Ạsuor 76
76
Ẹnaan ọkpar opu phọ
1Aḍien Ẹnaan eeleghaan ni oomo aJuda;
okueni ni ḍien phọ ọdi oomo Ịzirel.
2Ọdi ạmoogh marugh ọdi ẹpe Jeruselem;
ọdi atugh sịphe Eegum mọ ạZayon.
3Ịsiphe kụ ẹdi ọdi awunughi bọ ịkpina ạbumulogh-ḍien phọ;
ịsuaram rꞌarolhool ẹgham mọ rꞌoomo ạreenema phọ ạbidi.
4Pọ eeghe oghur ạna, Ẹnaan!
Nạ akuan dị ọdaam, mem lọ nạ ạḍua ẹpe aruugum mọ ratigheel,
ekpisi phọ nạ ạkpar bọ apu bụmulogh-ḍien phọ ạna.
5Mạanyi oomo ịpe aruphelegbe ẹgham mọ ạbidi ọnyaaghian bọ
kụ nyịidipho bịdi rọnaani rạlha aḍuugh.
Oomo ịnyaam rꞌẹmaar phọ ạbidi oopho ni bịn.
6Mem mọ nạ ạpaar bọ bịdi, Ẹnaan ạJekob,
ạrusu phọ rꞌabukiilom mọ ạbidi umeleghu ni omuughu.
7Kụ ọlo nạ, Ọmoogh-we, oomo awe roghiilaan ghan ni nyịna.
Ạnhian kụ kạmeera bọ egbodo ạna mem dị ịyaar repin ologhi ạna.
8Nạ ụrol kꞌạke kụ asoph ọoruen phọ ạna;
aḅirini phọ aghiilaan kụ aḅoorian,
9mem mọ nạ aḅetenu bọ osoph ọoruen phọ,
ọphelom oomo ạbuphe rọgbiphoghom bọ sịen ade phọ.
10Ophin ologhi awe ạḅile ghụn bịn rạbughe ghan ḍịseph phọ ạna;
bụphe okpetenaan bọ rạagham mọ kole ghan ni ẹyaal kịrokiro phọ ạna.
11Ịngo Ọmoogh-we Ẹnaan phọ anyina ịlo nyina eguanaan nyọdi;
ituomaan nyọdi ruunmo, oomo anyina areelhe phọ etuman bọ.
Ẹnaan eḍighi ịdi aweye kokiilaan ghan nyọdi.
12Ọdi raḍighi ghan ịdi ịkpana ạnmuny ạbudaam mọ kosooromi ghan siloor
ạḅile rạngo ghan oghiilaan igbogh ạbudaam mọ.
Currently Selected:
Ạsuor 76: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
