Raom I Patri Ke Baare Meñ
I Patri Ke Baare Meñ
Pol i chiṭṭhi i kaaran likhis raha ki u apne aap ke aur aapan sandesa ke Raom tak bheje sake. U abhi tak i khaas siṭi meñ nai gais raha, lekin huañ ke bahut Maseehi log ke jaanat raha, aur soche hei ki uske huañ jaay ke waaste jaldi mauka mil jaai (15.22-16.21). Pol u sab se bataay hei ki u ek chela hei, aur chuna gais hei ki u achchha khabar ke parchaar kari (1.1). Aur uske sandesa i dekhaay hei ki, “Parmeshwar aapan shaktishaali rasta se u sab log ke bachaai jon uspe bharosa rakkhe hei, chaahe u Yahuudi hei ya geir Yahuudi” (1.16).
Pol i paṛhe waala log ke yaad karaay hei, “Ham sab paap kara hei, aur Parmeshwar ke aañkhi meñ gir gaya hei” (3.23). Kon rakam se hamme fir se Parmeshwar apnaai? Yahi sawaal hei jon ke Pol i chiṭṭhi meñ jawaab de hei. Suru meñ u dekhaay hei ki sab ke sab u nai karis hei jon Parmeshwar maañge hei. Yahuudi log Maozas ke kaanuun ke nai maanis, aur geir Yahuudi to Parmeshwar ke baare meñ soche bhi nai maañge hei, i bhi bhais ki Parmeshwar ulog se ketna rakam se baat bhi karis (1.18-3.20).
Ab ham dekhega ki Parmeshwar keise ham log ke apnaay hei. Ulog ke apnaay hei kaahe ke ulog Yeeshu Krisṭ pe biswaas kare hei. Parmeshwar to hamme jetna ham ḍisev nai karta usse bhi achchha se dekhe hei, aur Yeeshu Krisṭ ke khaatir, u hamme khula aam apnaay hei aur hamaar paap se chhuṭkaara dewaay de hei. (3.21a,22b,24)
Parmeshwar, Yeeshu ke hamme dees hei ki u hamaar paap ke khaatir mare sake, fir uske jinda bhi karis, ki ham sab ke Parmeshwar apnaay sake (4.25).
I Chiṭṭhi Pe Ek Najar
Pol aur uske achchha khabar ke sandesa (1.1-17)
Sab koi apraadh karin hei (1.18-3.20)
Kon rasta se Parmeshwar sab log ke apnaay hei (3.21-4.25)
Parmeshwar ke log ke waaste nawa jeewan (5.1-8.39)
Israayel ke log ke baare meñ kaa hei? (9.1-11.36)
Keise prem meñ nawa laaif jia jaay sake hei (12.1-15.13)
Pol ke plen aur aapan taraf se welkam (15.14-16.27)
Currently Selected:
Raom I Patri Ke Baare Meñ: FRHNT
Highlight
Copy
Compare
Share
Want to have your highlights saved across all your devices? Sign up or sign in
Fiji Romanised Hindi © Bible Society of South Pacific, 2016.