Ạsuor 109
109
Ọghaaph emoghi oye dị odi ịiḅaghami
1Mị aboom nyịna, Ẹnaan; káḅoorian.
2Awe ẹkaraph eḍighinom ịyaar rꞌọkpe muzuom ịmi elephiri.
Bịdi rụgbaam ghan ịmi ọkpe,
3ḅịle bịdi rọkaaph ghan ịkaraph ạraraar ịlo ạmi,
ruzuom ghan ịmi dị ẹmhu ílho.
4Bịdi rómeeraam ghan ịlo mị ạḅem, kụ ạri mị ạpomoghian ni bịdi,
ḅịle mị mạaḅereghinaan ni bịdi.
5Bịdi ọsighe ghan ịkaraph kụ rọkpiom igey lọ mị aḍighi,
ẹ́pomoghian kụ ọkpiom ẹphomoghian.
6Sạḅar ọkaraph oye ịiruen asophonaan ịiruen mụlogh-ḍien ạmi,
kụ oniin ạmulogh-ḍien ọdi aphogh ịyaar ạghaaphaan nyọdi.
7Ọoḅeghion rạghaaph phọ ọdi ophogh kụ osoph opume nyọdi!
Ọsighenom ịiḅereghi ọdi mọ ọpioman!
8 #
Iiḍ 1.20
Eḍighi ịdi aghuḍum ọdi kạnuun akureri,
ọnon oye ạsighe dọl phọ ọdi!
9Eḍighi ịdi ạnmuny ọdi koḍighi bụnyigo,
kụ ạnir ọdi aḍighi ekpukele!
10Eḍighi ịdi ạnmuny ọdi kọlom ghan kụ ole ḅịle ruutu kọ́moogh;
ophorogh bịdi ọsighiogh ịgbenem ariisi lọ bịdi odiighi ghan!
11Oomo awe lọ ọdi aleeghi ịimugh orool ruphua ọdi ọḍuanam,
kụ aruuruen ọsighiogh oomo elhoman arukumuan phọ ọdi!
12Oye nyọdi iiḅi kúḍighi,
ḅịle oye kúpogh bụnyigo ạnmuny lọ ọdi ạwile!
13Oomo ạnmuny ạnmuny ọdi omuughu,
kụ ḍien ọdi kụ́utughian esi oghiil dị ratu!
14Ọmoogh-we phọ ạatughian sịpioghom ạburude ạburude ọdi,
ḅịle kụ́sar ụ́bilenaan ịkaraph onhiin ọdi!
15Ọmoogh-we phọ ạatughian oomo amem ịkaraph ạbidi,
kụ ọlo oomo awe owula ni bịdi ọmadan!
16Oye phọ ọpo phọ amem ị́tol dị ạatughian oḍighi iiḅi;
ọdi ạgbiphoghom ạḅile ạze rukulom,
bụphe ẹkparam mọ, rꞌạbulo oye ọloghonaan ạbidi ḍịghaagh ólho bọ.
17Ọdi ạmoogh ḍịḅeeraan oronyon — oronyon ni nyọdi!
Ikia nyọdi ọngo ạḍiseph — oye nyọdi kụ́seph!
18Ọdi agbor aronyon ghan ịdipho ọdi aanmenan ghan bọ.
Itonyonaan ịghighimaam iinmenan esi ọdi,
kụ eḍigh loor ọdi ịdipho ạmuum kụ erelhe ịphuuny ọdi ịdipho elho!
19Itonyonaan ọdi ezu nyọdi ịdipho arukpe,
ḅịle oomo amem ekoom nyọdi ịdipho okuughaam!
20Ọmoogh-we, tụugh ịdipho kụ ạlhiom bụmulogh-ḍien phọ ạmi —
bụphe ụḅaanaan bọ ịmi ịkaraph ạroḍogh phọ.
21Kụ ọlo, Ẹnaan ạmi Ọmoogh-we, ụphel ịmi ịdipho nạ maguanaan bọ,
ạḅile ụtagharan ịmi loor ẹmhu ẹnighe ẹphomoghian phọ ạna.
22Mị uwekulom dị odi dọl ẹkparam;
muḍighi ịmi ịyaar dị righiigh ịmi.
23Mụdi oogho adulhe, mị ramugh;
muphula ịmi otoph ịdipho ẹemara.
24Aruukum ạmi medugh loor ọkoony;
mị masugha ruzu rꞌịḅarara bịn.
25 #
Mat 27.39; Mạk 15.29 Mem lọ awe ụmiin ịmi, bịdi ụmilogh ghan ịmi;
bịdi ooḅoghomi rụmhu kụ ọḅiphaan.
26Ụphel ịmi, Ọmoogh-we Ẹnaan ạmi;
loor ẹmhu ẹphomoghian phọ ạna rémuneen ghan bọ, ụphel ịmi.
27Ḍighi ịdi ạbumulogh-ḍien ạmi kolegheri
mọ nạ kụ rụphel ghan ịmi.
28Bịdi kuronyon ni ịmi, kụ ọlo nạ kụ ụseph ni ịmi.
Eḍighi ịdi bụphe rụgbiphoghom bọ ịmi komeleghu
kụ mị otelhedom mọ ạna ạmoogh ọḅaal ologhi!
29Eḍighi ịdi umugholoor kaakpereghiom bụmulogh-ḍien phọ ạmi;
umugholoor ạrol sịphe aloor phọ ạbidi mụdi ogbogh ạsuoma.
30Mị kạlo ḍịolho ạḍiseph ạkiom ạnyu;
mị kaboom Ọmoogh-we phọ sịphe ookpomoghan awe phọ,
31loor esi dị ọdi rạpel ghan uwekulom oye
kụ kạtagharan nyọdi rạghaagh ạbuphe mọḅem bọ mọ oghiigh nyọdi phọ.
Currently Selected:
Ạsuor 109: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Ạsuor 109
109
Ọghaaph emoghi oye dị odi ịiḅaghami
1Mị aboom nyịna, Ẹnaan; káḅoorian.
2Awe ẹkaraph eḍighinom ịyaar rꞌọkpe muzuom ịmi elephiri.
Bịdi rụgbaam ghan ịmi ọkpe,
3ḅịle bịdi rọkaaph ghan ịkaraph ạraraar ịlo ạmi,
ruzuom ghan ịmi dị ẹmhu ílho.
4Bịdi rómeeraam ghan ịlo mị ạḅem, kụ ạri mị ạpomoghian ni bịdi,
ḅịle mị mạaḅereghinaan ni bịdi.
5Bịdi ọsighe ghan ịkaraph kụ rọkpiom igey lọ mị aḍighi,
ẹ́pomoghian kụ ọkpiom ẹphomoghian.
6Sạḅar ọkaraph oye ịiruen asophonaan ịiruen mụlogh-ḍien ạmi,
kụ oniin ạmulogh-ḍien ọdi aphogh ịyaar ạghaaphaan nyọdi.
7Ọoḅeghion rạghaaph phọ ọdi ophogh kụ osoph opume nyọdi!
Ọsighenom ịiḅereghi ọdi mọ ọpioman!
8 #
Iiḍ 1.20
Eḍighi ịdi aghuḍum ọdi kạnuun akureri,
ọnon oye ạsighe dọl phọ ọdi!
9Eḍighi ịdi ạnmuny ọdi koḍighi bụnyigo,
kụ ạnir ọdi aḍighi ekpukele!
10Eḍighi ịdi ạnmuny ọdi kọlom ghan kụ ole ḅịle ruutu kọ́moogh;
ophorogh bịdi ọsighiogh ịgbenem ariisi lọ bịdi odiighi ghan!
11Oomo awe lọ ọdi aleeghi ịimugh orool ruphua ọdi ọḍuanam,
kụ aruuruen ọsighiogh oomo elhoman arukumuan phọ ọdi!
12Oye nyọdi iiḅi kúḍighi,
ḅịle oye kúpogh bụnyigo ạnmuny lọ ọdi ạwile!
13Oomo ạnmuny ạnmuny ọdi omuughu,
kụ ḍien ọdi kụ́utughian esi oghiil dị ratu!
14Ọmoogh-we phọ ạatughian sịpioghom ạburude ạburude ọdi,
ḅịle kụ́sar ụ́bilenaan ịkaraph onhiin ọdi!
15Ọmoogh-we phọ ạatughian oomo amem ịkaraph ạbidi,
kụ ọlo oomo awe owula ni bịdi ọmadan!
16Oye phọ ọpo phọ amem ị́tol dị ạatughian oḍighi iiḅi;
ọdi ạgbiphoghom ạḅile ạze rukulom,
bụphe ẹkparam mọ, rꞌạbulo oye ọloghonaan ạbidi ḍịghaagh ólho bọ.
17Ọdi ạmoogh ḍịḅeeraan oronyon — oronyon ni nyọdi!
Ikia nyọdi ọngo ạḍiseph — oye nyọdi kụ́seph!
18Ọdi agbor aronyon ghan ịdipho ọdi aanmenan ghan bọ.
Itonyonaan ịghighimaam iinmenan esi ọdi,
kụ eḍigh loor ọdi ịdipho ạmuum kụ erelhe ịphuuny ọdi ịdipho elho!
19Itonyonaan ọdi ezu nyọdi ịdipho arukpe,
ḅịle oomo amem ekoom nyọdi ịdipho okuughaam!
20Ọmoogh-we, tụugh ịdipho kụ ạlhiom bụmulogh-ḍien phọ ạmi —
bụphe ụḅaanaan bọ ịmi ịkaraph ạroḍogh phọ.
21Kụ ọlo, Ẹnaan ạmi Ọmoogh-we, ụphel ịmi ịdipho nạ maguanaan bọ,
ạḅile ụtagharan ịmi loor ẹmhu ẹnighe ẹphomoghian phọ ạna.
22Mị uwekulom dị odi dọl ẹkparam;
muḍighi ịmi ịyaar dị righiigh ịmi.
23Mụdi oogho adulhe, mị ramugh;
muphula ịmi otoph ịdipho ẹemara.
24Aruukum ạmi medugh loor ọkoony;
mị masugha ruzu rꞌịḅarara bịn.
25 #
Mat 27.39; Mạk 15.29 Mem lọ awe ụmiin ịmi, bịdi ụmilogh ghan ịmi;
bịdi ooḅoghomi rụmhu kụ ọḅiphaan.
26Ụphel ịmi, Ọmoogh-we Ẹnaan ạmi;
loor ẹmhu ẹphomoghian phọ ạna rémuneen ghan bọ, ụphel ịmi.
27Ḍighi ịdi ạbumulogh-ḍien ạmi kolegheri
mọ nạ kụ rụphel ghan ịmi.
28Bịdi kuronyon ni ịmi, kụ ọlo nạ kụ ụseph ni ịmi.
Eḍighi ịdi bụphe rụgbiphoghom bọ ịmi komeleghu
kụ mị otelhedom mọ ạna ạmoogh ọḅaal ologhi!
29Eḍighi ịdi umugholoor kaakpereghiom bụmulogh-ḍien phọ ạmi;
umugholoor ạrol sịphe aloor phọ ạbidi mụdi ogbogh ạsuoma.
30Mị kạlo ḍịolho ạḍiseph ạkiom ạnyu;
mị kaboom Ọmoogh-we phọ sịphe ookpomoghan awe phọ,
31loor esi dị ọdi rạpel ghan uwekulom oye
kụ kạtagharan nyọdi rạghaagh ạbuphe mọḅem bọ mọ oghiigh nyọdi phọ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS