TƐRƐCƐ 1
1
Tɛrɛcɛ tu na Aa Rɛcɛ Atwa Isrɛl Hiiŋ
1Nazhɛ AGWANGWAMA jɛmɛ n-ndumwa no Moses na amɛ udulo tu'ulwatagwụ nụ ụshɛka Sainai, nụ ụjita uhiiŋ nu upiana uyebi#1:1 upiana uyebi: Upiana ga uyebi ubwa Ehibru ɛ hiɛŋ, Ziv. Ubwa shɛ Biyebi ba aba, ubwa du kaa shɛ Biyebi ba Abassa, ubwa tuba shɛ te kwuni geri be April i ci May nu utakada upiana wo Oyibwo. nu uywa uyebi na ta atwa Isrɛl banɛ na cɛnjɛ ti Ijipti, bɛɛ hiɛŋ, 2Rɛta ma atwa amwamwa keeni alamụ atwa Isrɛl hwɛɛ, ahiɛba na Aron. 'Nyata ma nzeci me etwenyi elele ohiuhiu ohiuhiu aba, 3te kwuni na atwa na tizhɛla ta shiywa sha aba shi tuwo woshi i zhɛ geri-be-eshe, anaa na eri a nda ujasa hwɛɛ orubwo orubwo. 4Ga atwa na shɛ ehiu nhwaŋ a bananjɛ atwa oko oko nụ ụlamụ we elele maa e hi medenji maa e hi mbiyeni. 5Nzeci ma atwa na shɛ ehiu na alamụ ata a na kaa ee teri maa e hi mbiyeni ugondu ata na: Bụtụ na ee teri nụ ụlamụ Rubɛn i shɛ gɛ Ɛlizu yɛu-ye-eyi Shɛdɛu. 6Bụtụ na ee teri nụ ụlamụ Simion, i shɛ gɛ Shɛlumiɛl yɛu Zurishadai. 7Bụtụ na ee teri nụ ụlamụ Juda, i shɛ ga Nashon yɛu Aminadab. 8Bụtụ na ee teri nụ ụlamụ Isaka, i shɛ ge Netanɛl yɛu Zuar. 9Bụtụ na ee teri nụ ụlamụ Zɛbulon, i shɛ gɛ Ɛliab yɛu Hilon. 10Bụtụ na ee teri nụ ụlamụ Ifrem na shɛ yɛu Josɛf, i shɛ gɛ Ɛlishama yɛu Amihud. Bụtụ na ee teri nụ ụlamụ Manasɛ, i shɛ ga Gamaliɛl yɛu Pidazu. 11Bụtụ na ee teri nụ ụlamụ Bɛnjamin, i shɛ ga Abidan yɛu Gidioni. 12Bụtụ na ee teri nụ ụlamụ Dan, i shɛ ge Ehieze yɛu Amishadai. 13Bụtụ na ee teri nụ ụlamụ Ashɛ, i shɛ ge Pegiɛl yɛu Okran. 14Bụtụ na ee teri nụ ụlamụ Gad, i shɛ ge Iliasaf yɛu Dɛuyɛl. 15Bụtụ na ee teri nụ ụlamụ Naftali, i shɛ ga Ahira yɛu Inan 16Atwa ga aba shɛ ehwurembe na amwamwa alamụ eshi aba a na kaa ee teri na tu'ulwatagwụ ta atwa Isrɛl.
Ufwugwo wa Atwa na Banɛ na Alamụ Ga na
17Atwa ga umpwa-na-ba-eyebi, aba mbiyeni Moses keeni Aron, 18maa a suyanɛ tu'ulwatagwụ ta ata kpaaŋ urubwo uko nụ ụjita uhiiŋ nu upiana uyebi. E 'nyeci nzeci ma aba na alamụ aba keeni amwamwa aba. A rɛcɛ atwa na tizhɛla ta shiywa sha aba shi tuwo woshi i zhɛ geri-be-eshe, ee nyeci nzeci ma aba nu utakada, 19nu gana na ta AGWANGWAMA peni Moses unu. Nụ ụshɛka Sainai, baa rɛcɛ atwa ata. 20Etwenyi na aa rɛcɛ nzeci ma aba na awaŋnɛ alamụ Rubɛn, yɛu-ye-eyi Jekob ihiiŋ a na shiywa sha aba shi tuwo woshi i zhɛ geri-be-eshe, a na kaa waŋnɛ ujasa tɛnda, anaa na ee 'nyeci nzeci ma aba ohiuhiu ohiuhiu nu gana na te edenji amwamwa nhwaŋ me eshi aba namɛ na: 21Ufwugwo wa atwa ụlamụ Rubɛn namɛ igbɛɛ-woshi-ni-bɛ-tɛtu-na-akpakwụ-eyebi-ni-dipi-yebi (46,500).
22Atwa ụlamụ Simion, a na shɛ awaŋnɛ amwamwa nhwaŋ me eshi aba a na shɛ etwenyi elele na shiywa sha aba shi tuwo woshi i zhɛ geri-be-eshe anaa na waŋnɛ ujasa tɛnda: 23Ufwugwo wa atwa ụlamụ Simion hwɛɛ namɛ igbɛɛ-woshi-ni-bɛ-cinjishi-na-akpakwụ-ecihiŋ-ni-dipi-yebi (59,300).
24Atwa ụlamụ Gad, a na shɛ awaŋnɛ amwamwa nhwaŋ me eshi aba a na shɛ etwenyi elele na shiywa sha aba shi tuwo woshi i zhɛ geri-be-eshe anaa na waŋnɛ ujasa tɛnda: 25Ufwugwo ụlamụ Gad hwɛɛ namɛ igbɛɛ-woshi-ni-bɛ-yebi-na-akpakwụ-atụndatụ-nu-dupu (45,650).
26Atwa ụlamụ Juda, a na shɛ awaŋnɛ amwamwa nhwaŋ me eshi aba a na shɛ etwenyi elele na shiywa sha aba shi tuwo woshi i zhɛ geri-be-eshe anaa na waŋnɛ ujasa tɛnda: 27Ufwugwo ụlamụ Juda hwɛɛ namɛ igbɛɛ-talacɛ-ni-bɛ-cenje-na-akpakwụ-atụndatụ (74,600).
28Atwa ụlamụ Isaka, a na shɛ awaŋnɛ amwamwa nhwaŋ me eshi aba a na shɛ etwenyi elele na shiywa sha aba shi tuwo woshi i zhɛ geri-be-eshe anaa na waŋnɛ ujasa tɛnda: 29Ufwugwo ụlamụ Isaka hwɛɛ namɛ igbɛɛ-woshi-ni-bɛ-cenje-na-akpakwụ-eyebi (54,400).
30Atwa ụlamụ Zɛbulon, a na shɛ awaŋnɛ amwamwa nhwaŋ me eshi aba a na shɛ etwenyi elele na shiywa sha aba shi tuwo woshi i zhɛ geri-be-eshe anaa na waŋnɛ ujasa tɛnda: 31Ufwugwo ụlamụ Zɛbulon hwɛɛ, namɛ igbɛɛ-woshi-ni-bɛ-tindɛtu-na-akpakwụ-ecenje (57,400).
32Atwa ụlamụ Ifrem, a na shɛ awaŋnɛ amwamwa nhwaŋ me eshi aba a na shɛ etwenyi elele na shiywa sha aba shi tuwo woshi i zhɛ geri-be-eshe anaa na waŋnɛ ujasa tɛnda: 33Ufwugwo ụlamụ Ifrem hwɛɛ namɛ igbɛɛ-woshi-na-akpakwụ-eyebi-ni-dipi-yebi (40,500).
34Atwa ụlamụ Manasɛ, a na shɛ awaŋnɛ amwamwa nhwaŋ me eshi aba a na shɛ etwenyi elele na shiywa sha aba shi tuwo woshi i zhɛ geri-be-eshe anaa na waŋnɛ ujasa tɛnda: 35Ufwugwo ụlamụ Manasɛ hwɛɛ namɛ igbɛɛ-umpwa-ni-bɛ-cihiŋ-nu-kpakwụ-uko (32,200).
36Atwa ụlamụ Bɛnjamin, a na shɛ awaŋnɛ amwamwa nhwaŋ me eshi aba a na shɛ etwenyi elele na shiywa sha aba shi tuwo woshi i zhɛ geri-be-eshe anaa na waŋnɛ ujasa tɛnda: 37Ufwugwo ụlamụ Bɛnjamin hwɛɛ namɛ igbɛɛ-umpwa-ni-bɛ-cenje-na-akpakwụ-ecenje (35,400).
38Atwa ụlamụ Dan, a na shɛ awaŋnɛ amwamwa nhwaŋ me eshi aba a na shɛ etwenyi elele na shiywa sha aba shi tuwo woshi i zhɛ geri-be-eshe anaa na waŋnɛ ujasa tɛnda: 39Ufwugwo ụlamụ Dan hwɛɛ namɛ igbɛɛ-talacɛ-nu-boo-ko-na-akpakwụ-atatụ-ni-dipi-yebi (62,700).
40Atwa ụlamụ Ashɛ, a na shɛ awaŋnɛ amwamwa nhwaŋ me eshi aba a na shɛ etwenyi elele na shiywa sha aba shi tuwo woshi i zhɛ geri-be-eshe anaa na waŋnɛ ujasa tɛnda: 41Ufwugwo ụlamụ Ashɛ hwɛɛ namɛ igbɛɛ-woshi-na-akpakwụ-ecenje-ni-dipi-yebi (41,500).
42Atwa ụlamụ Naftali, a na shɛ awaŋnɛ amwamwa nhwaŋ me eshi aba a na shɛ etwenyi elele na shiywa sha aba shi tuwo woshi i zhɛ geri-be-eshe anaa na waŋnɛ ujasa tɛnda: 43Ufwugwo ụlamụ Naftali hwɛɛ namɛ igbɛɛ-woshi-ni-bɛ-cihiŋ-na-akpakwụ-ecenje (53,400).
44Atwa ga aba shɛ ehwurembe alamụ Isrɛl umpwa-na-ba-eyebi, a na go Moses, na Aron suji ee medenji atwa aba timbiyono na tɛrɛcɛ ta ata. Bụtụ bụtụ shɛ ụtarụtụ ihwɛ bishi bwa. 45Ufwugwo wa atwa Isrɛl te kwune na atwa elele na waŋnɛ ujasa tɛnda.#1:45 ufwugwo wa atwa Isrɛl: tu ko abayiburu oko hiɛŋ, atwa Jekob. Te Isrɛl ibɛ Agwatana po bu tobwolo bi 'yagawa izeci te Jekob. Hwɛɛ gana na tu nhwaŋ me eshi aba mu namɛ, 46Ufwugwo wa aba hwɛɛ namɛ igbɛɛ-akpakwụ-atatụ-ni-bɛyebi-na-akpakwụ-ecenje-ni-dipi-tɛtu (603,550).
Iwɛ Alivai Na
47A rɛcɛ shɛ ụlamụ wa Alivai na ashashɛ alamụ vwɛ o. 48AGWANGWAMA hiɛŋ Moses, 49Ta rɛta ụlamụ wa Alivai, na aka na aba rɛta atwa na waŋnɛ ujasa tɛnda na alamụ atwa Isrɛl vwɛ o. 50Ama ga shɛ Alivai ebi teri iwɛ udulo tu'ulwatagwụ, ti iwɛ i'wɛŋni'wɛŋni ibwɛ hwɛɛ. Aba shɛ a na 'waŋna uŋ, ti i'wɛŋnɛ ibwɛ hwɛɛ. Aba shɛ o no tono nu bwa maa a na nda ugondu. Aba shɛ a gɛgaga to rungwutwonu uŋ. 51Aka elele na ehi mwo tahaŋnụ, Alivai aba zhɛ o kwungwulo uŋ. Aka elele na ehi ci ofwo na maa hi zokwu, Alivai aba zhɛ e shikicingo uŋ. Binya bụtụ be elele na zhajɛ maa gwumwongonu nu bwa, ga kwụnɛ bụ. 52Ga atwa Isrɛl vwɛ shikecenji shidulo sha aba bụtụ bụtụ nu ugba ubwa, bụtụ bụtụ ga nama na atwa ubwa no ofwo igɛrigɛ ibwɛ. 53Ama ga shɛ Alivai kiri jwe ugba wa aba to gwumwongonu udulo ata u tiseyida, maa a na ngbaraka uŋ maa kede bụtụ be elele gwumwongonu nu bwa o, iwɛ maa kede isɛbwɛ mi ubi tu'ulwatagwụ ta atwa Isrɛl hwɛɛ o.#Tɛrɛ 3:5-8,21-37; 4:1-33; 18:3,4,23 54Atwa Isrɛl njɛ ga gana na ta AGWANGWAMA peni Moses unu hwɛɛ.
Currently Selected:
TƐRƐCƐ 1: RBT
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008
TƐRƐCƐ 1
1
Tɛrɛcɛ tu na Aa Rɛcɛ Atwa Isrɛl Hiiŋ
1Nazhɛ AGWANGWAMA jɛmɛ n-ndumwa no Moses na amɛ udulo tu'ulwatagwụ nụ ụshɛka Sainai, nụ ụjita uhiiŋ nu upiana uyebi#1:1 upiana uyebi: Upiana ga uyebi ubwa Ehibru ɛ hiɛŋ, Ziv. Ubwa shɛ Biyebi ba aba, ubwa du kaa shɛ Biyebi ba Abassa, ubwa tuba shɛ te kwuni geri be April i ci May nu utakada upiana wo Oyibwo. nu uywa uyebi na ta atwa Isrɛl banɛ na cɛnjɛ ti Ijipti, bɛɛ hiɛŋ, 2Rɛta ma atwa amwamwa keeni alamụ atwa Isrɛl hwɛɛ, ahiɛba na Aron. 'Nyata ma nzeci me etwenyi elele ohiuhiu ohiuhiu aba, 3te kwuni na atwa na tizhɛla ta shiywa sha aba shi tuwo woshi i zhɛ geri-be-eshe, anaa na eri a nda ujasa hwɛɛ orubwo orubwo. 4Ga atwa na shɛ ehiu nhwaŋ a bananjɛ atwa oko oko nụ ụlamụ we elele maa e hi medenji maa e hi mbiyeni. 5Nzeci ma atwa na shɛ ehiu na alamụ ata a na kaa ee teri maa e hi mbiyeni ugondu ata na: Bụtụ na ee teri nụ ụlamụ Rubɛn i shɛ gɛ Ɛlizu yɛu-ye-eyi Shɛdɛu. 6Bụtụ na ee teri nụ ụlamụ Simion, i shɛ gɛ Shɛlumiɛl yɛu Zurishadai. 7Bụtụ na ee teri nụ ụlamụ Juda, i shɛ ga Nashon yɛu Aminadab. 8Bụtụ na ee teri nụ ụlamụ Isaka, i shɛ ge Netanɛl yɛu Zuar. 9Bụtụ na ee teri nụ ụlamụ Zɛbulon, i shɛ gɛ Ɛliab yɛu Hilon. 10Bụtụ na ee teri nụ ụlamụ Ifrem na shɛ yɛu Josɛf, i shɛ gɛ Ɛlishama yɛu Amihud. Bụtụ na ee teri nụ ụlamụ Manasɛ, i shɛ ga Gamaliɛl yɛu Pidazu. 11Bụtụ na ee teri nụ ụlamụ Bɛnjamin, i shɛ ga Abidan yɛu Gidioni. 12Bụtụ na ee teri nụ ụlamụ Dan, i shɛ ge Ehieze yɛu Amishadai. 13Bụtụ na ee teri nụ ụlamụ Ashɛ, i shɛ ge Pegiɛl yɛu Okran. 14Bụtụ na ee teri nụ ụlamụ Gad, i shɛ ge Iliasaf yɛu Dɛuyɛl. 15Bụtụ na ee teri nụ ụlamụ Naftali, i shɛ ga Ahira yɛu Inan 16Atwa ga aba shɛ ehwurembe na amwamwa alamụ eshi aba a na kaa ee teri na tu'ulwatagwụ ta atwa Isrɛl.
Ufwugwo wa Atwa na Banɛ na Alamụ Ga na
17Atwa ga umpwa-na-ba-eyebi, aba mbiyeni Moses keeni Aron, 18maa a suyanɛ tu'ulwatagwụ ta ata kpaaŋ urubwo uko nụ ụjita uhiiŋ nu upiana uyebi. E 'nyeci nzeci ma aba na alamụ aba keeni amwamwa aba. A rɛcɛ atwa na tizhɛla ta shiywa sha aba shi tuwo woshi i zhɛ geri-be-eshe, ee nyeci nzeci ma aba nu utakada, 19nu gana na ta AGWANGWAMA peni Moses unu. Nụ ụshɛka Sainai, baa rɛcɛ atwa ata. 20Etwenyi na aa rɛcɛ nzeci ma aba na awaŋnɛ alamụ Rubɛn, yɛu-ye-eyi Jekob ihiiŋ a na shiywa sha aba shi tuwo woshi i zhɛ geri-be-eshe, a na kaa waŋnɛ ujasa tɛnda, anaa na ee 'nyeci nzeci ma aba ohiuhiu ohiuhiu nu gana na te edenji amwamwa nhwaŋ me eshi aba namɛ na: 21Ufwugwo wa atwa ụlamụ Rubɛn namɛ igbɛɛ-woshi-ni-bɛ-tɛtu-na-akpakwụ-eyebi-ni-dipi-yebi (46,500).
22Atwa ụlamụ Simion, a na shɛ awaŋnɛ amwamwa nhwaŋ me eshi aba a na shɛ etwenyi elele na shiywa sha aba shi tuwo woshi i zhɛ geri-be-eshe anaa na waŋnɛ ujasa tɛnda: 23Ufwugwo wa atwa ụlamụ Simion hwɛɛ namɛ igbɛɛ-woshi-ni-bɛ-cinjishi-na-akpakwụ-ecihiŋ-ni-dipi-yebi (59,300).
24Atwa ụlamụ Gad, a na shɛ awaŋnɛ amwamwa nhwaŋ me eshi aba a na shɛ etwenyi elele na shiywa sha aba shi tuwo woshi i zhɛ geri-be-eshe anaa na waŋnɛ ujasa tɛnda: 25Ufwugwo ụlamụ Gad hwɛɛ namɛ igbɛɛ-woshi-ni-bɛ-yebi-na-akpakwụ-atụndatụ-nu-dupu (45,650).
26Atwa ụlamụ Juda, a na shɛ awaŋnɛ amwamwa nhwaŋ me eshi aba a na shɛ etwenyi elele na shiywa sha aba shi tuwo woshi i zhɛ geri-be-eshe anaa na waŋnɛ ujasa tɛnda: 27Ufwugwo ụlamụ Juda hwɛɛ namɛ igbɛɛ-talacɛ-ni-bɛ-cenje-na-akpakwụ-atụndatụ (74,600).
28Atwa ụlamụ Isaka, a na shɛ awaŋnɛ amwamwa nhwaŋ me eshi aba a na shɛ etwenyi elele na shiywa sha aba shi tuwo woshi i zhɛ geri-be-eshe anaa na waŋnɛ ujasa tɛnda: 29Ufwugwo ụlamụ Isaka hwɛɛ namɛ igbɛɛ-woshi-ni-bɛ-cenje-na-akpakwụ-eyebi (54,400).
30Atwa ụlamụ Zɛbulon, a na shɛ awaŋnɛ amwamwa nhwaŋ me eshi aba a na shɛ etwenyi elele na shiywa sha aba shi tuwo woshi i zhɛ geri-be-eshe anaa na waŋnɛ ujasa tɛnda: 31Ufwugwo ụlamụ Zɛbulon hwɛɛ, namɛ igbɛɛ-woshi-ni-bɛ-tindɛtu-na-akpakwụ-ecenje (57,400).
32Atwa ụlamụ Ifrem, a na shɛ awaŋnɛ amwamwa nhwaŋ me eshi aba a na shɛ etwenyi elele na shiywa sha aba shi tuwo woshi i zhɛ geri-be-eshe anaa na waŋnɛ ujasa tɛnda: 33Ufwugwo ụlamụ Ifrem hwɛɛ namɛ igbɛɛ-woshi-na-akpakwụ-eyebi-ni-dipi-yebi (40,500).
34Atwa ụlamụ Manasɛ, a na shɛ awaŋnɛ amwamwa nhwaŋ me eshi aba a na shɛ etwenyi elele na shiywa sha aba shi tuwo woshi i zhɛ geri-be-eshe anaa na waŋnɛ ujasa tɛnda: 35Ufwugwo ụlamụ Manasɛ hwɛɛ namɛ igbɛɛ-umpwa-ni-bɛ-cihiŋ-nu-kpakwụ-uko (32,200).
36Atwa ụlamụ Bɛnjamin, a na shɛ awaŋnɛ amwamwa nhwaŋ me eshi aba a na shɛ etwenyi elele na shiywa sha aba shi tuwo woshi i zhɛ geri-be-eshe anaa na waŋnɛ ujasa tɛnda: 37Ufwugwo ụlamụ Bɛnjamin hwɛɛ namɛ igbɛɛ-umpwa-ni-bɛ-cenje-na-akpakwụ-ecenje (35,400).
38Atwa ụlamụ Dan, a na shɛ awaŋnɛ amwamwa nhwaŋ me eshi aba a na shɛ etwenyi elele na shiywa sha aba shi tuwo woshi i zhɛ geri-be-eshe anaa na waŋnɛ ujasa tɛnda: 39Ufwugwo ụlamụ Dan hwɛɛ namɛ igbɛɛ-talacɛ-nu-boo-ko-na-akpakwụ-atatụ-ni-dipi-yebi (62,700).
40Atwa ụlamụ Ashɛ, a na shɛ awaŋnɛ amwamwa nhwaŋ me eshi aba a na shɛ etwenyi elele na shiywa sha aba shi tuwo woshi i zhɛ geri-be-eshe anaa na waŋnɛ ujasa tɛnda: 41Ufwugwo ụlamụ Ashɛ hwɛɛ namɛ igbɛɛ-woshi-na-akpakwụ-ecenje-ni-dipi-yebi (41,500).
42Atwa ụlamụ Naftali, a na shɛ awaŋnɛ amwamwa nhwaŋ me eshi aba a na shɛ etwenyi elele na shiywa sha aba shi tuwo woshi i zhɛ geri-be-eshe anaa na waŋnɛ ujasa tɛnda: 43Ufwugwo ụlamụ Naftali hwɛɛ namɛ igbɛɛ-woshi-ni-bɛ-cihiŋ-na-akpakwụ-ecenje (53,400).
44Atwa ga aba shɛ ehwurembe alamụ Isrɛl umpwa-na-ba-eyebi, a na go Moses, na Aron suji ee medenji atwa aba timbiyono na tɛrɛcɛ ta ata. Bụtụ bụtụ shɛ ụtarụtụ ihwɛ bishi bwa. 45Ufwugwo wa atwa Isrɛl te kwune na atwa elele na waŋnɛ ujasa tɛnda.#1:45 ufwugwo wa atwa Isrɛl: tu ko abayiburu oko hiɛŋ, atwa Jekob. Te Isrɛl ibɛ Agwatana po bu tobwolo bi 'yagawa izeci te Jekob. Hwɛɛ gana na tu nhwaŋ me eshi aba mu namɛ, 46Ufwugwo wa aba hwɛɛ namɛ igbɛɛ-akpakwụ-atatụ-ni-bɛyebi-na-akpakwụ-ecenje-ni-dipi-tɛtu (603,550).
Iwɛ Alivai Na
47A rɛcɛ shɛ ụlamụ wa Alivai na ashashɛ alamụ vwɛ o. 48AGWANGWAMA hiɛŋ Moses, 49Ta rɛta ụlamụ wa Alivai, na aka na aba rɛta atwa na waŋnɛ ujasa tɛnda na alamụ atwa Isrɛl vwɛ o. 50Ama ga shɛ Alivai ebi teri iwɛ udulo tu'ulwatagwụ, ti iwɛ i'wɛŋni'wɛŋni ibwɛ hwɛɛ. Aba shɛ a na 'waŋna uŋ, ti i'wɛŋnɛ ibwɛ hwɛɛ. Aba shɛ o no tono nu bwa maa a na nda ugondu. Aba shɛ a gɛgaga to rungwutwonu uŋ. 51Aka elele na ehi mwo tahaŋnụ, Alivai aba zhɛ o kwungwulo uŋ. Aka elele na ehi ci ofwo na maa hi zokwu, Alivai aba zhɛ e shikicingo uŋ. Binya bụtụ be elele na zhajɛ maa gwumwongonu nu bwa, ga kwụnɛ bụ. 52Ga atwa Isrɛl vwɛ shikecenji shidulo sha aba bụtụ bụtụ nu ugba ubwa, bụtụ bụtụ ga nama na atwa ubwa no ofwo igɛrigɛ ibwɛ. 53Ama ga shɛ Alivai kiri jwe ugba wa aba to gwumwongonu udulo ata u tiseyida, maa a na ngbaraka uŋ maa kede bụtụ be elele gwumwongonu nu bwa o, iwɛ maa kede isɛbwɛ mi ubi tu'ulwatagwụ ta atwa Isrɛl hwɛɛ o.#Tɛrɛ 3:5-8,21-37; 4:1-33; 18:3,4,23 54Atwa Isrɛl njɛ ga gana na ta AGWANGWAMA peni Moses unu hwɛɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008