Rom 7
7
Malelen Lagiana
1Ira tuaku, kimiu duluai gim ilo tavuhai silo non Moses. I kimiu giv iloe be silo mwa domuai ḡoro sinombu n̄ano lol taro be ram rahu radu. 2Kun geki, vavine mwa du be vi togo mai ahoana lol taro be kea mwa rahu. Take kebe ahoana vi mate, kea mwa ribwesi nin silon lagiana. 3Take kebe kea vi lagi mai atamwan dolua lol taro be ahoana mwa rahu radu, silo mwa bevea be kea mwa lol hantai ahoana. Kebe ahoana vi mate, kea nu mwa ribwesi nin silon lagiana. I kebe vavine vi lagi mai atamwan dolua, kea vorate mwa lol hantai ahoana. 4Lol hala n̄an gea, ira tuaku, huria be kimiu gin tarihou huba mai Kraes lol rebehina, nu kunia n̄ano be gin mate huba mai. Geki mwa loli bwatuna be kimiu gis vora non atat dolua kea be nu tomare nin mateana i be gida tav lol rovoga tavuha non God. 5Take tuai, lol taro be tan huri alen̄an atatu n̄ano, Silo gea nu lolia tam doron maragai ira ginau hahantai be binihinda mwa doronia. Haḡe bwatun ginau geki, tam do tam lol rovoga non mateana n̄ano. 6Amua, silo nu haḡo gida kun atat vauhi, take rebehida be rebehi malea nu mate, i kadogaha gida tan ribwesi nin silo. I kadogaha tam dataro lalai God la hal gara mai vui, i vorate lol hal malea mai silo be nu ravana.
Nonda Bwaloana vai alun Vuro
7Giḡo bere gom binihia be nam bevea be vuro mai silo avoan gaituvwa. Kea vorate mwasigi, take silo kea hala n̄ano be nav iloe be hano haḡea vuro. Nasav iloe tehe havanau haḡea binihiva be nav doron be namen lai ginau non atat dolua kebe silo vorate mwa bevea, “Gosav doron te ginau non atat dolua be gomen laia.” 8Take alen̄a be atatu mwa lol vuro take kebe silo sigai, vuro non muramura sigai. 9Nan rahu amua i nan ilo silo. Take kebe avoanan silo mwa mai abeku, ke vuro mwa dau bwatuna mwa dogo, 10i nam mate. Avoana binihivanana be vi lai rahuana, take huriau mwa lai mateana. 11Vuro nu habwe hala be men vataltaleau nu haḡo avoana be vi loliau nav mate.
12Silo nu sabuga, i avoana nu sabuga nu tavuha i nu vavtutu. 13I kea mwa haḡo ginau be nu tavuha n̄ano, i mwa wehi bamateau be men seserai luae alen̄a vwat be nu hantai. Huribe alen̄an vuro mwa haḡo avoanan silo, mwa hantai maragai.
Bwaloana mai Gida
14Gida tam iloe be silo God nu taua, take nam hav sabuga tehe nu tau bwatuna be vuro nu tomuaiau kunia be nan vora non turin rovoga. 15Nam hav ilo te dum vataha ginau be nam lolira. Nam hav lol te ginau be nam doron maragai be nav lolia, i nam lol ginau be nam hav doronia tehe. 16I kebe nam lol ginau be nam hav doron te didi lolia, kea binihivanana be nam dame be silo nu tavuha. 17Bwatuna ginau geki, barabe inau mwasigi be nam do nam lol vuro kerageki. 18Uwe, nam iloe be gina tavuha sigai be mwa du aloloku binihivanana be gina tavuha vwat sigai be mwa du la rebehiku be nav lol alen̄ tavuha. Nam doron be nav lol alen̄a be ran tavuha, take nam hav lolia tehe. 19Nam hav lol te alen̄ tavuha kebe nam doron be nav lolia, ta nam lol alen̄ lete be nam hav doron te didi lolia. 20Kebe nav lol alen̄a be nam hav doron te didi lolia, ke vorate inau be nam lol ginau kerageki. Kea vuro be mwa du aloloku be mwa lol ginau kerageki.
21I inau nan huhui silo kerageki: lol taro be nam doron be nam lol ginau tavuha, lalaḡo hantai mwa do maiau aia. 22Lol binihiḡu, nam ron̄ mwa davuha mai silo non God. 23Take nam ḡita silo dolua mwa lol rovoga alolon rebehiku, kea haḡea mwa lol bwaloana mai silo be rebehiku mwa dara aluna. Silo dolua be mwa lol rovoga lol rebehiku kea silo huri vuro, i mwa loliau gi non atat to vauhi. 24Kunia, hava atatu haḡea be nam hav ron̄ te mwandavuha! Ihei haḡea vi varahuau nin rebehi geki be mwa lai mateana lalaiau? 25Nam avkari God huri be nu varahuau sivi Jisas Kraes nonda ratahigi!
I lol binihiḡu nam bora atat vauhi huri silo non God, take lol noḡu rebehi vuroga na bora atat vauhi lalai silo huri vuro.
Currently Selected:
Rom 7: HNB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
