2 Makabɛ 10
10
Yaɓe ta ghɛa Shala
(1 MA 4.36-61)
1Ma te zlaɓa ta Shala nya te kema ta nci ne, pa yɛ Zhəwdas Makabɛ le mbelia ŋkɛ zləgwəke yɛ ghɛa Shala le meleme ta Zhɛrəzalɛm. 2Pa hɛ mpempəmte reghwetɛ nyi pate kweci hwelefefi dzeyi te ŋkwa kebeke, tsagha yɛ ŋkwa kesəkwə ghə ta kweci hwelefefi. 3Pa hɛ yaɓemte ghɛa Shala, kwa sebe ta ŋkɛ, pa hɛ pate reghwetɛ kamɛnɛfɛ. Pa hɛ tsave ghwə ta janate kezha meha te reghwetɛ ba'a dzeghekɛ melɛ kakwa ghate ta zhigə ghala se mɛa va bake. Pa hɛ terekɛ 'wərdə, tsawa ghwə kwa yɛ paterela ba'a beteyi nda ɗafa ke Shala. 4Ma kwa sebe ta ŋkɛ ne, gwəɗəŋə hɛ ntiŋə ghə mbe hɛɗi kezha səkwə Shala, ma ke hɛ: «Zhɛnema na kaghwene n'yɛ ndiremi nyi kala nyi ma. Ma kezhɛne ghen'yɛ kamenete ŋa fete ne, dzeghe dzeghe 'yɛ n'yɛ na, ama zhɛnema na kave nda n'yɛ ke kweci hwelefefi nyi ndiremi ndiremia mehele nyi keŋele ŋa nyi ma.»
5Pa yɛ Zhəwdas le mbelia ŋkɛ yaɓemte ghɛa Shala te və nya kwetɛŋe le hɛ nya zhɛrete ŋkɛ kweci hwelefefi wale wale, geze ta ŋkɛ, mbe hɛ bakemsə mcɛfeghəmbe ta terea Kisləw. 6Kahɛ deghese menete gəsəkə zlama hɛ kala ŋa gəsəkəa yɛ ghwəli. Ma mbe və ɓɛhwɛ te kema ne, nahe yɛ Zhəwdas le mbelia ŋkɛ kezəzəte tsema tsema menete gəsəkəa yɛ ghwəli hɛ hwa ghweme ba'a dzeyi mbe yɛ zlera kala wəshi keseɗa nyi hwa gamba. 7Vatse fəte yɛ sleke dzape, yɛ dzeve ta wəfe nyi menjaɓa ba'a yɛ dzeve ta peha hɛ, ntake hɛ katsahe Shala nya kendeke nda hweŋkwa ke hɛ kayaɓe ghɛa ŋkɛ kwa cimə. 8Ma ke hɛ gezete, tsahwe ba'a yɛhwe mbe tsene nya wəba: «Hweŋkwa ya va pɛtɛa ka Zhəwif kamene gəsəkəa shɛ keva keva.»
Antiyokəs Epator kadzete ŋkwa yitenyɛ
9Wa nya tsetse mtenyɛ Antiyokəs nya heka mbeli kaƐpifane. 10Ghena nyi te ghəa Antiyokəs Epator, wəzege ta nde ghema ta Shala yategeze ghena gheɓəmə te tsetsenya. Deke ndiremi nyi mtseke yɛ mpa ta ŋkɛ yategeze ghena gheɓəmə ɓɛhwɛ te hɛ.
11Dzemema ta Epator ke pasla ne, pa ntave Lisiyas kaŋgwamna nya wəba ta Siri nya wəba ba'a Fɛnisi. 12Pa Lisiyas dzete ŋkwa Ptolɛmɛ nya heka mbeli «kaBiya ghə.» Ptolɛmɛ ya kande ghate ta ŋgwamna nya kemene nda wəsə nya tiɗiɗi ke ka Zhəwif kwa sebe ta yaka nyi sahwe nda mbeli ke hɛ. Nahe ŋkɛ kedzeghakɛ kasleke hɛ le kwelɛŋe. 13Vatse lə ka mcɛhɛnyɛa meghe sha Epator kandeke nda fete. Kwele kwele zhigə se mbeli kaheka ŋkɛ kande pamte ŋkwa tewəmbəreke nya wəfəyite hɛɗia Shipre yadapave nda Filomɛtor ŋkɛ ba'a nya lənyɛ ŋkɛ yitea Antiyokəs Ɛpifane. Ma kwa ɗema ŋkɛ kevate zləvə te slene ta ŋkɛ ne, pa peslekɛ ghəa ŋkɛ le wəsəa kwamasa.
