Matiu 26
26
Omitenom Jịzos ẹkaraph ezue
(Mạk 14.1-2; Luk 22.1-2; Jọn 11.45-53)
1ẠJizos rọmadan oomo phọ ịtughemi phọ ịphen, kụ ọdi ạḅeni bụmatuan phọ ọdi mọ, 2#Ẹḍua 12.1-27“Ịdipho nyina elegheri bọ ni, ịyal aḍughul-otu kụ isugha ọbo mẹteeny ẹyaal ọphel otene phọ, dị kọḅogh Mọony phọ Oye ọngo mọ ọkan loor oreeny oghiigh.”
3Kụ ạbuo ạrumhu ariil ạrikia phọ rꞌikumoor awe phọ ookpomoghan kꞌạKayafas uwo ẹmhu oyil ạrikia phọ, 4kụ bịdi omite ezue ịlo osiph ạJizos esi ịbooghian oghiigh. 5Kụ bịdi ụḅem mọ kíḍighi mem ẹyaal phọ ọbo awe phọ kotuphe ghan bọ.
Ạnir asugh elo Jịzos ẹpe Betani
(Mạk 14.3-9; Jọn 12.1-8)
6Kụ ạJizos ạrol Betani kꞌaSaimon, ọpo ẹzegh ọku ufe phọ eḍighi ghan bọ. 7#Luk 7.37, 38Kụ mem dị ọdi rale eḍien, oniin ạnir aru ni rꞌeeko elo eeḅi eḍu, dị ẹman iboom ikpoki, ạteeny Jịzos, kụ asugh nyọdi elo phọ. 8Kụ mem dị ạbumatuan phọ ọmiin bọ ịphen phọ, iphin ni iloghi ạbidi kụ ọḅem mọ, “Amuphe phọ ạmuen phọ aḍighom ḍighen? 9Elo phọ ẹphen mubool bọ ni iboom ikpoki ọsighe oḍighinom iiḅi rukulom.”
10ẠJizos rọnaghan bọ kụ ạḅeni bịdi mọ, “Nyina ighol eeghe kụ rẹeḅaghami bọ ạnir phọ ọphon? Ọdi uḍighinaan ni ịmi ogey oḍighi. 11#Dut 15.11Nyina rꞌarukulom mọ edianaan ghan ni oomo amem, kụ mị rꞌanyina kẹ́tolan oomo amem. 12Ọdi uḅom ịmi eeko elo phọ ẹphen ookolobian okoriom amaḍi phọ ạmi. 13Mị ạkar rịḅeni ghan inyina mọ tọrobo esi sịen aḅirini phọ, dị rọkaaph ooḅi ọghaaph phọ, kọkaaphom ghan ni ịphen phọ ọotughianam ạnir phọ ọphon.”
AJudas ameeraam aal ạJizos
(Mạk 14.10-11; Luk 22.3-6)
14Ịphen phọ reten, kụ aJudas Ịskariot oniin sịphe aḍioph rꞌịyal ạbumatuan phọ, ạḍua ni ạghi ạteeny bụo ạrumhu ariil ạrikia phọ, 15#Zẹk 11.12kụ apuru bịdi mọ, “Nyina kịngo ịmi eeghe, mị usiph Jịzos ịngo inyina?” Kụ bịdi ạal ịraardi ipoḍi asilva ọngo nyọdi. 16Kụ emiigh kꞌamem mọ ọpo ọdi aagonoghian ghan eepoogh aal ạJizos.
ẠJizos rꞌạbumatuan phọ ọdi olhian amalhe ẹyaal ọphel otene phọ
(Mạk 14.12-21; Luk 22.7-13, 21-23; Jọn 13.21-30)
17Ẹḅel aḍio ẹyaal phọ roliom ghan bọ ạbred phọ ọpo yist rọ́logh ghan bọ, ạbumatuan phọ oru ọteeny Jịzos kụ opuru mọ, “Nạ rạwa mọ yoor oseleminaan nyịna ḍighen esi, dị kọtol ole eḍien ẹyaal phọ?”
18Kụ ọdi ạḅeni bịdi mọ, “Ịki ẹpe ẹmha phọ. Nyina kẹmiin ni oniin oye. Ịḅeni nyọdi mọ ọtughemia phọ ạḅem mọ amem mọ ọno mẹteeny, mọ ọno rꞌạbumatuan phọ ọno kọtol kꞌọdi kụ ole eḍien ẹyaal phọ.”
19Kụ ạbumatuan phọ ọtuugh ịdipho ạJizos ạḅeni bọ bịdi oḍighi, kụ ookolobian ịlo ẹyaal phọ.
20Mekpereghian, kụ ạJizos ạtol ude ralian eḍien rꞌiḍioph rꞌịyal ạbumatuan phọ kụ ạḅem mọ, 21“Mị ạkar rịḅeni ghan inyina mọ oniin ọnyo anyina kaal li ịmi.”
22Ịphen phọ iḍighi ni dị bịdi omeelom oboom ọto, kụ tọrobo ọnyo ạbidi amiigh opuru ọdi mọ, “Ọmoogh-we, mịna ḍụghum?”
23 #
Ạsuo 41.9
Kụ ọdi mọ, “Oye phọ ọphon rꞌạmi rotiom bọ eniin esi phọ kụ kaal bọ ni ịmi. 24Ọony phọ Oye kamugh ni, ịdipho ọge bọ ịlo ọdi pạ Ạḍinya Iigbia phọ, kụ pọ eeghe ọdo ịminimiin dị kẹtolonaan oye phọ ọpo kabool bọ nyọdi. Ịnighe ghụn dị ọbo oye phọ ọpo phọ mụ́mar.”
25Pọ kụ amem dị aJudas ọpo aal bọ nyọdi apuru aani ni mọ, “Ọtughemia, mịna ḍụghum?”
Kụ ọdi ạḅeni nyọdi mọ, “Nạ kụ ụḅem.”
Eḍien adulhe Ọmoogh-we phọ
(Mạk 14.22-26; Luk 22.14-20; 1 Bụo ạKorint 11.23-25)
26Ịdipho bịdi role bọ, kụ ạJizos ạsighe ạbred, kụ rọngo Ẹnaan ḍịseph, kụ ạparion, kụ ạngo bụmatuan phọ, mọ, “Itiin ele. Ọphon kụ aḍizu phọ ạmi.”
27Kụ ạsighe ọphaal amiim, kụ ạngo Ẹnaan ḍịseph, kụ ạngo bịdi, mọ, “Oomo phọ anyina, ịpughol. 28#Ẹḍua 24.8; Jer 31.31-34Mụen kụ ịḅaal phọ ạmi ozuanaan bọ ḍita awe ịlo oghiran ịyo rꞌẸnaan, ịlo ọsar ịkaraph ọwilenaan awe. 29Kụ mị rịḅeni inyina mọ mị kạ́ḅile mun ạpughol miim mọ ạmuen, tụtu ẹteeny ḍio phọ ạḍiphe mị rꞌanyina kẹpughol bọ emoom ẹphugholom mọ ẹpe ọmar kꞌỌde phọ ạmi.”
30Kụ bịdi rọmoor ḍiniin ạḍuor oboom Ẹnaan kụ ọḍua ọghi ẹpe Eegum Ọlivs.
ẠJizos ạḅem mọ aPita kạparanaan ni nyịno
(Mạk 14.27-31; Luk 22.31-34; Jọn 13.36-38)
31 #
Zẹk 13.7
Kụ ạJizos ạḅeni bịdi mọ, “Oomo phọ anyina kẹkanyanu ni esi omeeraam mọ anyina ḍughul phọ arodon, ịdi eḍighi bọ ọge ni pạ ạḍinya iigbia phọ mọ, ‘Mị Ẹnaan kakiigh opoghom iyool-ịga phọ, kụ aḍita ịga phọ ẹwalala.’ 32#Mat 28.16Mị roḅetenu esi aḍuugh phọ kụ mị aḍiemi ghan ẹpe Galili ikori inyina.”
33Kụ aPita ạphagharanaan nyọdi mọ, “Eru dị oomo ạbueri phọ ọghanyanu ọwile nyịna, mị rꞌaloor kạ́kaaru aani.”
34Kụ ạJizos ạḅeni nyọdi mọ, “Mị ạkar rạḅeni ghan nyịna mọ ḍughul phọ arodon tụtu ạkenegh rạlaay, nạ mụpharanaan ịmi ịraar amem.”
35Kụ aPita ạḅem mọ, “Ghạlamo iḍighi ni dị mị rꞌạna komugh, mị nyịna kạ́pharanaan.”
Kụ oomo phọ ạbumatuan phọ ọtuugh ịduon phọ ọḅem aani.
ẠJizos ạtol esi dị oghol mọ Getsemani ạaḅereghi Ẹnaan
(Mạk 14.32-42; Luk 22.39-46)
36Kụ ạJizos rꞌạbumatuan phọ ọdi osi esi dị oghol mọ aGetsemani, kụ ạJizos ạḅeni bịdi mọ, “Ịtologhu sịen. Mị kạki ẹpe ạaḅereghi.” 37Kụ ọdi ạpham Pita rꞌịyal phọ ạnmuny phọ aZebidi ạghimom ghisigh kụ ameelom oboom ọto kụ ologhi ọdi ạwalawala. 38Kụ ọdi ạḅeni bịdi mọ, “Ọto dị mị ạmoogh upel li ịmi loor, mụdi kughiigh ni ịmi. Ịtol sịen egon aani ghan.”
39Kụ ọdi arelhe ạghi ghisigh ẹphurukpu, kụ aḅololo kụ ạaḅereghi mọ, “Ọde phọ ạmi, mọ edugh ni, ọbo nạ mạar ịmi ẹgo ịminimiin phọ ẹphen, kụ ọlo káḍighi ịpe ịḅeeraan bọ ịmi, ḍighi ghụn ni ịpe ẹḅeeraan bọ nyịna.”
40Kụ ọdi aḅula ạteeny bụmatuan phọ kụ ạmiin dị bịdi rọnaani yogh, kụ apuru Pita mọ, “Eeghe? Nạ órue ọkparam ogon rꞌọony amem? 41Igon ni ẹeḅereghi ghan, mọ nyina kímeel iḍighanaan ọdegh-ophogh. Edi ni iloghi anyina, kụ asiloor phọ kụ idugh.”
42Kụ ọdi ạghi mem dị emuneniom ịyal, kụ ạaḅereghi mọ, “Ọde phọ ạmi, eḍighi ịyaar dị ẹgo ịminimiin phọ ẹphen ịmi kítenom, emuton dị mị ạphugholom, pọ ịpe nạ ạto bọ kụ emite!” 43Kụ ọdi ạḅile aḅula kụ ạmiin dị bịdi rọnaani yogh, loor esi dị ạralha maḅogh riḍien ạbidi.
44Kụ ọdi ạwile bịdi kụ ạḅile ạghi ạaḅereghi iniin phọ ịiḅereghi phọ, mem dị emuneniom ịraar. 45Kụ ọdi ạḅile aru ạteeny bụmatuan phọ, kụ ạḅeni bịdi mọ, “Nyina edi ḍịen nịiniin rẹnaani yogh kephooghian? Ipogh aani. Amem mọ mẹteeny. Maala Mọony phọ Oye bụkaraph awe. 46Iḅerenu ọghi ghisigh! Ipogh aani, ọpo kaal bọ ịmi mạkpulan.”
Ịdi osiph Jịzos
(Mạk 14.43-50; Luk 22.47-53; Jọn 18.3-12)
47Kụ ọdi odi rạkaaph ghan ịduon phọ, bịn aJudas oniin sịphe aḍioph rꞌịyal phọ amite rꞌaḍiboom aḍita awe, dị ọnyaaghian rolhool ẹgham rꞌạraḅam, dị ạbuo ạrumhu ariil ạrikia phọ rꞌikumoor awe phọ kụ ọlogh. 48Ọpo kabool bọ nyọdi rꞌạbidi mọḅoph ni ọnhu ọdo ịdi ọdi kaḍighi bọ mọ, “Ọpo mị kạkpun bọ okpo phọ kụ oye phọ. Imeleghuom nyọdi.”
49Kụ ọdi ạghi ạteeny Jịzos kụ ạmagh mọ, “Ọtughemia, nạ odi,” kụ ạkpun okpo phọ.
50Kụ ạJizos ạḅeni nyọdi mọ, “Ọyaghiri, ḍighi ịpe nạ ạtuan bọ kụ aru.”
Kụ bịdi oru omeleghuom Jịzos osiph. 51Kụ oniin ọdi ạrolan rꞌạJizos asele ḍịghaagh aruph elhool ẹgham ọdi asophom aḅeri ẹbene uwo ẹmhu oyil ạrikia phọ. 52Kụ ạJizos ạḅeni nyọdi mọ, “Ḅulemi elhool ẹgham mọ sịphe ologhi aḍuphul phọ. Bụphe okoph bọ elhool ẹgham komugh ḍuugh elhool ẹgham. 53Nạ ólhegheri ḍụghum, mọ mị katue ni ạaḅereghi Ọde phọ ạmi, kụ ọdi kạsighe ni rụukpaany ẹgham dị opel ḍioph rꞌịyal asita uruom ịmi? 54Eru mạar dị eḍighi ịdipho, ika kụ ẹdi ịpe ọge bọ pạ Ạḍinya Iigbia phọ kemunughan bọ mọ ịduon kụ kemite ni?”
55 #
Luk 19.47; 21.37 Egi phọ ẹphen, ạJizos apuru ḍita awe phọ mọ, “Nyina ẹsighenom mọ mị ọḅa ḍụghum, kụ ẹpham bọ rolhool ẹgham rꞌạraḅam kụ erumom bọ osiph ạmi? Aḍio etum ḍio, mị ụrol ghan ni ude sịphe Otu Ịiḅereghi phọ kụ ạtughemi ghan kụ nyina ịmi ísiph. 56Kụ oomo phọ ịphen memite omuneniom ịpe ariil phọ ọge bọ pạ Ạḍinya Iigbia phọ.”
Kụ oomo ạbumatuan phọ ọwile nyọdi osumughu.
Ọmeremi Jịzos ghisigh ookpomoghan ikpolom awe phọ
(Mạk 14.53-65; Luk 22.54-55, 63-71; Jọn 18.13-14, 19-24)
57Kụ bụphe osiph bọ Jịzos ọpham nyọdi osiom kꞌạKayafas, uwo ẹmhu oyil ạrikia phọ, dị ạbutughemia iilogh phọ rꞌikumoor awe phọ mookpomoghan. 58Kụ aPita ạdaph aani ni bịdi, ạrol kꞌẹgboogh ọman asi aani ogiga uwo ẹmhu oyil ạrikia phọ, kụ ạrol aani ude sịphe abukoriom ogiga phọ ọrol bọ okori ghan ịlo kemite. 59Kụ ạbuo ạrumhu ariil ạrikia phọ rꞌoomo ikpolom awe phọ ọwaragha ghan sịagba osiphom ạJizos ọlogh esi aḍuugh, 60kụ ụ́miin. Ịbadi ụgbaaghi ghan ni ọkpe ọḅam ẹmhu ọdi, kụ eekuna phọ ịyal awe uru ni 61#Jọn 2.19kụ ọḅem mọ, “Oye phọ ọphon ạḅem mọ ọno katue ni apiemi Otu Ịiḅereghi phọ, kụ ạḅile ạlogh ọnon esi ịraar aḍughul-otu.”
62Kụ uwo ẹmhu oyil ạrikia phọ aḅetenu kụ apuru nyọdi mọ, “Esi ịphen phọ bịdi ọgba bọ rọḅamaghi ẹmhu ạna, nạ ọ́moogh aani ịyaar ọphagharanaan?” 63Kụ ạJizos aḅoorian kpạy kpạy. Kụ uwo ẹmhu oyil ạrikia phọ ạḅeni nyọdi mọ, “Mị akol ḍien Ẹnaan phọ edi ghan bọ, ụḅeni iyoor mụghumo nạ kụ aMesaya Ọony phọ Ẹnaan.” 64#Dạn 7.13Kụ ạJizos ạḅeni nyọdi mọ, “Nạ mạḅem, kụ mị rịḅeni ghan inyina mọ amem retu ni dị nyina kẹmiin dị Ọony phọ Oye ạrol ḍịghaagh elhiom Ẹnaan Oomo Ịikpo phọ, kụ ạḍua ẹpe ọotu okuaḍio phọ ratu ẹphen ade phọ.”
65 #
Lịv 24.16
Kụ uwo ẹmhu oyil ạrikia phọ arunyian ibura ọdi loor ophin ologhi, kụ ạḅem mọ, “Ọdi mạapu Ẹnaan. Yira ọḅile kẹn rọwa ghan bụo ạsiagba phọ oḍighinom eeghe? Nyina rẹnaghan bọ ni ọopu phọ ọphon. 66Edi aani ika iloghi anyina?”
Kụ bịdi ọphagharanaan mọ, “Ọdi ạmoogh apum aḍuugh.”
67 #
Azay 50.6
Kụ bịdi omurughiom nyọdi ịghor, ọḅile ọgurogh, kụ bụdi ooḅorogh nyọdi 68ọḅem ghan mọ, “Nạ aKraist, mịin uḍien. Ụḅeni iyoor oye phọ ọpo aḅor bọ nyịna.”
APita ạparanaan Jịzos
(Mạk 14.66-72; Luk 22.56-62; Jọn 18.15-18, 25-27)
69APita ạtol li ude ẹpe ogiga phọ, kụ oniin ọnyani-otu aru ạteeny nyọdi kụ ạḅem mọ, “Nạ oniin ọdi ạdaph aani ghan bọ Jịzos ọpo aGalili phọ.”
70Kụ aPita ạpharanaan pạ ogbo phọ ạbidi mọ, “Mị úlegheri ẹmhu ịphen nạ rạkaaph bọ.” 71Kụ ọdi rorelhe romite ọnhu-aḍibuo phọ, kụ ọnon ọnyani-otu ạmiin nyọdi, kụ ạḅeni bụdi ọrol aani pạ phọ mọ, “Oye phọ ọphon, oniin ọdi ạdaph aani ghan bọ Jịzos, ọpo ạNazeret phọ.”
72APita ạpharanaan kẹn kụ aghunya mọ, “Mị úlegheri oye phọ.”
73Kụ mọony ẹnum amem kụ ạbuphe ọmeregha bọ ọḅeni Pita mọ, “Igey ni nạ oniin ọnyo ạbidi aani ni. Yoor ọsighe ọnhu ạḍiaḅa phọ ạna kụ olegheriom.”
74Kụ aPita ạloghoḍi ịnhu, kụ aghunya kụ ạḅem mọ, “Mị úlegheri oye phọ.”
Pọ kụ amem dị ạkenegh ạlaay. 75Kụ aPita ạatughian ịpe ạJizos ạḅeni bọ nyọdi mọ, “Tụtu ạkenegh rạlaay nạ mụpharanaan ịmi ịraar amem.” Kụ ọdi amite kụ amoghi agey.
Currently Selected:
Matiu 26: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Matiu 26
26
Omitenom Jịzos ẹkaraph ezue
(Mạk 14.1-2; Luk 22.1-2; Jọn 11.45-53)
1ẠJizos rọmadan oomo phọ ịtughemi phọ ịphen, kụ ọdi ạḅeni bụmatuan phọ ọdi mọ, 2#Ẹḍua 12.1-27“Ịdipho nyina elegheri bọ ni, ịyal aḍughul-otu kụ isugha ọbo mẹteeny ẹyaal ọphel otene phọ, dị kọḅogh Mọony phọ Oye ọngo mọ ọkan loor oreeny oghiigh.”
3Kụ ạbuo ạrumhu ariil ạrikia phọ rꞌikumoor awe phọ ookpomoghan kꞌạKayafas uwo ẹmhu oyil ạrikia phọ, 4kụ bịdi omite ezue ịlo osiph ạJizos esi ịbooghian oghiigh. 5Kụ bịdi ụḅem mọ kíḍighi mem ẹyaal phọ ọbo awe phọ kotuphe ghan bọ.
Ạnir asugh elo Jịzos ẹpe Betani
(Mạk 14.3-9; Jọn 12.1-8)
6Kụ ạJizos ạrol Betani kꞌaSaimon, ọpo ẹzegh ọku ufe phọ eḍighi ghan bọ. 7#Luk 7.37, 38Kụ mem dị ọdi rale eḍien, oniin ạnir aru ni rꞌeeko elo eeḅi eḍu, dị ẹman iboom ikpoki, ạteeny Jịzos, kụ asugh nyọdi elo phọ. 8Kụ mem dị ạbumatuan phọ ọmiin bọ ịphen phọ, iphin ni iloghi ạbidi kụ ọḅem mọ, “Amuphe phọ ạmuen phọ aḍighom ḍighen? 9Elo phọ ẹphen mubool bọ ni iboom ikpoki ọsighe oḍighinom iiḅi rukulom.”
10ẠJizos rọnaghan bọ kụ ạḅeni bịdi mọ, “Nyina ighol eeghe kụ rẹeḅaghami bọ ạnir phọ ọphon? Ọdi uḍighinaan ni ịmi ogey oḍighi. 11#Dut 15.11Nyina rꞌarukulom mọ edianaan ghan ni oomo amem, kụ mị rꞌanyina kẹ́tolan oomo amem. 12Ọdi uḅom ịmi eeko elo phọ ẹphen ookolobian okoriom amaḍi phọ ạmi. 13Mị ạkar rịḅeni ghan inyina mọ tọrobo esi sịen aḅirini phọ, dị rọkaaph ooḅi ọghaaph phọ, kọkaaphom ghan ni ịphen phọ ọotughianam ạnir phọ ọphon.”
AJudas ameeraam aal ạJizos
(Mạk 14.10-11; Luk 22.3-6)
14Ịphen phọ reten, kụ aJudas Ịskariot oniin sịphe aḍioph rꞌịyal ạbumatuan phọ, ạḍua ni ạghi ạteeny bụo ạrumhu ariil ạrikia phọ, 15#Zẹk 11.12kụ apuru bịdi mọ, “Nyina kịngo ịmi eeghe, mị usiph Jịzos ịngo inyina?” Kụ bịdi ạal ịraardi ipoḍi asilva ọngo nyọdi. 16Kụ emiigh kꞌamem mọ ọpo ọdi aagonoghian ghan eepoogh aal ạJizos.
ẠJizos rꞌạbumatuan phọ ọdi olhian amalhe ẹyaal ọphel otene phọ
(Mạk 14.12-21; Luk 22.7-13, 21-23; Jọn 13.21-30)
17Ẹḅel aḍio ẹyaal phọ roliom ghan bọ ạbred phọ ọpo yist rọ́logh ghan bọ, ạbumatuan phọ oru ọteeny Jịzos kụ opuru mọ, “Nạ rạwa mọ yoor oseleminaan nyịna ḍighen esi, dị kọtol ole eḍien ẹyaal phọ?”
18Kụ ọdi ạḅeni bịdi mọ, “Ịki ẹpe ẹmha phọ. Nyina kẹmiin ni oniin oye. Ịḅeni nyọdi mọ ọtughemia phọ ạḅem mọ amem mọ ọno mẹteeny, mọ ọno rꞌạbumatuan phọ ọno kọtol kꞌọdi kụ ole eḍien ẹyaal phọ.”
19Kụ ạbumatuan phọ ọtuugh ịdipho ạJizos ạḅeni bọ bịdi oḍighi, kụ ookolobian ịlo ẹyaal phọ.
20Mekpereghian, kụ ạJizos ạtol ude ralian eḍien rꞌiḍioph rꞌịyal ạbumatuan phọ kụ ạḅem mọ, 21“Mị ạkar rịḅeni ghan inyina mọ oniin ọnyo anyina kaal li ịmi.”
22Ịphen phọ iḍighi ni dị bịdi omeelom oboom ọto, kụ tọrobo ọnyo ạbidi amiigh opuru ọdi mọ, “Ọmoogh-we, mịna ḍụghum?”
23 #
Ạsuo 41.9
Kụ ọdi mọ, “Oye phọ ọphon rꞌạmi rotiom bọ eniin esi phọ kụ kaal bọ ni ịmi. 24Ọony phọ Oye kamugh ni, ịdipho ọge bọ ịlo ọdi pạ Ạḍinya Iigbia phọ, kụ pọ eeghe ọdo ịminimiin dị kẹtolonaan oye phọ ọpo kabool bọ nyọdi. Ịnighe ghụn dị ọbo oye phọ ọpo phọ mụ́mar.”
25Pọ kụ amem dị aJudas ọpo aal bọ nyọdi apuru aani ni mọ, “Ọtughemia, mịna ḍụghum?”
Kụ ọdi ạḅeni nyọdi mọ, “Nạ kụ ụḅem.”
Eḍien adulhe Ọmoogh-we phọ
(Mạk 14.22-26; Luk 22.14-20; 1 Bụo ạKorint 11.23-25)
26Ịdipho bịdi role bọ, kụ ạJizos ạsighe ạbred, kụ rọngo Ẹnaan ḍịseph, kụ ạparion, kụ ạngo bụmatuan phọ, mọ, “Itiin ele. Ọphon kụ aḍizu phọ ạmi.”
27Kụ ạsighe ọphaal amiim, kụ ạngo Ẹnaan ḍịseph, kụ ạngo bịdi, mọ, “Oomo phọ anyina, ịpughol. 28#Ẹḍua 24.8; Jer 31.31-34Mụen kụ ịḅaal phọ ạmi ozuanaan bọ ḍita awe ịlo oghiran ịyo rꞌẸnaan, ịlo ọsar ịkaraph ọwilenaan awe. 29Kụ mị rịḅeni inyina mọ mị kạ́ḅile mun ạpughol miim mọ ạmuen, tụtu ẹteeny ḍio phọ ạḍiphe mị rꞌanyina kẹpughol bọ emoom ẹphugholom mọ ẹpe ọmar kꞌỌde phọ ạmi.”
30Kụ bịdi rọmoor ḍiniin ạḍuor oboom Ẹnaan kụ ọḍua ọghi ẹpe Eegum Ọlivs.
ẠJizos ạḅem mọ aPita kạparanaan ni nyịno
(Mạk 14.27-31; Luk 22.31-34; Jọn 13.36-38)
31 #
Zẹk 13.7
Kụ ạJizos ạḅeni bịdi mọ, “Oomo phọ anyina kẹkanyanu ni esi omeeraam mọ anyina ḍughul phọ arodon, ịdi eḍighi bọ ọge ni pạ ạḍinya iigbia phọ mọ, ‘Mị Ẹnaan kakiigh opoghom iyool-ịga phọ, kụ aḍita ịga phọ ẹwalala.’ 32#Mat 28.16Mị roḅetenu esi aḍuugh phọ kụ mị aḍiemi ghan ẹpe Galili ikori inyina.”
33Kụ aPita ạphagharanaan nyọdi mọ, “Eru dị oomo ạbueri phọ ọghanyanu ọwile nyịna, mị rꞌaloor kạ́kaaru aani.”
34Kụ ạJizos ạḅeni nyọdi mọ, “Mị ạkar rạḅeni ghan nyịna mọ ḍughul phọ arodon tụtu ạkenegh rạlaay, nạ mụpharanaan ịmi ịraar amem.”
35Kụ aPita ạḅem mọ, “Ghạlamo iḍighi ni dị mị rꞌạna komugh, mị nyịna kạ́pharanaan.”
Kụ oomo phọ ạbumatuan phọ ọtuugh ịduon phọ ọḅem aani.
ẠJizos ạtol esi dị oghol mọ Getsemani ạaḅereghi Ẹnaan
(Mạk 14.32-42; Luk 22.39-46)
36Kụ ạJizos rꞌạbumatuan phọ ọdi osi esi dị oghol mọ aGetsemani, kụ ạJizos ạḅeni bịdi mọ, “Ịtologhu sịen. Mị kạki ẹpe ạaḅereghi.” 37Kụ ọdi ạpham Pita rꞌịyal phọ ạnmuny phọ aZebidi ạghimom ghisigh kụ ameelom oboom ọto kụ ologhi ọdi ạwalawala. 38Kụ ọdi ạḅeni bịdi mọ, “Ọto dị mị ạmoogh upel li ịmi loor, mụdi kughiigh ni ịmi. Ịtol sịen egon aani ghan.”
39Kụ ọdi arelhe ạghi ghisigh ẹphurukpu, kụ aḅololo kụ ạaḅereghi mọ, “Ọde phọ ạmi, mọ edugh ni, ọbo nạ mạar ịmi ẹgo ịminimiin phọ ẹphen, kụ ọlo káḍighi ịpe ịḅeeraan bọ ịmi, ḍighi ghụn ni ịpe ẹḅeeraan bọ nyịna.”
40Kụ ọdi aḅula ạteeny bụmatuan phọ kụ ạmiin dị bịdi rọnaani yogh, kụ apuru Pita mọ, “Eeghe? Nạ órue ọkparam ogon rꞌọony amem? 41Igon ni ẹeḅereghi ghan, mọ nyina kímeel iḍighanaan ọdegh-ophogh. Edi ni iloghi anyina, kụ asiloor phọ kụ idugh.”
42Kụ ọdi ạghi mem dị emuneniom ịyal, kụ ạaḅereghi mọ, “Ọde phọ ạmi, eḍighi ịyaar dị ẹgo ịminimiin phọ ẹphen ịmi kítenom, emuton dị mị ạphugholom, pọ ịpe nạ ạto bọ kụ emite!” 43Kụ ọdi ạḅile aḅula kụ ạmiin dị bịdi rọnaani yogh, loor esi dị ạralha maḅogh riḍien ạbidi.
44Kụ ọdi ạwile bịdi kụ ạḅile ạghi ạaḅereghi iniin phọ ịiḅereghi phọ, mem dị emuneniom ịraar. 45Kụ ọdi ạḅile aru ạteeny bụmatuan phọ, kụ ạḅeni bịdi mọ, “Nyina edi ḍịen nịiniin rẹnaani yogh kephooghian? Ipogh aani. Amem mọ mẹteeny. Maala Mọony phọ Oye bụkaraph awe. 46Iḅerenu ọghi ghisigh! Ipogh aani, ọpo kaal bọ ịmi mạkpulan.”
Ịdi osiph Jịzos
(Mạk 14.43-50; Luk 22.47-53; Jọn 18.3-12)
47Kụ ọdi odi rạkaaph ghan ịduon phọ, bịn aJudas oniin sịphe aḍioph rꞌịyal phọ amite rꞌaḍiboom aḍita awe, dị ọnyaaghian rolhool ẹgham rꞌạraḅam, dị ạbuo ạrumhu ariil ạrikia phọ rꞌikumoor awe phọ kụ ọlogh. 48Ọpo kabool bọ nyọdi rꞌạbidi mọḅoph ni ọnhu ọdo ịdi ọdi kaḍighi bọ mọ, “Ọpo mị kạkpun bọ okpo phọ kụ oye phọ. Imeleghuom nyọdi.”
49Kụ ọdi ạghi ạteeny Jịzos kụ ạmagh mọ, “Ọtughemia, nạ odi,” kụ ạkpun okpo phọ.
50Kụ ạJizos ạḅeni nyọdi mọ, “Ọyaghiri, ḍighi ịpe nạ ạtuan bọ kụ aru.”
Kụ bịdi oru omeleghuom Jịzos osiph. 51Kụ oniin ọdi ạrolan rꞌạJizos asele ḍịghaagh aruph elhool ẹgham ọdi asophom aḅeri ẹbene uwo ẹmhu oyil ạrikia phọ. 52Kụ ạJizos ạḅeni nyọdi mọ, “Ḅulemi elhool ẹgham mọ sịphe ologhi aḍuphul phọ. Bụphe okoph bọ elhool ẹgham komugh ḍuugh elhool ẹgham. 53Nạ ólhegheri ḍụghum, mọ mị katue ni ạaḅereghi Ọde phọ ạmi, kụ ọdi kạsighe ni rụukpaany ẹgham dị opel ḍioph rꞌịyal asita uruom ịmi? 54Eru mạar dị eḍighi ịdipho, ika kụ ẹdi ịpe ọge bọ pạ Ạḍinya Iigbia phọ kemunughan bọ mọ ịduon kụ kemite ni?”
55 #
Luk 19.47; 21.37 Egi phọ ẹphen, ạJizos apuru ḍita awe phọ mọ, “Nyina ẹsighenom mọ mị ọḅa ḍụghum, kụ ẹpham bọ rolhool ẹgham rꞌạraḅam kụ erumom bọ osiph ạmi? Aḍio etum ḍio, mị ụrol ghan ni ude sịphe Otu Ịiḅereghi phọ kụ ạtughemi ghan kụ nyina ịmi ísiph. 56Kụ oomo phọ ịphen memite omuneniom ịpe ariil phọ ọge bọ pạ Ạḍinya Iigbia phọ.”
Kụ oomo ạbumatuan phọ ọwile nyọdi osumughu.
Ọmeremi Jịzos ghisigh ookpomoghan ikpolom awe phọ
(Mạk 14.53-65; Luk 22.54-55, 63-71; Jọn 18.13-14, 19-24)
57Kụ bụphe osiph bọ Jịzos ọpham nyọdi osiom kꞌạKayafas, uwo ẹmhu oyil ạrikia phọ, dị ạbutughemia iilogh phọ rꞌikumoor awe phọ mookpomoghan. 58Kụ aPita ạdaph aani ni bịdi, ạrol kꞌẹgboogh ọman asi aani ogiga uwo ẹmhu oyil ạrikia phọ, kụ ạrol aani ude sịphe abukoriom ogiga phọ ọrol bọ okori ghan ịlo kemite. 59Kụ ạbuo ạrumhu ariil ạrikia phọ rꞌoomo ikpolom awe phọ ọwaragha ghan sịagba osiphom ạJizos ọlogh esi aḍuugh, 60kụ ụ́miin. Ịbadi ụgbaaghi ghan ni ọkpe ọḅam ẹmhu ọdi, kụ eekuna phọ ịyal awe uru ni 61#Jọn 2.19kụ ọḅem mọ, “Oye phọ ọphon ạḅem mọ ọno katue ni apiemi Otu Ịiḅereghi phọ, kụ ạḅile ạlogh ọnon esi ịraar aḍughul-otu.”
62Kụ uwo ẹmhu oyil ạrikia phọ aḅetenu kụ apuru nyọdi mọ, “Esi ịphen phọ bịdi ọgba bọ rọḅamaghi ẹmhu ạna, nạ ọ́moogh aani ịyaar ọphagharanaan?” 63Kụ ạJizos aḅoorian kpạy kpạy. Kụ uwo ẹmhu oyil ạrikia phọ ạḅeni nyọdi mọ, “Mị akol ḍien Ẹnaan phọ edi ghan bọ, ụḅeni iyoor mụghumo nạ kụ aMesaya Ọony phọ Ẹnaan.” 64#Dạn 7.13Kụ ạJizos ạḅeni nyọdi mọ, “Nạ mạḅem, kụ mị rịḅeni ghan inyina mọ amem retu ni dị nyina kẹmiin dị Ọony phọ Oye ạrol ḍịghaagh elhiom Ẹnaan Oomo Ịikpo phọ, kụ ạḍua ẹpe ọotu okuaḍio phọ ratu ẹphen ade phọ.”
65 #
Lịv 24.16
Kụ uwo ẹmhu oyil ạrikia phọ arunyian ibura ọdi loor ophin ologhi, kụ ạḅem mọ, “Ọdi mạapu Ẹnaan. Yira ọḅile kẹn rọwa ghan bụo ạsiagba phọ oḍighinom eeghe? Nyina rẹnaghan bọ ni ọopu phọ ọphon. 66Edi aani ika iloghi anyina?”
Kụ bịdi ọphagharanaan mọ, “Ọdi ạmoogh apum aḍuugh.”
67 #
Azay 50.6
Kụ bịdi omurughiom nyọdi ịghor, ọḅile ọgurogh, kụ bụdi ooḅorogh nyọdi 68ọḅem ghan mọ, “Nạ aKraist, mịin uḍien. Ụḅeni iyoor oye phọ ọpo aḅor bọ nyịna.”
APita ạparanaan Jịzos
(Mạk 14.66-72; Luk 22.56-62; Jọn 18.15-18, 25-27)
69APita ạtol li ude ẹpe ogiga phọ, kụ oniin ọnyani-otu aru ạteeny nyọdi kụ ạḅem mọ, “Nạ oniin ọdi ạdaph aani ghan bọ Jịzos ọpo aGalili phọ.”
70Kụ aPita ạpharanaan pạ ogbo phọ ạbidi mọ, “Mị úlegheri ẹmhu ịphen nạ rạkaaph bọ.” 71Kụ ọdi rorelhe romite ọnhu-aḍibuo phọ, kụ ọnon ọnyani-otu ạmiin nyọdi, kụ ạḅeni bụdi ọrol aani pạ phọ mọ, “Oye phọ ọphon, oniin ọdi ạdaph aani ghan bọ Jịzos, ọpo ạNazeret phọ.”
72APita ạpharanaan kẹn kụ aghunya mọ, “Mị úlegheri oye phọ.”
73Kụ mọony ẹnum amem kụ ạbuphe ọmeregha bọ ọḅeni Pita mọ, “Igey ni nạ oniin ọnyo ạbidi aani ni. Yoor ọsighe ọnhu ạḍiaḅa phọ ạna kụ olegheriom.”
74Kụ aPita ạloghoḍi ịnhu, kụ aghunya kụ ạḅem mọ, “Mị úlegheri oye phọ.”
Pọ kụ amem dị ạkenegh ạlaay. 75Kụ aPita ạatughian ịpe ạJizos ạḅeni bọ nyọdi mọ, “Tụtu ạkenegh rạlaay nạ mụpharanaan ịmi ịraar amem.” Kụ ọdi amite kụ amoghi agey.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS