Obadaya 1
1
1Ịphen kụ ịmiin Obadaya — ịpe Ọmoogh-we Oomo Ịikpo phọ ạḅem bọ ịlo eelhe phọ Idom.
Ọmoogh-we phọ kạliom ni Idom
Ọmoogh-we phọ marom otelhedom ọdi ạkiom reelhe phọ,
kụ yoor mọnaghan ni dom mọ ọdi:
“Iikolobian ọghi ee ẹgham rꞌIdom!”
2Ọmoogh-we phọ ạḅeni ịduon Idom mọ,
“Mị kadughe ni nyịna;
kụ tọrobo oye aghel nyịna.
3Ologhoma igbogh phọ mebi nyịna.
Ẹkpana ẹmha phọ ạna eḍighi ẹmha dị asighiigh kụ ẹpham;
Amarugh phọ ạna odi ẹpe ạnyu aruugum mọ
kụ ẹdi nạ rapuruan ghan bọ loor mọ,
‘Ạnhian nụun kụ katue bọ ụpham ịmi asoore?’
4Ghạlamo nạ ụlogh marugh phọ ạna ẹpe ẹkel ạnyu,
esi dị uga rạlogh ghan bọ otu ọdi
kụ ẹghigh mụdi edi igbo ạraanaan,
mị kạpham ni nyịna asoore ude.
5“Mem dị ạruḅa oru ḍughul,
bịdi romi ghan ịyaar lọ bịdi ọwa bịn.
Mem dị awe rọku iimuma avain,
bịdi rosugheeny ghan ni ẹphurukpu.
Kụ ạmulogh-ḍien phọ anyina miikpolion inyina bịn ẹman.
6Nmụny ạnmuny Ịso, ruphua phọ anyina mowum.
7Awe ạmuḅoph phọ anyina mibi inyina;
bịdi miphorogh inyina sịphe eelhe phọ anyina.
Awe dị rꞌanyina ẹrolan ghan rꞌẹepho mọkpar ipu inyina nyịidipho.
Ạrighiri dị rꞌanyina elhian ghan eḍien mịkpaminaan inyina siphil;
bịdi rọkaaph ghan ịlo anyina mọ, ‘Odi ẹghen oomo olegheri-ịyaar phọ bịdi ọmoogh bọ?’
8“Ḍio phọ ạḍiphe mị kạliom bọ Idom,
Mị kapiemi ni we olegheri-ịyaar phọ ạbidi
kụ aagulemi oomo olegheri-ịyaar phọ ạbidi.
9Arephelegbe ẹgham mọ aTeman kọmoogh ni oghiilaan,
kụ tọrobo oye ẹgham Idom, kokiigh ni.
Ạrumu phọ kọtu bọ ọliom Idom
10“Ụtuan dị nyina ẹkaaghi ruutu,
ẹze bumor phọ anyina oḍighi bọ ẹemara ẹemara phọ ạJekob,
kiphiemi ni inyina osiphiom umugholoor kꞌagee-pọ.
11Nyina ịngo ọgel ḍio phọ ạḍiphe
mem mọ ạbumulogh-ḍien robonyon bọ rụnhu-aḍibuo phọ ạbidi.
Nyina ebeeph ịdipho aruuruen phọ
owum bọ ẹelha phọ aJeruselem odianagh.
12Ị́nighe ịduon nyina ẹnughe bọ ẹka
muphe abumor phọ anyina ẹpe Juda.
Ị́nighe ịduon nyina ẹḅaal bọ iloghi
ḍio phọ ạmuphe phọ ameelom bọ bịdi.
Ị́nighe ịduon nyina ẹmilogh bọ bịdi
mem ọto.
13Ị́nighe ịduon nyina eḍigh bọ ẹmha awe phọ ạmi
oboh iboh mem ọmiinom ạbidi
ḅịle rꞌọsighiogh aruphua ạbidi
ḍio dị ịiḅaghami emitenaan bịdi.
14 #
Azay 34.5-17; 63.1-6; Jer 49.7-22; Izik 25.12-14; 35.1-15; Ẹmos 1.11, 12; Mal 1.2-5 Ị́nighe ịduon nyina ẹmeera bọ ịgbaranuom areten phọ
osiphi ạbulo rosumughu.
Ị́nighe ịduon nyina ẹḅogh bọ bịdi ẹngo ẹpomoghian phọ
ḍio dị ịiḅaghami emitenaan bịdi.
Ẹnaan keegboonaan ni ịiruen reelhe phọ
15“Aḍio phọ meesulom dị mị Ọmoogh-we phọ
kaagboonaan ịiruen reelhe phọ.
Idom, ịpe nyina meḍighi bọ kiḍighi aani ni inyina.
Ịpe nyina mẹngo bọ, nyina kẹḅile ni ẹmoogh aani.
16Awe ạmi mọphughol mọgo eghiḍim esi ạmalhiom
ạnyu eegbolom iigbia ạmi.
Kụ ọlo oomo areelhe phọ ekoom bọ kọpugholom ni
ọnon ọdo ạmogo egbogh eghiḍim ạmalhiom;
Bịdi kọpughol li kụ oomo phọ ạbidi opeeghu.
Ịzirel kọkpar ri opu
17“Kụ ọlo, ẹpe Eegbolom ạZayon, opol kokpetenaan ni
kụ eegbolom mọ eḍighi esi ạdol iigbia.
Awe phọ ạJekob kọmoogh ni
de phọ ạbidi esi ariliom.
18Awe phọ ạJekob rꞌawe phọ ạJosef kọkigh nịan;
bịdi kopiemi ni we Ịso ịdipho ạnian rele ghan bọ ịzeghe phọ.
Rꞌoniin ọony ọony Ịso kásugha.
Mị Ọmoogh-we phọ kụ ạḅem.
19“Awe dị kọḍua esoorom aJuda kụ kotugh Idom;
ạbudi kọḍua ẹpe erumuḍio phọ remeel ghan bọ eeḍian aroogbolom mọ kụ kobianan ọsighe Filistia.
Awe Ịzirel kụ kọmoogh eelhe phọ ẹpe Ifraim rꞌaSameria;
awe ạBenjamin kụ kọsighe Gịliad.
20Ạbuo ẹgham dị ọḍua ẹpe ephunom mọ Ịzirel kụ ọghi ẹnon eelhe ọmiinom dọl iiruen
kotigheel kụ ọkpar opu we aFinisia kꞌẹpe ephunom mọ ẹlo ạZarefat.
Ạbudi ọḍua bọ Jeruselem kụ odi ẹpe Sạadis rọmiinom dọl iiruen
kụ kọkpar opu kụ ọsighiogh rạmha ẹpe esoorom mọ aJuda.
21Awe aJeruselem, bụphe mọkpar bọ opu,
kozuom Idom ẹgham, kụ bịdi kụ ọpam ịtooghi esi ạbidi.
Kụ Ọmoogh-we phọ rꞌaloor ọdi kụ kaḍighi ọdaam.”
Currently Selected:
Obadaya 1: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Obadaya 1
1
1Ịphen kụ ịmiin Obadaya — ịpe Ọmoogh-we Oomo Ịikpo phọ ạḅem bọ ịlo eelhe phọ Idom.
Ọmoogh-we phọ kạliom ni Idom
Ọmoogh-we phọ marom otelhedom ọdi ạkiom reelhe phọ,
kụ yoor mọnaghan ni dom mọ ọdi:
“Iikolobian ọghi ee ẹgham rꞌIdom!”
2Ọmoogh-we phọ ạḅeni ịduon Idom mọ,
“Mị kadughe ni nyịna;
kụ tọrobo oye aghel nyịna.
3Ologhoma igbogh phọ mebi nyịna.
Ẹkpana ẹmha phọ ạna eḍighi ẹmha dị asighiigh kụ ẹpham;
Amarugh phọ ạna odi ẹpe ạnyu aruugum mọ
kụ ẹdi nạ rapuruan ghan bọ loor mọ,
‘Ạnhian nụun kụ katue bọ ụpham ịmi asoore?’
4Ghạlamo nạ ụlogh marugh phọ ạna ẹpe ẹkel ạnyu,
esi dị uga rạlogh ghan bọ otu ọdi
kụ ẹghigh mụdi edi igbo ạraanaan,
mị kạpham ni nyịna asoore ude.
5“Mem dị ạruḅa oru ḍughul,
bịdi romi ghan ịyaar lọ bịdi ọwa bịn.
Mem dị awe rọku iimuma avain,
bịdi rosugheeny ghan ni ẹphurukpu.
Kụ ạmulogh-ḍien phọ anyina miikpolion inyina bịn ẹman.
6Nmụny ạnmuny Ịso, ruphua phọ anyina mowum.
7Awe ạmuḅoph phọ anyina mibi inyina;
bịdi miphorogh inyina sịphe eelhe phọ anyina.
Awe dị rꞌanyina ẹrolan ghan rꞌẹepho mọkpar ipu inyina nyịidipho.
Ạrighiri dị rꞌanyina elhian ghan eḍien mịkpaminaan inyina siphil;
bịdi rọkaaph ghan ịlo anyina mọ, ‘Odi ẹghen oomo olegheri-ịyaar phọ bịdi ọmoogh bọ?’
8“Ḍio phọ ạḍiphe mị kạliom bọ Idom,
Mị kapiemi ni we olegheri-ịyaar phọ ạbidi
kụ aagulemi oomo olegheri-ịyaar phọ ạbidi.
9Arephelegbe ẹgham mọ aTeman kọmoogh ni oghiilaan,
kụ tọrobo oye ẹgham Idom, kokiigh ni.
Ạrumu phọ kọtu bọ ọliom Idom
10“Ụtuan dị nyina ẹkaaghi ruutu,
ẹze bumor phọ anyina oḍighi bọ ẹemara ẹemara phọ ạJekob,
kiphiemi ni inyina osiphiom umugholoor kꞌagee-pọ.
11Nyina ịngo ọgel ḍio phọ ạḍiphe
mem mọ ạbumulogh-ḍien robonyon bọ rụnhu-aḍibuo phọ ạbidi.
Nyina ebeeph ịdipho aruuruen phọ
owum bọ ẹelha phọ aJeruselem odianagh.
12Ị́nighe ịduon nyina ẹnughe bọ ẹka
muphe abumor phọ anyina ẹpe Juda.
Ị́nighe ịduon nyina ẹḅaal bọ iloghi
ḍio phọ ạmuphe phọ ameelom bọ bịdi.
Ị́nighe ịduon nyina ẹmilogh bọ bịdi
mem ọto.
13Ị́nighe ịduon nyina eḍigh bọ ẹmha awe phọ ạmi
oboh iboh mem ọmiinom ạbidi
ḅịle rꞌọsighiogh aruphua ạbidi
ḍio dị ịiḅaghami emitenaan bịdi.
14 #
Azay 34.5-17; 63.1-6; Jer 49.7-22; Izik 25.12-14; 35.1-15; Ẹmos 1.11, 12; Mal 1.2-5 Ị́nighe ịduon nyina ẹmeera bọ ịgbaranuom areten phọ
osiphi ạbulo rosumughu.
Ị́nighe ịduon nyina ẹḅogh bọ bịdi ẹngo ẹpomoghian phọ
ḍio dị ịiḅaghami emitenaan bịdi.
Ẹnaan keegboonaan ni ịiruen reelhe phọ
15“Aḍio phọ meesulom dị mị Ọmoogh-we phọ
kaagboonaan ịiruen reelhe phọ.
Idom, ịpe nyina meḍighi bọ kiḍighi aani ni inyina.
Ịpe nyina mẹngo bọ, nyina kẹḅile ni ẹmoogh aani.
16Awe ạmi mọphughol mọgo eghiḍim esi ạmalhiom
ạnyu eegbolom iigbia ạmi.
Kụ ọlo oomo areelhe phọ ekoom bọ kọpugholom ni
ọnon ọdo ạmogo egbogh eghiḍim ạmalhiom;
Bịdi kọpughol li kụ oomo phọ ạbidi opeeghu.
Ịzirel kọkpar ri opu
17“Kụ ọlo, ẹpe Eegbolom ạZayon, opol kokpetenaan ni
kụ eegbolom mọ eḍighi esi ạdol iigbia.
Awe phọ ạJekob kọmoogh ni
de phọ ạbidi esi ariliom.
18Awe phọ ạJekob rꞌawe phọ ạJosef kọkigh nịan;
bịdi kopiemi ni we Ịso ịdipho ạnian rele ghan bọ ịzeghe phọ.
Rꞌoniin ọony ọony Ịso kásugha.
Mị Ọmoogh-we phọ kụ ạḅem.
19“Awe dị kọḍua esoorom aJuda kụ kotugh Idom;
ạbudi kọḍua ẹpe erumuḍio phọ remeel ghan bọ eeḍian aroogbolom mọ kụ kobianan ọsighe Filistia.
Awe Ịzirel kụ kọmoogh eelhe phọ ẹpe Ifraim rꞌaSameria;
awe ạBenjamin kụ kọsighe Gịliad.
20Ạbuo ẹgham dị ọḍua ẹpe ephunom mọ Ịzirel kụ ọghi ẹnon eelhe ọmiinom dọl iiruen
kotigheel kụ ọkpar opu we aFinisia kꞌẹpe ephunom mọ ẹlo ạZarefat.
Ạbudi ọḍua bọ Jeruselem kụ odi ẹpe Sạadis rọmiinom dọl iiruen
kụ kọkpar opu kụ ọsighiogh rạmha ẹpe esoorom mọ aJuda.
21Awe aJeruselem, bụphe mọkpar bọ opu,
kozuom Idom ẹgham, kụ bịdi kụ ọpam ịtooghi esi ạbidi.
Kụ Ọmoogh-we phọ rꞌaloor ọdi kụ kaḍighi ọdaam.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS