Ạsuor 110

110

Ọmoogh-we phọ rꞌọdaam phọ ọdi mạsaḅar bọ

1 # Mat 22.44; Mạk 12.36; Luk 20.42, 43; Iiḍ 2.34, 35; 1 Kọr 15.25; Ẹfe 1.20-22; Kọl 3.1; Hib 1.13; 8.1; 10.12, 13 Ọmoogh-we phọ ạḅeni ọde-otu phọ ạmi mọ,

“Tọl ḍịghaagh elhiom ạmi,

tụtu ẹteeny mem dị mị kaḍighi bụmulogh-ḍien phọ ạna ịkasi ọkpasaghiom aruwol.”

2Emiigh kꞌẹpe Zạyon Ọmoogh-we phọ kạteghe ịnyaam ọdaam ẹmha phọ ạna.

Ọdi ạḅem mọ, “Tọoghi ạngo bụmulogh-ḍien ạna.”

3Ḍio dị nạ azuom elephiri bụmulogh-ḍien phọ ạna,

awe ạna koḍighan ni.

Mụdi ooto eḅon ạḍiroor,

ugheel ạnmuny kotu ọteeny nyịna sịphe aroogbolom iigbia phọ.

4 # Hib 5.6; 6.20; 7.17, 21 Ọmoogh-we phọ maghunya kụ aguanaan kụ kạ́aḅemion:

“Nạ kaḍighi oyil ạrikia kꞌagee-pọ,

sịphe ạbaay ariil ạrikia phọ kꞌạMelkizedek.”

5Ọmoogh-we phọ odi ḍịghaagh elhiom ạna;

mem dị ịyaar ephin ologhi ọdi, ọdi kạkpar ri apu rạalha.

6Ọdi kaagbo ịiruen ạngo reelhe

kụ amuzeḍiom erugh ẹgham mọ iḍim;

ọdi kạkpar apu rạalha oomo ade phọ.

7Ọdaam mọ kạpughol mụum lọ oḍu okol ọgbal eten,

kụ rọkparamiom loor ọdi, kụ ạmeera ạkpar apu.

Currently Selected:

Ạsuor 110: ẠḌI

Highlight

Copy

Want to have your highlights saved across all your devices? Sign up or sign in

Abuan Language Development and Literacy Society

Ayama-Abua, Rivers State, Nigeria

Published by

NBTT

Nigeria Bible Translation Trust

No. 7 Old Airport Road

P.O. Box 790, Jos Plateau State, Nigeria

ISBN: 978-978-966-354-5

In cooperation with

MIDI BIBLE

Ch. de Praz-Roussy 4b, 1032 Romanel-sur-Lausanne, Switzerland

The New Testament in Abuan was originally published

in 1978 by The Bible Society of Nigeria with © UBS

Learn More About Ạḍinya Iigbia