Lịvitikos 7
7
Ạrikia ọkpe-oḅulemian
1Ịphen phọ kụ ịinua ạrikia ọkpe-oḅulemi. Eḍighi ni igbogh iigbia. 2Ẹpe ephunom enmeny phọ, esi phọ ẹpe rọze ghan bọ ịnam ạrikia oguom ạnian phọ kụ ẹdi kọze aani ịnam ạrikia ọkpe-oḅulemi phọ, ọsighe ịḅaal phọ ọsaraghi okitonom oomo enmeny phọ. 3Oyil ạrikia phọ ạsighe ghan oomo ẹnuum mọ, ẹekpolodum, rꞌẹnuum mọ ẹpe eekpereghiom bọ ịpe ọkuruḅaka, ạsighe oomo phọ ịdi ạphighironom ẹkia phọ, 4ạḅaram ịyal phọ ịkpinyoom mọ rꞌẹnuum mọ edimom bọ loor ạbidi, rꞌẹebogh ẹnuum mọ ẹpe ẹḅaram bọ sịphe ạni phọ, ạpoghoron ạsighe, 5ạḅam ạnyu enmeny phọ aguom nịan. Ẹphen phọ ẹkia dị oguom nịan ọphighironaan ọngo Ọmoogh-we phọ, ẹkia ọkpe-oḅulemi. 6Oomo alephiri ạnmuny arughunughun ariil ạrikia phọ Eeron kụ olhe ghan. Ọrol ghan esi iigbia kụ olhe. Eḍighi ni igbogh iigbia.
7Ịdipho ẹkia oselemian aloor phọ edi bọ, ịdipho kẹn kụ ẹdi ẹkia ọkpe-oḅulemi phọ ẹrol. Ịyal phọ ịdi, oniin ologh. Oyil ạrikia phọ awoph bọ kụ ạmoogh ịinua phọ owophom bọ. 8Oyil ạrikia phọ ọpo ạphighiron bọ ẹkia oguom ạnian phọ, ọdi kụ ạmoogh ozu ẹnam mọ. 9Oomo ạbred phọ ọpo ọphighoronom bọ ẹkia phọ, ọpo ọgbaghaḍi bọ loor ọnyoki rꞌọpo ọsaam bọ guugh, ịlo oyil ẹkia phọ. 10Tọrobo ẹkia ịbiakpa phọ, mꞌẹgharaghar mꞌokirionom bọ mụnum, ạḍikool ariil ạrikia phọ Eeron kụ oolhema ghan odian.
Ịyaar aghuḍum ẹboroph
11Ọphon phọ ologh ịyaar aghuḍum ẹboroph lọ roḍighi kọngo Ọmoogh-we phọ. 12Eru mạar dị oye ratu oḍighi ịyaar aghuḍum ọseph Ọmoogh-we phọ, pọ ọdi ạsighe ghan ẹnam ạḅaram kek lọ yist ụ́logh ạtoghoḍiom mụnum rꞌịpherepe ipoḍi ạkikia lọ okironom mụnum rꞌakek lọ ọtoghoḍiom mụnum kụ ọgbaghaḍi. 13Ạḅile ạḅaram brẹd lọ ọlogh yist kụ ạphighironom ẹkia ọsephom mọ, ịyaar aghuḍum ẹboroph. 14Kụ sịphe phọ ọdi ạsighe oniin akek ạphighironom ẹkia obio giph ạngo Ọmoogh-we phọ. Ẹphen phọ ẹlo oyil ạrikia phọ ọpo ạsaraghi bọ ịḅaal ịyaar aghuḍum ẹboroph phọ. 15Kụ iphulupul ẹnam mọ ẹpe ọdi ạsephom bọ, ạphighironom ẹkia ẹboroph phọ, ịba ḍio phọ ạḍiphe bịn ẹmadan, kísugha ẹḅaal ḍịroor.
16Kụ eru mạar dị ịyaar aghuḍum ẹboroph phọ ọdi eḍighi ẹlo oguanaan mꞌẹlo ophooph ologhi, pọ kọba ni ḍio phọ ạḍiphe, kụ ẹḅaal ḍịroor ọḅile ọba ẹlo esugha, kụ mẹman ịraar aḍughul-otu pọ kụ́ba mun. 17Ẹnam mọ oḍighinom bọ ịyaar aghuḍum mọ kụ esugha ẹman ịraar aḍughul-otu, pọ ịsighe oguom nịan. 18Eru mạar dị ịnam mọ ịpe oḍighinom bọ ịyaar aghuḍum ẹboroph phọ kụ esugha ẹman ịraar aḍughul-otu kụ ọba, pọ ịyaar aghuḍum mọ ọdi ókel li ụ́sighe; ḅịle kẹn úgbiom ụ́loghom mọ ọdi aḍighi ni ịyaar aghuḍum mọ; eḍighi ḅạphanya. Kụ ọpo ạa bọ, pọ ịkaraph phọ ịpe phọ ẹmhu ọdi. 19Tọrobo ẹnam lọ mẹepuan loor ẹphuph, pọ ugbini ugbini kẹ́ba, ịsighe eguom nịan. Ịnam mọ ịpe ẹzala bọ ị́ba ghan ni.
Tọrobo oye dị ạḅaal kụ ale aani ghan ịyaar aghuḍum ẹboroph phọ oḍighi bọ ọngo Ọmoogh-we phọ. 20Tọrobo oye dị ụ́zala ụ́ḅaal kụ ale aani ịyaar aghuḍum ẹboroph phọ, pọ awe ọdi oroph ghan nyọdi ogbeph omutonaan nyọdi. 21Tọrobo oye lọ ạḅogh ịyaar lọ ị́zala ị́ḅaal, mꞌoye lọ mạapuan loor, mꞌẹnam lọ mẹphuph, mꞌịyaar lọ eḍighi ḅạphanya, kụ ale aani eḍien ẹboroph phọ, ẹpe eru bọ ẹlo Ọmoogh-we phọ, pọ oroph ghan nyọdi ogbeph omutonaan nyọdi esi awe phọ ọdi.
22Ọmoogh-we phọ ạghaaph ạḅeni Mozis 23mọ ạḅeni we phọ Ịzirel mọ, “Kẹ́ba ghan ẹnuum ẹnam, mꞌạnam mꞌoyool-ọga, mꞌạtu-ọga. 24Ẹnuum ẹnam lọ ogina ọdi ạpu bịn amugh ị́ba ghan. Ẹnuum ẹnam lọ elhom ẹnam eghiigh ị́ba ghan. Otue ni ọsighe oḍighinom ẹnon ịyaar, kụ ịyaar dị keḍighi ịdi nyina kẹtuan kụ ẹba kị́tol. 25Tọrobo oye lọ ạa ẹnuum ẹnam ịyaar aghuḍum ịbiakpa lọ oḍighinom ọngo Ọmoogh-we phọ, pọ itoph ghan oye phọ ọpo ogbeph, emutonaan nyọdi esi awe phọ ọdi. 26#Emi 9.4; Lịv 17.10-14; 19.26; Dut 12.16, 23; 15.23Kẹn, ị́ba ghan ịḅaal, mꞌịlo ịnun mꞌịlo ẹnam, sịphe asimarugh phọ anyina. 27Tọrobo oye lọ ạa ịḅaal tọrobo ẹnam sịphe ogbo phọ anyina, pọ itoph ghan oye phọ ọpo ogbeph, emutonaan nyọdi esi awe phọ ọdi.”
28Kụ Ọmoogh-we phọ ạghaaph ạḅeni Mozis 29mọ ạḅeni we phọ Ịzirel mọ, “Tọrobo oye lọ ratu oḍighi ịyaar aghuḍum ẹboroph ọngo Ọmoogh-we phọ, pọ ọdi ạsighe ghan ịyaar aghuḍum ịbiakpa phọ ẹpe ọdi ạpham bọ ratumom oḍighinom ịyaar aghuḍum oḅio ogiph, ạghimom egbodo Ọmoogh-we phọ. 30Ọdi kụ ạsighe rạghaagh ọdi kụ ạsighe ịyaar aghuḍum mọ koḍighinom bọ nịan, ạsighe aruomonaan Ọmoogh-we phọ. Ọsighe ẹnuum mọ rꞌạmamaam mọ owoph nyọdi, ọphighiron ẹkia phọ egbodo Ọmoogh-we phọ. 31Kụ oyil ạrikia phọ ạsighe ẹnuum mọ aguom nịan sịphe ạnyu enmeny phọ; kụ ẹmi phọ ẹlo Eeron rꞌạnmuny phọ ọdi. 32Ạsighe ḍiphe-elhiom mọ ạngo oyil ạrikia phọ. Ẹphen phọ ịyaar aghuḍum obio giph, esi ịyaar aghuḍum ẹboroph phọ nạ aḍighi bọ. 33Sịphe ạnmuny phọ Eeron, ọpo ạmeera bọ kụ ạsighe ịḅaal phọ rꞌẹnuum mọ kụ ạphighiron bọ ẹkia ẹboroph phọ, aḍiphe-elhiom mọ ạḍio ọdi. 34Ạmamaam mọ rꞌaḍiphe-elhiom mọ oḍighinom bọ ịyaar aghuḍum mọ obio giph phọ, mị mịaar inyina awe phọ Ịzirel ạngo Eeron rꞌạnmuny phọ ọdi. Ịphen phọ iigbia dị nyina awe Ịzirel kegbi oghiil atum oghiil.” 35Mụen phọ abin ịko phọ ọngo bọ Eeron rꞌạnmuny phọ ọdi ḍio phọ odeneghi bọ bịdi. 36Ḍio phọ ạḍiphe Ọmoogh-we phọ ạto bọ ạḅeni we phọ Ịzirel mọ ọsighe ghan bin phọ ạmuen ọngo bịdi. Ẹphen phọ eru eḍighinom ịyaar esi anyina dị kẹtol oghiil atum oghiil kꞌagee-pọ.
37Ịphen phọ kụ iilogh ịlo ạrikia mọ, ẹlo oguom nịan, rꞌẹlo ịbiakpa, rꞌẹlo oselemian aloor esi ịkaraph, rꞌẹlo ọkpe-oḅulemi, rꞌẹlo odeneghi ariil ạrikia, rꞌẹlo ẹboroph. 38Ịphen phọ kụ iilogh dị Ọmoogh-we phọ adoghoḍi ạḅeni Mozis sịphe Eegum aSainai, ḍio phọ ạḍiphe ọdi ạto bọ ạḅeni we phọ Ịzirel sịphe ẹdala mọ ịphen kụ ạrikia dị bịdi koḍighi ghan ọngo nyọdi.
Currently Selected:
Lịvitikos 7: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Lịvitikos 7
7
Ạrikia ọkpe-oḅulemian
1Ịphen phọ kụ ịinua ạrikia ọkpe-oḅulemi. Eḍighi ni igbogh iigbia. 2Ẹpe ephunom enmeny phọ, esi phọ ẹpe rọze ghan bọ ịnam ạrikia oguom ạnian phọ kụ ẹdi kọze aani ịnam ạrikia ọkpe-oḅulemi phọ, ọsighe ịḅaal phọ ọsaraghi okitonom oomo enmeny phọ. 3Oyil ạrikia phọ ạsighe ghan oomo ẹnuum mọ, ẹekpolodum, rꞌẹnuum mọ ẹpe eekpereghiom bọ ịpe ọkuruḅaka, ạsighe oomo phọ ịdi ạphighironom ẹkia phọ, 4ạḅaram ịyal phọ ịkpinyoom mọ rꞌẹnuum mọ edimom bọ loor ạbidi, rꞌẹebogh ẹnuum mọ ẹpe ẹḅaram bọ sịphe ạni phọ, ạpoghoron ạsighe, 5ạḅam ạnyu enmeny phọ aguom nịan. Ẹphen phọ ẹkia dị oguom nịan ọphighironaan ọngo Ọmoogh-we phọ, ẹkia ọkpe-oḅulemi. 6Oomo alephiri ạnmuny arughunughun ariil ạrikia phọ Eeron kụ olhe ghan. Ọrol ghan esi iigbia kụ olhe. Eḍighi ni igbogh iigbia.
7Ịdipho ẹkia oselemian aloor phọ edi bọ, ịdipho kẹn kụ ẹdi ẹkia ọkpe-oḅulemi phọ ẹrol. Ịyal phọ ịdi, oniin ologh. Oyil ạrikia phọ awoph bọ kụ ạmoogh ịinua phọ owophom bọ. 8Oyil ạrikia phọ ọpo ạphighiron bọ ẹkia oguom ạnian phọ, ọdi kụ ạmoogh ozu ẹnam mọ. 9Oomo ạbred phọ ọpo ọphighoronom bọ ẹkia phọ, ọpo ọgbaghaḍi bọ loor ọnyoki rꞌọpo ọsaam bọ guugh, ịlo oyil ẹkia phọ. 10Tọrobo ẹkia ịbiakpa phọ, mꞌẹgharaghar mꞌokirionom bọ mụnum, ạḍikool ariil ạrikia phọ Eeron kụ oolhema ghan odian.
Ịyaar aghuḍum ẹboroph
11Ọphon phọ ologh ịyaar aghuḍum ẹboroph lọ roḍighi kọngo Ọmoogh-we phọ. 12Eru mạar dị oye ratu oḍighi ịyaar aghuḍum ọseph Ọmoogh-we phọ, pọ ọdi ạsighe ghan ẹnam ạḅaram kek lọ yist ụ́logh ạtoghoḍiom mụnum rꞌịpherepe ipoḍi ạkikia lọ okironom mụnum rꞌakek lọ ọtoghoḍiom mụnum kụ ọgbaghaḍi. 13Ạḅile ạḅaram brẹd lọ ọlogh yist kụ ạphighironom ẹkia ọsephom mọ, ịyaar aghuḍum ẹboroph. 14Kụ sịphe phọ ọdi ạsighe oniin akek ạphighironom ẹkia obio giph ạngo Ọmoogh-we phọ. Ẹphen phọ ẹlo oyil ạrikia phọ ọpo ạsaraghi bọ ịḅaal ịyaar aghuḍum ẹboroph phọ. 15Kụ iphulupul ẹnam mọ ẹpe ọdi ạsephom bọ, ạphighironom ẹkia ẹboroph phọ, ịba ḍio phọ ạḍiphe bịn ẹmadan, kísugha ẹḅaal ḍịroor.
16Kụ eru mạar dị ịyaar aghuḍum ẹboroph phọ ọdi eḍighi ẹlo oguanaan mꞌẹlo ophooph ologhi, pọ kọba ni ḍio phọ ạḍiphe, kụ ẹḅaal ḍịroor ọḅile ọba ẹlo esugha, kụ mẹman ịraar aḍughul-otu pọ kụ́ba mun. 17Ẹnam mọ oḍighinom bọ ịyaar aghuḍum mọ kụ esugha ẹman ịraar aḍughul-otu, pọ ịsighe oguom nịan. 18Eru mạar dị ịnam mọ ịpe oḍighinom bọ ịyaar aghuḍum ẹboroph phọ kụ esugha ẹman ịraar aḍughul-otu kụ ọba, pọ ịyaar aghuḍum mọ ọdi ókel li ụ́sighe; ḅịle kẹn úgbiom ụ́loghom mọ ọdi aḍighi ni ịyaar aghuḍum mọ; eḍighi ḅạphanya. Kụ ọpo ạa bọ, pọ ịkaraph phọ ịpe phọ ẹmhu ọdi. 19Tọrobo ẹnam lọ mẹepuan loor ẹphuph, pọ ugbini ugbini kẹ́ba, ịsighe eguom nịan. Ịnam mọ ịpe ẹzala bọ ị́ba ghan ni.
Tọrobo oye dị ạḅaal kụ ale aani ghan ịyaar aghuḍum ẹboroph phọ oḍighi bọ ọngo Ọmoogh-we phọ. 20Tọrobo oye dị ụ́zala ụ́ḅaal kụ ale aani ịyaar aghuḍum ẹboroph phọ, pọ awe ọdi oroph ghan nyọdi ogbeph omutonaan nyọdi. 21Tọrobo oye lọ ạḅogh ịyaar lọ ị́zala ị́ḅaal, mꞌoye lọ mạapuan loor, mꞌẹnam lọ mẹphuph, mꞌịyaar lọ eḍighi ḅạphanya, kụ ale aani eḍien ẹboroph phọ, ẹpe eru bọ ẹlo Ọmoogh-we phọ, pọ oroph ghan nyọdi ogbeph omutonaan nyọdi esi awe phọ ọdi.
22Ọmoogh-we phọ ạghaaph ạḅeni Mozis 23mọ ạḅeni we phọ Ịzirel mọ, “Kẹ́ba ghan ẹnuum ẹnam, mꞌạnam mꞌoyool-ọga, mꞌạtu-ọga. 24Ẹnuum ẹnam lọ ogina ọdi ạpu bịn amugh ị́ba ghan. Ẹnuum ẹnam lọ elhom ẹnam eghiigh ị́ba ghan. Otue ni ọsighe oḍighinom ẹnon ịyaar, kụ ịyaar dị keḍighi ịdi nyina kẹtuan kụ ẹba kị́tol. 25Tọrobo oye lọ ạa ẹnuum ẹnam ịyaar aghuḍum ịbiakpa lọ oḍighinom ọngo Ọmoogh-we phọ, pọ itoph ghan oye phọ ọpo ogbeph, emutonaan nyọdi esi awe phọ ọdi. 26#Emi 9.4; Lịv 17.10-14; 19.26; Dut 12.16, 23; 15.23Kẹn, ị́ba ghan ịḅaal, mꞌịlo ịnun mꞌịlo ẹnam, sịphe asimarugh phọ anyina. 27Tọrobo oye lọ ạa ịḅaal tọrobo ẹnam sịphe ogbo phọ anyina, pọ itoph ghan oye phọ ọpo ogbeph, emutonaan nyọdi esi awe phọ ọdi.”
28Kụ Ọmoogh-we phọ ạghaaph ạḅeni Mozis 29mọ ạḅeni we phọ Ịzirel mọ, “Tọrobo oye lọ ratu oḍighi ịyaar aghuḍum ẹboroph ọngo Ọmoogh-we phọ, pọ ọdi ạsighe ghan ịyaar aghuḍum ịbiakpa phọ ẹpe ọdi ạpham bọ ratumom oḍighinom ịyaar aghuḍum oḅio ogiph, ạghimom egbodo Ọmoogh-we phọ. 30Ọdi kụ ạsighe rạghaagh ọdi kụ ạsighe ịyaar aghuḍum mọ koḍighinom bọ nịan, ạsighe aruomonaan Ọmoogh-we phọ. Ọsighe ẹnuum mọ rꞌạmamaam mọ owoph nyọdi, ọphighiron ẹkia phọ egbodo Ọmoogh-we phọ. 31Kụ oyil ạrikia phọ ạsighe ẹnuum mọ aguom nịan sịphe ạnyu enmeny phọ; kụ ẹmi phọ ẹlo Eeron rꞌạnmuny phọ ọdi. 32Ạsighe ḍiphe-elhiom mọ ạngo oyil ạrikia phọ. Ẹphen phọ ịyaar aghuḍum obio giph, esi ịyaar aghuḍum ẹboroph phọ nạ aḍighi bọ. 33Sịphe ạnmuny phọ Eeron, ọpo ạmeera bọ kụ ạsighe ịḅaal phọ rꞌẹnuum mọ kụ ạphighiron bọ ẹkia ẹboroph phọ, aḍiphe-elhiom mọ ạḍio ọdi. 34Ạmamaam mọ rꞌaḍiphe-elhiom mọ oḍighinom bọ ịyaar aghuḍum mọ obio giph phọ, mị mịaar inyina awe phọ Ịzirel ạngo Eeron rꞌạnmuny phọ ọdi. Ịphen phọ iigbia dị nyina awe Ịzirel kegbi oghiil atum oghiil.” 35Mụen phọ abin ịko phọ ọngo bọ Eeron rꞌạnmuny phọ ọdi ḍio phọ odeneghi bọ bịdi. 36Ḍio phọ ạḍiphe Ọmoogh-we phọ ạto bọ ạḅeni we phọ Ịzirel mọ ọsighe ghan bin phọ ạmuen ọngo bịdi. Ẹphen phọ eru eḍighinom ịyaar esi anyina dị kẹtol oghiil atum oghiil kꞌagee-pọ.
37Ịphen phọ kụ iilogh ịlo ạrikia mọ, ẹlo oguom nịan, rꞌẹlo ịbiakpa, rꞌẹlo oselemian aloor esi ịkaraph, rꞌẹlo ọkpe-oḅulemi, rꞌẹlo odeneghi ariil ạrikia, rꞌẹlo ẹboroph. 38Ịphen phọ kụ iilogh dị Ọmoogh-we phọ adoghoḍi ạḅeni Mozis sịphe Eegum aSainai, ḍio phọ ạḍiphe ọdi ạto bọ ạḅeni we phọ Ịzirel sịphe ẹdala mọ ịphen kụ ạrikia dị bịdi koḍighi ghan ọngo nyọdi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS