Lịvitikos 2
2
Ạrikia ịbiakpa
1Tọrobo amem dị ọnyo anyina ratu ọphighiron ẹkia ịbiakpa ọngo Ọmoogh-we phọ, pọ ọdi ạsighe ghan igeny ịgbieneen ịbiakpa ạsighe mụnum akironom ạsighe ịnsens aaḍuom. 2Ạghi ạngo riil ạrikia, nmụny phọ Eeron. Oyil ạrikia phọ akpoph ẹezua ạḍighaagh ịgbieneen ịbiakpa phọ rꞌạmunum mọ rꞌịnsens phọ bịn aguom nịan sịphe enmeny phọ ịlo ọotughianam ghan mọ mọphinyon oomo phọ ịdi ọngo Ọmoogh-we phọ, ẹkia eeḅi eḍu dị oguom nịan dị oḍighi ọngo Ọmoogh-we phọ. 3Kụ ịpe esugha bọ ịlo ariil ạrikia phọ. Ịphen phọ ạraraar iigbia ịdi eḍighi bọ ịlo ẹkia dị ọphighiron ọngo Ọmoogh-we phọ.
4Eru mạar dị ẹkia ịbiakpa phọ ọdi ratu bọ ọphighiron phọ eru ẹlo mọgbaghaḍi, pọ ạsighe ghan ịgbaghaḍineen ịlo yist ụ́logh, igeny ịgbieneen ịbiakpa dị okirionom mụnum, mụghumo ịpeḅere ipoḍi ạkikia ịlo yist ụ́logh kụ mụnum okironom, kụ arumom.
5Eru mạar dị ẹkia ịbiakpa phọ ọdi ratu bọ ọphighiron phọ eru ẹlo mọgbaghaḍi loor ọnyoki, pọ ạsighe ghan igeny ịgbieneen ịbiakpa dị yist ụ́logh dị okirionom mụnum, kụ arumom. 6Ạparion aḍighi ịpherepe ạsighe mụnum aaḍuom. Ẹphen phọ ẹkia ịbiakpa.
7Eru mạar dị ẹkia ịbiakpa phọ ọdi ratu bọ ọphighiron phọ eru ẹlo mọsa loor ạgbagba, pọ ạsighe ghan igeny ịgbieneen ịbiakpa dị okironom mụnum, kụ ọphighironom. 8Ạsighe ạghi egbodo Ọmoogh-we phọ, kụ ạngo oyil ạrikia phọ, dị ạsighe ạghi ẹpe enmeny phọ. 9Kụ oyil ạrikia phọ ạsighe muniin abin aguom nịan sịphe enmeny phọ ọotughianam ghan mọ mọphinyon oomo phọ ịdi ọngo Ọmoogh-we phọ, ẹkia eeḅi eḍu dị oguom nịan dị ọphighiron ọngo Ọmoogh-we phọ. 10Kụ ịpe esugha bọ ịlo ariil ạrikia phọ. Abin phọ ạmuen phọ abin iigbia, ịdi eḍighi bọ mụo ẹkia dị ọphighironaan ọngo Ọmoogh-we phọ.
11Kạ́sighe ghan ịyaar lọ ọlogh yist ạphighironom ẹkia ịbiakpa egbodo Ọmoogh-we phọ. Kạ́sighe yist mꞌẹnuum aḍiowo ạphighironom ẹkia oguom ạnian ạngo Ọmoogh-we phọ. 12Ẹkpe ni ọsighe ghan ịphen phọ ọphighironom ẹkia ịḅel iimuma phọ, kụ ị́kpe ọghimom ẹpe enmeny ạrikia oguom ạnian ọngo Ọmoogh-we phọ ọbo ephur eeḅi eḍu. 13Lọgh ghan boph tọrobo ẹkia ịbiakpa ịdi eḍighi bọ aboph kụ ạmeera ịyo phọ ạna rꞌẸnaan. 14Eru mạar dị nạ ạsighe ịḅel iimuma phọ ạna kụ ạpighironom ẹkia ịbiakpa egbodo Ọmoogh-we phọ, pọ sịghe ghan ịḅel arughuuny ịbiakpa lọ ọḅur nịan mụghumo ikpo lọ mọponyon; 15akironom mụnum, kụ ạsighe ịnsens aaḍuom. Ẹphen phọ ẹkia ịbiakpa. 16Oyil ạrikia phọ ạsighe ghan mụbam abin ịbiakpa phọ mọponyon bọ rꞌạmunum mọ rꞌoomo ịnsens phọ aguom nịan ịlo ọotughianam ghan. Ẹphen phọ ẹkia oguom ạnian dị kọpighironom ghan egbodo Ọmoogh-we phọ.
Currently Selected:
Lịvitikos 2: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Lịvitikos 2
2
Ạrikia ịbiakpa
1Tọrobo amem dị ọnyo anyina ratu ọphighiron ẹkia ịbiakpa ọngo Ọmoogh-we phọ, pọ ọdi ạsighe ghan igeny ịgbieneen ịbiakpa ạsighe mụnum akironom ạsighe ịnsens aaḍuom. 2Ạghi ạngo riil ạrikia, nmụny phọ Eeron. Oyil ạrikia phọ akpoph ẹezua ạḍighaagh ịgbieneen ịbiakpa phọ rꞌạmunum mọ rꞌịnsens phọ bịn aguom nịan sịphe enmeny phọ ịlo ọotughianam ghan mọ mọphinyon oomo phọ ịdi ọngo Ọmoogh-we phọ, ẹkia eeḅi eḍu dị oguom nịan dị oḍighi ọngo Ọmoogh-we phọ. 3Kụ ịpe esugha bọ ịlo ariil ạrikia phọ. Ịphen phọ ạraraar iigbia ịdi eḍighi bọ ịlo ẹkia dị ọphighiron ọngo Ọmoogh-we phọ.
4Eru mạar dị ẹkia ịbiakpa phọ ọdi ratu bọ ọphighiron phọ eru ẹlo mọgbaghaḍi, pọ ạsighe ghan ịgbaghaḍineen ịlo yist ụ́logh, igeny ịgbieneen ịbiakpa dị okirionom mụnum, mụghumo ịpeḅere ipoḍi ạkikia ịlo yist ụ́logh kụ mụnum okironom, kụ arumom.
5Eru mạar dị ẹkia ịbiakpa phọ ọdi ratu bọ ọphighiron phọ eru ẹlo mọgbaghaḍi loor ọnyoki, pọ ạsighe ghan igeny ịgbieneen ịbiakpa dị yist ụ́logh dị okirionom mụnum, kụ arumom. 6Ạparion aḍighi ịpherepe ạsighe mụnum aaḍuom. Ẹphen phọ ẹkia ịbiakpa.
7Eru mạar dị ẹkia ịbiakpa phọ ọdi ratu bọ ọphighiron phọ eru ẹlo mọsa loor ạgbagba, pọ ạsighe ghan igeny ịgbieneen ịbiakpa dị okironom mụnum, kụ ọphighironom. 8Ạsighe ạghi egbodo Ọmoogh-we phọ, kụ ạngo oyil ạrikia phọ, dị ạsighe ạghi ẹpe enmeny phọ. 9Kụ oyil ạrikia phọ ạsighe muniin abin aguom nịan sịphe enmeny phọ ọotughianam ghan mọ mọphinyon oomo phọ ịdi ọngo Ọmoogh-we phọ, ẹkia eeḅi eḍu dị oguom nịan dị ọphighiron ọngo Ọmoogh-we phọ. 10Kụ ịpe esugha bọ ịlo ariil ạrikia phọ. Abin phọ ạmuen phọ abin iigbia, ịdi eḍighi bọ mụo ẹkia dị ọphighironaan ọngo Ọmoogh-we phọ.
11Kạ́sighe ghan ịyaar lọ ọlogh yist ạphighironom ẹkia ịbiakpa egbodo Ọmoogh-we phọ. Kạ́sighe yist mꞌẹnuum aḍiowo ạphighironom ẹkia oguom ạnian ạngo Ọmoogh-we phọ. 12Ẹkpe ni ọsighe ghan ịphen phọ ọphighironom ẹkia ịḅel iimuma phọ, kụ ị́kpe ọghimom ẹpe enmeny ạrikia oguom ạnian ọngo Ọmoogh-we phọ ọbo ephur eeḅi eḍu. 13Lọgh ghan boph tọrobo ẹkia ịbiakpa ịdi eḍighi bọ aboph kụ ạmeera ịyo phọ ạna rꞌẸnaan. 14Eru mạar dị nạ ạsighe ịḅel iimuma phọ ạna kụ ạpighironom ẹkia ịbiakpa egbodo Ọmoogh-we phọ, pọ sịghe ghan ịḅel arughuuny ịbiakpa lọ ọḅur nịan mụghumo ikpo lọ mọponyon; 15akironom mụnum, kụ ạsighe ịnsens aaḍuom. Ẹphen phọ ẹkia ịbiakpa. 16Oyil ạrikia phọ ạsighe ghan mụbam abin ịbiakpa phọ mọponyon bọ rꞌạmunum mọ rꞌoomo ịnsens phọ aguom nịan ịlo ọotughianam ghan. Ẹphen phọ ẹkia oguom ạnian dị kọpighironom ghan egbodo Ọmoogh-we phọ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS