TƐRƐCƐ TƐKAPƐSHƐNGA TI IYI NƐ ZWENI NU UTAKADA GA TƐRƐCƐ
TƐKAPƐSHƐNGA TI IYI NƐ ZWENI NU UTAKADA GA TƐRƐCƐ
Utakada ga Tɛrɛcɛ wa duma unabarɛ wa atwa Isrɛl na ashashɛ na to o gwumwongonu na shiywa buhanda, te kwuni na aka na ta a banɛ ni Ishɛmɛ Sainai tutu ee ci tugwungwu tụ ụzalụ ba cɛnjɛ tu na Agwatana shiri-unu maa bi zhɛ ba pana aŋ. Izeci utakada ga i shɛ iwɛ unabarɛ na namɛ geri-be-eshe, ibɛ shɛ iwɛ tɛrɛcɛ tu na go Moses rɛcɛ atwa Isrɛl ni Ishɛmɛ Sainai nazhɛ ee beni apata, keeni ma tu na aa rɛcɛ aŋ nu Moab geri bu uwaŋna-banụ bu Urefu Jodan iwɛ uwaŋnɛ na te ci hwuŋ. Aka na ta a rɛcɛ atwa Isrɛl ni Ishɛmɛ Sainai, nazhɛ ee zhe Kadɛsh-bania, tuzuba to tugwungwu ta cɛnjɛ ti Kenan, nazhɛ aa rɛcɛ aŋ nu Moab, ama tuba apata oo kwu ya, e teni shi ya cɛnjɛ ta ata ee ge shileni aŋ la unu tuba o. Na aba na te e ilegeji apata shiywa shu ufwugwo, nazhɛ ee hwuri geri bu uwaŋna-banụ bu Urefu Jodan, no ofwo umeseyi wa atwa ata oko a na jɛjɛ apata du, oo to ụhinjanụ maa a mama imanganjɛ maa e keshi Urefu ata maa e teni Kenan.
Nu utakada ga Tɛrɛcɛ, aa imanjɛ atwa na u'waba wa kwuswa keeni atwa na a nda inyɛsɛ ɛgbɛɛ aka na ti iyi nɛ gwụmɛ i ci tɛnda, keeni atwa na a tana Agwatana tigezhe, tu go Moses na Agwatana teri maa bu na 'yagaga aŋ. I shɛ iwɛ unabarɛ tɛcara ta Agwatana maa ima atwa ubwa u'ala iwɛ tulwogogo keeni unu wa aba hwụjɛshɛ keeni tishikono tu Moses ti tidimi, na aka oko na ti iyi nɛ bụtụ eri shi ba ima-isɛbwɛ, maa mama pana Agwatana keeni atwa ubwa hwɛɛ i ci.
Tudwotwogonu Tu Utakada ga na:
Atwa Isrɛl mama 'imɛ maa e genji Ishɛmɛ Sainai 1:1—9:23
a. Tɛrɛcɛ tu na aa rɛcɛ aŋ hiiŋ 1:1—4:49
b. Andwa tuswoswoswo na Agwatana peni atwa ubwa 5:1—8:26
c. Isene iyimɛyɛ tɛkashɛka nɛ aa njɛ na aka yebi 9:1-23
Te kwuni ni Ishɛmɛ Sainai i ci cɛnjɛ tu Moab 10:1—21:35
Iyi i'wɛtwɛ nɛ teni na cɛnjɛ tu Moab 22:1—32:42
Tusotulonu ta tahaŋnụ tu na tu banɛ ni Ijipti i ci cɛnjɛ tu Moab 33:1-49
Iyi nɛ ee sekekeni aŋ nazhɛ ee keshi Urefu Jodan 33:50—36:13
Currently Selected:
TƐRƐCƐ TƐKAPƐSHƐNGA TI IYI NƐ ZWENI NU UTAKADA GA TƐRƐCƐ: RBT
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008
TƐRƐCƐ TƐKAPƐSHƐNGA TI IYI NƐ ZWENI NU UTAKADA GA TƐRƐCƐ
TƐKAPƐSHƐNGA TI IYI NƐ ZWENI NU UTAKADA GA TƐRƐCƐ
Utakada ga Tɛrɛcɛ wa duma unabarɛ wa atwa Isrɛl na ashashɛ na to o gwumwongonu na shiywa buhanda, te kwuni na aka na ta a banɛ ni Ishɛmɛ Sainai tutu ee ci tugwungwu tụ ụzalụ ba cɛnjɛ tu na Agwatana shiri-unu maa bi zhɛ ba pana aŋ. Izeci utakada ga i shɛ iwɛ unabarɛ na namɛ geri-be-eshe, ibɛ shɛ iwɛ tɛrɛcɛ tu na go Moses rɛcɛ atwa Isrɛl ni Ishɛmɛ Sainai nazhɛ ee beni apata, keeni ma tu na aa rɛcɛ aŋ nu Moab geri bu uwaŋna-banụ bu Urefu Jodan iwɛ uwaŋnɛ na te ci hwuŋ. Aka na ta a rɛcɛ atwa Isrɛl ni Ishɛmɛ Sainai, nazhɛ ee zhe Kadɛsh-bania, tuzuba to tugwungwu ta cɛnjɛ ti Kenan, nazhɛ aa rɛcɛ aŋ nu Moab, ama tuba apata oo kwu ya, e teni shi ya cɛnjɛ ta ata ee ge shileni aŋ la unu tuba o. Na aba na te e ilegeji apata shiywa shu ufwugwo, nazhɛ ee hwuri geri bu uwaŋna-banụ bu Urefu Jodan, no ofwo umeseyi wa atwa ata oko a na jɛjɛ apata du, oo to ụhinjanụ maa a mama imanganjɛ maa e keshi Urefu ata maa e teni Kenan.
Nu utakada ga Tɛrɛcɛ, aa imanjɛ atwa na u'waba wa kwuswa keeni atwa na a nda inyɛsɛ ɛgbɛɛ aka na ti iyi nɛ gwụmɛ i ci tɛnda, keeni atwa na a tana Agwatana tigezhe, tu go Moses na Agwatana teri maa bu na 'yagaga aŋ. I shɛ iwɛ unabarɛ tɛcara ta Agwatana maa ima atwa ubwa u'ala iwɛ tulwogogo keeni unu wa aba hwụjɛshɛ keeni tishikono tu Moses ti tidimi, na aka oko na ti iyi nɛ bụtụ eri shi ba ima-isɛbwɛ, maa mama pana Agwatana keeni atwa ubwa hwɛɛ i ci.
Tudwotwogonu Tu Utakada ga na:
Atwa Isrɛl mama 'imɛ maa e genji Ishɛmɛ Sainai 1:1—9:23
a. Tɛrɛcɛ tu na aa rɛcɛ aŋ hiiŋ 1:1—4:49
b. Andwa tuswoswoswo na Agwatana peni atwa ubwa 5:1—8:26
c. Isene iyimɛyɛ tɛkashɛka nɛ aa njɛ na aka yebi 9:1-23
Te kwuni ni Ishɛmɛ Sainai i ci cɛnjɛ tu Moab 10:1—21:35
Iyi i'wɛtwɛ nɛ teni na cɛnjɛ tu Moab 22:1—32:42
Tusotulonu ta tahaŋnụ tu na tu banɛ ni Ijipti i ci cɛnjɛ tu Moab 33:1-49
Iyi nɛ ee sekekeni aŋ nazhɛ ee keshi Urefu Jodan 33:50—36:13
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008