Zhəwdas kaha nda mpa ke ŋkwa nyi berete berete mbe Idəmɛ
14Ma kwa Zhɛrenyɛ Gorzhiyas kaŋgwamna ta Idəmɛ ne, pa pake ka sewajɛ. Ntake ŋkɛ kaha nda mpa ke ka Zhəwif mbe yayata və nya kemave ŋkɛ. 15Zhɛne ne, kaha nda mpa ka Idəmɛ nyi mbe ŋkwa nyi berete berete le ghəa nci ke ka Zhəwif. Nda kawe yakawe mbeli nyi keŋkamte geva shave mbe Zhɛrəzalɛm hɛ ba'a nda mpa yazele hɛ.
16Pa yɛ Zhəwdas le mbelia ŋkɛ səkwəte Shala kezha nza le hɛ. Kwa sebe ta ŋkɛ, ntəŋə hɛ kalə kaha nda mpa ke ŋkwa nyi berete berete ta ka Idəmɛ. 17Pa hɛ have nda mpa ke ŋkwa shɛhɛ le berete, pɛtɛ hɛ ŋkamte mbeli nyi kempa dzeyi te zli ba'a fəhwe ŋkwa shɛhɛ. Kasla ghə hɛ te mbeli nyi kembele kadzembe dzeve ta nci: Pa hɛ mpəmte mbeli kwele ma ke 20.000.
18Ama nahe mbeli kwele ma ke 9.000 kewəfərənji mbe ŋkwa bake nyi berete berete ma le wəshi nyi kehi kezha mpa. 19Pa Zhəwdas Makabɛ beteyi yɛ Simon le Zhozɛf kwa kema ta ŋkwa nyi berete berete ma shɛhɛ, tsagha yɛ Zashɛ le ka sewajɛ kwele kwele kezha jive mbe kema le mpa. Kwetere wəmbəa ŋkɛ, ntəŋə ŋkɛ le ghəa ŋkɛ kalə kadzete ŋkwa nyi nza ghena te hɛ. 20Ama pa mbelia Simon ɗehwe mze kwa tɛawetɛa, pa hɛ pamte nda ghəa nci ke kweci mbeli nyi keya ŋkwa nyi berete berete. Pa hɛ yɛte fə dəɓərəa mze kwa tɛawetɛa 70.000 kezha mbele kweci ka sewajɛ. 21Fatema ta Zhəwdas ke ghena shɛ ne, pa tsenete mbeli nyi te ghəa wəvəsə, pa ŋelete mbeli nyi kebezemte ghena va nya pamte ka menəhɛ nci hɛ te mze kwa tɛawetɛa laka pele ka ghema nyi kenza ɗeke ɗeke kampa le hɛ. 22Pa Zhəwdas mpəmte ka pamte ŋkwa shɛhɛ, tewə ketemə kwa sebe ta ŋkɛ, pa fəhwe ŋkwa nyi bake nyi berete berete ma shɛhɛ. 23Nahe ŋkɛ kehərəte ŋkwa mbe pɛtɛa mpa nyi menete ŋkɛ, pa mpəmte zhili kwele kwele ma ke 20.000 mbe ŋkwa nyi bake nyi berete berete ma shɛhɛ.
Zhəwdas kahərə Timotɛ mbe Gɛzɛr
24Nahe ka Zhəwif kegha kahərəte Timotɛ kwetɛŋe zhigə. Pa ŋkɛ pake ka sewajɛ kwele kwele va kweci hwelefefi ba'a fəke gədəwəa lɛmə kwele kwele se mbe Azi. Ntəŋə ŋkɛ kwa hweŋkwa ta Zhəwdɛ le ka sewajɛa ŋkɛ le zəzə kelə kakele hɛɗia shɛ. 25Ma kwa hendave nda geva hɛ ne, pa yɛ Zhəwdas le mbelia ŋkɛ səkwəte Shala le kərə hɛɗi kənəa ghəa nci ba'a le hwepe wəsə hwa hwə. 26Gwəɗəŋə hɛ ntiŋə ghə mbe hɛɗi kwa kema ta reghwetɛ kezha səkwə Shala kakemane hɛ, kanza kande ghema ta ka ghema ta nci ba'a kande ɗema ntsə ta ka ɗema ntsə ta nci kala nya gezete ŋkɛ mbe wəsə mahalegə.
27Kiɗima ta səkwə ghə ta nci ne, kəliɓə hɛ te wəshi kempa, ntəŋə hɛ shave mbe Zhɛrəzalɛm ba'a dzeghwave dzeghwa kwele kwele. Ma kwa nza hɛ takwa yitea nde ghema ne, pa hɛ ghereŋenji. 28Ma te hendɛ ta ŋkwa kasame veci kwa ghɛ ne, zhibədikə wəvəsə ka sewajɛ nyi bake shɛhɛ yitea mpa. Ma kezha hərə ŋkwa ne, te hwepe ghə ta nci vate ghə ka Zhəwif, ama za ma te kemane ta Shala. Ama kweci ne, hwepe wənəa nci ya te kema va hɛ kwa mpa. 29Ma kwa nzəghwə mpa ne, pa ka jaga nakɛ ka zleɗe gədəwəa lɛmə mcɛfe pelɛ gədəwə nyi nza wəshi nyi mbe mɛa nci kamze kwa tere tere nyi keslesla sawa pelɛ ghweme, pa hɛ ghereŋenji te kema ta ka Zhəwif. 30Pa hɛ veyi Zhəwdas kwelɛ tepe ta nci, ntake hɛ kaya ŋkɛ le wəshi kempa ta nci kezha ɗema zhi kaɗakɛ ŋkɛ. Ntake ka zleɗe gədəwəa lɛməa shɛhɛ kaghwene yɛ have kala yɛ slesla ta va yitea ka ghema. Tagha gɛ, pa hɛ ghwələpənji ba'a ghazlənənji, kwetɛ kwetɛŋe hɛ tazenji. 31Ka sewajɛ nyi le seɗa 20.500 ka mpəmte geva ba'a ka zleɗe gədəwəa lɛmə gwəmsə ŋkwaŋe yaslamte ghə mbeli te hɛ.
32Pa Timotɛ le ghəa ŋkɛ wəfərənyɛ mbe ŋkwa nya ya mbeli tsape, ŋkwa nya berete mbe Gɛzɛr nya nza Shɛrɛyas te ghəa ŋkɛ. 33Pa yɛ Zhəwdas le mbelia ŋkɛ have nda mpa le hwepe ghə ke ŋkwa shɛ kahɛ wəfaɗe. 34Ma kwa vate ghə mbeli nyi mbe tenza ta nci gwezlayɛ mbe ŋkwa shɛ ne, nda ŋele yaŋele Shala ta ka Zhəwif ba'a yiɗə yayiɗə mbeli nyi kehave nda mpa ke hɛ hɛ. 35Ma mbe kwa mcɛfe ta hɛ, kasame veci kwa ghɛ ne, tarame tarame kweci mempɛhwetɛtia ka sewajɛa Zhəwdas bakemsə dzemenji te zli le hwepe ghwə va beze ta wənəa nci va ŋele nyi ŋelekɛ Shala hɛ. Pa hɛ mpəmte pɛtɛa mbeli nyi kebete kadzembe dzeve ta nci. 36Ntəŋə kweci mbeli kwa sebe ta nci, pa hɛ dzaslete ŋkwa nya beretea kezha ha nda mpa ke ghema laka kwete bela. Pa hɛ ndəmte ŋkwa keya ŋkwa nyi bebiya bebiya ba'a teremte mbeli nyi kese nyi kaŋele Shala teghweme. Pa mbeli nyi kedzeme te kema fefelaŋemte yɛ gelembe kezha ghwene nda ŋkwa ke ka sewajɛ nyi ketene kadzembe meleme. Kahe kahe kelehwe geva melemea shɛ. 37Pa hɛ slamte ghə te Timotɛ nya kewəfərənyɛ kwa belageji, zlaɓe hɛ le ka kesaka meghekɛ Shɛrɛyas ba'a Apolofane.
38Ma kwa hərəte ŋkwa ka Zhəwif ne, pa hɛ tsahekɛ Shala le cimə. Pa hɛ tsate nda hana kwa ndeke nda mene wəshi ganji nyi jama jama ŋkɛ ke ka Israyɛl ba'a kwa ndeke nda hərə ŋkwa ŋkɛ ke hɛ.
Currently Selected:
2 Makabɛ 10: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
2 Makabɛ 10
10
Yaɓe ta ghɛa Shala
(1 MA 4.36-61)
1Ma te zlaɓa ta Shala nya te kema ta nci ne, pa yɛ Zhəwdas Makabɛ le mbelia ŋkɛ zləgwəke yɛ ghɛa Shala le meleme ta Zhɛrəzalɛm. 2Pa hɛ mpempəmte reghwetɛ nyi pate kweci hwelefefi dzeyi te ŋkwa kebeke, tsagha yɛ ŋkwa kesəkwə ghə ta kweci hwelefefi. 3Pa hɛ yaɓemte ghɛa Shala, kwa sebe ta ŋkɛ, pa hɛ pate reghwetɛ kamɛnɛfɛ. Pa hɛ tsave ghwə ta janate kezha meha te reghwetɛ ba'a dzeghekɛ melɛ kakwa ghate ta zhigə ghala se mɛa va bake. Pa hɛ terekɛ 'wərdə, tsawa ghwə kwa yɛ paterela ba'a beteyi nda ɗafa ke Shala. 4Ma kwa sebe ta ŋkɛ ne, gwəɗəŋə hɛ ntiŋə ghə mbe hɛɗi kezha səkwə Shala, ma ke hɛ: «Zhɛnema na kaghwene n'yɛ ndiremi nyi kala nyi ma. Ma kezhɛne ghen'yɛ kamenete ŋa fete ne, dzeghe dzeghe 'yɛ n'yɛ na, ama zhɛnema na kave nda n'yɛ ke kweci hwelefefi nyi ndiremi ndiremia mehele nyi keŋele ŋa nyi ma.»
5Pa yɛ Zhəwdas le mbelia ŋkɛ yaɓemte ghɛa Shala te və nya kwetɛŋe le hɛ nya zhɛrete ŋkɛ kweci hwelefefi wale wale, geze ta ŋkɛ, mbe hɛ bakemsə mcɛfeghəmbe ta terea Kisləw. 6Kahɛ deghese menete gəsəkə zlama hɛ kala ŋa gəsəkəa yɛ ghwəli. Ma mbe və ɓɛhwɛ te kema ne, nahe yɛ Zhəwdas le mbelia ŋkɛ kezəzəte tsema tsema menete gəsəkəa yɛ ghwəli hɛ hwa ghweme ba'a dzeyi mbe yɛ zlera kala wəshi keseɗa nyi hwa gamba. 7Vatse fəte yɛ sleke dzape, yɛ dzeve ta wəfe nyi menjaɓa ba'a yɛ dzeve ta peha hɛ, ntake hɛ katsahe Shala nya kendeke nda hweŋkwa ke hɛ kayaɓe ghɛa ŋkɛ kwa cimə. 8Ma ke hɛ gezete, tsahwe ba'a yɛhwe mbe tsene nya wəba: «Hweŋkwa ya va pɛtɛa ka Zhəwif kamene gəsəkəa shɛ keva keva.»
Antiyokəs Epator kadzete ŋkwa yitenyɛ
9Wa nya tsetse mtenyɛ Antiyokəs nya heka mbeli kaƐpifane. 10Ghena nyi te ghəa Antiyokəs Epator, wəzege ta nde ghema ta Shala yategeze ghena gheɓəmə te tsetsenya. Deke ndiremi nyi mtseke yɛ mpa ta ŋkɛ yategeze ghena gheɓəmə ɓɛhwɛ te hɛ.
11Dzemema ta Epator ke pasla ne, pa ntave Lisiyas kaŋgwamna nya wəba ta Siri nya wəba ba'a Fɛnisi. 12Pa Lisiyas dzete ŋkwa Ptolɛmɛ nya heka mbeli «kaBiya ghə.» Ptolɛmɛ ya kande ghate ta ŋgwamna nya kemene nda wəsə nya tiɗiɗi ke ka Zhəwif kwa sebe ta yaka nyi sahwe nda mbeli ke hɛ. Nahe ŋkɛ kedzeghakɛ kasleke hɛ le kwelɛŋe. 13Vatse lə ka mcɛhɛnyɛa meghe sha Epator kandeke nda fete. Kwele kwele zhigə se mbeli kaheka ŋkɛ kande pamte ŋkwa tewəmbəreke nya wəfəyite hɛɗia Shipre yadapave nda Filomɛtor ŋkɛ ba'a nya lənyɛ ŋkɛ yitea Antiyokəs Ɛpifane. Ma kwa ɗema ŋkɛ kevate zləvə te slene ta ŋkɛ ne, pa peslekɛ ghəa ŋkɛ le wəsəa kwamasa.
Zhəwdas kaha nda mpa ke ŋkwa nyi berete berete mbe Idəmɛ
14Ma kwa Zhɛrenyɛ Gorzhiyas kaŋgwamna ta Idəmɛ ne, pa pake ka sewajɛ. Ntake ŋkɛ kaha nda mpa ke ka Zhəwif mbe yayata və nya kemave ŋkɛ. 15Zhɛne ne, kaha nda mpa ka Idəmɛ nyi mbe ŋkwa nyi berete berete le ghəa nci ke ka Zhəwif. Nda kawe yakawe mbeli nyi keŋkamte geva shave mbe Zhɛrəzalɛm hɛ ba'a nda mpa yazele hɛ.
16Pa yɛ Zhəwdas le mbelia ŋkɛ səkwəte Shala kezha nza le hɛ. Kwa sebe ta ŋkɛ, ntəŋə hɛ kalə kaha nda mpa ke ŋkwa nyi berete berete ta ka Idəmɛ. 17Pa hɛ have nda mpa ke ŋkwa shɛhɛ le berete, pɛtɛ hɛ ŋkamte mbeli nyi kempa dzeyi te zli ba'a fəhwe ŋkwa shɛhɛ. Kasla ghə hɛ te mbeli nyi kembele kadzembe dzeve ta nci: Pa hɛ mpəmte mbeli kwele ma ke 20.000.
18Ama nahe mbeli kwele ma ke 9.000 kewəfərənji mbe ŋkwa bake nyi berete berete ma le wəshi nyi kehi kezha mpa. 19Pa Zhəwdas Makabɛ beteyi yɛ Simon le Zhozɛf kwa kema ta ŋkwa nyi berete berete ma shɛhɛ, tsagha yɛ Zashɛ le ka sewajɛ kwele kwele kezha jive mbe kema le mpa. Kwetere wəmbəa ŋkɛ, ntəŋə ŋkɛ le ghəa ŋkɛ kalə kadzete ŋkwa nyi nza ghena te hɛ. 20Ama pa mbelia Simon ɗehwe mze kwa tɛawetɛa, pa hɛ pamte nda ghəa nci ke kweci mbeli nyi keya ŋkwa nyi berete berete. Pa hɛ yɛte fə dəɓərəa mze kwa tɛawetɛa 70.000 kezha mbele kweci ka sewajɛ. 21Fatema ta Zhəwdas ke ghena shɛ ne, pa tsenete mbeli nyi te ghəa wəvəsə, pa ŋelete mbeli nyi kebezemte ghena va nya pamte ka menəhɛ nci hɛ te mze kwa tɛawetɛa laka pele ka ghema nyi kenza ɗeke ɗeke kampa le hɛ. 22Pa Zhəwdas mpəmte ka pamte ŋkwa shɛhɛ, tewə ketemə kwa sebe ta ŋkɛ, pa fəhwe ŋkwa nyi bake nyi berete berete ma shɛhɛ. 23Nahe ŋkɛ kehərəte ŋkwa mbe pɛtɛa mpa nyi menete ŋkɛ, pa mpəmte zhili kwele kwele ma ke 20.000 mbe ŋkwa nyi bake nyi berete berete ma shɛhɛ.
Zhəwdas kahərə Timotɛ mbe Gɛzɛr
24Nahe ka Zhəwif kegha kahərəte Timotɛ kwetɛŋe zhigə. Pa ŋkɛ pake ka sewajɛ kwele kwele va kweci hwelefefi ba'a fəke gədəwəa lɛmə kwele kwele se mbe Azi. Ntəŋə ŋkɛ kwa hweŋkwa ta Zhəwdɛ le ka sewajɛa ŋkɛ le zəzə kelə kakele hɛɗia shɛ. 25Ma kwa hendave nda geva hɛ ne, pa yɛ Zhəwdas le mbelia ŋkɛ səkwəte Shala le kərə hɛɗi kənəa ghəa nci ba'a le hwepe wəsə hwa hwə. 26Gwəɗəŋə hɛ ntiŋə ghə mbe hɛɗi kwa kema ta reghwetɛ kezha səkwə Shala kakemane hɛ, kanza kande ghema ta ka ghema ta nci ba'a kande ɗema ntsə ta ka ɗema ntsə ta nci kala nya gezete ŋkɛ mbe wəsə mahalegə.
27Kiɗima ta səkwə ghə ta nci ne, kəliɓə hɛ te wəshi kempa, ntəŋə hɛ shave mbe Zhɛrəzalɛm ba'a dzeghwave dzeghwa kwele kwele. Ma kwa nza hɛ takwa yitea nde ghema ne, pa hɛ ghereŋenji. 28Ma te hendɛ ta ŋkwa kasame veci kwa ghɛ ne, zhibədikə wəvəsə ka sewajɛ nyi bake shɛhɛ yitea mpa. Ma kezha hərə ŋkwa ne, te hwepe ghə ta nci vate ghə ka Zhəwif, ama za ma te kemane ta Shala. Ama kweci ne, hwepe wənəa nci ya te kema va hɛ kwa mpa. 29Ma kwa nzəghwə mpa ne, pa ka jaga nakɛ ka zleɗe gədəwəa lɛmə mcɛfe pelɛ gədəwə nyi nza wəshi nyi mbe mɛa nci kamze kwa tere tere nyi keslesla sawa pelɛ ghweme, pa hɛ ghereŋenji te kema ta ka Zhəwif. 30Pa hɛ veyi Zhəwdas kwelɛ tepe ta nci, ntake hɛ kaya ŋkɛ le wəshi kempa ta nci kezha ɗema zhi kaɗakɛ ŋkɛ. Ntake ka zleɗe gədəwəa lɛməa shɛhɛ kaghwene yɛ have kala yɛ slesla ta va yitea ka ghema. Tagha gɛ, pa hɛ ghwələpənji ba'a ghazlənənji, kwetɛ kwetɛŋe hɛ tazenji. 31Ka sewajɛ nyi le seɗa 20.500 ka mpəmte geva ba'a ka zleɗe gədəwəa lɛmə gwəmsə ŋkwaŋe yaslamte ghə mbeli te hɛ.
32Pa Timotɛ le ghəa ŋkɛ wəfərənyɛ mbe ŋkwa nya ya mbeli tsape, ŋkwa nya berete mbe Gɛzɛr nya nza Shɛrɛyas te ghəa ŋkɛ. 33Pa yɛ Zhəwdas le mbelia ŋkɛ have nda mpa le hwepe ghə ke ŋkwa shɛ kahɛ wəfaɗe. 34Ma kwa vate ghə mbeli nyi mbe tenza ta nci gwezlayɛ mbe ŋkwa shɛ ne, nda ŋele yaŋele Shala ta ka Zhəwif ba'a yiɗə yayiɗə mbeli nyi kehave nda mpa ke hɛ hɛ. 35Ma mbe kwa mcɛfe ta hɛ, kasame veci kwa ghɛ ne, tarame tarame kweci mempɛhwetɛtia ka sewajɛa Zhəwdas bakemsə dzemenji te zli le hwepe ghwə va beze ta wənəa nci va ŋele nyi ŋelekɛ Shala hɛ. Pa hɛ mpəmte pɛtɛa mbeli nyi kebete kadzembe dzeve ta nci. 36Ntəŋə kweci mbeli kwa sebe ta nci, pa hɛ dzaslete ŋkwa nya beretea kezha ha nda mpa ke ghema laka kwete bela. Pa hɛ ndəmte ŋkwa keya ŋkwa nyi bebiya bebiya ba'a teremte mbeli nyi kese nyi kaŋele Shala teghweme. Pa mbeli nyi kedzeme te kema fefelaŋemte yɛ gelembe kezha ghwene nda ŋkwa ke ka sewajɛ nyi ketene kadzembe meleme. Kahe kahe kelehwe geva melemea shɛ. 37Pa hɛ slamte ghə te Timotɛ nya kewəfərənyɛ kwa belageji, zlaɓe hɛ le ka kesaka meghekɛ Shɛrɛyas ba'a Apolofane.
38Ma kwa hərəte ŋkwa ka Zhəwif ne, pa hɛ tsahekɛ Shala le cimə. Pa hɛ tsate nda hana kwa ndeke nda mene wəshi ganji nyi jama jama ŋkɛ ke ka Israyɛl ba'a kwa ndeke nda hərə ŋkwa ŋkɛ ke hɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.