Lịvitikos 1
1
Ạrikia ịnam dị ọphophoghi ikpom
1-2Ọmoogh-we phọ ạmagh Mozis sịphe Ogbogo Ạdol Ọmoogh-we phọ kụ ạḅeni mọ kạaph ạḅeni we Ịzirel mọ tọrobo oye sịphe ogbo phọ anyina lọ ratu oḍighi ịyaar aghuḍum ọngo Ọmoogh-we phọ ạdaph ghan eḍighinom ạraraar phọ ẹphen.
Eru mạar dị ịyaar aghuḍum mọ ọdi eḍighi ẹlo ẹnam, pọ ạghi ghan sịphe ịnam mọ ọdi arughom bọ ạsighe nạm mꞌoyool-ọga mꞌạtu-ọga kụ aḍighinom ghan. 3Eru mạar dị ịyaar aghuḍum mọ ọdi ratu bọ oḍighi phọ eru ịyaar aghuḍum oguom ạnian, pọ ọdi ạsighe ghan olephiri ạnam dị loor kẹ̋epuan kụ ạpham arumom sịphe ọnhu-aḍibuo Ogbogo Ạdol Ọmoogh-we phọ. Ịdipho kụ ịdi kẹḅeeraan Ọmoogh-we phọ. 4Ọdi ạsighe rạghaagh ọdi ạḅam ẹmhu ẹnam mọ pọ mạphighironaan ni ẹkia phọ. 5Kụ ọdi aghiigh nạm mọ sịphe egbodo Ọmoogh-we phọ, kụ ariil ạrikia ạnmuny phọ Eeron ọsighe ịḅaal phọ ọsaraghi okitonom enmeny phọ edi bọ sịphe ọnhu-aḍibuo Ogbogo phọ. 6Ọdi ạkpoghoron ozu ẹnam ẹkia oguom ạnian phọ, ạsighe ạkanyan ạkiriph ịpherepe. 7Kụ ariil ạrikia phọ ọsighe nịan ọkpooni sịphe enmeny phọ, kụ ọsighe ịpe otumughi sịphe ạnian. 8Ariil ạrikia phọ ọsighe ịdipho mọkanyan bọ, ẹmhu phọ, rꞌẹnuum mọ ọḅamaghi ạnyu ịpe phọ otumughi bọ sịphe ạnian phọ edi bọ ạnyu enmeny phọ. 9Kụ ịpe ọkuruḅaka phọ rꞌaruwol phọ ọsighe mụum ootolom, kụ oyil ạrikia phọ ạsighe oomo phọ ịdi aguom nịan sịphe enmeny phọ, eḍighi ẹkia eeḅi eḍu dị oguom nịan ọngo Ọmoogh-we phọ.
10Kụ eru mạar dị ẹkia phọ ọdi ratu oghuom mọ eru ẹkia oguom ạnian ẹlo iyool mꞌạtu-ọga, pọ ọdi ạsighe ghan olephiri lọ loor kọ̋opuan kụ ạphighironom. 11Ọdi ạrol ẹpe ạḍighaagh ephunom enmeny phọ egbodo Ọmoogh-we phọ kụ ariil ạrikia phọ ạnmuny phọ Eeron ọsighe ịḅaal phọ ọsaraghi okitonom enmeny phọ. 12Oye phọ rọkanyan rọmadan ẹmhu phọ rꞌẹnuum mọ, kụ oyil ạrikia phọ ạsighe oomo ịnam ọga phọ ạḅamaghi ạnyu ịpe phọ otumughi bọ sịphe ạnian ạnyu enmeny phọ. 13Oye phọ ạsighe mụum aatolom ịpe ọkuruḅaka phọ rꞌaruwol phọ, kụ oyil ạrikia phọ ạsighe oomo phọ ịdi ạḅamaghi sịphe ạnyu enmeny phọ, aguom nịan. Ẹphen phọ ẹkia oguom ạnian, ẹkia eeḅi eḍu dị ọphighironom nịan ọngo Ọmoogh-we phọ.
14Kụ eru mạar dị ịyaar aghuḍum mọ ọdi ratu bọ ọphighiron phọ eru ẹkia phọ oguom ạnian ẹlo ẹnun, pọ ọdi ạsighe ghan ọkurughozo mꞌụḅereḍume kụ aḍighinom. 15Oyil ạrikia phọ ạsighe ạghi sịphe enmeny ạrikia phọ, kụ ạphur orum mọ mọ asoph ạsighe aguom nịan sịphe enmeny phọ, ạsighe ịḅaal phọ aaku sịphe ọgbal enmeny phọ. 16Ọdi ạpoghoron okuru ịḅal phọ odi bọ sịphe ooko ẹnun phọ rꞌasuphuugh phọ, ạsighe ạghi aseere atumeriom enmeny phọ, ạga emitenom erumuḍio phọ, ẹpe rozuughi ghan bọ ọoru phọ; 17ạsighe ạḅaram rꞌịyal phọ araphaaph phọ kụ́gbarion; kụ oyil ạrikia phọ ạsighe oomo phọ ịdi ạḅamaghi sịphe enmeny phọ aguom nịan, eḍighi ẹkia eeḅi eḍu dị ọphighironom nịan ọngo Ọmoogh-we phọ.
Currently Selected:
Lịvitikos 1: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Lịvitikos 1
1
Ạrikia ịnam dị ọphophoghi ikpom
1-2Ọmoogh-we phọ ạmagh Mozis sịphe Ogbogo Ạdol Ọmoogh-we phọ kụ ạḅeni mọ kạaph ạḅeni we Ịzirel mọ tọrobo oye sịphe ogbo phọ anyina lọ ratu oḍighi ịyaar aghuḍum ọngo Ọmoogh-we phọ ạdaph ghan eḍighinom ạraraar phọ ẹphen.
Eru mạar dị ịyaar aghuḍum mọ ọdi eḍighi ẹlo ẹnam, pọ ạghi ghan sịphe ịnam mọ ọdi arughom bọ ạsighe nạm mꞌoyool-ọga mꞌạtu-ọga kụ aḍighinom ghan. 3Eru mạar dị ịyaar aghuḍum mọ ọdi ratu bọ oḍighi phọ eru ịyaar aghuḍum oguom ạnian, pọ ọdi ạsighe ghan olephiri ạnam dị loor kẹ̋epuan kụ ạpham arumom sịphe ọnhu-aḍibuo Ogbogo Ạdol Ọmoogh-we phọ. Ịdipho kụ ịdi kẹḅeeraan Ọmoogh-we phọ. 4Ọdi ạsighe rạghaagh ọdi ạḅam ẹmhu ẹnam mọ pọ mạphighironaan ni ẹkia phọ. 5Kụ ọdi aghiigh nạm mọ sịphe egbodo Ọmoogh-we phọ, kụ ariil ạrikia ạnmuny phọ Eeron ọsighe ịḅaal phọ ọsaraghi okitonom enmeny phọ edi bọ sịphe ọnhu-aḍibuo Ogbogo phọ. 6Ọdi ạkpoghoron ozu ẹnam ẹkia oguom ạnian phọ, ạsighe ạkanyan ạkiriph ịpherepe. 7Kụ ariil ạrikia phọ ọsighe nịan ọkpooni sịphe enmeny phọ, kụ ọsighe ịpe otumughi sịphe ạnian. 8Ariil ạrikia phọ ọsighe ịdipho mọkanyan bọ, ẹmhu phọ, rꞌẹnuum mọ ọḅamaghi ạnyu ịpe phọ otumughi bọ sịphe ạnian phọ edi bọ ạnyu enmeny phọ. 9Kụ ịpe ọkuruḅaka phọ rꞌaruwol phọ ọsighe mụum ootolom, kụ oyil ạrikia phọ ạsighe oomo phọ ịdi aguom nịan sịphe enmeny phọ, eḍighi ẹkia eeḅi eḍu dị oguom nịan ọngo Ọmoogh-we phọ.
10Kụ eru mạar dị ẹkia phọ ọdi ratu oghuom mọ eru ẹkia oguom ạnian ẹlo iyool mꞌạtu-ọga, pọ ọdi ạsighe ghan olephiri lọ loor kọ̋opuan kụ ạphighironom. 11Ọdi ạrol ẹpe ạḍighaagh ephunom enmeny phọ egbodo Ọmoogh-we phọ kụ ariil ạrikia phọ ạnmuny phọ Eeron ọsighe ịḅaal phọ ọsaraghi okitonom enmeny phọ. 12Oye phọ rọkanyan rọmadan ẹmhu phọ rꞌẹnuum mọ, kụ oyil ạrikia phọ ạsighe oomo ịnam ọga phọ ạḅamaghi ạnyu ịpe phọ otumughi bọ sịphe ạnian ạnyu enmeny phọ. 13Oye phọ ạsighe mụum aatolom ịpe ọkuruḅaka phọ rꞌaruwol phọ, kụ oyil ạrikia phọ ạsighe oomo phọ ịdi ạḅamaghi sịphe ạnyu enmeny phọ, aguom nịan. Ẹphen phọ ẹkia oguom ạnian, ẹkia eeḅi eḍu dị ọphighironom nịan ọngo Ọmoogh-we phọ.
14Kụ eru mạar dị ịyaar aghuḍum mọ ọdi ratu bọ ọphighiron phọ eru ẹkia phọ oguom ạnian ẹlo ẹnun, pọ ọdi ạsighe ghan ọkurughozo mꞌụḅereḍume kụ aḍighinom. 15Oyil ạrikia phọ ạsighe ạghi sịphe enmeny ạrikia phọ, kụ ạphur orum mọ mọ asoph ạsighe aguom nịan sịphe enmeny phọ, ạsighe ịḅaal phọ aaku sịphe ọgbal enmeny phọ. 16Ọdi ạpoghoron okuru ịḅal phọ odi bọ sịphe ooko ẹnun phọ rꞌasuphuugh phọ, ạsighe ạghi aseere atumeriom enmeny phọ, ạga emitenom erumuḍio phọ, ẹpe rozuughi ghan bọ ọoru phọ; 17ạsighe ạḅaram rꞌịyal phọ araphaaph phọ kụ́gbarion; kụ oyil ạrikia phọ ạsighe oomo phọ ịdi ạḅamaghi sịphe enmeny phọ aguom nịan, eḍighi ẹkia eeḅi eḍu dị ọphighironom nịan ọngo Ọmoogh-we phọ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS