Bụo aRom 3
3
1Ạbuo aJu phọ opuom eeghe nụun ruuruen phọ? Eeghe ḍịen kụ ạsuo osopha oodu phọ? 2Ạsuo phọ ạbugh ni esi oomo areten. Emiighom mọ, Ẹnaan ịḅogh ruguan phọ ọdi ẹlhogh ḍịghaagh ạbuo aJu phọ. 3Kụ koḍighi ika ịdipho buniin ạbidi úmeeraam bọ? Ẹnaan kekol li ịphen phọ bịn ẹbile oḍighi ịpe ọdi aguanaan bọ ḍụghum? 4#Ạsuo 51.4Kị́dipho. Ghạlamo ịdipho oomo awe oḍighi bọ ni bụgbaam ọkpe phọ, ilegheri mọ Ẹnaan rẹ́gba ghan ọkpe. Ịdipho ọge bọ sịphe ạḍinya iigbia phọ mọ,
“Ẹkpe ni dị awe kọmiin ghan mọ nạ rábi ghan ruguan phọ ạna.
Ẹkpe ni dị kegheel ghan nyịna mem lọ osiph nyịna ologh.”
5Kụ koḍighi ika ịdipho ẹkaraph eḍighinom ịyaar phọ ayira kụ egboton eḍeenaan mọ Ẹnaan reḍighi ghan ni igey? Yira kọkaaph eeghe? Mọ Ẹnaan rẹpioman ghan ni ḍụghum, mem lọ ọdi ụliom iyira? (Mị rạkaaph aani ịpe awe rọkaaph ghan bọ.) 6Kị́dipho. Eḍighi ịyaar lọ Ẹnaan apum rꞌakeel ílegheri, ọdi kaḍighi bọ ika kụ atue aagboonaan ịiruen aḅirini phọ?
7Koḍighi ika nụun ịdipho iipheeny phọ ạmi kụ egboton bọ eḍeenaan mọ Ẹnaan reḍighi ghan ni ruguan phọ ọdi? Kokol bọ eeghe kụ erugh ịkaraph iphum ịmi? 8Ụ́ḅile ghan ụḅem aani mọ, “Itu oḍighi ịkaraph ọbo eeḅi emite”? Buniin awe mọgba mọ mị rạḅem ghan ịduon phọ bịn ụphuenom ịmi. Apum mọ ạbidi kạgbaanyan ni.
Ọnyo aruukuan ólho
9Ạdol ayira ạbuo aJu phọ ẹnighe ni epu ḍịo aruuruen phọ ḍụghum? Eeye. Mị mạphur ri aḍeenaan mọ ạbuo aJu rꞌaruuruen phọ ọḅoph ni dọl oḍighi rẹbene ịkaraph. 10#Ạsuo 14.1-3; 53.1-3Ịdipho ọge bọ sịphe Ạḍinya Iigbia phọ mọ,
“Ọnyo aruukuan ólho,
11oye lọ rạnaghan ghan ḍụghum,
ạḅile rạwa ghan olegheri Ẹnaan ólho.
12Oomo awe mọgbatanu ẹnon eten,
ọḅile ọḅaaghaph,
rꞌoniin ọlo raḍighi ghan ịlo ẹnighe ólho.
13 #
Ạsuo 5.9;
Ạsuo 140.3
Ọghaaph ạbidi rapur ghan ịdipho oḍi oye dị úukpereghi;
anem ạbidi regheleghele ghan ịlo iigbegheḍiom bịn,
ikpo ọnhu phọ ạbidi ịlo aḍuugh-aḍuugh,
ịdipho ịka ẹkaraph-ịyaar;
14 #
Ạsuo 10.7
igurughian bịn kụ imuza ọnhu ạbidi.
15 #
Azay 59.7, 8 Rotir bịdi bịn mọko enu;
16amuphe rꞌịiḅaghami kụ resugha ghan esi lọ bịdi oten.
17Bịdi úlegheri oḍighi ghan ịlo ẹepho,
18 #
Ạsuo 36.1
ḅịle kẹn rókiilaan ghan eegu Ẹnaan.”
19Yira olegheri ni mọ oomo ịtooghi Ologh phọ aMozis edianaan ghan bụphe Ologh phọ akpophonom bọ, ịlo Ẹnaan keegboonaan ịiruen oomo aḅirini phọ, ọbo kọmoogh ghan bọ kẹn ịyaar oghol kụ ọsar ọwilenaan oye. 20#Ạsuo 143.2; Gal 2.16Ẹnaan rẹ́tuan ghan ooko ghan Ologh phọ kụ kẹsighenom mọ ọphon oye aruukuan ni. Ologh phọ ghụn rạkiom ghan oye ologhi mọ ọdi maḍighi ịkaraph.
Ịdi Ẹnaan rẹsighenom ghan mọ bụen awe aruukuan
21Kụ nyịidipho Ẹnaan megananami reten phọ dị ạsighenom ghan bọ mọ ọphon oye aruukuan ni kụ ịphen phọ ị́moogh ịyaar oḍighinom iilogh phọ. Ologh phọ aMozis rꞌịgeeghi ariil phọ kụ rẹkaaph bọ ịphen phọ. 22#Gal 2.16Awe lọ omeeraam Jịzos Kraist kụ ạbudi Ẹnaan rẹsighenom ghan bọ mọ awe aruukuan ni. Ẹnaan rẹsighe ghan ni oomo ạbulo omeeraam Kraist, ịdi eḍighi bọ ọgbaranaan ólho. 23Oomo awe moḍighi ịkaraph omeel ẹgbenem bịn kọ́teeny rughuenian phọ Ẹnaan. 24Kụ Ẹnaan ẹngo ni ọnma ighirigiir phọ ọdi oopho, ẹtuan Jịzos Kraist phọ ạtagharan bọ bịdi, ẹsighenom mọ bịdi awe aruukuan ni. 25Ẹnaan imitiom Kraist obalelhe mọ ịḅaal phọ ọdi egbuurogh ghẹlhe phọ ọno eḍighi ịdi bụphe omeeraam bọ kọmoogh ọsar ọwilenaan. Ẹnaan iḍighi ịphen phọ ịlo oḍeenaan aruukuan phọ ọdi. Gediidi phọ ọdi ạkparam ni aphogh ghan ịkaraph lọ awe oḍighi bịn aḅoorian, 26kụ ọrugh phọ ọphon, mạtuan oḍeenaan aruukuan phọ ọdi bịn ọ́minoghom mun ịkaraph lọ awe oḍighi. Ịduon kụ ịdi Ẹnaan eḍeenaan mọ ọno rꞌaloor ọno raakuan ni, ḅịle mọ ọno rạsighe ghan ni tọrobo oye lọ ameeraam Jịzos kaḍighi oye aruukuan.
27Yira kokol bọ eeghe nụun kụ ootuma? Ị́ḅoph. Ẹmhu eeghe kụ ị́ḅoph bọ? Ịdi eḍighi bọ akeel phọ ayira rạ́tuan ghan iiḅi iiḍighi, rạtuan ghan omeeraam mọ ayira esi ạJizos. 28Yoor ọwa ọmiin mọ Ẹnaan rẹtuan ghan omeeraam kụ kẹsighenom mọ ọphon oye aruukuan ni, rẹ́tuan ghan oḍighi ghan ịtooghi Ologh phọ aMozis. 29Nạ ragbi mọ Ẹnaan phọ ẹlo ạbuo aJu phọ bịn ḍụghum? Ọdi kẸ́naan aruuruen aani phọ ḍụghum? Ọku ólho. 30#Dut 6.4; Gal 3.20Ẹnaan phọ eniin kụ ọdi kạtuan omeeraam ạbuo aJu phọ kụ ạsighenom mọ bịdi awe aruukuan ni, ḅịle kẹn kạtuan omeeraam aruuruen phọ kụ ạsighenom mọ bịdi awe aruukuan ni. 31Kụ ẹkigh mụdi mọtuan omeeraam mọ bịn kọ́maghami mun ịyaar Ologh phọ aMozis? Tạa, ịlo ayoor ríḍigh. Yoor olhom ni Ologh phọ ọkananaam.
Currently Selected:
Bụo aRom 3: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Bụo aRom 3
3
1Ạbuo aJu phọ opuom eeghe nụun ruuruen phọ? Eeghe ḍịen kụ ạsuo osopha oodu phọ? 2Ạsuo phọ ạbugh ni esi oomo areten. Emiighom mọ, Ẹnaan ịḅogh ruguan phọ ọdi ẹlhogh ḍịghaagh ạbuo aJu phọ. 3Kụ koḍighi ika ịdipho buniin ạbidi úmeeraam bọ? Ẹnaan kekol li ịphen phọ bịn ẹbile oḍighi ịpe ọdi aguanaan bọ ḍụghum? 4#Ạsuo 51.4Kị́dipho. Ghạlamo ịdipho oomo awe oḍighi bọ ni bụgbaam ọkpe phọ, ilegheri mọ Ẹnaan rẹ́gba ghan ọkpe. Ịdipho ọge bọ sịphe ạḍinya iigbia phọ mọ,
“Ẹkpe ni dị awe kọmiin ghan mọ nạ rábi ghan ruguan phọ ạna.
Ẹkpe ni dị kegheel ghan nyịna mem lọ osiph nyịna ologh.”
5Kụ koḍighi ika ịdipho ẹkaraph eḍighinom ịyaar phọ ayira kụ egboton eḍeenaan mọ Ẹnaan reḍighi ghan ni igey? Yira kọkaaph eeghe? Mọ Ẹnaan rẹpioman ghan ni ḍụghum, mem lọ ọdi ụliom iyira? (Mị rạkaaph aani ịpe awe rọkaaph ghan bọ.) 6Kị́dipho. Eḍighi ịyaar lọ Ẹnaan apum rꞌakeel ílegheri, ọdi kaḍighi bọ ika kụ atue aagboonaan ịiruen aḅirini phọ?
7Koḍighi ika nụun ịdipho iipheeny phọ ạmi kụ egboton bọ eḍeenaan mọ Ẹnaan reḍighi ghan ni ruguan phọ ọdi? Kokol bọ eeghe kụ erugh ịkaraph iphum ịmi? 8Ụ́ḅile ghan ụḅem aani mọ, “Itu oḍighi ịkaraph ọbo eeḅi emite”? Buniin awe mọgba mọ mị rạḅem ghan ịduon phọ bịn ụphuenom ịmi. Apum mọ ạbidi kạgbaanyan ni.
Ọnyo aruukuan ólho
9Ạdol ayira ạbuo aJu phọ ẹnighe ni epu ḍịo aruuruen phọ ḍụghum? Eeye. Mị mạphur ri aḍeenaan mọ ạbuo aJu rꞌaruuruen phọ ọḅoph ni dọl oḍighi rẹbene ịkaraph. 10#Ạsuo 14.1-3; 53.1-3Ịdipho ọge bọ sịphe Ạḍinya Iigbia phọ mọ,
“Ọnyo aruukuan ólho,
11oye lọ rạnaghan ghan ḍụghum,
ạḅile rạwa ghan olegheri Ẹnaan ólho.
12Oomo awe mọgbatanu ẹnon eten,
ọḅile ọḅaaghaph,
rꞌoniin ọlo raḍighi ghan ịlo ẹnighe ólho.
13 #
Ạsuo 5.9;
Ạsuo 140.3
Ọghaaph ạbidi rapur ghan ịdipho oḍi oye dị úukpereghi;
anem ạbidi regheleghele ghan ịlo iigbegheḍiom bịn,
ikpo ọnhu phọ ạbidi ịlo aḍuugh-aḍuugh,
ịdipho ịka ẹkaraph-ịyaar;
14 #
Ạsuo 10.7
igurughian bịn kụ imuza ọnhu ạbidi.
15 #
Azay 59.7, 8 Rotir bịdi bịn mọko enu;
16amuphe rꞌịiḅaghami kụ resugha ghan esi lọ bịdi oten.
17Bịdi úlegheri oḍighi ghan ịlo ẹepho,
18 #
Ạsuo 36.1
ḅịle kẹn rókiilaan ghan eegu Ẹnaan.”
19Yira olegheri ni mọ oomo ịtooghi Ologh phọ aMozis edianaan ghan bụphe Ologh phọ akpophonom bọ, ịlo Ẹnaan keegboonaan ịiruen oomo aḅirini phọ, ọbo kọmoogh ghan bọ kẹn ịyaar oghol kụ ọsar ọwilenaan oye. 20#Ạsuo 143.2; Gal 2.16Ẹnaan rẹ́tuan ghan ooko ghan Ologh phọ kụ kẹsighenom mọ ọphon oye aruukuan ni. Ologh phọ ghụn rạkiom ghan oye ologhi mọ ọdi maḍighi ịkaraph.
Ịdi Ẹnaan rẹsighenom ghan mọ bụen awe aruukuan
21Kụ nyịidipho Ẹnaan megananami reten phọ dị ạsighenom ghan bọ mọ ọphon oye aruukuan ni kụ ịphen phọ ị́moogh ịyaar oḍighinom iilogh phọ. Ologh phọ aMozis rꞌịgeeghi ariil phọ kụ rẹkaaph bọ ịphen phọ. 22#Gal 2.16Awe lọ omeeraam Jịzos Kraist kụ ạbudi Ẹnaan rẹsighenom ghan bọ mọ awe aruukuan ni. Ẹnaan rẹsighe ghan ni oomo ạbulo omeeraam Kraist, ịdi eḍighi bọ ọgbaranaan ólho. 23Oomo awe moḍighi ịkaraph omeel ẹgbenem bịn kọ́teeny rughuenian phọ Ẹnaan. 24Kụ Ẹnaan ẹngo ni ọnma ighirigiir phọ ọdi oopho, ẹtuan Jịzos Kraist phọ ạtagharan bọ bịdi, ẹsighenom mọ bịdi awe aruukuan ni. 25Ẹnaan imitiom Kraist obalelhe mọ ịḅaal phọ ọdi egbuurogh ghẹlhe phọ ọno eḍighi ịdi bụphe omeeraam bọ kọmoogh ọsar ọwilenaan. Ẹnaan iḍighi ịphen phọ ịlo oḍeenaan aruukuan phọ ọdi. Gediidi phọ ọdi ạkparam ni aphogh ghan ịkaraph lọ awe oḍighi bịn aḅoorian, 26kụ ọrugh phọ ọphon, mạtuan oḍeenaan aruukuan phọ ọdi bịn ọ́minoghom mun ịkaraph lọ awe oḍighi. Ịduon kụ ịdi Ẹnaan eḍeenaan mọ ọno rꞌaloor ọno raakuan ni, ḅịle mọ ọno rạsighe ghan ni tọrobo oye lọ ameeraam Jịzos kaḍighi oye aruukuan.
27Yira kokol bọ eeghe nụun kụ ootuma? Ị́ḅoph. Ẹmhu eeghe kụ ị́ḅoph bọ? Ịdi eḍighi bọ akeel phọ ayira rạ́tuan ghan iiḅi iiḍighi, rạtuan ghan omeeraam mọ ayira esi ạJizos. 28Yoor ọwa ọmiin mọ Ẹnaan rẹtuan ghan omeeraam kụ kẹsighenom mọ ọphon oye aruukuan ni, rẹ́tuan ghan oḍighi ghan ịtooghi Ologh phọ aMozis. 29Nạ ragbi mọ Ẹnaan phọ ẹlo ạbuo aJu phọ bịn ḍụghum? Ọdi kẸ́naan aruuruen aani phọ ḍụghum? Ọku ólho. 30#Dut 6.4; Gal 3.20Ẹnaan phọ eniin kụ ọdi kạtuan omeeraam ạbuo aJu phọ kụ ạsighenom mọ bịdi awe aruukuan ni, ḅịle kẹn kạtuan omeeraam aruuruen phọ kụ ạsighenom mọ bịdi awe aruukuan ni. 31Kụ ẹkigh mụdi mọtuan omeeraam mọ bịn kọ́maghami mun ịyaar Ologh phọ aMozis? Tạa, ịlo ayoor ríḍigh. Yoor olhom ni Ologh phọ ọkananaam.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS