Bụo aRom 4
4
Ịkiom ologhi Ebraham
1Yira kọkaaph eeghe ịlo Ebraham, ogbogh ọde phọ ayira sịen ade awe phọ? 2Mọ Ẹnaan ighol iiḍighi phọ ọdi kụ ẹsighenom bọ mọ ọdi oye aruukuan, ọbo ọdi mụmoogh ni ịyaar ootumaam. Kụ ghisigh Ẹnaan Ebraham ọ́moogh ịyaar dị ẹmanam ootumaam. 3#Emi 15.6; Gal 3.6Ạḍinya iigbia ẹḅem mọ, “Ebraham ameeraam ni Ẹnaan kụ Ẹnaan ẹtuan omeeraam mọ ọdi kụ ẹsighe nyọdi mọ oye aruukuan ni.” 4Oḍighinom oḍighi rale ghan ni ikpoki. Ikpoki dị esi ni nyọdi ole, káruunmo. 5Ọpo úḍuom bọ ologhi mọ iiḍighi kụ kẹpel nyịno phọ kụ ameeraam ni nyọpo rạbilenaan ghan bọ bụlo oḍighi ịkaraph, Ẹnaan kẹbalam omeeraam mọ ọdi kụ ẹsighe mọ ọdi oye aruukuan ni. 6Ẹphen kụ ẹmhu ọghaaph phọ aDevid ạghaaph bọ ịlo iboh oye phọ ọpo Ẹnaan ị́tuan bọ iiḍighi kụ ạalam bọ mọ oye aruukuan ni:
7 #
Ạsuo 32.1, 2 “Iboh kꞌẸnaan edianaan ni bụphe ọdi mạwilenaan bọ sịpioghom mọ ạbidi,
ḅịle rꞌạbuphe ọdi maakpereghi bọ ịkaraph phọ ạbidi.
8Iboh edianaan ni oye phọ ọpo Ọmoogh-we phọ ịkaraph phọ ọdi kạ́balam bọ.”
9Iboh phọ ịphen aDevid ạghaaph bọ aghol ịlo ạbuphe moḍuna bọ bịn ḍụghum? Eeye. Bụphe odimom bọ oodu phọ ọmoogh aani ni. Tọ, yoor mọma ni esi ạḍinya iigbia phọ dị ẹḅem mọ, “Ebraham ameeraam ni Ẹnaan kụ Ẹnaan ẹtuan omeeraam mọ ọdi kụ ẹsighe nyọdi mọ oye aruukuan ni.” 10Ịphen phọ imite pụr amem? Imite mem dị moḍun Ebraham ḍụghum? Imite mem dị ọdi odimom oodu. 11#Emi 17.10Ụ́nuun uḍun nyọdi. Oḍuna phọ Ebraham aḍighi elegh oḍeenaan mọ Ẹnaan ịtuan omeeraam mọ ọdi kụ ẹsighe bọ mọ ọdi oye aruukuan ni, mem dị ọdi odimom oodu. Loor ịphen phọ Ebraham kụ ọde oomo ạbuphe omeeraam bọ kụ Ẹnaan mẹsighe bọ mọ awe aruukuan ni phọ, ghạlamo ịdipho bịdi odimom bọ ni oodu phọ. 12Ọdi phọ kẹn kụ ọde ạbuphe moḍuna yogh bọ, ọ́tuan mọ bịdi oḍuna yogh phọ bịn, ạtuan ghụn dị bịdi ọtuugh odi aani dọl omeeraam mọ Ebraham ogbogh ọde phọ ayira ạrol bọ kụ agbi bọ osopha oodu phọ.
Ẹnaan ịsighe omeeraam kụ eḍighi zin oguan phọ
13 #
Emi 17.4-6; 22.17, 18; Gal 3.29 Ẹnaan iguanaan ni Ebraham rꞌẹemara phọ ọdi mọ bịdi kọmoogh aḅirini phọ. Oguanaan bọ oguan phọ ọphon ụ́tuan ịdi Ebraham aako ghan Ologh phọ. Ẹnaan ịkom esi omeeraam mọ kụ ẹsighe bọ nyọdi mọ oye aruukuan phọ. 14#Gal 3.18Eḍighi ịyaar dị bụphe rooko ghan bọ Oogh phọ kụ kọmoogh ịpe Ẹnaan eguanaan bọ, omeeraam mọ oye eepua ni bịn, ḅịle oguan phọ Ẹnaan oopho ni. 15Ologh phọ rạkom ghan ghẹlhe phọ Ẹnaan kaseere, kụ esi lọ iilogh ílho, osoroghu iilogh rạ́tol ghan.
16-17 #
Gal 3.7
#
Emi 17.5
Ẹnaan ịsighe omeeraam kụ eḍighi zin oguan phọ, ọbo ọdi ạkparami oguan phọ ạngo oopho bụo ẹemara phọ Ebraham, kạ́buphe rooko ghan bọ Ologh phọ bịn, ọḅaram ni bụphe odi aani bọ dọl omeeraam mọ ịdipho Ebraham. Kụ esi egbodo Ẹnaan phọ ọdi ameeraam bọ, ẹpe rẹngo ghan bọ ghuḍum bụlo momuughu, ẹḅile bọ rẹkaaph ghan ịlo ạraraar dị edi ghisigh mụdi meru ni eten, ịdi eḍighi bọ Ebraham kụ ọde aruwaloor oomo phọ ayira. 18#Emi 15.5Ebraham ameeraam ni ạḅile aḍuom ologhi esi dị oḍuom ologhi ụ́tol, kụ ạtuan bọ aḍighinom Ọde ịbadi areelhe phọ. Ịdipho ạḍinya iigbia phọ ẹḅem bọ mọ, “Ẹemara phọ ạna keḍiza ni ịdipho ạraanaan.” 19#Emi 17.17Ạḍikpo ọdi mẹghiom ni oniin okuron ạsia. Omeeraam mọ ọdi ódugh mem lọ ọdi ạatughian ịlo aloor phọ ọdi memugh bọ ni rẹmadan, ḅịle mọ ịdipho ọkuruḅaka phọ aSera maḅola bọ ni. 20Omeeraam mọ ọdi óphiigha. Ọdi kẹn óokia oguan phọ Ẹnaan. Omeeraam mọ ọdi ạngo ghan ni ịnyaam ịdi ọdi ạsephom ghan Ẹnaan. 21Ọdi alegheri ni akuphom owol mọ Ẹnaan ketue ni eḍighi ịpe ọdi aguanaan bọ. 22Loor ịphen phọ, Ẹnaan ịtuan ni omeeraam mọ kụ ẹsighe Ebraham mọ oye aruukuan ni. 23Ikpo ọnhu phọ ịphen mọ, “ạalam Ebraham mọ oye aruukuan” ụ́gianaan nyọdi bịn. 24Ụge oseenaan aani ayira phọ omeeraam bọ nyọpo aḅeton bọ Jịzos Ọmoogh-we phọ ayira sịphe aḍuugh phọ, yira phọ Ẹnaan kẹbalam bọ mọ awe aruukuan ni. 25#Azay 53.4, 5Ụḅogh ni nyọdi ọngo mọ aghol ịkaraph phọ ayira amugh, kụ oḅeton nyọdi mọ ụsighe iyira aḍighi we aruukuan Ẹnaan.
Currently Selected:
Bụo aRom 4: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Bụo aRom 4
4
Ịkiom ologhi Ebraham
1Yira kọkaaph eeghe ịlo Ebraham, ogbogh ọde phọ ayira sịen ade awe phọ? 2Mọ Ẹnaan ighol iiḍighi phọ ọdi kụ ẹsighenom bọ mọ ọdi oye aruukuan, ọbo ọdi mụmoogh ni ịyaar ootumaam. Kụ ghisigh Ẹnaan Ebraham ọ́moogh ịyaar dị ẹmanam ootumaam. 3#Emi 15.6; Gal 3.6Ạḍinya iigbia ẹḅem mọ, “Ebraham ameeraam ni Ẹnaan kụ Ẹnaan ẹtuan omeeraam mọ ọdi kụ ẹsighe nyọdi mọ oye aruukuan ni.” 4Oḍighinom oḍighi rale ghan ni ikpoki. Ikpoki dị esi ni nyọdi ole, káruunmo. 5Ọpo úḍuom bọ ologhi mọ iiḍighi kụ kẹpel nyịno phọ kụ ameeraam ni nyọpo rạbilenaan ghan bọ bụlo oḍighi ịkaraph, Ẹnaan kẹbalam omeeraam mọ ọdi kụ ẹsighe mọ ọdi oye aruukuan ni. 6Ẹphen kụ ẹmhu ọghaaph phọ aDevid ạghaaph bọ ịlo iboh oye phọ ọpo Ẹnaan ị́tuan bọ iiḍighi kụ ạalam bọ mọ oye aruukuan ni:
7 #
Ạsuo 32.1, 2 “Iboh kꞌẸnaan edianaan ni bụphe ọdi mạwilenaan bọ sịpioghom mọ ạbidi,
ḅịle rꞌạbuphe ọdi maakpereghi bọ ịkaraph phọ ạbidi.
8Iboh edianaan ni oye phọ ọpo Ọmoogh-we phọ ịkaraph phọ ọdi kạ́balam bọ.”
9Iboh phọ ịphen aDevid ạghaaph bọ aghol ịlo ạbuphe moḍuna bọ bịn ḍụghum? Eeye. Bụphe odimom bọ oodu phọ ọmoogh aani ni. Tọ, yoor mọma ni esi ạḍinya iigbia phọ dị ẹḅem mọ, “Ebraham ameeraam ni Ẹnaan kụ Ẹnaan ẹtuan omeeraam mọ ọdi kụ ẹsighe nyọdi mọ oye aruukuan ni.” 10Ịphen phọ imite pụr amem? Imite mem dị moḍun Ebraham ḍụghum? Imite mem dị ọdi odimom oodu. 11#Emi 17.10Ụ́nuun uḍun nyọdi. Oḍuna phọ Ebraham aḍighi elegh oḍeenaan mọ Ẹnaan ịtuan omeeraam mọ ọdi kụ ẹsighe bọ mọ ọdi oye aruukuan ni, mem dị ọdi odimom oodu. Loor ịphen phọ Ebraham kụ ọde oomo ạbuphe omeeraam bọ kụ Ẹnaan mẹsighe bọ mọ awe aruukuan ni phọ, ghạlamo ịdipho bịdi odimom bọ ni oodu phọ. 12Ọdi phọ kẹn kụ ọde ạbuphe moḍuna yogh bọ, ọ́tuan mọ bịdi oḍuna yogh phọ bịn, ạtuan ghụn dị bịdi ọtuugh odi aani dọl omeeraam mọ Ebraham ogbogh ọde phọ ayira ạrol bọ kụ agbi bọ osopha oodu phọ.
Ẹnaan ịsighe omeeraam kụ eḍighi zin oguan phọ
13 #
Emi 17.4-6; 22.17, 18; Gal 3.29 Ẹnaan iguanaan ni Ebraham rꞌẹemara phọ ọdi mọ bịdi kọmoogh aḅirini phọ. Oguanaan bọ oguan phọ ọphon ụ́tuan ịdi Ebraham aako ghan Ologh phọ. Ẹnaan ịkom esi omeeraam mọ kụ ẹsighe bọ nyọdi mọ oye aruukuan phọ. 14#Gal 3.18Eḍighi ịyaar dị bụphe rooko ghan bọ Oogh phọ kụ kọmoogh ịpe Ẹnaan eguanaan bọ, omeeraam mọ oye eepua ni bịn, ḅịle oguan phọ Ẹnaan oopho ni. 15Ologh phọ rạkom ghan ghẹlhe phọ Ẹnaan kaseere, kụ esi lọ iilogh ílho, osoroghu iilogh rạ́tol ghan.
16-17 #
Gal 3.7
#
Emi 17.5
Ẹnaan ịsighe omeeraam kụ eḍighi zin oguan phọ, ọbo ọdi ạkparami oguan phọ ạngo oopho bụo ẹemara phọ Ebraham, kạ́buphe rooko ghan bọ Ologh phọ bịn, ọḅaram ni bụphe odi aani bọ dọl omeeraam mọ ịdipho Ebraham. Kụ esi egbodo Ẹnaan phọ ọdi ameeraam bọ, ẹpe rẹngo ghan bọ ghuḍum bụlo momuughu, ẹḅile bọ rẹkaaph ghan ịlo ạraraar dị edi ghisigh mụdi meru ni eten, ịdi eḍighi bọ Ebraham kụ ọde aruwaloor oomo phọ ayira. 18#Emi 15.5Ebraham ameeraam ni ạḅile aḍuom ologhi esi dị oḍuom ologhi ụ́tol, kụ ạtuan bọ aḍighinom Ọde ịbadi areelhe phọ. Ịdipho ạḍinya iigbia phọ ẹḅem bọ mọ, “Ẹemara phọ ạna keḍiza ni ịdipho ạraanaan.” 19#Emi 17.17Ạḍikpo ọdi mẹghiom ni oniin okuron ạsia. Omeeraam mọ ọdi ódugh mem lọ ọdi ạatughian ịlo aloor phọ ọdi memugh bọ ni rẹmadan, ḅịle mọ ịdipho ọkuruḅaka phọ aSera maḅola bọ ni. 20Omeeraam mọ ọdi óphiigha. Ọdi kẹn óokia oguan phọ Ẹnaan. Omeeraam mọ ọdi ạngo ghan ni ịnyaam ịdi ọdi ạsephom ghan Ẹnaan. 21Ọdi alegheri ni akuphom owol mọ Ẹnaan ketue ni eḍighi ịpe ọdi aguanaan bọ. 22Loor ịphen phọ, Ẹnaan ịtuan ni omeeraam mọ kụ ẹsighe Ebraham mọ oye aruukuan ni. 23Ikpo ọnhu phọ ịphen mọ, “ạalam Ebraham mọ oye aruukuan” ụ́gianaan nyọdi bịn. 24Ụge oseenaan aani ayira phọ omeeraam bọ nyọpo aḅeton bọ Jịzos Ọmoogh-we phọ ayira sịphe aḍuugh phọ, yira phọ Ẹnaan kẹbalam bọ mọ awe aruukuan ni. 25#Azay 53.4, 5Ụḅogh ni nyọdi ọngo mọ aghol ịkaraph phọ ayira amugh, kụ oḅeton nyọdi mọ ụsighe iyira aḍighi we aruukuan Ẹnaan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS