Matiu 25
25
Aḍidogh ịlo aḍioph arisina ạnmanyaan
1 #
Luk 12.35
“Ḍio phọ ạḍiphe kọsighe ọmar phọ kꞌẸnaan ọmaaniom ọghaaph aḍioph arisina ạnmanyaan dị ọsighe ịtozi ạbidi kụ ọghi ọrol rokori ghan olhom dị katigheel otu. 2Oogh ạbuno olegheri ịyaar, kụ oogh ịyaar úlegheri. 3Bụphe mạar úlegheri bọ ukoph ni ịtozi phọ ạbidi ọghimom, bịn mụum ọtozi ụ́pamam. 4Kụ bụphe olegheri bọ mạar phọ ụpham ni mụum opeele. 5Ịdipho olhom mọ raabinya bọ, bịn oomo phọ ạbidi ọnaani yogh rokaragham.
6“Rẹteeny ogbo aḍughul, kụ ạḍiolo ẹḅa mọ, ‘Pọrono olhom mọ! Ịki ẹteeny nyọdi.’ 7Kụ oomo phọ arisina ạnmanyaan phọ oḅerenu, kụ ọphurogh ịtozi phọ ạbidi omiteghom. 8Kụ bụphe mạar phọ úlegheri bọ ọlom bụphe olegheri bọ mạar phọ mọ, ‘Ịtozi phọ ayoor reḍimogh. Ịngaani iyoor mụum ọtozi.’ 9Bụphe olegheri bọ mạar phọ ọphagharanaan mọ, ‘Eeye. Ạmuum mọ kụ́gbaanyan iyoor rꞌanyina. Ịki kꞌạbuphe robool ghan bọ egho.’ 10Ịdipho bịdi rọki bọ ogho phọ, kụ olhom mọ aru. Kụ bụphe ọnya bọ ọghi ọdaph nyọdi oḍigh kꞌạrogo phọ, kụ oghughi eghuugh phọ.
11 #
Luk 13.25
“Mọony amem bịn ạbueri phọ arisina ạnmanyaan phọ oḅula, kụ ọmagh mọ, ‘Oye phọ, oye phọ, ughughuronaan iyoor.’ 12Kụ ọdi mọ, ‘Mị ạkar rịḅeni ghan inyina mọ mị inyina ílegheri.’
13“Ịduon kụ iḍighi kụ igon ghan. Nyina ílegheri ḍio phọ rꞌamem mọ Ọony phọ Oye katu bọ.”
Aḍidogh ịlo ịraar ạrebene
(Luk 19.11-27)
14 #
Luk 19.11-27
“Kẹkigh ịdipho ọghaaph oye dị rạki erelhe ẹekela ekpisi, kụ ạamaghagh rẹbene phọ ọdi, kụ ạḅogh ruphua phọ ọdi ạlogh ḍịghaagh ạbidi. 15Ọdi aphogh ghan ịnyaam ịlo oye rꞌoye kụ ạngo nyoniin oogh ọonir ipoḍi asilva, ọnon ịyal ọonir, ọnon kẹn oniin ọonir, kụ agbi oḅetenu erelhe phọ ọdi. 16Kụ ọpo ạar bọ oogh ọonir phọ ạghi amuulom ḍighi, kụ ạmoogh ịnon oogh ọonir. 17Ọpo ạar bọ ịyal ọonir phọ ạḅile kẹn ạmoogh ịnon ịyal ọonir. 18Kụ ọpo ạar bọ oniin ọonir phọ ạghi aguph ude aḍi ikpoki ọde-otu phọ ọdi ạaghi.
19“Ibia ni ịminighan kụ ọde-otu phọ ạbidi arigheel, kụ ọdi rꞌạbidi ogbiighi ikpoki phọ. 20Kụ ọpo ạar bọ oogh ọonir phọ aru ạngo ạloghom ịpheri phọ oogh ọonir phọ, kụ ạḅem mọ, ‘Oye phọ, pogh aani. Nạ ụngo bọ ịmi oogh ọonir, kụ mị mạmoogh ịnon oogh ọonir apumom.’ 21Ọde-otu phọ ọdi ạḅeni nyọdi mọ, ‘Maḍighi. Nạ ogey ẹbene ni. Ịdipho nạ arue bọ ni ạphamaghan ikpoki dị ị́manam kụ iḍighi dị mị kạsighe nyịna ạdaami iboom ikpoki. Tue aḍighan, ạmoogh ọḅaal ologhi!’
22“Ọpo ạar bọ ịyal ọonir phọ aru, kụ ạḅem mọ, ‘Oye phọ, pogh aani. Nạ ụngo bọ ịmi ịyal ọonir, kụ mị mạmoogh ịnon ịyal ọonir apumom.’ 23Ọde-otu phọ ọdi ạḅeni nyọdi mọ, ‘Maḍighi. Nạ ogey ẹbene ni. Ịdipho nạ arue bọ ni ạphamaghan ikpoki dị ị́manam kụ iḍighi dị mị kạsighe nyịna ạdaami iboom ikpoki. Tue aḍighan, ạmoogh ọḅaal ologhi!’
24“Kụ ọpo ạar bọ oniin ọonir phọ aru kụ ạḅem mọ, ‘Oye phọ, mị alegheri ni mọ nạ oye dị ạkpar ẹzo. Nạ rabugha ghan esi dị nạ úḅeph, raakpomoghi ghan ịdi nạ úseere. 25Mị ughiilaan ni kụ aguph ude aḍi ikpoki phọ ạna. Pọrono ikpoki phọ ạna.’
26“Ọde-otu phọ ọdi mọ, ‘Nạ ọkaraph ẹbene dị ạmoogh ẹgbogholeer. Nạ alegheri mọ mị rabugha ghan esi dị mị úḅeph, raakpomoghi ghan ịdi mị úseere. 27Mọ nạ ụsighe ghụn ni ikpoki phọ ạmi ạlogh otu ikpoki, ọbo mị mạmoogh ọḅar. 28Ịboor nyọdi ikpoki phọ ẹḅaranaan nyọpo ạmoogh bọ ḍioph ọonir ipoḍi phọ, 29#Mat 13.12; Mạk 4.25; Luk 8.18ịdi eḍighi bọ ọpo ạmoogh bọ kụ ẹdi kọngo, pịdi ạmoogh apeelhe, kụ ọpo ụ́moogh bọ kọboor ri ghạlamo ịyal-ikpo ịpe ọdi ạmoogh bọ. 30#Mat 8.12; 22.13; Luk 13.28Isiph ọkaraph ẹbene phọ ẹlhogh esi ufiri ọdi ạrol ẹpe amoghi yogh ạghirigha.’”
Ịiruen ekureriom mọ
31 #
Mat 16.27;
Mat 19.28
“Mem mọ Ọony phọ Oye kạpam bọ oomo ạruukpaany phọ Ẹnaan kụ atu rꞌigbogh phọ ọdi, ọdi kạtolom ạgada ọdaam eelhe eghuan phọ ọdi. 32Kookpomoghi oomo awe sịen aḅirini phọ ọsighe ọki ghisigh ọdi, kụ ọdi agbi odi ạbidi ịyal asita, ịdipho okoriom ịga rạgbarion ghan bọ iyool-ịga phọ rꞌạrutu phọ. 33Ọdi kasereghi iyool-ịga phọ ḍịghaagh elhiom, kụ rụtu phọ ḍịghaagh ekeeny. 34Kụ ọdi ạḅeni bụphe odi bọ ḍịghaagh elhiom mọ ọdi mọ, ‘Itu. Nyina awe dị Ọde ạmi ạseph. Ile erua ọmar dị iseleminaan inyina kꞌẹḅel egbiom aḅirini phọ. 35Mị ụrol li ọkoony, kụ nyina ịngo ịmi eḍien. Ạmuum ụphu ni ịmi, kụ nyina ịngo ịmi mụum. Mị uḍighi ni ooruen, kụ nyina ịlogh ịmi otu. 36Mị ụrol li ẹdaḅa, kụ nyina imunemi ịmi ukpe. Mị ụrol li esi ẹzegh, kụ nyina iikonom ịmi. Mị ụrol li otu ikoli, kụ nyina eru ghan iphogh ịmi.’
37“Kụ abugey awe phọ kọpagharanaan nyọdi mọ, ‘Ọmoogh-we, yoor ụmiin nyịna pụr amem dị nạ odi ọkoony, kụ ọngo nyịna eḍien? Dị ạmuum rạphu nyịna, kụ ọngo nyịna mụum? 38Dị nạ aḍighi ooruen, kụ ọlogh nyịna otu? Dị nạ odi ẹdaḅa, kụ omunemi nyịna ukpe? 39Yoor ụmiin nyịna pụr amem, dị nạ ạrol esi ẹzegh ḅịle mꞌotu ikoli kụ oru ghan ophogh nyịna?’ 40Kụ uwo eelhe phọ kạpagharanaan bịdi mọ, ‘Ịdipho nyina eḍighi bọ ẹngo bụbam asiya phọ ạmi ạbuen, pọ nyina iḍighi aani ịngo ịmi.’
41“Kụ ọdi kạḅeni bụphe odi bọ ḍịghaagh ekeeny phọ ọdi mọ, ‘Ịḍuaghu sịen. Nyina awe dị oronyon. Iḍigh nịan dị réḍim ghan dị ọkpooni oseenaan Eru rꞌạruukpaany phọ ọdi. 42Mị ụrol li ọkoony, kụ nyina ịmi eḍien ị́ngo. Ạmuum ụphu ni ịmi, kụ nyina ịmi mụum ị́ngo. 43Mị uḍighi ni ooruen, kụ nyina ịmi otu ị́logh. Mị ụrol li ẹdaḅa, kụ nyina ịmi ukpe ímunemi. Mị ụrol li esi ẹzegh ḅịle rꞌotu ikoli, kụ nyina ịmi íru ghan iphogh.’
44“Bịdi kọpagharanaan nyọdi mọ, ‘Ọmoogh-we, yoor ụmiin nyịna pụr amem dị nạ odi ọkoony, rꞌẹephuom ạmuum, rꞌooruen, rꞌẹdaḅa, rꞌẹzegh, rꞌotu ikoli kụ nyịna úpogh?’ 45Kụ ọdi kạpagharanaan bịdi mọ, ‘Mị ạkar rịḅeni ghan inyina mọ ịdipho nyina íḍighi bọ ịngo bụbam asiya phọ ạmi ạbuen, pọ nyina ịmi íḍighi aani ịngo.’ 46#Dạn 12.2Bụen kọ́ḍua esi ịminimiin dị eekuna ílho, kụ abugey awe phọ koḍigh esi aghuḍum dị eekuna ílho.”
Currently Selected:
Matiu 25: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Matiu 25
25
Aḍidogh ịlo aḍioph arisina ạnmanyaan
1 #
Luk 12.35
“Ḍio phọ ạḍiphe kọsighe ọmar phọ kꞌẸnaan ọmaaniom ọghaaph aḍioph arisina ạnmanyaan dị ọsighe ịtozi ạbidi kụ ọghi ọrol rokori ghan olhom dị katigheel otu. 2Oogh ạbuno olegheri ịyaar, kụ oogh ịyaar úlegheri. 3Bụphe mạar úlegheri bọ ukoph ni ịtozi phọ ạbidi ọghimom, bịn mụum ọtozi ụ́pamam. 4Kụ bụphe olegheri bọ mạar phọ ụpham ni mụum opeele. 5Ịdipho olhom mọ raabinya bọ, bịn oomo phọ ạbidi ọnaani yogh rokaragham.
6“Rẹteeny ogbo aḍughul, kụ ạḍiolo ẹḅa mọ, ‘Pọrono olhom mọ! Ịki ẹteeny nyọdi.’ 7Kụ oomo phọ arisina ạnmanyaan phọ oḅerenu, kụ ọphurogh ịtozi phọ ạbidi omiteghom. 8Kụ bụphe mạar phọ úlegheri bọ ọlom bụphe olegheri bọ mạar phọ mọ, ‘Ịtozi phọ ayoor reḍimogh. Ịngaani iyoor mụum ọtozi.’ 9Bụphe olegheri bọ mạar phọ ọphagharanaan mọ, ‘Eeye. Ạmuum mọ kụ́gbaanyan iyoor rꞌanyina. Ịki kꞌạbuphe robool ghan bọ egho.’ 10Ịdipho bịdi rọki bọ ogho phọ, kụ olhom mọ aru. Kụ bụphe ọnya bọ ọghi ọdaph nyọdi oḍigh kꞌạrogo phọ, kụ oghughi eghuugh phọ.
11 #
Luk 13.25
“Mọony amem bịn ạbueri phọ arisina ạnmanyaan phọ oḅula, kụ ọmagh mọ, ‘Oye phọ, oye phọ, ughughuronaan iyoor.’ 12Kụ ọdi mọ, ‘Mị ạkar rịḅeni ghan inyina mọ mị inyina ílegheri.’
13“Ịduon kụ iḍighi kụ igon ghan. Nyina ílegheri ḍio phọ rꞌamem mọ Ọony phọ Oye katu bọ.”
Aḍidogh ịlo ịraar ạrebene
(Luk 19.11-27)
14 #
Luk 19.11-27
“Kẹkigh ịdipho ọghaaph oye dị rạki erelhe ẹekela ekpisi, kụ ạamaghagh rẹbene phọ ọdi, kụ ạḅogh ruphua phọ ọdi ạlogh ḍịghaagh ạbidi. 15Ọdi aphogh ghan ịnyaam ịlo oye rꞌoye kụ ạngo nyoniin oogh ọonir ipoḍi asilva, ọnon ịyal ọonir, ọnon kẹn oniin ọonir, kụ agbi oḅetenu erelhe phọ ọdi. 16Kụ ọpo ạar bọ oogh ọonir phọ ạghi amuulom ḍighi, kụ ạmoogh ịnon oogh ọonir. 17Ọpo ạar bọ ịyal ọonir phọ ạḅile kẹn ạmoogh ịnon ịyal ọonir. 18Kụ ọpo ạar bọ oniin ọonir phọ ạghi aguph ude aḍi ikpoki ọde-otu phọ ọdi ạaghi.
19“Ibia ni ịminighan kụ ọde-otu phọ ạbidi arigheel, kụ ọdi rꞌạbidi ogbiighi ikpoki phọ. 20Kụ ọpo ạar bọ oogh ọonir phọ aru ạngo ạloghom ịpheri phọ oogh ọonir phọ, kụ ạḅem mọ, ‘Oye phọ, pogh aani. Nạ ụngo bọ ịmi oogh ọonir, kụ mị mạmoogh ịnon oogh ọonir apumom.’ 21Ọde-otu phọ ọdi ạḅeni nyọdi mọ, ‘Maḍighi. Nạ ogey ẹbene ni. Ịdipho nạ arue bọ ni ạphamaghan ikpoki dị ị́manam kụ iḍighi dị mị kạsighe nyịna ạdaami iboom ikpoki. Tue aḍighan, ạmoogh ọḅaal ologhi!’
22“Ọpo ạar bọ ịyal ọonir phọ aru, kụ ạḅem mọ, ‘Oye phọ, pogh aani. Nạ ụngo bọ ịmi ịyal ọonir, kụ mị mạmoogh ịnon ịyal ọonir apumom.’ 23Ọde-otu phọ ọdi ạḅeni nyọdi mọ, ‘Maḍighi. Nạ ogey ẹbene ni. Ịdipho nạ arue bọ ni ạphamaghan ikpoki dị ị́manam kụ iḍighi dị mị kạsighe nyịna ạdaami iboom ikpoki. Tue aḍighan, ạmoogh ọḅaal ologhi!’
24“Kụ ọpo ạar bọ oniin ọonir phọ aru kụ ạḅem mọ, ‘Oye phọ, mị alegheri ni mọ nạ oye dị ạkpar ẹzo. Nạ rabugha ghan esi dị nạ úḅeph, raakpomoghi ghan ịdi nạ úseere. 25Mị ughiilaan ni kụ aguph ude aḍi ikpoki phọ ạna. Pọrono ikpoki phọ ạna.’
26“Ọde-otu phọ ọdi mọ, ‘Nạ ọkaraph ẹbene dị ạmoogh ẹgbogholeer. Nạ alegheri mọ mị rabugha ghan esi dị mị úḅeph, raakpomoghi ghan ịdi mị úseere. 27Mọ nạ ụsighe ghụn ni ikpoki phọ ạmi ạlogh otu ikpoki, ọbo mị mạmoogh ọḅar. 28Ịboor nyọdi ikpoki phọ ẹḅaranaan nyọpo ạmoogh bọ ḍioph ọonir ipoḍi phọ, 29#Mat 13.12; Mạk 4.25; Luk 8.18ịdi eḍighi bọ ọpo ạmoogh bọ kụ ẹdi kọngo, pịdi ạmoogh apeelhe, kụ ọpo ụ́moogh bọ kọboor ri ghạlamo ịyal-ikpo ịpe ọdi ạmoogh bọ. 30#Mat 8.12; 22.13; Luk 13.28Isiph ọkaraph ẹbene phọ ẹlhogh esi ufiri ọdi ạrol ẹpe amoghi yogh ạghirigha.’”
Ịiruen ekureriom mọ
31 #
Mat 16.27;
Mat 19.28
“Mem mọ Ọony phọ Oye kạpam bọ oomo ạruukpaany phọ Ẹnaan kụ atu rꞌigbogh phọ ọdi, ọdi kạtolom ạgada ọdaam eelhe eghuan phọ ọdi. 32Kookpomoghi oomo awe sịen aḅirini phọ ọsighe ọki ghisigh ọdi, kụ ọdi agbi odi ạbidi ịyal asita, ịdipho okoriom ịga rạgbarion ghan bọ iyool-ịga phọ rꞌạrutu phọ. 33Ọdi kasereghi iyool-ịga phọ ḍịghaagh elhiom, kụ rụtu phọ ḍịghaagh ekeeny. 34Kụ ọdi ạḅeni bụphe odi bọ ḍịghaagh elhiom mọ ọdi mọ, ‘Itu. Nyina awe dị Ọde ạmi ạseph. Ile erua ọmar dị iseleminaan inyina kꞌẹḅel egbiom aḅirini phọ. 35Mị ụrol li ọkoony, kụ nyina ịngo ịmi eḍien. Ạmuum ụphu ni ịmi, kụ nyina ịngo ịmi mụum. Mị uḍighi ni ooruen, kụ nyina ịlogh ịmi otu. 36Mị ụrol li ẹdaḅa, kụ nyina imunemi ịmi ukpe. Mị ụrol li esi ẹzegh, kụ nyina iikonom ịmi. Mị ụrol li otu ikoli, kụ nyina eru ghan iphogh ịmi.’
37“Kụ abugey awe phọ kọpagharanaan nyọdi mọ, ‘Ọmoogh-we, yoor ụmiin nyịna pụr amem dị nạ odi ọkoony, kụ ọngo nyịna eḍien? Dị ạmuum rạphu nyịna, kụ ọngo nyịna mụum? 38Dị nạ aḍighi ooruen, kụ ọlogh nyịna otu? Dị nạ odi ẹdaḅa, kụ omunemi nyịna ukpe? 39Yoor ụmiin nyịna pụr amem, dị nạ ạrol esi ẹzegh ḅịle mꞌotu ikoli kụ oru ghan ophogh nyịna?’ 40Kụ uwo eelhe phọ kạpagharanaan bịdi mọ, ‘Ịdipho nyina eḍighi bọ ẹngo bụbam asiya phọ ạmi ạbuen, pọ nyina iḍighi aani ịngo ịmi.’
41“Kụ ọdi kạḅeni bụphe odi bọ ḍịghaagh ekeeny phọ ọdi mọ, ‘Ịḍuaghu sịen. Nyina awe dị oronyon. Iḍigh nịan dị réḍim ghan dị ọkpooni oseenaan Eru rꞌạruukpaany phọ ọdi. 42Mị ụrol li ọkoony, kụ nyina ịmi eḍien ị́ngo. Ạmuum ụphu ni ịmi, kụ nyina ịmi mụum ị́ngo. 43Mị uḍighi ni ooruen, kụ nyina ịmi otu ị́logh. Mị ụrol li ẹdaḅa, kụ nyina ịmi ukpe ímunemi. Mị ụrol li esi ẹzegh ḅịle rꞌotu ikoli, kụ nyina ịmi íru ghan iphogh.’
44“Bịdi kọpagharanaan nyọdi mọ, ‘Ọmoogh-we, yoor ụmiin nyịna pụr amem dị nạ odi ọkoony, rꞌẹephuom ạmuum, rꞌooruen, rꞌẹdaḅa, rꞌẹzegh, rꞌotu ikoli kụ nyịna úpogh?’ 45Kụ ọdi kạpagharanaan bịdi mọ, ‘Mị ạkar rịḅeni ghan inyina mọ ịdipho nyina íḍighi bọ ịngo bụbam asiya phọ ạmi ạbuen, pọ nyina ịmi íḍighi aani ịngo.’ 46#Dạn 12.2Bụen kọ́ḍua esi ịminimiin dị eekuna ílho, kụ abugey awe phọ koḍigh esi aghuḍum dị eekuna ílho.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS