Lịvitikos 21
21
Ịdi ariil ạrikia kọpama siloor ịlo awe iigbia
1Ọmoogh-we phọ ạḅeni Mozis mọ ạḅeni nmụny phọ Eeron ạbupinyon rịkia phọ mọ, “Mị úmeera mọ oyil ạrikia ạapuan ghan loor esi oḍighi ạraraar amaḍi mem dị ọnyo asiya amugh, 2Omuton oye lọ ạkaraghi akulan nyọdi: onhiin ọdi, ọde ọdi, ọony ọdi, ọnyani ọdi, umor ọdi, 3umor ọdi ạnir-ephoph dị oye rꞌọdi esi kọ̋rolan dị ạkaraghi atuman nyọdi kụ ilhom kạ̋al, pọ ọdi ạapuan ni loor. 4Kụ́tuan mọ aḍighi ọnyo asiya ọdi loor apinien, ọdi ạghi ạapuan loor.
5 #
Lịv 19.27, 28; Dut 14.1 “Bịdi kúkula rụmhu ạbidi; ḅịle kẹn, kúkula ọleem ạbidi; ḅịle kẹn, kụ́kiripha siloor ạbidi. 6Bịdi ọphama siloor phọ ạbidi ịlo awe iigbia egbodo Ọmoogh-we phọ, kúufolomi ḍien phọ ạmi Ẹnaan phọ ạbidi, ịdi eḍighi bọ ẹkia ịbiakpa phọ ẹpe roguom ghan bọ nịan, bịdi kụ rọpighiron ghan kọngo nyọdi. Kụ iḍighi kụ bịdi oseerian siloor phọ ạbidi dọl iigbia. 7Bịdi kúpin oliom ẹmha ạnir lọ mạapuan loor; kẹn kúpin ạnir dị olhom ạḅamanaan ikpoki, ịdi eḍighi bọ oyil ạrikia phọ oye iigbia Ẹnaan phọ ọdi. 8Ẹkpianaan we phọ ọosa nyọdi oselemi oseere dọl iigbia, ịdi eḍighi bọ ọdi kụ rạpighiron ghan ẹkia eḍien kạngo Ẹnaan phọ ạbidi. Mị kụ Ọmoogh-we phọ ạasa bọ we phọ ạmi, mị Ẹnaan iigbia. 9Ọnyani oyil ạrikia lọ aafolomian loor ọdi, pọ maafolomi ọde phọ ọdi. Ịsighe nyọdi eguom nịan.
10“Oye lọ maḍighi uwo ẹmhu oyil ạrikia sịphe aḍita abumor phọ ọdi kụ mọsighe mụnum-ịko phọ ọsagharan ẹmhu ọdi, mọosa nyọdi ọkpologhian ghan ạrusuoma iigbia phọ. Ọdi kúkula ghan ẹmhu ọdi, ḅịle kẹn, kụ́panyi ghan rukpe ọdi ịlo oḍeenaan mọ ọdi rạto ni. 11-12Mị kụ Ọmoogh-we phọ. Eghoony iigbia phọ ọsagharan bọ mụnum-ịko phọ ạmi edi ẹmhu ọdi. Ọdi kụ́ḍua ghan sịphe Ẹphan phọ. Ḅịle kẹn, kụ́ubeeph ghan esi lọ ọmuneen oḍim ạapuan loor ọdi, kụ́tuan ọde ọdi mꞌonhiin ọdi. 13Ọdi aphin esina ọnyani lọ oye rꞌọdi esi kọ̋rolan. 14Bụen ọdi kúpin: ekpukele ạnir, ạnir lọ olhom ạḅamanaan ikpoki, ạnir lọ maafolomian loor rꞌoliom-ẹmha ạnir. Ọdi aphin esina ọnyani dị kọ̋ka sịphe eelhe phọ ạbidi. 15Ịdipho kụ ílho, ạnmuny phọ ọdi ọkpe bọ oḍighi bụo iigbia koḍighi esi ịko ị́ḅaal. Mị kụ Ọmoogh-we phọ kụ mị kụ ạasa bọ nyọdi.”
16Ọmoogh-we phọ ạghaaph ạḅeni Mozis 17mọ ạḅeni Eeron mọ, “Sịphe ọkuruḅaka phọ ạna, oghiil atum oghiil, ọlo kꞌạna lọ ạmoogh etuph, pọ ọdi kụ́ubeeph ịlo ọphighiron ẹkia eḍien ọngo ạmi Ẹnaan phọ ọdi. 18Oye lọ aḍigh ẹgha, mꞌọlo ariḍien meḅomoghian, mꞌọlo izon eḅomaan, mꞌọlo aḍizu ifuruma, 19mꞌoye lọ aruwol rꞌạraghaagh meḍiku ẹgha, 20mꞌoye lọ ạmoogh eḅu-ọman, mꞌẹkugha, mꞌọlo aḍigh ẹgha ariiḍien, mꞌọlo ạmoogh ịkpakiar, mꞌoophoony oye; 21tọrobo ọlo kꞌEeron oyil ạrikia phọ lọ ạmoogh etuph, pọ ọdi kụ́ubeeph ịlo oḍighi ịyaar aghuḍum mọ ọngo Ọmoogh-we phọ, nyẹpe roḍighinom ghan bọ nịan, ọphighiron ẹkia eḍien Ẹnaan phọ ọdi. 22Ọdo phọ oye phọ ọphon atue ni ale eḍien phọ ụngo bọ ịmi. Ịpe eḍighi bọ iboom iigbia rꞌoomo ạraraar phọ ịpe eḍighi bọ iigbia, ọdi ale ni. 23Ọdi kútu utuman sịphe ukpe Ẹphan phọ, kúḍuraan ụubeeph ẹpe enmeny ạrikia phọ, ịdi eḍighi bọ ọdi oye ẹgha, ọbo ọdi kạpue ghan bọ dọl iigbia phọ mị ạasa bọ. Mị kụ Ọmoogh-we phọ.”
24Ịphen kụ ịdi aMozis ạghaaph ạḅeni Eeron rꞌạnmuny phọ ọdi rꞌoomo awe phọ Ịzirel.
Currently Selected:
Lịvitikos 21: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Lịvitikos 21
21
Ịdi ariil ạrikia kọpama siloor ịlo awe iigbia
1Ọmoogh-we phọ ạḅeni Mozis mọ ạḅeni nmụny phọ Eeron ạbupinyon rịkia phọ mọ, “Mị úmeera mọ oyil ạrikia ạapuan ghan loor esi oḍighi ạraraar amaḍi mem dị ọnyo asiya amugh, 2Omuton oye lọ ạkaraghi akulan nyọdi: onhiin ọdi, ọde ọdi, ọony ọdi, ọnyani ọdi, umor ọdi, 3umor ọdi ạnir-ephoph dị oye rꞌọdi esi kọ̋rolan dị ạkaraghi atuman nyọdi kụ ilhom kạ̋al, pọ ọdi ạapuan ni loor. 4Kụ́tuan mọ aḍighi ọnyo asiya ọdi loor apinien, ọdi ạghi ạapuan loor.
5 #
Lịv 19.27, 28; Dut 14.1 “Bịdi kúkula rụmhu ạbidi; ḅịle kẹn, kúkula ọleem ạbidi; ḅịle kẹn, kụ́kiripha siloor ạbidi. 6Bịdi ọphama siloor phọ ạbidi ịlo awe iigbia egbodo Ọmoogh-we phọ, kúufolomi ḍien phọ ạmi Ẹnaan phọ ạbidi, ịdi eḍighi bọ ẹkia ịbiakpa phọ ẹpe roguom ghan bọ nịan, bịdi kụ rọpighiron ghan kọngo nyọdi. Kụ iḍighi kụ bịdi oseerian siloor phọ ạbidi dọl iigbia. 7Bịdi kúpin oliom ẹmha ạnir lọ mạapuan loor; kẹn kúpin ạnir dị olhom ạḅamanaan ikpoki, ịdi eḍighi bọ oyil ạrikia phọ oye iigbia Ẹnaan phọ ọdi. 8Ẹkpianaan we phọ ọosa nyọdi oselemi oseere dọl iigbia, ịdi eḍighi bọ ọdi kụ rạpighiron ghan ẹkia eḍien kạngo Ẹnaan phọ ạbidi. Mị kụ Ọmoogh-we phọ ạasa bọ we phọ ạmi, mị Ẹnaan iigbia. 9Ọnyani oyil ạrikia lọ aafolomian loor ọdi, pọ maafolomi ọde phọ ọdi. Ịsighe nyọdi eguom nịan.
10“Oye lọ maḍighi uwo ẹmhu oyil ạrikia sịphe aḍita abumor phọ ọdi kụ mọsighe mụnum-ịko phọ ọsagharan ẹmhu ọdi, mọosa nyọdi ọkpologhian ghan ạrusuoma iigbia phọ. Ọdi kúkula ghan ẹmhu ọdi, ḅịle kẹn, kụ́panyi ghan rukpe ọdi ịlo oḍeenaan mọ ọdi rạto ni. 11-12Mị kụ Ọmoogh-we phọ. Eghoony iigbia phọ ọsagharan bọ mụnum-ịko phọ ạmi edi ẹmhu ọdi. Ọdi kụ́ḍua ghan sịphe Ẹphan phọ. Ḅịle kẹn, kụ́ubeeph ghan esi lọ ọmuneen oḍim ạapuan loor ọdi, kụ́tuan ọde ọdi mꞌonhiin ọdi. 13Ọdi aphin esina ọnyani lọ oye rꞌọdi esi kọ̋rolan. 14Bụen ọdi kúpin: ekpukele ạnir, ạnir lọ olhom ạḅamanaan ikpoki, ạnir lọ maafolomian loor rꞌoliom-ẹmha ạnir. Ọdi aphin esina ọnyani dị kọ̋ka sịphe eelhe phọ ạbidi. 15Ịdipho kụ ílho, ạnmuny phọ ọdi ọkpe bọ oḍighi bụo iigbia koḍighi esi ịko ị́ḅaal. Mị kụ Ọmoogh-we phọ kụ mị kụ ạasa bọ nyọdi.”
16Ọmoogh-we phọ ạghaaph ạḅeni Mozis 17mọ ạḅeni Eeron mọ, “Sịphe ọkuruḅaka phọ ạna, oghiil atum oghiil, ọlo kꞌạna lọ ạmoogh etuph, pọ ọdi kụ́ubeeph ịlo ọphighiron ẹkia eḍien ọngo ạmi Ẹnaan phọ ọdi. 18Oye lọ aḍigh ẹgha, mꞌọlo ariḍien meḅomoghian, mꞌọlo izon eḅomaan, mꞌọlo aḍizu ifuruma, 19mꞌoye lọ aruwol rꞌạraghaagh meḍiku ẹgha, 20mꞌoye lọ ạmoogh eḅu-ọman, mꞌẹkugha, mꞌọlo aḍigh ẹgha ariiḍien, mꞌọlo ạmoogh ịkpakiar, mꞌoophoony oye; 21tọrobo ọlo kꞌEeron oyil ạrikia phọ lọ ạmoogh etuph, pọ ọdi kụ́ubeeph ịlo oḍighi ịyaar aghuḍum mọ ọngo Ọmoogh-we phọ, nyẹpe roḍighinom ghan bọ nịan, ọphighiron ẹkia eḍien Ẹnaan phọ ọdi. 22Ọdo phọ oye phọ ọphon atue ni ale eḍien phọ ụngo bọ ịmi. Ịpe eḍighi bọ iboom iigbia rꞌoomo ạraraar phọ ịpe eḍighi bọ iigbia, ọdi ale ni. 23Ọdi kútu utuman sịphe ukpe Ẹphan phọ, kúḍuraan ụubeeph ẹpe enmeny ạrikia phọ, ịdi eḍighi bọ ọdi oye ẹgha, ọbo ọdi kạpue ghan bọ dọl iigbia phọ mị ạasa bọ. Mị kụ Ọmoogh-we phọ.”
24Ịphen kụ ịdi aMozis ạghaaph ạḅeni Eeron rꞌạnmuny phọ ọdi rꞌoomo awe phọ Ịzirel.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS