Zẹkaraya 3
3
Ịmiin dị egbolomaam ogbogh oyil ạrikia phọ
1 #
Ẹzra 5.2;
Ogon 12.10
Esi ịnon ịmiin Ọmoogh-we phọ uḍeenaan ni ịmi Josua ogbogh oyil ạrikia phọ dị ạmeera risigh ọokpaany Ọmoogh-we phọ. Ḅịle kẹn sịphe ạḍiagaany phọ aJosua Setan phọ ẹmeera, eekolobian ọgba ịkaraph oye phọ omitiom. 2#Jud 1.9Ọokpaany Ọmoogh-we phọ ạḅeni Setan phọ mọ, “Ọmoogh-we phọ asoph ọoruen aphume nyịna, Setan! Ọmoogh-we phọ ọpo ạphomoghian bọ Jeruselem asoph ooruen aphume nyịna! Oye phọ ọphon ạkigh ḍịpe dị ogboton egu ạnian.”
3AJosua ạmeera ni sịphe phọ; ạkpologhian rụsuoma dị eḍigh ẹenir iboom. 4Ọokpaany phọ ạḅeni butelhedom ọdi mọ, “Ịkporion rụsuoma ẹenir phọ oye phọ ọphon ạkpologhian bọ.” Kụ ọdi agbi ọḅeni aJosua, “Mị mạsighe ịkaraph phọ ạna kụ mị kạngo nyịna imoom ạrusuoma ọkpologhian.”
5Kụ ọdi ạto ạḅeni butelhedom mọ ọdi mọ ọsighe eghoony lọ ẹenir íḍigh ozu ẹmhu aJosua. Bịdi ọtuugh ịduon phọ oḍighi, kụ ogbi ọsighe imoom ạrusuoma phọ ọkpologhi ọdi sịphe ọokpaany Ọmoogh-we phọ ạmeera bọ ni.
6Kụ ọokpaany phọ agbi ọḅeni aJosua mọ 7Ọmoogh-we Oomo Ịikpo phọ mạḅem: “Eḍighi ịyaar lọ nạ ạnaghanan ni iilogh phọ ạmi kụ ạḅile ạtuugh aḍighi iiḍighi lọ mị ạngo nyịna, pọ nạ kaḍiemiom ni ophogh Otu Ịiḅereghi phọ ạmi ạkiom ghisigh, ḅịle kẹn mị kạnaghan ghan ni ịiḅereghi ạna ịdipho mị rạnaghan ghan bọ ịiḅereghi ạruukpaany phọ ạbuphe odi ghan bọ egbodo phọ ạmi. 8#Jer 23.5; 33.15; Zẹk 6.12Ler rụru nụun, Josua nạ phọ aḍighi bọ ogbogh oyil ạrikia phọ; ḅịle kẹn, iler rụru, nyina phọ ạbueri phọ ariil ạrikia phọ ọdi, nyina phọ eḍighi bọ eḍeenaan igey dị edi risigh: mị kagananami ni otelhedom mọ ạmi ọpo oghol bọ mọ Ọla Phọ. 9Mị raseere risigh aJosua ḍiniin aḍighiigh dị ẹmoogh oḍual ạsiagaany. Mị kạpogho ịge loor aḍighiigh phọ, kụ ḍiniin aḍio bịn mị kạsighe ịkaraph ade phọ aḍien ạḍuanam. 10#Maik 4.4Mem dị aḍio phọ ạḍiphe ketu bọ, tọrotoro ọnyo anyina kạmagh ni matuman ọdi mọ aru ạghelom ẹepho rꞌạdol-ẹereegh esi dị ireeny avain rꞌaruman kụ eghoonyom.”
Currently Selected:
Zẹkaraya 3: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
