Job 30
30
1Kụ ọlo awe dị mị kụ aḍighi okumoor oye apu rụmilogh ghan ịmi nyịidipho!
Ạburude ạbidi ụ́moogh ghan ịyaar oḍighinom kụ mị úmeera ghan
mọ bịdi ọloghonaan ḍịghaagh suogh ạmi rokori iyool-ịga ạmi.
2Bịdi uḍighi ghan ḍita awe dị mọghanyanu,
modugh ọpughan oḍighinaan ạmi, ịyaar.
3Bịdi uḍighi weye eboom ekulom rꞌọkoony
dị tụtu ọraal ghan ịgharaghar ạsini ireeny —
mem aḍughul, ogbo ologhi eḍum.
4Bịdi uruph ghan ịbam ireeny ẹpe ẹdala phọ kụ ọraalogh,
ghạlamo rꞌạsini eeberia phọ rẹ́dughan bọ ni!
5Tọrotoro oye aphorogh ghan bịdi rꞌịlooghi,
ịdipho ẹrol dị rọlooghiom rụḅa.
6Bịdi ụḅile ghan orughogh iloghi aropogh aruugum,
iloghi aropogh dị oguphogh ọgbal asighiigh dị ekpululu.
7Ẹpe elegheḍum mọ bịdi uukpomoghan ghan ịdipho ịnam,
ọḅile ookurughan ghan ẹpe eḍum mọ.
8Egu ạraraar dị ḍien ụ́moogh kụ úḍighi weye!
Uphorogh bịdi omitiom sịphe ade phọ.
9Nyịidipho bịdi otu kụ rụmilogh ghan ịmi;
mị maḍighi oghiil oye esi ạbidi.
10Bịdi ụ́wa mun ọmiin ạmi;
bịdi ọotughian mọ bụno ọnighe ọpughan otuman ạmi,
ọḅile ghụn rọsinoghom ghan ịghor risigh ạmi.
11Loor esi dị Ẹnaan midughe ịmi ḅịle mị ụ́moogh mun ọloghonaan ạḍighaagh,
bịdi ooghiraan bịn kụ ọsighe oomo ọghagh ologhi phọ ạbidi usomori ịmi.
12Aḍita awe phọ ạbuen phọ ruzuom ghan ịmi elephiri;
bịdi runyu ghan ịmi oghiil osuma; bịdi ookolobian ịinya ẹgham ạbidi dị esugha ọman.
13Bịdi osoph osoor ịduon mị rasuma bọ robianan ghan oogulemi ạmi;
kụ oye ólho ọmeremi ạbidi.
14Bịdi ọḍua ropogh iikpe okoriaam aloor ạmi
kụ omiteghu ozuom ẹmhu ạmi.
15Oboom aruugu rusiph ni ịmi;
eghuan phọ ạmi mẹḍua ịdipho ookuugh dị ophula ọlogh esi kụ ịyaar phọ eruphaan,
ḅịle kẹn ẹelha phọ ạmi ẹkigh ọotu.
16Nyịidipho aḍuugh ạmi mẹebeeph;
ophooghian ólho ịminimiin phọ ạmi.
17Mem aḍughul oomo ịḅarara phọ ạmi repin ghan ni;
eephina phọ ẹpe rịgbiloghom bọ ịmi eekuna ílho.
18Ẹnaan mesiph orum ạsuoma phọ ạmi,
ạḅile apurughi bịn ạsuoma phọ anmia ịpe ạrol ghan bọ.
19Ọdi muroph ịmi asumeeny ọposo;
mị ụ́nighe upu ẹenir.
20Mị ạmagh nyịna, Ẹnaan, kụ ọlo nạ ómegheron;
kụ mem lọ mị ạaḅereghi, nạ ráler ghan mun rụru.
21Nạ ạsighe ẹkaraph ekpeḍien kụ ruphoghom ịmi;
nạ ạsighe oomo ịikpo phọ ạna kụ rụgbiphoghom ịmi.
22Nạ ameera kụ ookuugh uphula ịmi ạsighe;
nạ ameera kụ oologh ụphiphoghom ịmi.
23Mị alegheri ni mọ nạ ụsighe ịmi rạkiom ḍuugh ạmi,
ọda phọ ọpo odianaan bọ tọrotoro oye.
24Eeghe kụ iḍighi kụ nạ azuom ẹgham oye dị maguul,
oye dị kátue aḍighi ịyaar omuton ọlom ọnma ighirigiir?
25Mịna úmoghinaan ghan weye lọ odi esi ịiḅaghami ḍụghum,
ạḅile amoghinaan weye lọ ạraraar rẹeḅaghami?
26Mị uḍuom ghan ologhi ọmoogh iboh rꞌạḍiḅaal,
kụ ọlo ịiḅaghami rꞌufiri kụ ịḅile ghụn eru.
27Amukum ologhi rꞌịiḅaghami meḍighi ịdi aloor phọ ạmi ẹḍua ni bịn;
mị ạmoogh ịminimiin bịn ḍio etum ḍio.
28Mị ạnmir bịn kụ ratelhiom ghan, erumuḍio phọ ị́mu mun;
mị ạmeera esi ogbo kụ ạlom ọloghonaan ạḍighaagh.
29Ẹḍogh ạmi ebeeph ẹḅile edi ighirigiir
ịdipho ẹḍogh aḍighololoony mꞌostris.
30Aḍizu phọ ạmi mekitonu ebil; osipheeny rụnuemi ịmi.
31Sịphe mị ạnaghan ghan bọ sụor iboh,
nyịidipho mị rạnaghan ghan emoghi rꞌọto bịn.
Currently Selected:
Job 30: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Job 30
30
1Kụ ọlo awe dị mị kụ aḍighi okumoor oye apu rụmilogh ghan ịmi nyịidipho!
Ạburude ạbidi ụ́moogh ghan ịyaar oḍighinom kụ mị úmeera ghan
mọ bịdi ọloghonaan ḍịghaagh suogh ạmi rokori iyool-ịga ạmi.
2Bịdi uḍighi ghan ḍita awe dị mọghanyanu,
modugh ọpughan oḍighinaan ạmi, ịyaar.
3Bịdi uḍighi weye eboom ekulom rꞌọkoony
dị tụtu ọraal ghan ịgharaghar ạsini ireeny —
mem aḍughul, ogbo ologhi eḍum.
4Bịdi uruph ghan ịbam ireeny ẹpe ẹdala phọ kụ ọraalogh,
ghạlamo rꞌạsini eeberia phọ rẹ́dughan bọ ni!
5Tọrotoro oye aphorogh ghan bịdi rꞌịlooghi,
ịdipho ẹrol dị rọlooghiom rụḅa.
6Bịdi ụḅile ghan orughogh iloghi aropogh aruugum,
iloghi aropogh dị oguphogh ọgbal asighiigh dị ekpululu.
7Ẹpe elegheḍum mọ bịdi uukpomoghan ghan ịdipho ịnam,
ọḅile ookurughan ghan ẹpe eḍum mọ.
8Egu ạraraar dị ḍien ụ́moogh kụ úḍighi weye!
Uphorogh bịdi omitiom sịphe ade phọ.
9Nyịidipho bịdi otu kụ rụmilogh ghan ịmi;
mị maḍighi oghiil oye esi ạbidi.
10Bịdi ụ́wa mun ọmiin ạmi;
bịdi ọotughian mọ bụno ọnighe ọpughan otuman ạmi,
ọḅile ghụn rọsinoghom ghan ịghor risigh ạmi.
11Loor esi dị Ẹnaan midughe ịmi ḅịle mị ụ́moogh mun ọloghonaan ạḍighaagh,
bịdi ooghiraan bịn kụ ọsighe oomo ọghagh ologhi phọ ạbidi usomori ịmi.
12Aḍita awe phọ ạbuen phọ ruzuom ghan ịmi elephiri;
bịdi runyu ghan ịmi oghiil osuma; bịdi ookolobian ịinya ẹgham ạbidi dị esugha ọman.
13Bịdi osoph osoor ịduon mị rasuma bọ robianan ghan oogulemi ạmi;
kụ oye ólho ọmeremi ạbidi.
14Bịdi ọḍua ropogh iikpe okoriaam aloor ạmi
kụ omiteghu ozuom ẹmhu ạmi.
15Oboom aruugu rusiph ni ịmi;
eghuan phọ ạmi mẹḍua ịdipho ookuugh dị ophula ọlogh esi kụ ịyaar phọ eruphaan,
ḅịle kẹn ẹelha phọ ạmi ẹkigh ọotu.
16Nyịidipho aḍuugh ạmi mẹebeeph;
ophooghian ólho ịminimiin phọ ạmi.
17Mem aḍughul oomo ịḅarara phọ ạmi repin ghan ni;
eephina phọ ẹpe rịgbiloghom bọ ịmi eekuna ílho.
18Ẹnaan mesiph orum ạsuoma phọ ạmi,
ạḅile apurughi bịn ạsuoma phọ anmia ịpe ạrol ghan bọ.
19Ọdi muroph ịmi asumeeny ọposo;
mị ụ́nighe upu ẹenir.
20Mị ạmagh nyịna, Ẹnaan, kụ ọlo nạ ómegheron;
kụ mem lọ mị ạaḅereghi, nạ ráler ghan mun rụru.
21Nạ ạsighe ẹkaraph ekpeḍien kụ ruphoghom ịmi;
nạ ạsighe oomo ịikpo phọ ạna kụ rụgbiphoghom ịmi.
22Nạ ameera kụ ookuugh uphula ịmi ạsighe;
nạ ameera kụ oologh ụphiphoghom ịmi.
23Mị alegheri ni mọ nạ ụsighe ịmi rạkiom ḍuugh ạmi,
ọda phọ ọpo odianaan bọ tọrotoro oye.
24Eeghe kụ iḍighi kụ nạ azuom ẹgham oye dị maguul,
oye dị kátue aḍighi ịyaar omuton ọlom ọnma ighirigiir?
25Mịna úmoghinaan ghan weye lọ odi esi ịiḅaghami ḍụghum,
ạḅile amoghinaan weye lọ ạraraar rẹeḅaghami?
26Mị uḍuom ghan ologhi ọmoogh iboh rꞌạḍiḅaal,
kụ ọlo ịiḅaghami rꞌufiri kụ ịḅile ghụn eru.
27Amukum ologhi rꞌịiḅaghami meḍighi ịdi aloor phọ ạmi ẹḍua ni bịn;
mị ạmoogh ịminimiin bịn ḍio etum ḍio.
28Mị ạnmir bịn kụ ratelhiom ghan, erumuḍio phọ ị́mu mun;
mị ạmeera esi ogbo kụ ạlom ọloghonaan ạḍighaagh.
29Ẹḍogh ạmi ebeeph ẹḅile edi ighirigiir
ịdipho ẹḍogh aḍighololoony mꞌostris.
30Aḍizu phọ ạmi mekitonu ebil; osipheeny rụnuemi ịmi.
31Sịphe mị ạnaghan ghan bọ sụor iboh,
nyịidipho mị rạnaghan ghan emoghi rꞌọto bịn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS