Mạk 3
3
Ịlo oye dị ạḍighaagh ẹḅoonian
(Matiu 12.9-14; Luk 6.6-11)
1Kụ ạJizos ạḅile kẹn ạghi aḍigh oniin obughotu, kụ oniin oye dị ạḍighaagh ẹḅoonian ạrol aani ni pạ phọ. 2Kụ buniin awe phọ ọrol bọ pạ phọ ukori ghan ọmiin mọ ạJizos kaakonom ni oye phọ ḍio ophooghian phọ, ọbo bịdi osoorom nyọdi erugh. 3Kụ ạJizos ạḅeni oye phọ ạḍighaagh phọ ẹḅoonian bọ mọ, “Ḅetenu amite sịen ogbo phọ,” 4kụ apuru we phọ mọ, “Iilogh phọ ayira ẹḅem mọ yira oḍighi ghan ika ḍio ophooghian phọ? Oḍighi ghan iiḅi ḍụghum, kụ oḍighi ghan ịkaraph? Ẹkpe oḍume oye kụ ẹkpe oghiigh ḍụghum?”
Kụ bịdi ụ́pagharanaan. 5Kụ ạJizos, rꞌọghagh ologhi loor ịikpara iloghi phọ ạbidi, kụ aphogh bịdi akitonom, kụ ạḅeni oye phọ mọ asele ḍịghaagh phọ oḍi. Kụ oye phọ rosele ḍịghaagh phọ bịn emoon. 6Kụ aFarisi phọ rọḍuaghu, bịn ọghi oḍighan egir rꞌạbuo ạHerod, kụ oosophoghian ịlo oghiigh ọdi.
ẠJizos ạkaaph ạḅeni ḍita awe oogbom ọphiiny
7Kụ ạJizos rꞌạbumatuan phọ ọdi umian ni ọghi ẹpe oogbom ọphiiny phọ, kụ aḍiboom aḍita ạbuo aGalili, rꞌaJudia, 8rꞌaJeruselem, rꞌIdumia, rꞌẹḅeenyom Ọphiiny ạJodan, rꞌareelhe phọ etuman bọ Taya rꞌaSaidon, ọnaghan ịpe ọdi raḍighi ghan bọ kụ oru ọmiin aani ọdi. 9#Mạk 4.1; Luk 5.1-3Loor aḍita awe phọ, kụ ọdi ạḅeni bụmatuan phọ ọdi mọ oselemi oghuugh oseenaan nyịno, ọbo awe kọozeghi ghan bọ nyịno. 10Ịduon ọdi maakonom bọ ịbadi, ạbueri phọ ạbuphe úmoon bọ unyuughian ghan ni ịlo ọteeny ọdi ọḅogh aani. 11Tọrobo amem lọ aweye dị aruru eghola yogh ọmiin nyọdi, ukpuḍughian ghan ni pạ aruwol phọ ọdi, kụ ọlooghi mọ, “Nạ kụ Ọony phọ Ẹnaan.”
12ẠJizos ạphur ri ruru phọ rụru mọ kígananami nyịno.
ẠJizos ạma ḍioph rꞌịyal awe
(Matiu 10.1-4; Luk 6.12-16)
13Kụ ạJizos ạḍua ạghi ẹpe eelhe ạraaḅaraph phọ, kụ ạmagh bụphe ọdi rạwa bọ bịn, kụ bịdi ọdaph nyọdi. 14Kụ ọdi ạma ḍioph rꞌịyal awe, dị kọtolan nyọdi, orom ghan ọghi ọghaaph ooḅi ọghaaph phọ oleenye, 15rꞌọmoogh ịikpo ophoroghom aruru.
16Ḍioph rꞌịyal awe phọ dị ạma bọ, aSaimon ọpo ọdi ạta bọ mọ aPita, 17rꞌaJems ọony phọ aZebidi, rꞌạJon umor phọ aJems, bụen dị ạta mọ aBoanajis, ạnmuny otirighaan, 18rꞌẠndru, rꞌaFilip, rꞌaBatolomiu, rꞌaMatiu, rꞌạTomos, rꞌaJems ọony Ạlfios, rꞌạTadios, rꞌaSaimon ọpo aKenan, 19rꞌaJudas Ịskariot, ọpo aal bọ Jịzos.
ẠJizos rꞌaBielzebul
(Matiu 12.22-32; Luk 11.14-23; 12.10)
20Kụ ạJizos agheel ologhi otu, kụ awe ọḅile kẹn ookpomoghan dị bịdi ụ́moogh rꞌeepoogh olhe eḍien. 21Mem dị eghunotu ọdi ọnaghan bọ, ụghi ni ọsighe ọdi ọḍuanam, ịdi eḍighi bọ awe rọḅem ghan mọ ọdi maḍigh ẹlaal.
22 #
Mat 9.34; 10.25 Kụ ạbutughemia iilogh dị ọḍua Jeruselem kụ oru ụḅem ghan mọ aBielzebul ọkpana aruru phọ kụ aghola nyọdi, kụ ọdi ạsighe ịikpo eru phọ ẹphen kụ raporoghom ghan bọ ruru phọ.
23Kụ ạJizos ạmagh we phọ mọ oru, kụ adoghogh sidogh mọ, “ASetan kaḍighi ika kụ aporogha loor ọdi? 24Eḍighi mạar dị ẹmha ạaya, pọ ẹmha phọ ẹpe kétue mun ẹmeera. 25Eḍighi mạar dị eghunotu ạaya, pọ eghun phọ ẹpe kétue mun ẹmeera. 26Kụ eḍighi mạar dị aSetan ạwaanaan sighiton loor phọ ọdi kụ ạaya, pọ ọdi kátue mun ạmeera, pọ eekuna ọdi mẹteeny.
27“Oye ólho dị katue ạka otu ọokpara oye abum rạraar ạḍuanam, emuton dị ọdi mạphur ạphaḍi oye phọ. Pụruku ọdi katue abum rạraar otu phọ.
28“Mị rịḅeni ghan inyina mọ ịkaraph ílho, ọopu ólho dị ạphughan ọsar ọwilenaan awe. 29#Luk 12.10Kụ oye lọ ạapu Uwaloor Iigbia phọ kọ́sar ọbilenaan. Erugh ịkaraph epum ni oye phọ ọpo kꞌagee-pọ.” 30ẠJizos ạtu bọ kụ ạghaaph ịduon phọ, pọ bịdi ụḅem ghan mọ eru ekola nyọdi.
Ịlo onhiin rꞌabumor ạJizos
(Matiu 12.46-50; Luk 8.19-21)
31Kụ onhiin rꞌabumor phọ ạJizos uru ni ọrol erugh kụ orom ọghiom mọ ọdi aru. 32Kụ aḍita awe ụrol li okoom nyọdi, mem mọ ọḅeni bọ mọ onhiin rꞌabumor phọ ọdi odi erugh rọmagh nyọdi.
33Kụ ọdi ạphagharanaan mọ, “Ạnhian kụ onhiin ạmina, ḅịle bụanhian kụ abumor ạmina?” 34Kụ ọdi aphogh akitonom oomo awe phọ ọrol bọ okoom nyọdi, kụ ạḅem mọ, “Bụen phọ kụ onhiin ạmi rꞌabumor ạmi. 35Tọrobo ọlo raḍighi ịpe Ẹnaan rẹwa bọ, pọ ọdi kẹn kụ umor ạmi rꞌumarani ạmi rꞌonhiin ạmi.”
Currently Selected:
Mạk 3: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Mạk 3
3
Ịlo oye dị ạḍighaagh ẹḅoonian
(Matiu 12.9-14; Luk 6.6-11)
1Kụ ạJizos ạḅile kẹn ạghi aḍigh oniin obughotu, kụ oniin oye dị ạḍighaagh ẹḅoonian ạrol aani ni pạ phọ. 2Kụ buniin awe phọ ọrol bọ pạ phọ ukori ghan ọmiin mọ ạJizos kaakonom ni oye phọ ḍio ophooghian phọ, ọbo bịdi osoorom nyọdi erugh. 3Kụ ạJizos ạḅeni oye phọ ạḍighaagh phọ ẹḅoonian bọ mọ, “Ḅetenu amite sịen ogbo phọ,” 4kụ apuru we phọ mọ, “Iilogh phọ ayira ẹḅem mọ yira oḍighi ghan ika ḍio ophooghian phọ? Oḍighi ghan iiḅi ḍụghum, kụ oḍighi ghan ịkaraph? Ẹkpe oḍume oye kụ ẹkpe oghiigh ḍụghum?”
Kụ bịdi ụ́pagharanaan. 5Kụ ạJizos, rꞌọghagh ologhi loor ịikpara iloghi phọ ạbidi, kụ aphogh bịdi akitonom, kụ ạḅeni oye phọ mọ asele ḍịghaagh phọ oḍi. Kụ oye phọ rosele ḍịghaagh phọ bịn emoon. 6Kụ aFarisi phọ rọḍuaghu, bịn ọghi oḍighan egir rꞌạbuo ạHerod, kụ oosophoghian ịlo oghiigh ọdi.
ẠJizos ạkaaph ạḅeni ḍita awe oogbom ọphiiny
7Kụ ạJizos rꞌạbumatuan phọ ọdi umian ni ọghi ẹpe oogbom ọphiiny phọ, kụ aḍiboom aḍita ạbuo aGalili, rꞌaJudia, 8rꞌaJeruselem, rꞌIdumia, rꞌẹḅeenyom Ọphiiny ạJodan, rꞌareelhe phọ etuman bọ Taya rꞌaSaidon, ọnaghan ịpe ọdi raḍighi ghan bọ kụ oru ọmiin aani ọdi. 9#Mạk 4.1; Luk 5.1-3Loor aḍita awe phọ, kụ ọdi ạḅeni bụmatuan phọ ọdi mọ oselemi oghuugh oseenaan nyịno, ọbo awe kọozeghi ghan bọ nyịno. 10Ịduon ọdi maakonom bọ ịbadi, ạbueri phọ ạbuphe úmoon bọ unyuughian ghan ni ịlo ọteeny ọdi ọḅogh aani. 11Tọrobo amem lọ aweye dị aruru eghola yogh ọmiin nyọdi, ukpuḍughian ghan ni pạ aruwol phọ ọdi, kụ ọlooghi mọ, “Nạ kụ Ọony phọ Ẹnaan.”
12ẠJizos ạphur ri ruru phọ rụru mọ kígananami nyịno.
ẠJizos ạma ḍioph rꞌịyal awe
(Matiu 10.1-4; Luk 6.12-16)
13Kụ ạJizos ạḍua ạghi ẹpe eelhe ạraaḅaraph phọ, kụ ạmagh bụphe ọdi rạwa bọ bịn, kụ bịdi ọdaph nyọdi. 14Kụ ọdi ạma ḍioph rꞌịyal awe, dị kọtolan nyọdi, orom ghan ọghi ọghaaph ooḅi ọghaaph phọ oleenye, 15rꞌọmoogh ịikpo ophoroghom aruru.
16Ḍioph rꞌịyal awe phọ dị ạma bọ, aSaimon ọpo ọdi ạta bọ mọ aPita, 17rꞌaJems ọony phọ aZebidi, rꞌạJon umor phọ aJems, bụen dị ạta mọ aBoanajis, ạnmuny otirighaan, 18rꞌẠndru, rꞌaFilip, rꞌaBatolomiu, rꞌaMatiu, rꞌạTomos, rꞌaJems ọony Ạlfios, rꞌạTadios, rꞌaSaimon ọpo aKenan, 19rꞌaJudas Ịskariot, ọpo aal bọ Jịzos.
ẠJizos rꞌaBielzebul
(Matiu 12.22-32; Luk 11.14-23; 12.10)
20Kụ ạJizos agheel ologhi otu, kụ awe ọḅile kẹn ookpomoghan dị bịdi ụ́moogh rꞌeepoogh olhe eḍien. 21Mem dị eghunotu ọdi ọnaghan bọ, ụghi ni ọsighe ọdi ọḍuanam, ịdi eḍighi bọ awe rọḅem ghan mọ ọdi maḍigh ẹlaal.
22 #
Mat 9.34; 10.25 Kụ ạbutughemia iilogh dị ọḍua Jeruselem kụ oru ụḅem ghan mọ aBielzebul ọkpana aruru phọ kụ aghola nyọdi, kụ ọdi ạsighe ịikpo eru phọ ẹphen kụ raporoghom ghan bọ ruru phọ.
23Kụ ạJizos ạmagh we phọ mọ oru, kụ adoghogh sidogh mọ, “ASetan kaḍighi ika kụ aporogha loor ọdi? 24Eḍighi mạar dị ẹmha ạaya, pọ ẹmha phọ ẹpe kétue mun ẹmeera. 25Eḍighi mạar dị eghunotu ạaya, pọ eghun phọ ẹpe kétue mun ẹmeera. 26Kụ eḍighi mạar dị aSetan ạwaanaan sighiton loor phọ ọdi kụ ạaya, pọ ọdi kátue mun ạmeera, pọ eekuna ọdi mẹteeny.
27“Oye ólho dị katue ạka otu ọokpara oye abum rạraar ạḍuanam, emuton dị ọdi mạphur ạphaḍi oye phọ. Pụruku ọdi katue abum rạraar otu phọ.
28“Mị rịḅeni ghan inyina mọ ịkaraph ílho, ọopu ólho dị ạphughan ọsar ọwilenaan awe. 29#Luk 12.10Kụ oye lọ ạapu Uwaloor Iigbia phọ kọ́sar ọbilenaan. Erugh ịkaraph epum ni oye phọ ọpo kꞌagee-pọ.” 30ẠJizos ạtu bọ kụ ạghaaph ịduon phọ, pọ bịdi ụḅem ghan mọ eru ekola nyọdi.
Ịlo onhiin rꞌabumor ạJizos
(Matiu 12.46-50; Luk 8.19-21)
31Kụ onhiin rꞌabumor phọ ạJizos uru ni ọrol erugh kụ orom ọghiom mọ ọdi aru. 32Kụ aḍita awe ụrol li okoom nyọdi, mem mọ ọḅeni bọ mọ onhiin rꞌabumor phọ ọdi odi erugh rọmagh nyọdi.
33Kụ ọdi ạphagharanaan mọ, “Ạnhian kụ onhiin ạmina, ḅịle bụanhian kụ abumor ạmina?” 34Kụ ọdi aphogh akitonom oomo awe phọ ọrol bọ okoom nyọdi, kụ ạḅem mọ, “Bụen phọ kụ onhiin ạmi rꞌabumor ạmi. 35Tọrobo ọlo raḍighi ịpe Ẹnaan rẹwa bọ, pọ ọdi kẹn kụ umor ạmi rꞌumarani ạmi rꞌonhiin ạmi.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS