Hosia 12
12
1“Tọrobo ịyaar lọ awe phọ Ịzirel oḍighi kꞌạḍiroor kụ ẹteeny ḍughul oopho ni bịn ḅịle rꞌọphuenom. Iikeleghi rꞌọphueghi kụ iipaany ogbo ạbidi. Bịdi ọgian ḍịnya ịyo rꞌAsiria kụ omuulan ḍighi rꞌIjipt.”
2Ọmoogh-we phọ ạmoogh ni ọkpalham awe aJuda; ḅịle kẹn, ọdi kạliom ni Ịzirel loor eḍighinom mọ ạbidi. Ọdi kaḅulemian bịdi ịpe bịdi moḍighi bọ. 3#Emi 25.26#Emi 32.24-26ẠJekob, ọde ọde ạbidi, amirighan rꞌỊso umor phọ ọdi mem dị ịyal ạbidi ọrol ọkuruḅaka onhiin ạbidi rogirigiri; mem dị ạJekob ạmanam, ọdi eenan Ẹnaan — 4#Emi 28.10-22ọdi eenan ọokpaany kꞌạke kụ ạkpar apu. Ọdi amoghi kụ ạlom ḍịseph. Kụ ẹpe Bẹtel, Ẹnaan iru ẹteeny Jẹkob ọde ọde phọ ayira kụ ạḅaanaan nyọdi. 5Ọphon kụ Ọmoogh-we Ẹnaan Oomo Ịikpo phọ — Ọmoogh-we phọ kụ aḍien dị kooseenyom ghan nyọdi. 6Kụ nyịidipho, ẹemara ẹemara ạJekob, iḍuom ologhi esi Ẹnaan phọ anyina kụ eḅula esi ọdi. Isooromi loor kụ eḍighi ghan ịlo eseleman, kụ ẹmoogh ọkparam ekori ghan Ẹnaan phọ anyina ịpe ọdi kaḍighi bọ.
Ikpo ọnhu ịiruen dị esugha
7Ọmoogh-we phọ ạḅem mọ, “Awe phọ Ịzirel obeeph dọl ịdipho aKenanait; bịdi ọmoogh ḍịḅeeraan oogbegheḍiom ghan bumuul ḍighi ạbidi esi ạrotoom rꞌogbiighiom. 8‘Yira moḍum,’ bịdi ọḅem. ‘Yira mọmoogh ẹelha. Kụ oye ólho dị kụḍagha iyira mọ aghuḍum ayira ạkuo iigbegheḍiom.’ 9#Lịv 23.42, 43Kụ ọlo, mị, Ọmoogh-we Ẹnaan phọ anyina ọpo ịsighe bọ inyina ạḍuanam Ijipt, mị kaḍighi ịdi nyina kẹḅile etugh iloghi arugbogo, ịdipho nyina erugh ghan bọ mem mọ mị aru bọ ịteeny inyina ẹpe ẹdala phọ.
10“Mị ụḅaanaan riil phọ kụ ạgba uḍien ạḅeni bịdi, kụ esi ariil phọ kụ ẹdi mị ạphur we phọ ạmi rụru. 11Ghạlamo ni ịduon phọ bịn rooseeny ni ịkaaghineen ạrumugh ẹpe Gịliad, kụ bụphe rooseeny ghan bọ bịdi komugh ni. Ilephiri ạsinam kụ ẹdi rọpinyonom rịkia sịphe Gịlgal, kụ arenmeny phọ edi bọ ẹpe phọ keten ruḅum asighiigh sịphe ạḍiyaghaghaany ade phọ.”
12 #
Emi 29.1-20
Ịkpianaan ni Jẹkob ọde ọde phọ ayira osuma ogheel aMesopotamia, ekpisi dị ọdi kạmoogh ạnir, ọdi aḍighinaan oḍighi ọnon oye kụ aphogh ghan iyool-ịga oye phọ. 13#Ẹḍua 12.50, 51Ọmoogh-we phọ arom oyil mọ ạtagharan we phọ Ịzirel dọl ạrebene ẹpe Ijipt kụ ạmaar ạpham bịdi. 14Awe phọ Ịzirel moḍighi ịdi mephin ologhi Ọmoogh-we phọ; bịdi ọkpe omuughu loor ịkaraph phọ ạbidi. Ọmoogh-we phọ kạliom ni bịdi loor aroofola phọ bịdi moofolomi bọ nyọdi.
Currently Selected:
Hosia 12: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Hosia 12
12
1“Tọrobo ịyaar lọ awe phọ Ịzirel oḍighi kꞌạḍiroor kụ ẹteeny ḍughul oopho ni bịn ḅịle rꞌọphuenom. Iikeleghi rꞌọphueghi kụ iipaany ogbo ạbidi. Bịdi ọgian ḍịnya ịyo rꞌAsiria kụ omuulan ḍighi rꞌIjipt.”
2Ọmoogh-we phọ ạmoogh ni ọkpalham awe aJuda; ḅịle kẹn, ọdi kạliom ni Ịzirel loor eḍighinom mọ ạbidi. Ọdi kaḅulemian bịdi ịpe bịdi moḍighi bọ. 3#Emi 25.26#Emi 32.24-26ẠJekob, ọde ọde ạbidi, amirighan rꞌỊso umor phọ ọdi mem dị ịyal ạbidi ọrol ọkuruḅaka onhiin ạbidi rogirigiri; mem dị ạJekob ạmanam, ọdi eenan Ẹnaan — 4#Emi 28.10-22ọdi eenan ọokpaany kꞌạke kụ ạkpar apu. Ọdi amoghi kụ ạlom ḍịseph. Kụ ẹpe Bẹtel, Ẹnaan iru ẹteeny Jẹkob ọde ọde phọ ayira kụ ạḅaanaan nyọdi. 5Ọphon kụ Ọmoogh-we Ẹnaan Oomo Ịikpo phọ — Ọmoogh-we phọ kụ aḍien dị kooseenyom ghan nyọdi. 6Kụ nyịidipho, ẹemara ẹemara ạJekob, iḍuom ologhi esi Ẹnaan phọ anyina kụ eḅula esi ọdi. Isooromi loor kụ eḍighi ghan ịlo eseleman, kụ ẹmoogh ọkparam ekori ghan Ẹnaan phọ anyina ịpe ọdi kaḍighi bọ.
Ikpo ọnhu ịiruen dị esugha
7Ọmoogh-we phọ ạḅem mọ, “Awe phọ Ịzirel obeeph dọl ịdipho aKenanait; bịdi ọmoogh ḍịḅeeraan oogbegheḍiom ghan bumuul ḍighi ạbidi esi ạrotoom rꞌogbiighiom. 8‘Yira moḍum,’ bịdi ọḅem. ‘Yira mọmoogh ẹelha. Kụ oye ólho dị kụḍagha iyira mọ aghuḍum ayira ạkuo iigbegheḍiom.’ 9#Lịv 23.42, 43Kụ ọlo, mị, Ọmoogh-we Ẹnaan phọ anyina ọpo ịsighe bọ inyina ạḍuanam Ijipt, mị kaḍighi ịdi nyina kẹḅile etugh iloghi arugbogo, ịdipho nyina erugh ghan bọ mem mọ mị aru bọ ịteeny inyina ẹpe ẹdala phọ.
10“Mị ụḅaanaan riil phọ kụ ạgba uḍien ạḅeni bịdi, kụ esi ariil phọ kụ ẹdi mị ạphur we phọ ạmi rụru. 11Ghạlamo ni ịduon phọ bịn rooseeny ni ịkaaghineen ạrumugh ẹpe Gịliad, kụ bụphe rooseeny ghan bọ bịdi komugh ni. Ilephiri ạsinam kụ ẹdi rọpinyonom rịkia sịphe Gịlgal, kụ arenmeny phọ edi bọ ẹpe phọ keten ruḅum asighiigh sịphe ạḍiyaghaghaany ade phọ.”
12 #
Emi 29.1-20
Ịkpianaan ni Jẹkob ọde ọde phọ ayira osuma ogheel aMesopotamia, ekpisi dị ọdi kạmoogh ạnir, ọdi aḍighinaan oḍighi ọnon oye kụ aphogh ghan iyool-ịga oye phọ. 13#Ẹḍua 12.50, 51Ọmoogh-we phọ arom oyil mọ ạtagharan we phọ Ịzirel dọl ạrebene ẹpe Ijipt kụ ạmaar ạpham bịdi. 14Awe phọ Ịzirel moḍighi ịdi mephin ologhi Ọmoogh-we phọ; bịdi ọkpe omuughu loor ịkaraph phọ ạbidi. Ọmoogh-we phọ kạliom ni bịdi loor aroofola phọ bịdi moofolomi bọ nyọdi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS