Lịvitikos 20
20
Ịikpia ịkaraph
1Ọmoogh-we phọ ạghaaph ạḅeni Mozis 2mọ ạḅeni we phọ Ịzirel mọ, “Tọrobo oye mꞌọlo ịsiphe ẹmha phọ mꞌooruen lọ rꞌanyina erughan kụ ạsighe oniin ọony ọdi ạḅogh ạngo Mọlek, pọ ikiigh ghan oye phọ ọpo. Nyina aḍita ạbuo ookpomoghan phọ itoḅol nyọdi ikpo. 3Mị rꞌaloor kakiririom oye phọ ọpo apogh; kụ mị atoph nyọdi ogbeph, amutonaan nyọdi esi awe phọ ọdi, ịdi eḍighi bọ ọdi mạsighe nyoniin ọony ọdi ạḅogh ạngo Mọlek; ọdi mạapu Dọl Iigbia phọ ạmi, ạpue ḍien iigbia phọ ạmi. 4Kụ eru mạar dị awe ịsiphe ẹmha phọ ophogh oye phọ ọpo bịn ọḅitonaan kụ oye phọ ọpo úkiigh, 5pọ mị kakiririom ni nyọdi rꞌopolo ọdi apogh. Mị atoph oye phọ ọpo phọ ogbeph, ạḅaram rꞌawe phọ ạbuphe rꞌọdi oḍighan bọ Mọlek oḍighi yogh ọdorodo phọ.
6“Tọrobo oye lọ aḍigh oghuugh ịmiin, ịiḍaany rꞌạghama kụ raḍighi yogh ọdorodo, pọ mị kakiririom ni oye phọ ọpo apogh. Mị atoph nyọdi ogbeph, ạgbatan nyọdi ạsighe, amutonaan nyọdi esi awe phọ ọdi. 7Ịpama siloor anyina eselemian ẹrol dọl aghuḍuul. Mị kụ Ọmoogh-we Ẹnaan phọ anyina. 8Iiko ghan iilogh phọ ạmi ẹdaph ghan kụ eḍighi. Mị kụ Ọmoogh-we phọ iseere bọ inyina dọl aghuḍuul phọ.”
9 #
Ẹḍua 21.17; Mat 15.4; Mạk 7.10 Tọrobo oye lọ aatuuny ọde ọdi mụghumo onhiin ọdi, pọ ikiigh oye phọ ọpo. Ịḅaal ọdi ẹmhu ọdi.
10 #
Ẹḍua 20.14; Lịv 18.20; Dut 5.18 Oye kụ aliom ẹmha ạnir ọnon oye; kẹn aliom ẹmha amatuman ọdi, pọ ịḅar ạnir phọ rꞌolephiri phọ eghiigh. 11#Lịv 18.8; Dut 22.30; 27.20Ọony kụ aliom ẹmha ạnir ọde ọdi, pọ ọdi mạmiin ẹdaḅa ọde ọdi, pọ ịḅar ịyal phọ ạbidi eghiigh; ịḅaal ạbidi, ẹmhu ạbidi. 12#Lịv 18.15Oye lọ ạrolan esi rꞌạnir ọony phọ ọdi, pọ ịḅar ịyal phọ ạbidi eghiigh. Bịdi mọkom ghẹlhe ịgbaragbara oseere. Ịḅaal ạbidi, ẹmhu ạbidi. 13#Lịv 18.22Ịyal alephiri ạnmuny kụ ọrolan esi ịdipho ạnir-ephoph rꞌolephiri ọony rọtolan ghan bọ esi, pọ ịyal phọ ạbidi moḍighi ugbini ugbini, pọ ịḅar ịyal phọ ạbidi eghiigh; ịḅaal ạbidi edi ẹmhu ạbidi. 14#Lịv 18.17; Dut 27.23Eru mạar dị oye kụ ạḅaraghi ạnir rꞌonhiin ọdi kụ aphinogh, pọ ịsighe ịraar phọ ạbidi bịn eguom nịan loor ạḅaphanya phọ bịdi moḍighi bọ. 15#Ẹḍua 22.19; Lịv 18.23; Dut 27.21Oye kụ ạrolan esi rꞌẹnam, pọ ikiigh oye phọ ọpo, eghiigh ẹnam mọ. 16Eru mạar dị ạnir-ephoph kụ ạrolan esi rꞌẹnam, pọ ikiigh ạnir phọ ọpo, eghiigh ẹnam mọ, ịḅar ịyal phọ ạbidi ẹze. Ịḅaal ạbidi edi ẹmhu ạbidi.
17 #
Lịv 18.9; Dut 27.22 Eru mạar dị oye ạsighe ọnyani ọde ọdi mꞌọnyani onhiin ọdi kụ ọdi ạmiin ẹdaḅa ọnyani phọ, ọnyani phọ ạmiin ẹdaḅa ọdi, ịphen phọ ạraraar umugholoor. Bịdi mọḅophoghan rꞌạbunon ạnmuny ịsiphe ologhi otu phọ, awe phọ ạbidi. Imutonaan ịyal phọ ạbidi eroph bịdi ogbeph esi awe phọ ạbidi. 18#Lịv 18.19Eru mạar dị oye ạrolan esi rꞌạnir lọ odi ẹmha ạnmariir, pọ ọdi mạmiin ẹmha ạnir phọ, pọ ạnir phọ mạyegheronaan ẹrol phọ ọdi; imutonaan ịyal phọ ạbidi eroph bịdi ogbeph esi awe phọ ạbidi.
19 #
Lịv 18.12-14
Oye kụ ạrolan esi rꞌumarani onhiin ọdi mꞌumarani ọde ọdi, pọ ọdi mạrolomi ẹdaḅa ọnyo asiya ọdi, pọ ịkaraph ạbidi edi ẹmhu ạbidi. 20Oye kụ ạrolan esi ạnir umor ọde phọ ọdi, pọ ọdi mạrolomi ẹdaḅa umor ọde phọ ọdi, pọ ịkaraph ạbidi edi ẹmhu ạbidi. Bịdi ọrol ẹ́mar tụtu bịdi omuughu. 21#Lịv 18.16Eru mạar dị oye ạsighe ạnir umor ọdi, pọ ạḅaphanya. Moḍue ọophi ẹmaria ạbidi, bịdi ọrol ẹ́mar bịn.
22Ịdaph ghan iilogh phọ ạmi rꞌịiruen phọ ạmi kụ ẹtuugh ghan eḍighi, ọbo ade phọ aKenan mị ịsighe bọ inyina rạki orughemi kikuḅa ghan bọ inyina ezuughi. 23Ị́daph ghan rọozo eḍighinom ạraraar awe areelhe phọ ịpe edi bọ risigh anyina mị kaporogh bọ ạwalalami, ịdi eḍighi bọ bịdi roḍighi yogh ghan idaleghe kịrokiro kụ mị ạtu bọ ạḅitonaan bịdi. 24Kụ mị rịḅeni bọ inyina mọ ade phọ ạḍiphe ạḍio anyina. Mị mịngaani inyina mọ ịmoogh de phọ; de ẹetool rꞌọninom. Mị kụ Ọmoogh-we Ẹnaan phọ anyina, ọpo mịgbatan bọ inyina esi awe phọ. 25Kụ iḍighi, nyina ịlogh ọku ịnam mọ ịpe ẹḅaal bọ rꞌịpe ị́ḅaal bọ, rꞌịnun phọ ịpe ẹḅaal bọ rꞌịpe ị́ḅaal bọ. Ị́sighe ghan siloor anyina ẹ́kuom ḅạphanya. Ị́sighe ghan ruwaloor anyina eḍighi ḅạphanya ịnam rꞌịnun rꞌesi ạtorobo oomo ạraraar phọ rekuura bọ sịen ade phọ, ịpe mị mạlhogh bọ ọku esi ạbidi rꞌanyina. 26Nyina iḍighi we aghuḍuul esi ạmi, ịdi eḍighi bọ mị kụ Ọmoogh-we phọ, mị kụ Ẹnaan aruukuan. Kụ iḍighi, kụ mị mịgbatan inyina ạsighe esi ạbueri phọ awe phọ, ọbo nyina eḍighi bụo ạmi.
27Kꞌạnir, kꞌolephiri dị aru uwaloor ịmiin mụghumo ọḅaghama, pọ itoḅol nyọdi ikpo dị amugh; ịḅaal ọdi edi ẹmhu ọdi.
Currently Selected:
Lịvitikos 20: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Lịvitikos 20
20
Ịikpia ịkaraph
1Ọmoogh-we phọ ạghaaph ạḅeni Mozis 2mọ ạḅeni we phọ Ịzirel mọ, “Tọrobo oye mꞌọlo ịsiphe ẹmha phọ mꞌooruen lọ rꞌanyina erughan kụ ạsighe oniin ọony ọdi ạḅogh ạngo Mọlek, pọ ikiigh ghan oye phọ ọpo. Nyina aḍita ạbuo ookpomoghan phọ itoḅol nyọdi ikpo. 3Mị rꞌaloor kakiririom oye phọ ọpo apogh; kụ mị atoph nyọdi ogbeph, amutonaan nyọdi esi awe phọ ọdi, ịdi eḍighi bọ ọdi mạsighe nyoniin ọony ọdi ạḅogh ạngo Mọlek; ọdi mạapu Dọl Iigbia phọ ạmi, ạpue ḍien iigbia phọ ạmi. 4Kụ eru mạar dị awe ịsiphe ẹmha phọ ophogh oye phọ ọpo bịn ọḅitonaan kụ oye phọ ọpo úkiigh, 5pọ mị kakiririom ni nyọdi rꞌopolo ọdi apogh. Mị atoph oye phọ ọpo phọ ogbeph, ạḅaram rꞌawe phọ ạbuphe rꞌọdi oḍighan bọ Mọlek oḍighi yogh ọdorodo phọ.
6“Tọrobo oye lọ aḍigh oghuugh ịmiin, ịiḍaany rꞌạghama kụ raḍighi yogh ọdorodo, pọ mị kakiririom ni oye phọ ọpo apogh. Mị atoph nyọdi ogbeph, ạgbatan nyọdi ạsighe, amutonaan nyọdi esi awe phọ ọdi. 7Ịpama siloor anyina eselemian ẹrol dọl aghuḍuul. Mị kụ Ọmoogh-we Ẹnaan phọ anyina. 8Iiko ghan iilogh phọ ạmi ẹdaph ghan kụ eḍighi. Mị kụ Ọmoogh-we phọ iseere bọ inyina dọl aghuḍuul phọ.”
9 #
Ẹḍua 21.17; Mat 15.4; Mạk 7.10 Tọrobo oye lọ aatuuny ọde ọdi mụghumo onhiin ọdi, pọ ikiigh oye phọ ọpo. Ịḅaal ọdi ẹmhu ọdi.
10 #
Ẹḍua 20.14; Lịv 18.20; Dut 5.18 Oye kụ aliom ẹmha ạnir ọnon oye; kẹn aliom ẹmha amatuman ọdi, pọ ịḅar ạnir phọ rꞌolephiri phọ eghiigh. 11#Lịv 18.8; Dut 22.30; 27.20Ọony kụ aliom ẹmha ạnir ọde ọdi, pọ ọdi mạmiin ẹdaḅa ọde ọdi, pọ ịḅar ịyal phọ ạbidi eghiigh; ịḅaal ạbidi, ẹmhu ạbidi. 12#Lịv 18.15Oye lọ ạrolan esi rꞌạnir ọony phọ ọdi, pọ ịḅar ịyal phọ ạbidi eghiigh. Bịdi mọkom ghẹlhe ịgbaragbara oseere. Ịḅaal ạbidi, ẹmhu ạbidi. 13#Lịv 18.22Ịyal alephiri ạnmuny kụ ọrolan esi ịdipho ạnir-ephoph rꞌolephiri ọony rọtolan ghan bọ esi, pọ ịyal phọ ạbidi moḍighi ugbini ugbini, pọ ịḅar ịyal phọ ạbidi eghiigh; ịḅaal ạbidi edi ẹmhu ạbidi. 14#Lịv 18.17; Dut 27.23Eru mạar dị oye kụ ạḅaraghi ạnir rꞌonhiin ọdi kụ aphinogh, pọ ịsighe ịraar phọ ạbidi bịn eguom nịan loor ạḅaphanya phọ bịdi moḍighi bọ. 15#Ẹḍua 22.19; Lịv 18.23; Dut 27.21Oye kụ ạrolan esi rꞌẹnam, pọ ikiigh oye phọ ọpo, eghiigh ẹnam mọ. 16Eru mạar dị ạnir-ephoph kụ ạrolan esi rꞌẹnam, pọ ikiigh ạnir phọ ọpo, eghiigh ẹnam mọ, ịḅar ịyal phọ ạbidi ẹze. Ịḅaal ạbidi edi ẹmhu ạbidi.
17 #
Lịv 18.9; Dut 27.22 Eru mạar dị oye ạsighe ọnyani ọde ọdi mꞌọnyani onhiin ọdi kụ ọdi ạmiin ẹdaḅa ọnyani phọ, ọnyani phọ ạmiin ẹdaḅa ọdi, ịphen phọ ạraraar umugholoor. Bịdi mọḅophoghan rꞌạbunon ạnmuny ịsiphe ologhi otu phọ, awe phọ ạbidi. Imutonaan ịyal phọ ạbidi eroph bịdi ogbeph esi awe phọ ạbidi. 18#Lịv 18.19Eru mạar dị oye ạrolan esi rꞌạnir lọ odi ẹmha ạnmariir, pọ ọdi mạmiin ẹmha ạnir phọ, pọ ạnir phọ mạyegheronaan ẹrol phọ ọdi; imutonaan ịyal phọ ạbidi eroph bịdi ogbeph esi awe phọ ạbidi.
19 #
Lịv 18.12-14
Oye kụ ạrolan esi rꞌumarani onhiin ọdi mꞌumarani ọde ọdi, pọ ọdi mạrolomi ẹdaḅa ọnyo asiya ọdi, pọ ịkaraph ạbidi edi ẹmhu ạbidi. 20Oye kụ ạrolan esi ạnir umor ọde phọ ọdi, pọ ọdi mạrolomi ẹdaḅa umor ọde phọ ọdi, pọ ịkaraph ạbidi edi ẹmhu ạbidi. Bịdi ọrol ẹ́mar tụtu bịdi omuughu. 21#Lịv 18.16Eru mạar dị oye ạsighe ạnir umor ọdi, pọ ạḅaphanya. Moḍue ọophi ẹmaria ạbidi, bịdi ọrol ẹ́mar bịn.
22Ịdaph ghan iilogh phọ ạmi rꞌịiruen phọ ạmi kụ ẹtuugh ghan eḍighi, ọbo ade phọ aKenan mị ịsighe bọ inyina rạki orughemi kikuḅa ghan bọ inyina ezuughi. 23Ị́daph ghan rọozo eḍighinom ạraraar awe areelhe phọ ịpe edi bọ risigh anyina mị kaporogh bọ ạwalalami, ịdi eḍighi bọ bịdi roḍighi yogh ghan idaleghe kịrokiro kụ mị ạtu bọ ạḅitonaan bịdi. 24Kụ mị rịḅeni bọ inyina mọ ade phọ ạḍiphe ạḍio anyina. Mị mịngaani inyina mọ ịmoogh de phọ; de ẹetool rꞌọninom. Mị kụ Ọmoogh-we Ẹnaan phọ anyina, ọpo mịgbatan bọ inyina esi awe phọ. 25Kụ iḍighi, nyina ịlogh ọku ịnam mọ ịpe ẹḅaal bọ rꞌịpe ị́ḅaal bọ, rꞌịnun phọ ịpe ẹḅaal bọ rꞌịpe ị́ḅaal bọ. Ị́sighe ghan siloor anyina ẹ́kuom ḅạphanya. Ị́sighe ghan ruwaloor anyina eḍighi ḅạphanya ịnam rꞌịnun rꞌesi ạtorobo oomo ạraraar phọ rekuura bọ sịen ade phọ, ịpe mị mạlhogh bọ ọku esi ạbidi rꞌanyina. 26Nyina iḍighi we aghuḍuul esi ạmi, ịdi eḍighi bọ mị kụ Ọmoogh-we phọ, mị kụ Ẹnaan aruukuan. Kụ iḍighi, kụ mị mịgbatan inyina ạsighe esi ạbueri phọ awe phọ, ọbo nyina eḍighi bụo ạmi.
27Kꞌạnir, kꞌolephiri dị aru uwaloor ịmiin mụghumo ọḅaghama, pọ itoḅol nyọdi ikpo dị amugh; ịḅaal ọdi edi ẹmhu ọdi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS