Ạsuor 80

Ịiḅereghi ịlo ọosa eelhe

1 # Ẹḍua 25.22 Ụnaghanan iyoor, nạ Okoriom awe phọ Ịzirel;

nạghan ịlo yoor kọkaaph, nạ Oḍiemiom iyool-ịga phọ ạna,

nạ ọpo phọ ạrolom bọ ạgada igbogh phọ ạna ạnyu ạruukpaany aghuḍuul phọ.

2Gananami loor ạna, uḍeenaan iyoor ạbuo arughunughun phọ Ifraim rꞌạBenjamin rꞌạManase.

Ḍeenaan ịnyaam mọ ạna,

tue ụphel iyoor.

3Ụsighe iyoor aḅulemi, Ẹnaan,

uḍeenaan iyoor ọnma ighirigiir phọ ạna, bịn yoor kọmoogh ni pẹleeny.

4Kꞌạpur amem, Ọmoogh-we Ẹnaan Oomo Ịikpo,

kụ ẹdi nạ kạkagham ologhi ịiḅereghi awe phọ ạna?

5Nạ mụngo iyoor dọl ọto mọ eḍighi eḍien,

ogbogh ọphaal izin mọ ọphughol.

6Nạ ụngo ọgel kụ areelhe phọ ekoom bọ ọtuan de phọ ayoor kụ eeghian ẹgham;

ạbumulogh-ḍien ayoor ụsinoghom iyoor ịghor.

7Ụsighe iyoor aḅulemi, Ẹnaan Oomo Ịikpo,

uḍeenaan iyoor ọnma ighirigiir phọ ạna, bịn yoor kọmoogh ni pẹleeny.

8Nạ ụpham oozin agrep amitenom ẹpe Ijipt;

nạ uphorogh ịnon areelhe kụ ạzuph oozin agrep phọ sịphe ade phọ.

9Nạ useleminaan esi lọ kọzuph

ạsini phọ eḍigh ude, kụ eleeny oomo ade phọ.

10Ọdi aakpereghiom ruugum mọ oghoph ọdi;

ịla phọ eekpereghiom igbogh ịsaga phọ.

11Ọdi ạḅeenye ịla phọ esi Ọphiiny aMediterenian,

kụ ẹḅile kẹn ẹteeny Ọphiiny aYufratis.

12Uḍighi ika kụ nạ anyu bọ oghoony phọ akoom bọ alher?

Nyịidipho tọrobo oye lọ raten katue ni ami rughuuny agrep phọ.

13Arophoropo lọ retelhe ịlo ạteeny kẹezeghi ni,

kụ ilhom ịnam eleeghi.

14Kiton uphogh iyoor, Ẹnaan Oomo Ịikpo.

Tọl ẹpe kꞌạke uphogh iyoor.

Tue ạphel we phọ ạna.

15Tue ạmaar aphogh oozin agrep phọ nạ ạzuph bọ,

ẹnum oozin phọ nạ aḍighi bọ ịdi ạnuun aḍum.

16Ạbumulogh-ḍien ayoor mọlhogh nịan kụ osoph oler ude;

poghom bịdi rꞌophin ologhi kụ aphiemi bịdi.

17Mạar ạpham kụ aakpereghi we phọ nạ mạsaḅar bọ,

eelhe phọ nạ ạkparami bọ.

18Yoor kọ́ḍua mun esi ạna;

umoonomi iyoor, bịn yoor kooseeny ni nyịna.

19Ụsighe iyoor aḅulemi, Ọmoogh-we Ẹnaan Oomo Ịikpo.

Uḍeenaan iyoor ọnma ighirigiir phọ ạna bịn yoor kọmoogh ni pẹleeny.

Currently Selected:

Ạsuor 80: ẠḌI

Highlight

Copy

Want to have your highlights saved across all your devices? Sign up or sign in

Abuan Language Development and Literacy Society

Ayama-Abua, Rivers State, Nigeria

Published by

NBTT

Nigeria Bible Translation Trust

No. 7 Old Airport Road

P.O. Box 790, Jos Plateau State, Nigeria

ISBN: 978-978-966-354-5

In cooperation with

MIDI BIBLE

Ch. de Praz-Roussy 4b, 1032 Romanel-sur-Lausanne, Switzerland

The New Testament in Abuan was originally published

in 1978 by The Bible Society of Nigeria with © UBS

Learn More About Ạḍinya Iigbia

Ạsuor 80

Ịiḅereghi ịlo ọosa eelhe

1 # Ẹḍua 25.22 Ụnaghanan iyoor, nạ Okoriom awe phọ Ịzirel;

nạghan ịlo yoor kọkaaph, nạ Oḍiemiom iyool-ịga phọ ạna,

nạ ọpo phọ ạrolom bọ ạgada igbogh phọ ạna ạnyu ạruukpaany aghuḍuul phọ.

2Gananami loor ạna, uḍeenaan iyoor ạbuo arughunughun phọ Ifraim rꞌạBenjamin rꞌạManase.

Ḍeenaan ịnyaam mọ ạna,

tue ụphel iyoor.

3Ụsighe iyoor aḅulemi, Ẹnaan,

uḍeenaan iyoor ọnma ighirigiir phọ ạna, bịn yoor kọmoogh ni pẹleeny.

4Kꞌạpur amem, Ọmoogh-we Ẹnaan Oomo Ịikpo,

kụ ẹdi nạ kạkagham ologhi ịiḅereghi awe phọ ạna?

5Nạ mụngo iyoor dọl ọto mọ eḍighi eḍien,

ogbogh ọphaal izin mọ ọphughol.

6Nạ ụngo ọgel kụ areelhe phọ ekoom bọ ọtuan de phọ ayoor kụ eeghian ẹgham;

ạbumulogh-ḍien ayoor ụsinoghom iyoor ịghor.

7Ụsighe iyoor aḅulemi, Ẹnaan Oomo Ịikpo,

uḍeenaan iyoor ọnma ighirigiir phọ ạna, bịn yoor kọmoogh ni pẹleeny.

8Nạ ụpham oozin agrep amitenom ẹpe Ijipt;

nạ uphorogh ịnon areelhe kụ ạzuph oozin agrep phọ sịphe ade phọ.

9Nạ useleminaan esi lọ kọzuph

ạsini phọ eḍigh ude, kụ eleeny oomo ade phọ.

10Ọdi aakpereghiom ruugum mọ oghoph ọdi;

ịla phọ eekpereghiom igbogh ịsaga phọ.

11Ọdi ạḅeenye ịla phọ esi Ọphiiny aMediterenian,

kụ ẹḅile kẹn ẹteeny Ọphiiny aYufratis.

12Uḍighi ika kụ nạ anyu bọ oghoony phọ akoom bọ alher?

Nyịidipho tọrobo oye lọ raten katue ni ami rughuuny agrep phọ.

13Arophoropo lọ retelhe ịlo ạteeny kẹezeghi ni,

kụ ilhom ịnam eleeghi.

14Kiton uphogh iyoor, Ẹnaan Oomo Ịikpo.

Tọl ẹpe kꞌạke uphogh iyoor.

Tue ạphel we phọ ạna.

15Tue ạmaar aphogh oozin agrep phọ nạ ạzuph bọ,

ẹnum oozin phọ nạ aḍighi bọ ịdi ạnuun aḍum.

16Ạbumulogh-ḍien ayoor mọlhogh nịan kụ osoph oler ude;

poghom bịdi rꞌophin ologhi kụ aphiemi bịdi.

17Mạar ạpham kụ aakpereghi we phọ nạ mạsaḅar bọ,

eelhe phọ nạ ạkparami bọ.

18Yoor kọ́ḍua mun esi ạna;

umoonomi iyoor, bịn yoor kooseeny ni nyịna.

19Ụsighe iyoor aḅulemi, Ọmoogh-we Ẹnaan Oomo Ịikpo.

Uḍeenaan iyoor ọnma ighirigiir phọ ạna bịn yoor kọmoogh ni pẹleeny.

Currently Selected:

Highlight

Copy

Want to have your highlights saved across all your devices? Sign up or sign in

Abuan Language Development and Literacy Society

Ayama-Abua, Rivers State, Nigeria

Published by

NBTT

Nigeria Bible Translation Trust

No. 7 Old Airport Road

P.O. Box 790, Jos Plateau State, Nigeria

ISBN: 978-978-966-354-5

In cooperation with

MIDI BIBLE

Ch. de Praz-Roussy 4b, 1032 Romanel-sur-Lausanne, Switzerland

The New Testament in Abuan was originally published

Learn More About Ạḍinya Iigbia