe Shala gezete kezha mpa Pol mbeli nyi dzeme vare gheŋkɛ le dzeve te mɛ. 3Ma ke Pol: «Shala nde teɗa ŋa le ŋa ŋkɛ, ndeɗe kwa ntsə na. Kezha meha ghwə kala nya ɗe wəshi mahalegəa ɓəmə ntishɛ na teke, ama nahe na kegezete kezha mpa ɗa mbeli tekeleke le wəsə nya geze wəsə mahalegə.» 4Ma ke mbeli nyi vare Pol shɛ: «Wəndə kwelea ka dzeghe Shala yaŋele na na?» 5Ma ke Pol: «Ka kesaka meyɛ ɗa, keɗepe 'ya kawəndə kwelea ka dzeghe Shala ŋkɛ we. Kwa nza ŋkɛ ma ke Ghena ta Shala: Ŋelema wəndə nya te ghəa hwelefe ta ŋa na ma.»
6Nahe Pol keɗepe ka Sadəsɛyɛn ba'a ka Fariziyɛn ya shɛ hwa mbeli nyi te ghəa hɛɗi, vatse gɛ, ma ke zlapete kwa kema ta nci: «Ka kesaka ma, nde Fariziyɛn 'ya le ghəa ɗa, wəzege ta nde Fariziyɛn 'ya. Va nya neghe same ta mbeli kwa kwele le mpi 'ya nda keleke ɗa mbeli kadzete ghwə.» 7Ma kwa gezete nda ghena shɛ ŋkɛ ke hɛ ne, ntake ka Fariziyɛn ba'a ka Sadəsɛyɛn kaghəpə kwelɛ ghəa nci, bake neheve geva hɛ mbe. 8Kwa nza ŋkɛ ma ke ka Sadəsɛyɛn sha geze: «Kasame mbeli kwa kwele le mpi we, nde ghwene ta Shala shɛ we, kweci mbeli nyi nakɛma mbeli shɛ we.» Ama kayɛ hɛ ka Fariziyɛn le ŋa nci. 9Ntake pɛtɛa mbeli katsa lewela le berete. Pelɛhetɛme kweci ka rafe wəsə mahalegə sate hwa ka Fariziyɛn. Ma ke hɛ le berete: «Kenakɛ fete ta wəndə nya ghen'yɛ we. Nda wəndə nya ɗema mbeli kanakɛ keɗema nde ghwene ta Shala nde gezete nda ghena wəka?»
10Pa hɛ tsehate mɛ kwele kwele, pa wəndə kwelea ka sewajɛ ghazlənənyɛ yagha hɛ kaslekwemte Pol. Vatse gezete nda ŋkɛ ke ka sewajɛa ŋkɛ kadzawa hwa tsene kezha zləgwə Pol shave mbe dzeve ta nci ba'a kezha kele ŋkɛ kalə kadzembe ŋkwa nya berete.
11Ma mbe viɗi nya kedzeyite ne, pa Nde sleke ŋkwa se sha Pol, ma ke: «Hwepe ghɛ deŋwa! Nahe na keneghate fete yitea 'ya teke mbe Zhɛrəzalɛm, nda na kaneghate fete tsagha mbe Rome.»
Tsa ghena ta ka Zhəwif yitea Pol
12Ma te hendɛ ta ŋkwa masheke ne, pa ka Zhəwif tsahwe ghena ba'a zemete fela kezha zemema wəsə kezeme wəsə ba'a kezha sama wəsə kesa keɗema hɛ kepeslekɛ Pol. 13Ma mbeli nyi kezemete fela shɛ ne, kwele ma hɛ ke wəfaɗemsə. 14Pa hɛ lə sha mbeli nyi te ghəa ka dzeghe Shala ba'a mbelia jama, ma ke hɛ: «Nahe n'yɛ kezemete fela mbe kema ta Shala kezha zemema wəsə kezeme keɗema n'yɛ kepeslekɛ Pol. 15Ma gheyɛ mbelia jama ba'a mbeli nyi te ghəa hɛɗia ka Zhəwif ne, 'yɛwe mə va wəndə kwelea ka sewajɛa kezha keleke Pol ŋkɛ kadzawa kema ta ŋayɛ kezha newe ghena ta ŋkɛ yɛ tiɗiɗi. Ma ghen'yɛ gɛ ne, nahe ghen'yɛ kehite geva kezha pesle ŋkɛ kwa hweŋkwa nda tetsehe ŋkɛ teke.»
16Ama nahe wəzege ta wəzha ta meghekɛa Pol kefate ghena ta tsa ghena shɛ. Cape ŋkɛ kalə kadzembe ŋkwa nya berete kezha geze nda ke Pol. 17Pa Pol hekakɛ kwete wəndə nya te ghəa ka sewajɛ, ma ke shɛ: «Begheghe wəzege nya kalə sha wəndə kwelea ka sewajɛ, gheŋkɛ ɗe kageze nda ghena.» 18Cape ŋkɛ le kalə sha wəndə kwelea ka sewajɛ le, ma ke: «Pol nde daŋgayɛ nya nde hekakɛ ɗa kezha beghe wəzege nya kase sha gha, ghena ya ve kageze ŋa.» 19Pa wəndə kwelea ka sewajɛ keseve wəzegea shɛ te dzeve, ntəŋə ŋkɛ le, ma ke 'yɛwete ve: «Wa ghena nya ɗe na kageze ɗa wa?» 20Ma ke shɛ: «Ka Zhəwif tsahwe ghena kezha 'yɛwe va gha kakele Pol kase hendɛ kadzehwa tsene ta mbeli nyi te ghəa hɛɗi kezha newe ghena ta ŋkɛ tiɗiɗi. 21Ama yɛma na ma, kwa nza ŋkɛ za ma ke wəfaɗemsə mbeli nyi keceha Pol kwa hweŋkwa. Nahe hɛ kezemete fela kaɗema kazeme wəsə kezeme ba'a kasa wəsə kesa keɗema hɛ kepeslekɛ Pol. Nahe hɛ kehimte geva pɛtɛ tsetsenya, mɛa ŋa yaneghe hɛ.» 22Tagha gɛ, ma ke wəndə nya te ghəa ka sewajɛ sha wəzegea shɛ: «Geze nda ma ghena nya gezete ɗa nya na ke kwete wəndə ma.» Kwa sebe ta ŋkɛ, pa ŋkɛ sərəakɛ ŋkɛ kaslə.
Mbeli kakele Pol kalə sha ŋgwamna Fɛlikse
23Pa wəndə nya te ghəa ka sewajɛ hekakɛ mbelia jama ta ka sewajɛa bake taghanyɛ: Tsenete mə ka sewajɛ gwəmsə bake, mberefaŋemsə ka zleɗe gədəwə ba'a ka megha gwəmsə bake, nza mə ɗeke ɗeke kezha dzawa Sɛzarɛ nahe ɗafa heshi. 24Hite mə gədəwəa lɛmə kezha kele Pol lɛŋe lɛŋe kalə sha ŋgwamna Fɛlikse#23.24 Fɛlikse: ŋgwamna ta ka Rome nya kwa Zhəwdɛ mbe va 52-60 kwa sebe ta Yɛsə Kriste.. 25Ma ke rafave nda palepa:
26«'Ya Klode Lisiyas nde njiŋwe kwelea ɗa ŋgwamna Fɛlikse. 27Nahe ka Zhəwif keŋsleyi vəkwə kezha pesle wəndə nya ghwenakɛ ŋa nya 'ya. Ma kwa fate 'ya kande hɛɗia Rome ŋkɛ ne, pa 'ya se le ka sewajɛa ɗa ba'a zləgwəke ŋkɛ. 28Ma kwa ɗe 'ya kaɗepe wəsə nya ndeke nda fete hɛ te ne, pa 'ya keleke ŋkɛ kadzawa kema ta mbeli nyi te ghəa hɛɗi. 29Newe 'ya ne, te ghena ta wəsə mahalegəa nci ve nda fete hɛ, ama kenakɛ fete ta ŋkɛ mbeli wərə pesle ŋkɛ ba'a wərə ve ŋkɛ kwa daŋgayɛ we. 30Ɓiyitsa, ma kwa fate 'ya kaɗe ka Zhəwif kapesle ŋkɛ ne, nahe 'ya keghweneghe ŋa ŋkɛ. Nahe 'ya kegezete nda ke mbeli nyi keve nda fete yitea lə hɛ le ghena shɛ sha gha.»
31Pa ka sewajɛ menete kala nya gezete nda mbeli ke hɛ. Pa hɛ keleghe Pol te viɗia shɛnyɛ kadzembe Antipatris. 32Ma te hendɛ ta ŋkwa ne, pa ka sewajɛ nyi le seɗa zhɛneke geva kase kadzawa ŋkwa nya berete ba'a sərəakɛ ka zleɗe gədəwə kabeghe Pol. 33Ma kwa kekave Sɛzarɛ hɛ ne, pa ka zleɗe gədəwə ndeke nda palepa ke ŋgwamna ba'a ncɛte nda Pol. 34Pa ŋgwamna jaŋgate palepa ba'a 'yɛwete sla ta hɛɗi nya nza Pol te. Ma kwa fave ŋkɛ kande Silisi ŋkɛ ne, 35ma ke shɛ: «Ma kese mbeli nyi kendeke ŋa fete ne, kate'yɛwe ghena 'ya va gha.» Pa ŋkɛ geze nda ke mbeli kave Pol ki ghɛ meghea Hɛrode.
Currently Selected:
Slene 23: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
Slene 23
23
1Mteghere Pol sha ntsə te mbeli nyi te ghəa hɛɗi, ma ke: «Ka kesaka ma, le wənə nya ganyɛ nzahwe nza 'ya kwa kema ta Shala ghalanza pa ɓeshi nya.» 2Pa Ananiyas, wəndə kwelea ka dzeghe Shala gezete kezha mpa Pol mbeli nyi dzeme vare gheŋkɛ le dzeve te mɛ. 3Ma ke Pol: «Shala nde teɗa ŋa le ŋa ŋkɛ, ndeɗe kwa ntsə na. Kezha meha ghwə kala nya ɗe wəshi mahalegəa ɓəmə ntishɛ na teke, ama nahe na kegezete kezha mpa ɗa mbeli tekeleke le wəsə nya geze wəsə mahalegə.» 4Ma ke mbeli nyi vare Pol shɛ: «Wəndə kwelea ka dzeghe Shala yaŋele na na?» 5Ma ke Pol: «Ka kesaka meyɛ ɗa, keɗepe 'ya kawəndə kwelea ka dzeghe Shala ŋkɛ we. Kwa nza ŋkɛ ma ke Ghena ta Shala: Ŋelema wəndə nya te ghəa hwelefe ta ŋa na ma.»
6Nahe Pol keɗepe ka Sadəsɛyɛn ba'a ka Fariziyɛn ya shɛ hwa mbeli nyi te ghəa hɛɗi, vatse gɛ, ma ke zlapete kwa kema ta nci: «Ka kesaka ma, nde Fariziyɛn 'ya le ghəa ɗa, wəzege ta nde Fariziyɛn 'ya. Va nya neghe same ta mbeli kwa kwele le mpi 'ya nda keleke ɗa mbeli kadzete ghwə.» 7Ma kwa gezete nda ghena shɛ ŋkɛ ke hɛ ne, ntake ka Fariziyɛn ba'a ka Sadəsɛyɛn kaghəpə kwelɛ ghəa nci, bake neheve geva hɛ mbe. 8Kwa nza ŋkɛ ma ke ka Sadəsɛyɛn sha geze: «Kasame mbeli kwa kwele le mpi we, nde ghwene ta Shala shɛ we, kweci mbeli nyi nakɛma mbeli shɛ we.» Ama kayɛ hɛ ka Fariziyɛn le ŋa nci. 9Ntake pɛtɛa mbeli katsa lewela le berete. Pelɛhetɛme kweci ka rafe wəsə mahalegə sate hwa ka Fariziyɛn. Ma ke hɛ le berete: «Kenakɛ fete ta wəndə nya ghen'yɛ we. Nda wəndə nya ɗema mbeli kanakɛ keɗema nde ghwene ta Shala nde gezete nda ghena wəka?»
10Pa hɛ tsehate mɛ kwele kwele, pa wəndə kwelea ka sewajɛ ghazlənənyɛ yagha hɛ kaslekwemte Pol. Vatse gezete nda ŋkɛ ke ka sewajɛa ŋkɛ kadzawa hwa tsene kezha zləgwə Pol shave mbe dzeve ta nci ba'a kezha kele ŋkɛ kalə kadzembe ŋkwa nya berete.
11Ma mbe viɗi nya kedzeyite ne, pa Nde sleke ŋkwa se sha Pol, ma ke: «Hwepe ghɛ deŋwa! Nahe na keneghate fete yitea 'ya teke mbe Zhɛrəzalɛm, nda na kaneghate fete tsagha mbe Rome.»
Tsa ghena ta ka Zhəwif yitea Pol
12Ma te hendɛ ta ŋkwa masheke ne, pa ka Zhəwif tsahwe ghena ba'a zemete fela kezha zemema wəsə kezeme wəsə ba'a kezha sama wəsə kesa keɗema hɛ kepeslekɛ Pol. 13Ma mbeli nyi kezemete fela shɛ ne, kwele ma hɛ ke wəfaɗemsə. 14Pa hɛ lə sha mbeli nyi te ghəa ka dzeghe Shala ba'a mbelia jama, ma ke hɛ: «Nahe n'yɛ kezemete fela mbe kema ta Shala kezha zemema wəsə kezeme keɗema n'yɛ kepeslekɛ Pol. 15Ma gheyɛ mbelia jama ba'a mbeli nyi te ghəa hɛɗia ka Zhəwif ne, 'yɛwe mə va wəndə kwelea ka sewajɛa kezha keleke Pol ŋkɛ kadzawa kema ta ŋayɛ kezha newe ghena ta ŋkɛ yɛ tiɗiɗi. Ma ghen'yɛ gɛ ne, nahe ghen'yɛ kehite geva kezha pesle ŋkɛ kwa hweŋkwa nda tetsehe ŋkɛ teke.»
16Ama nahe wəzege ta wəzha ta meghekɛa Pol kefate ghena ta tsa ghena shɛ. Cape ŋkɛ kalə kadzembe ŋkwa nya berete kezha geze nda ke Pol. 17Pa Pol hekakɛ kwete wəndə nya te ghəa ka sewajɛ, ma ke shɛ: «Begheghe wəzege nya kalə sha wəndə kwelea ka sewajɛ, gheŋkɛ ɗe kageze nda ghena.» 18Cape ŋkɛ le kalə sha wəndə kwelea ka sewajɛ le, ma ke: «Pol nde daŋgayɛ nya nde hekakɛ ɗa kezha beghe wəzege nya kase sha gha, ghena ya ve kageze ŋa.» 19Pa wəndə kwelea ka sewajɛ keseve wəzegea shɛ te dzeve, ntəŋə ŋkɛ le, ma ke 'yɛwete ve: «Wa ghena nya ɗe na kageze ɗa wa?» 20Ma ke shɛ: «Ka Zhəwif tsahwe ghena kezha 'yɛwe va gha kakele Pol kase hendɛ kadzehwa tsene ta mbeli nyi te ghəa hɛɗi kezha newe ghena ta ŋkɛ tiɗiɗi. 21Ama yɛma na ma, kwa nza ŋkɛ za ma ke wəfaɗemsə mbeli nyi keceha Pol kwa hweŋkwa. Nahe hɛ kezemete fela kaɗema kazeme wəsə kezeme ba'a kasa wəsə kesa keɗema hɛ kepeslekɛ Pol. Nahe hɛ kehimte geva pɛtɛ tsetsenya, mɛa ŋa yaneghe hɛ.» 22Tagha gɛ, ma ke wəndə nya te ghəa ka sewajɛ sha wəzegea shɛ: «Geze nda ma ghena nya gezete ɗa nya na ke kwete wəndə ma.» Kwa sebe ta ŋkɛ, pa ŋkɛ sərəakɛ ŋkɛ kaslə.
Mbeli kakele Pol kalə sha ŋgwamna Fɛlikse
23Pa wəndə nya te ghəa ka sewajɛ hekakɛ mbelia jama ta ka sewajɛa bake taghanyɛ: Tsenete mə ka sewajɛ gwəmsə bake, mberefaŋemsə ka zleɗe gədəwə ba'a ka megha gwəmsə bake, nza mə ɗeke ɗeke kezha dzawa Sɛzarɛ nahe ɗafa heshi. 24Hite mə gədəwəa lɛmə kezha kele Pol lɛŋe lɛŋe kalə sha ŋgwamna Fɛlikse#23.24 Fɛlikse: ŋgwamna ta ka Rome nya kwa Zhəwdɛ mbe va 52-60 kwa sebe ta Yɛsə Kriste.. 25Ma ke rafave nda palepa:
26«'Ya Klode Lisiyas nde njiŋwe kwelea ɗa ŋgwamna Fɛlikse. 27Nahe ka Zhəwif keŋsleyi vəkwə kezha pesle wəndə nya ghwenakɛ ŋa nya 'ya. Ma kwa fate 'ya kande hɛɗia Rome ŋkɛ ne, pa 'ya se le ka sewajɛa ɗa ba'a zləgwəke ŋkɛ. 28Ma kwa ɗe 'ya kaɗepe wəsə nya ndeke nda fete hɛ te ne, pa 'ya keleke ŋkɛ kadzawa kema ta mbeli nyi te ghəa hɛɗi. 29Newe 'ya ne, te ghena ta wəsə mahalegəa nci ve nda fete hɛ, ama kenakɛ fete ta ŋkɛ mbeli wərə pesle ŋkɛ ba'a wərə ve ŋkɛ kwa daŋgayɛ we. 30Ɓiyitsa, ma kwa fate 'ya kaɗe ka Zhəwif kapesle ŋkɛ ne, nahe 'ya keghweneghe ŋa ŋkɛ. Nahe 'ya kegezete nda ke mbeli nyi keve nda fete yitea lə hɛ le ghena shɛ sha gha.»
31Pa ka sewajɛ menete kala nya gezete nda mbeli ke hɛ. Pa hɛ keleghe Pol te viɗia shɛnyɛ kadzembe Antipatris. 32Ma te hendɛ ta ŋkwa ne, pa ka sewajɛ nyi le seɗa zhɛneke geva kase kadzawa ŋkwa nya berete ba'a sərəakɛ ka zleɗe gədəwə kabeghe Pol. 33Ma kwa kekave Sɛzarɛ hɛ ne, pa ka zleɗe gədəwə ndeke nda palepa ke ŋgwamna ba'a ncɛte nda Pol. 34Pa ŋgwamna jaŋgate palepa ba'a 'yɛwete sla ta hɛɗi nya nza Pol te. Ma kwa fave ŋkɛ kande Silisi ŋkɛ ne, 35ma ke shɛ: «Ma kese mbeli nyi kendeke ŋa fete ne, kate'yɛwe ghena 'ya va gha.» Pa ŋkɛ geze nda ke mbeli kave Pol ki ghɛ meghea Hɛrode.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.